«شي جينپيڭنىڭ مەملەكەتتىڭ ەنەرگيا حاۋىپسىزدىگى جونىندەگى بايىمداۋلارىنان ۇزىندىلەر» اتتى كىتاپ باسپادان شىعىپ تاراتىلدى

ءوز حابارىمىز. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭنىڭ مەملەكەتتىڭ ەنەرگيا حاۋىپسىزدىگى جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق قۇجاتتار باسپاسىنان باسىلىپ شىعىپ، بۇكىل ەلدە تاراتىلدى.

ەنەرگيا حاۋىپسىزدىگى ەكونوميكالىق، قوعامدىق دامۋدىڭ جالپى جاعدايىنا سايادى. پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتىڭ دامۋى مەن حاۋىپسىزدىگى سىندى ستراتەگيالىق تۇرعىدان ەنەرگيا جالپى جاعدايىنا ۇيلەسەتىن جول قاراستىرىپ، ەنەرگيا حاۋىپسىزدىگىنىڭ جاڭا ستراتەگياسىن العا قويىپ، ەنەرگيا تۇتىنۋ توڭكەرىسىن، ەنەرگيامەن قامداۋ توڭكەرىسىن، ەنەرگيا تەحنيكاسى توڭكەرىسىن، ەنەرگيا ءتۇزىلىسى توڭكەرىسىن ىلگەرىلەتىپ، حالىقارالىق سەلبەستىكتى جان-جاقتى كۇشەيتىپ، ەلىمىزدىڭ جاڭاشا ەنەرگيا جۇيەسىن جەدەل ورناتىپ، ەنەرگيامەن قامتاماسىز ەتۋ نەگىزىن ۇزدىكسىز بەكەمدەپ، ەكونوميكالىق، قوعامدىق دامۋعا پارمەندى تىرەك ازىرلەپ، دۇنيە ءجۇزىنىڭ ەنەرگيا حاۋىپسىزدىگى مەن ەنەرگيا دامۋىنىڭ تيپىن وزگەرتۋگە جۇڭگونىڭ اقىل-پاراساتى مەن جۇڭگونىڭ كۇش-قۋاتىن ارنادى. شي جينپيڭ جولداستىڭ مەملەكەتتىڭ ەنەرگيا حاۋىپسىزدىگىن ارقاۋ ەتە وتىرىپ جاريالاعان ءبىر قىدىرۋ ماڭىزدى بايىمداۋلارىنىڭ ماقساتى اسقاق، مازمۇنى باي، يدەياسى تەرەڭ بولىپ، جاڭا ءداۋىر، جاڭا جورىقتا جاڭا ەنەرگيانى دامىتۋ مەن مەملەكەتتىڭ ەنەرگيا حاۋىپسىزدىگىن ءبىر تۇتاس ويداعىداي جوسپارلاپ، ەنەرگيا توڭكەرىسىن ىشكەرىلەي ىلگەرىلەتىپ، ەنەرگيا جاعىندا قۇدىرەتتى ەل قۇرۋدى جەدەلدەتىپ، جۇڭگو ۇلگىسىندەگى وسىزامانداندىرۋ قۇرىلىسىن حاۋىپسىز، سەنىمدى ەنەرگيامەن قامتاماسىزداندىرۋدا توتەنشە كەلەلى ماڭىز الادى.

«بايىمداۋلاردان ۇزىندىلەر» 8 ارناۋلى تاقىرىپقا بولىنگەن، جالپى 217 بايىمداۋ بار، بۇلار شي جينپيڭ جولداستىڭ 2012-جىلى 11-ايدان 2024-جىلى 5-ايعا دەيىنگى مەزگىلدەگى بايانداماسى، ءسوزى، لەكسياسى، اڭگىمەسى، قۇتتىقتاۋ حاتى، جاۋاپ حاتى، نۇسقاۋى، بەكىتۋى سياقتى 130 نەشە ماڭىزدى قۇجاتتان الىنعان. مۇنىڭ ىشىندە ءبىر ءبولىم بايىمداۋلار تۇڭعىش رەت جاريالانىپ وتىر.