شي جينپيڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 24-رەتكى ماجىلىسىنە قاتىناستى

ءوز حابارىمىز. مەملەكەت ءتوراعاسى شي جينپيڭ جەرلىك ۋاقىت 7-ايدىڭ 4-كۇنى تۇستەن بۇرىن قازاقستاننىڭ استانا تاۋەلسىزدىك سارايىندا شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 24-ماجىلىسىنە قاتىناستى. 

شاڭحاي سەلبەستىك ۇيىمىنا كەزەكتى ءتوراعا ەل قازاقستاننىڭ زۇڭتۇڭى توقايەۆ ءماجىلىستى باسقاردى، شاڭحاي سەلبەستىك ۇيىمىنا مۇشە ەلدەردەن بەلورۋسسيانىڭ زۇڭتۇڭى لۋكاشەنكو، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى شاباز، رەسەيدىڭ زۇڭتۇڭى پۋتين، تاجىكستاننىڭ زۇڭتۇڭى راحمان، وزبەكستاننىڭ زۇڭتۇڭى ميرزيويەۆ، يراننىڭ ۋاقىتتىق زۇڭتۇڭى مۇحابەر جانە ينديانىڭ ۋاكىلى، سونداي-اق شاڭحاي سەلبەستىك ۇيىمىنىڭ باس حاتشىسى قاتارلىلار قاتىناستى. 

 

شي جينپيڭ شاڭحاي سەلبەستىك ۇيىمىنا مۇشە ەلدەردىڭ باسشىلارىمەن توپتىق سۋرەتكە ءتۇستى، وسىدان كەيىن مەملەكەت باسشىلارى القالار كەڭەسىنىڭ ماجىلىسىنە قاتىناستى. 

شي جينپيڭ سوزىندە قازاقستاننىڭ كەزەكتى ءتوراعا ەل مىندەتىن وتەگەن كەزىندە شاڭحاي سەلبەستىك ۇيىمىنىڭ جۇمىس مەحانيزمىن كەمەلدەندىرۋدى ىلگەرىلەتۋ، ءار سالاداعى سەلبەستىكتى تەرەڭدەتۋ ءۇشىن بەلسەندى قۇلشىنىس جاساعاندىعىن جانە ماڭىزدى ۇلەس قوسقانىن جوعارى باعالادى، بەلورۋسسيانىڭ تۇڭعىش رەت مۇشە ەل رەتىندە شاڭحاي سەلبەستىك ۇيىمىنىڭ باسشىلارى القالار كەڭەسىنە قاتىناسۋىن قارسى الاتىندىعىن ايتتى. 

 

شي جينپيڭ بىلاي دەپ انىق ايتتى: شاڭحاي سەلبەستىك ۇيىمى عاسىر توعىسىندا، سول كەزدەگى قىرعي قاباقتىق سوعىستان قالعان قاراما-قارسىلىق پەن بولەكتەنۋدى ءالى دە بىرىكتىرۋگە تۋرا كەلەتىن كەزدە قۇرىلدى. بۇل ۇيىمدى قۇرۋشى مۇشەلەر تاريحي تالعام جاساپ، بەيبىت دامۋعا تالپىنىپ، تاتۋ كورشىلىك دوستىققا كۇش سالىپ، جاڭاشا حالىقارالىق قاتىناس ورناتتى، «شاڭحاي رۋحى» مۇشە ەلدەردىڭ ورتاق قۇن ولشەمى مەن ارەكەت باعىتىنا اينالدى. شاڭحاي سەلبەستىك ۇيىمى قۇرىلعان 23 جىلدان كەيىن، مۇشە ەلدەر 10 عا كوبەيىپ، «شاڭحاي سەلبەستىك ۇيىمى ۇلى شاڭىراعى 3 قۇرلىقتاعى 26 مەملەكەتتى قامتىپ، سەرىكتەستەرى بارعان سايىن كوبەيىپ، سەلبەستىك نەگىزى اناعۇرلىم بەكەمدەلدى. قازىر دۇنيە جۇزىندە 100 جىلدا بولماعان وزگەرىس جەدەلدەپ، ادامزات قوعامى تاعى ءبىر رەت تاريحتىڭ ءتورت كوشەسىنە تىرەلدى. شاڭحاي سەلبەستىك ۇيىمىنىڭ تاريحتىڭ دۇرىس جاعىندا، تەڭدىك، ادىلدىك جاعىندا تۇرۋى دۇنيە ءجۇزى جونىنەن توتەنشە ماڭىزدى. 

