[جاڭا يدەيا جاڭا جورىققا جەتەكشىلىك ەتەدى] مۇگەدەكتەردى قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسى كەمەلدەندىرىلىپ، مۇگەدەكتەر ىستەرىنىڭ جاپپاي دامۋى جەبەلدى

 

 

ءوز حابارىمىز. 5-ايدىڭ 19-كۇنى 34-رەتكى مۇگەدەكتەرگە كومەكتەسۋ مەملەكەتتىك كۇنى. باس شۋجي شي جينپيڭ بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر مۇگەدەكتەر ىسىنە وسكەلەڭ ءمان بەرىپ، مۇگەدەكتەر ءىسىن ىلگەرىلەتۋدى ءوز جاۋاپكەرشىلىگى ساناپ، ءتۇرلى قۇرىلىس ىستەرىندە مۇگەدەكتەر ءىسىن سونىڭ ىشىنە ەنگىزىپ، مۇگەدەكتەردىڭ ۇقىق-مۇددەسىن قامتاماسىزداندىرۋ ءتۇزىمىن ۇزدىكسىز كەمەلدەندىرۋ كەرەك.

 سوڭعى جىلداردان بەرى، ەلىمىز مۇگەدەكتەردى ەڭ تومەنگى شەكتەن تۇسىرمەي قامتاماسىزداندىرۋ، كاسىپتەندىرۋ، ساۋىقتىرۋ سياقتى جاقتارعا ۇزدىكسىز كۇش سالىپ، مۇگەدەكتەردىڭ تۇرمىس ورەسىن ۇزدىكسىز جوعارىلاتىپ، كوپ ساتىلى قوعامدىق قامتاماسىزداندىرۋ جۇيەسىن بىرتىندەپ كەمەلدەندىرىپ، مۇگەدەكتەر ىستەرىنىڭ جاپپاي دامۋىن جەبەدى.

 

 جاز باسى، حىبەي ولكەسى تاڭشان قالالىق پاراليچ ناۋقاستار ساناتورياسىنىڭ قيمىل بولمەسىنەن تامىلجىعان ءان اۋەنى ەستىلدى. ءان ايتىپ جاتقانداردىڭ كوپ ءبولىمى كەزىندەگى تاڭشانداعى جەر سىلكىنىسىندە امان قالعاندار. تاڭشان قالالىق پاراليچ ناۋقاستار ساناتورياسىنىڭ باستىعى ياڭ جىنشىڭ بىلاي دەدى: ساناتوريامىز پاراليچ ناۋقاستاردىڭ ءوز ءۇيى سياقتى، ەمدەۋ قىزمەتكەرلەرى ەمدەۋ، كۇتىمدەۋ جانە قىزمەت وتەۋ دەڭگەيىن كۇش سالا جوعارىلاتتى، سونىمەن بىرگە، پسيحولوگيالىق كەڭەس بەرۋ بولمەسى سياقتى قيمىل بولمەسىن ورنالاستىرىپ، ولاردى وزدەرىنىڭ شاعىن اۋەسىن جەتىلدىرۋگە شابىتتاندىردى.

2016-جىلى 7-ايدا باس شۋجي شي جينپيڭ تاڭشان قالالىق پاراليچ ناۋقاستار ساناتورياسىنداعى پاراليچ بولعان جارالىلارعا امانداسا باردى. باس شۋجيدىڭ تەرەڭ سۇيىسپەنشىلىككە تولى سوزدەرى مۇگەدەكتەردى جىگەرلەندىردى. 

 

 شي جينپيڭ بىلاي دەدى: ءتورت مۇشەسى ساۋ ادامدار تاماشا ءومىر سۇرە الادى، مۇگەدەكتەر دە تاماشا ءومىر سۇرە الادى. سىزدەردىڭ ءىس جۇزىندىك ارەكەتتەرىڭىز ارقىلى ءومىردىڭ نۇر-شۇعىلاسىن ۇزدىكسىز تاسقىنداتىپ، تاماشا ءومىر سۇرۋلەرىڭىزدى ءۇمىت ەتەمىن.

