«كوكەيگە قونىمدى سوزدەر — شي جينپيڭ ۇناتاتىن كلاسسيك ناقىلداردىڭ» 3-ءبولىمىنىڭ (تاجىك تىلىندەگى نۇسقاسى) تاجىكستاننىڭ نەگىزگى مەديالارىندا تاراتىلدى 

ءوز حابارىمىز. جۇڭگونىڭ مەملەكەت ءتوراعاسى شي جينپيڭنىڭ تاجىكستاندا مەملەكەتتىك ساپاردا بولۋى بايلانىسىمەن، جۇڭگو ورتالىق راديو-تەلەۆيزيا باس ستانسياسى جاساعان «شي جينپيڭ ۇناتاتىن كوكەيگە قونىمدى كلاسسيك ناقىلداردىڭ» 3-ءبولىمىنىڭ (تاجىك تىلىندەگى نۇسقاسىن) جاريالاۋ سالتى جەرگىلىكتى ۋاقىت 7-ايدىڭ 5-كۇنى دۋشانبە قالاسىندا وتكىزىلدى. پروگرامما سول كۇننەن باستاپ تاجىكستاننىڭ «حابار» مەملەكەتتىك اقپارات اگەنتتىگى، «زاحۇڭنامو» مەملەكەتتىك تەلەۆيزياسى، «سافينا» مەملەكەتتىك تەلەۆيزياسى قاتارلى تاجىكستاننىڭ نەگىزگى مەديالارىنىڭ تەكشەلەرىندە جەلىگە شىعارىلدى.

«شي جينپيڭ ۇناتاتىن كوكەيگە قونىمدى كلاسسيك ناقىلداردىڭ» 3-ءبولىمىنىڭ (تاجىك تىلىندەگى نۇسقاسىندا) حالىقتى بارىنەن جوعارى قويۋ، بىرگە اۋقاتتانۋ، ەكولوگيانى قورعاۋ، مادەنيەتتى جالعاستىرۋ، وركەنيەتتەردىڭ الۋان تۇرلىلىگى سياقتى نەگىزگى تاقىرىپتارعا نازار شوعىرلاندىرىلىپ، ءتوراعا شي جينپيڭنىڭ سويلەگەن سوزدەرىنىڭ اۋەلگى ءۇنى مەن ەرتە زاماننان قازىرگە دەيىنگى كلاسسيكالىق شىعارمالاردان سيتات تاڭداپ الىندى. جۇڭحۋانىڭ باي مازمۇندى ءداستۇرلى مادەنيەتىندە قامتىلعان جاڭا ءداۋىردىڭ ءمانى مەن جاھاندانۋ قۇنى سارالانىپ ءتۇسىندىرىلدى. پروگراممادا ءتوراعا شي جينپيڭنىڭ ەلەۋلى ساياسي اقىل پاراساتى مەن تەرەڭ تاريحي مادەنيەت مايەگى ايگىلەنىپ، جۇڭگو باسشىلارىنىڭ ەل باسقارۋ يدەياسىن تاجىكستان حالقىنىڭ تۇسىنۋىنە تەرەزە اشىلدى.

تاجىكستاننىڭ ەڭ ىقپالدى گازەتى بولعان «حالىق گازەتىندە» 7-ايدىڭ 5-كۇنى وسى پروگراممانىڭ تاراتىلعان حابارى جاريالاندى.ازيا-ەۆروپا ءوڭىرى مەن دۇنيە جۇزىندەگى 100 گە جۋىق نەگىزگى اقپارات قۇرالى پروگراممانىڭ تاراتىلعاندىعىن حابارلادى.