 

قىرعي قاباقتىق وي جەلىسى ناقتى قاتەرىنە قاراتا، ءبىز حاۋىپسىزدىكتىڭ تومەنگى شەگىن ساقتاۋىمىز كەرەك. ورتاق، جالپىلىق، سەلبەستىك، باياندى حاۋىپسىزدىك كوزقاراسىن امالياتتا ايگىلەۋگە تاباندى بولىپ، سۇحباتتاسۋ مەن سەلبەسۋ ارقىلى كۇردەلى دە توعىسقان حاۋىپسىزدىك سىن-سايىستارعا توتەپ بەرىپ، تەرەڭ قاتپارلى تەڭشەلگەن حالىقارالىق جاعدايعا ورتاق يگىلىكتەنۋ وي جەلىسى ارقىلى توتەپ بەرىپ، باياندى، بەيبىت، جالپى بەتتىك حاۋىپسىز دۇنيە ءجۇزىن بىرلىكتە قۇرۋىمىز كەرەك. 

 

«شاعىن اۋلا، بيىك داۋال» سىندى رەال حاۋىپ-قاتەرىنە قاراتا، ءبىز دامۋ ۇقىعىن قورعاۋىمىز كەرەك. كەڭ پەيىل بولۋعا تاباندى بولىپ، عىلىم-تەحنيكادا جاڭالىق جاراتۋدى بىرلەسە ىلگەرىلەتىپ، كاسىپ تىزبەگىمەن قامداۋ تىزبەگىنىڭ ورنىقتى، ىركىلىسسىز بولۋىن قورعاپ، وڭىرلىك ەكونوميكانىڭ ىشكى قوزعاۋشى كۇشىن تاسقىنداتىپ، بىرلىكتە دامۋ نىساناسىن جۇزەگە اسىرۋدى ىلگەرىلەتۋىمىز كەرەك. 

 

كيلىگۋ، جىكتەلۋ رەال سايىسىنا قاراتا، ءبىز ىنتىماق كۇشىن بەكەمدەۋىمىز كەرەك. سىرتتىڭ كيلىگۋىنە قول ۇستاسا قارسى تۇرىپ، ءوزارا باتىل قولداۋ كورسەتىپ، ءوزارا كوڭىل ءبولىپ وتىرعان ماسەلەلەردە قامقورلىق جاساپ، ىشكى الاۋىزدىقتاردى تاتۋلىق ارقىلى ءبىر جاقتى ەتىپ، ەكى جاقتى توعىستىرىپ، سەلبەستىكتەگى قيىن ماسەلەلەردى شەشىپ، ءوز ەلدەرىمىزدىڭ بولاشاعى مەن تاعدىرىن، ءوڭىردىڭ بەيبىت دامۋىنىڭ تىزگىنىن ءوز قولىمىزدا بەرىك ۇستاۋىمىز كەرەك. 

 

شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمىنىڭ حالىقارالىق جاعدايداعى الماعايىپ وزگەرىستەردىڭ سىنىنا توتەپ بەرە الۋىنىڭ قاينارى ءبىزدىڭ باستان-اياق ىنتىماقتاسا سەلبەسەتىن تاڭداۋلى داستۇرگە، تەڭ تۇرعىدا ءوزارا تيىمدىلىك جەتكىزەتىن سەلبەستىك جولىنا، تەڭدىك-ادىلدىك قۇن تالپىنىسىنا، سيىسىمدى، ءوزارا ۇلگى الاتىن دارقان پەيىلگە تاباندى بولعاندىعىمىزدا. ءبىز اۋەلگى ماقساتتان اينىماي، «شاڭحاي رۋحى» تۋىن ۇزدىكسىز بيىك ۇستاپ، ءوزارا قارايلاسىپ، ءبىر-بىرىمىزگە قول ۇشىن بەرىپ، شاڭحاي سەلبەستىك ۇيىمىنىڭ دامۋ بەتالىسىن ورتاق كۇش سالا ورنىقتىرىپ، وسى ۇيىمدى مۇشە ەلدەردىڭ بىرلىكتە كوركەيىپ-گۇلدەنۋىنىڭ سەنىمدى سۇيەنىشى ەتۋىمىز كەرەك. 