 

 باس شۋجي شي جينپيڭ مۇگەدەكتەر سىندى ەرەكشە قيىنشىلىعى بار قاۋىمدى قاي-قاشان دا كوكەيىندە ساقتاپ، ەسىنەن شىعارماي، مۇگەدەكتەرگە تالاي رەت امانداسا بارىپ، ولاردان حال سۇراپ، مۇگەدەكتەردىڭ ءوزىن الۋەتتەندىرۋ، كۇرەس جاساۋ رۋحىن القاپ، قالىڭ مۇگەدەكتەردى تۇرمىستىڭ سىن-سايىسىن باتىلدىقپەن قارسى الۋعا، ءومىر ارمانىن قۇلشىنا جۇزەگە اسىرۋعا شابىتتاندىردى.

 مۇگەدەكتەرگە جۇمىسقا ورنالاسۋ، شارۋاشىلىق جاراتۋ ساحناسىن ازىرلەۋ ولاردىڭ كىرىسىن ارتتىرۋىنا، قوعاممەن توعىسۋىنا، ءومىر قۇنى مەن ارمانىن جۇزەگە اسىرۋىنا كومەكتەسۋدىڭ ماڭىزدى جولى. جىجياڭ ولكەسى حۋجوۋ قالاسى چاڭشيڭ اۋدانىنداعى «رۇڭشيڭ مۇگەدەكتەر ۇيىندە» اياعى مۇگەدەك مىڭ فىڭچىڭ 20 نەشە جۇمىسشىمەن بىرگە ماي قالام قۇراستىرۋدا. ءار ايداعى تاپقان تابىسى وعان بولاشاقتىڭ نۇرلى ەكەندىگىن سەزىندىردى.

 

 مىڭ فىڭچىڭ بىلاي دەدى: قازىر بۇل اراعا كەلگەن جۇمىسشىلار وتە كوپ، ءبىز دە وزىمىزگە سەنىمدىمىز.

 

 مۇگەدەكتەردى شوعىرلى ورنالاستىرۋ سەحىندا مۇگەدەكتەر قاجىرلى ەڭبەگى مەن ماڭداي تەرى ارقىلى كۇرەس ناتيجەلەرىنىڭ جەمىسىن كوردى؛ سالىستىرما بويىنشا جۇمىسقا ورنالاسقان كاسىپورىنداردا مۇگەدەكتەر ساۋ ادامدارمەن بىرگە باتىلدىقپەن ارمانعا قۇلاش سەرمەدى... 2023-جىلدىڭ سوڭىنا دەيىن، بۇكىل ەل بويىنشا قالا-اۋىلداعى كۋالىك بەرىلگەن مۇگەدەكتەردەن كاسىپتەنگەندەر سانى 9 ميلليون 61 مىڭ ادامعا جەتتى. عىلىم-تەحنيكادا جاڭالىق اشۋدان جاڭا كاسىپ سالاسى، جاڭا ۇلگى، جاڭا قوزعاۋشى كۇش تۋىنداپ، كوپتەگەن جاڭا كاسىپتەردىڭ جارىققا شىعۋىنا بايلانىستى، مۇگەدەكتەردىڭ كاسىپتەنۋ كولەمى دە ونان ارى كەڭەيدى. لياۋنيڭ ولكەسى انشان قالالىق مۇگەدەكتەرگە قىزمەت وتەۋ ورتالىعىنىڭ مەڭگەرۋشىسى جۋ جىنفىڭ بىلاي دەدى: ءبىز ەلەكتروندى ساۋدا تىكە تاراتىلىمى جانە كەسكىن قۇراستىرۋ سياقتى ەرەكشە ونەرگە باۋلۋ كۋرستارىن اشىپ، بۇكىل قالادا جۇمىس ورنىن كەڭەيتىپ، جۇمىسقا ورنالاستىرۋدى جەبەۋ قيمىلىن ورىستەتىپ، مۇگەدەكتەرگە جاڭا جۇمىس ورنىن ازىرلەپ، كىرىستى ارتتىرۋ ارناسىن اشتىق.