 

ماجىلىسكە قاتىناسقان مۇشە ەلدەردىڭ باسشىلارى شاڭحاي سەلبەستىك ۇيىمىنىڭ وڭىرلىك بەيبىتشىلىك پەن حاۋىپسىزدىكتى قورعاۋدا اتقارعان سىندارلى رولىنا بەلسەندى باعا بەرىپ، ساۋدا، قاتىناس، ەنەرگيا، فينانس، اۋىل شارۋاشىلىعى، سيفرلى ەكونوميكا، عىلىم-تەحنيكادا جاڭالىق جاراتۋ سياقتى سالالارداعى سەلبەستىكتى، وقۋ-اعارتۋ، مادەنيەت، ساياحات، جاستار سياقتى سالالارداعى گۋمانيتارلىق اۋىس-كۇيىس، سەلبەستىكتى اناعۇرلىم كۇشەيتۋگە كۇش سالاتىندىقتارىن ءبىلدىردى. باسشىلار بىلاي دەپ قارادى: قازىر دۇنيە ءجۇزىنىڭ ساياسي، ەكونوميكالىق جاعدايى جانە حالىقارالىق قاتىناسى كەلەلى وزگەرىستەردى باستان كەشىرۋدە، ب م ۇ وزەكتى سايكەستىرۋ رولىن ساۋلەلەندىرىپ، اناعۇرلىم ۋاكىلدىك سيپاتقا يە، اناعۇرلىم دەموكراتيالى، ءادىل كوپ ۇيەكتى دۇنيە جۇيەسىن قۇرۋدى ىلگەرىلەتىپ، جالپىعا ءتيىمدى، سيىسىمدى ەكونوميكانىڭ الەميلەنۋىن جەبەۋى، ءار ەلدىڭ حاۋىپسىزدىككە كوڭىل بولەتىن ۇيلەسىمدى ماسەلەلەرىنە قۇرمەت ەتىپ، مەملەكەتتەر اراسىنداعى الاۋىزدىق پەن داۋ-شاردى بەيبىت تاسىلمەن شەشۋگە كۇش سالىپ، سىڭار جاقتى جازالاۋعا، باسقا ەلدىڭ ىشكى ىسىنە كيلىگۋگە قارسى تۇرۋى كەرەك. باسشىلار شاڭحاي سەلبەستىك ۇيىمىنىڭ حاۋىپسىزدىككە تونگەن قاتەرلەرگە جانە سىن-سايىستاعا توتەپ بەرۋ مەحانيزمىن كەمەلدەندىرىپ، «ءۇش ءتۇرلى كەرى كۇشكە»، ەسىرتكى ساتۋعا جانە ەل ارالىق ۇيىمدىق قىلمىستارعا باتىل سوققى بەرۋگە، حالىقارالىق قوعامنىڭ افعانستاننىڭ بەيبىتشىلىگىن، دامۋىن جۇزەگە اسىرۋ جولىنداعى قۇلشىنىستارىن قولداۋعا، «ەكى ەل جوباسى» ارقىلى، پالەستين ماسەلەسىن جالپى بەتتىك ءادىل شەشۋگە قوسىلدى. 

 

مۇشە ەلدەردىڭ باسشىلارى «شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ استانا جارناماسىنا» قول قويىپ جانە جاريالاپ، شاڭحاي سەلبەستىك ۇيىمىنىڭ ءار ەلدىڭ ىنتىماقتاسىپ، دۇنيە ءجۇزىنىڭ ادىلدىگىن، تاتۋلىعىن، دامۋىن ورتاق جەبەۋ جونىندەگى دارىپتەمەسىن، شاڭحاي سەلبەستىك ۇيىمىنىڭ جۇمىس مەحانيزمىن كەمەلدەندىرۋ جونىندەگى ۇسىنىستى بەكىتتى. تاتۋ كورشىلىك ءوزارا سەنىمدىلىك جانە سەرىكتەستىك قاتىناس پرينسيپى جونىندەگى مالىمدەمەنى، سونداي-اق ەنەرگيا، قارجى قوسۋ، ينفورماتسيا حاۋىپسىزدىگى سياقتى سالالارداعى سەلبەستىككە ساياتىن ءبىرقىدىرۋ قاۋلىلاردى جاريالادى. 

 

ماجىلىستە بەلورۋسسيانىڭ شاڭحاي سەلبەستىك ۇيىمىنا كىرۋى رەسمي بەكىتىلدى، جۇڭگونىڭ 2024-جىلدان 2025-جىلعا دەيىن شاڭحاي سەلبەستىك ۇيىمىنا كەزەكتى ءتوراعا ەل بولۋى ۇيعارىلدى. 

 

ساي چي، ۋاڭ ي قاتارلىلار جوعارىداعى قيمىلدارعا قاتىناستى.