 حالىق تۇرمىسىنىڭ تومەنگى شەگى مىقتى يگەرىلىپ، ەلىمىزدە مۇگەدەكتەردىڭ نەگىزگى حالىق تۇرمىسىن قامتاماسىزداندىرۋ تورى بەكەمدەلە ءتۇستى. ەلىمىز 20 ميلليوننان استام مۇگەدەككە يگىلىك جەتكىزەتىن قيىنشىلىعى بار مۇگەدەكتەرگە تۇرمىستىق قوسىمشا قاراجات بەرۋ، اۋىر مۇگەدەكتەردى كۇتىمدەۋ قوسىمشا قاراجاتىن بەرۋ سياقتى ارناۋلى قامتاماسىزداندىرۋ ءتۇزىمىن ورناتتى. شانشي ولكەسى بيىل 1-ايدىڭ 1-كۇنىنەن باستاپ قيىنشىلىعى بار مۇگەدەكتەرگە بەرىلەتىن تۇرمىستىق قوسىمشا قاراجات ولشەمىن جوعارىلاتتى. شانشي ولكەلىك مۇگەدەكتەر بىرلەستىگى ۇگىت، مادەنيەت، دەنە تاربيە ءبولىمىنىڭ مەڭگەرۋشىسى ۋاڭ چىڭ بىلاي دەدى: نەگىزگى تۇرمىستىق كومەكتەسۋدى، ارناۋلى قوعامدىق كومەكتەسۋدى، شۇعىل قوعامدىق كومەكتەسۋدى نەگىزگى تۇلعا، قوعامدىق كۇشتەردىڭ ات سالىسۋىن تولىقتاۋشى ەتكەن ساتىعا، تۇرگە ءبولىپ قوعامدىق كومەكتەسۋ جۇيەسى اقاۋسىزداندىرىلىپ، مۇگەدەكتەردىڭ حالىق تۇرمىسىن قامتاماسىزداندىرۋدىڭ تومەنگى شەگىن شىنايى مىقتى يگەرۋگە، ءدال مەڭگەرۋگە، بەكەمدەۋگە كۇش سالىندى.

 

 عىلىم-تەحنيكادان پايدالانىپ، كوركەمدىكتەن بىرگە يگىلىكتەندى. كەزەكتە جاساندى قۇلاق ۇلۋى، زەيىندى سىرتقى قاڭقا قۇلتەمىرى، زەيىندى دىبىس جەتكىزۋ جانە ەكراندى وقۋ تەحنيكاسى، نەرۆتى تىزگىندەۋ، ساۋىقتىرۋ قوندىرعىسى قاتارلى ءبىر توپ عىلمي زەرتتەۋ جەتىستىكتەرى مۇگەدەكتەردىڭ ساۋىعۋىن جەبەۋدە ماڭىزدى رول اتقارۋدا. يۇننان ولكەلىك مۇگەدەكتەر بىرلەستىگىنىڭ باس القاسى شۇي شاۋۋىن بىلاي دەدى: جاساندى قۇلاق ۇلۋى وپەراتسياسىن جاساتقاننان كەيىن، ەستۋ قۋاتى شەكتەۋلى بالالار سىرتقى دۇنيەمەن تىلدەسىپ، قارىم-قاتىناس جاساي الادى.

 عىلىم-تەحنيكا كۇشىنەن پايدالانىلىپ، جەر-جەردىڭ ساۋىقتىرۋ قىزمەت وتەۋى بارعان سايىن دالمە-ءدال، جوعارى ءونىمدى بولدى. 2021-جىلدان 2024-جىلى 4-ايدىڭ سوڭىنا دەيىن بۇكىل ەل بويىنشا 27 ميلليون 697 مىڭ 600 ادام-رەت مۇگەدەكتەر نەگىزگى ساۋىقتىرۋ قىزمەت وتەۋىنە يە بولىپ، مۇگەدەكتەردى نەگىزگى ساۋىقتىرۋ قىزمەت وتەۋىمەن قامداۋدىڭ جالپىلاسۋ مولشەرى %85 تەن جوعارى بولدى. جۇڭگو مۇگەدەكتەر بىرلەستىگى جوسپار-قازىنا ءبولىمىنىڭ ورىنباسار مەڭگەرۋشىسى ليۋ ليجۇن بىلاي دەدى: جۇڭگو مۇگەدەكتەر بىرلەستىگى مۇگەدەكتەرگە عىلىم-تەحنيكا ارقىلى كومەكتەسۋ قىزمەتىنىڭ جوعارى دەڭگەيلى جوباسىن كۇش سالا كەمەلدەندىرىپ، مۇگەدەكتەرگە كومەكتەسەتىن عىلىم-تەحنيكا جەتىستىكتەرىنىڭ كادەگە جاراۋىن، قولدانىلۋىن ىلگەرىلەتەدى.