ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

پاريج وليمپياداسىنىڭ 3- جارىس كۇنى

来源:央广网     |责编:达吾力别克|     发布日期: 2024-07-30 16:28

 

【پاريج. ارمانعا قانات قاعۋ】پاريج وليمپياداسىنىڭ 3- جارىس كۇنى جۇڭگو سپورت ساڭلاقتارى 2 التىن مەدال، 4 كۇمىس مەدال ەنشىلەدى

 

ءوز  حابارىمىز:  پاريج وليمپياداسى باستالعاننان بەرگى 3- جارىس كۇنى بەيجيڭ ۋاقىتى 7-ايدىڭ 30 ـ كۇنى تاڭ سارىدە اياقتادى، جۇڭگو ۋاكىلدەر ۇيىرمەسى 2 التىن مەدال، 4 كۇمىس مەدال ەنشىلەدى. شىڭ ليحاۋ ەرلەردىڭ 10 مەتر قاشىقتىقتا گاز مىلتىقپەن نىسانا اتۋ جارىسىندا اعا جۇلدەگەر بولدى ءارى وليمپيادا رەكورتىن جاڭالادى. جۇڭگو سۋعا سەكىرۋ كومانداسى سۋعا سەكىرۋ تۇرىندە وليمپيادا تاريحىنان بەرگى التىن مەدال تاقتاسىندا الدىڭعى ورىنعا كوتەرىلدى. جۇڭگو ايەلدەر ۆولەيبول قۇراماسى ا ق ش قۇراماسىن جەڭىپ، "ءساتتى باستاما" جاراتتى. جۇڭگو شياڭگاڭ شەبەرى جاڭ جيالاڭ سەمسەرلەسۋ ءتۇرىنىڭ ەرلەر جەكە ادامدىق باسەكەسىندە تاعى ءبىر رەت اعا جۇلدەگەر بولدى. 

   پاريج وليمپياداسىنىڭ ەرلەردىڭ قوس ادامدىق 10 مەترلىك تەكشەدەن سۋعا سەكىرۋ شەشۋشى جارىسىندا، تۇڭعىش رەت وليمپياداعا قاتىناسقان جۇڭگو ساڭلاقتارى ليان جۇن جيە مەن ياڭ حاۋ جارىستا اعالاپ العا شىعىپ ، ەڭ سوڭىندا باسىم ىرىقتىلىقپەن جەڭىپ شىعىپ التىن مەدالدى ەنشىلەدى. وسى ەكى ساڭلاقتىڭ اعا جۇلدەگەر بولۋىمەن، جۇڭگو سۋعا سەكىرۋ كومانداسى وليمپيادا تاريحىندا جيىنى 49 التىن مەدال الۋداي ناتيجەمەن ا ق ش سۋعا سەكىرۋ كومانداسىن باسىپ وزىپ، وليمپيادا تاريحىنداعى سۋعا سەكىرۋ ءتۇرىنىڭ التىن مەدال تاقتاسىندا الدىڭعى ورىندى يەلەدى.

   نىسانا اتۋ الاڭىنان دا قۋانىشتى حابار تارالدى. ەرلەردىڭ 10 مەترلىك قاشىقتىقتا گاز مىلتىقپەن نىسانا اتۋ شەشۋشى جارىسىندا، جۇڭگو شەبەرى شىڭ ليحاۋ قارا ءۇزىپ العا شىعىپ، ەڭ سوڭىندا 252.2 نومىرلىك ناتيجەمەن وليمپيادا رەكوردتىن بۇزىپ، باسىم ىرىقتىلىقپەن اعا جۇلدەگەر بولىپ، ءوزىنىڭ وسى كەزەكتى وليمپياداداعى ەكىنشى التىن مەدالىن قانجىعاسىنا بايلادى. سونىمەن بىرگە، 19 جاستاعى شىڭ ليحاۋ  وسى تۇردەگى جارىستىڭ ەڭ جاس اعا جۇلدەگەرى بولىپ شىقتى. 

   نىسانا اتۋ جارىسىنىڭ ەر-ايەل ارالاس تۇرىندەگى شىڭ ليحاۋدىڭ ساپتاسى حۋاڭ يۇيتيڭ ايەلدەردىڭ گاز مىلتىقپەن نىسانا اتۋ شەشۋشى جارىسىندا قارسىلاسىنان 0.1 ءنومىر كەيىن قالىپ كۇمىس مەدال الدى.

   بەيجيڭ ۋاقىتى بويىنشا 7-ايدىڭ 30 ـ كۇنى تاڭ سارىدە اياقتاعان مالتاۋ جارىسىندا جۇڭگو شەبەرى شۇي جيايۇي ەرلەردىڭ 100 مەترگە شالقالاپ مالتاۋ جارىسىنىڭ كۇمىس مەدالىن، جۇڭگو شەبەرى تاڭ چيانتيڭ ايەلدەردىڭ 100 مەترگە باقاشا مالتاۋ جارىسىنىڭ كۇمىس مەدالىن الدى. جۇڭگو شياڭگاڭ شەبەرى حى شىبەي ايەلدەردىڭ 200 مەترگە ەركىن مالتاۋ جارىسىندا مىس مەدال ەنشىلەدى. 

   وليمپيادانىڭ گيمناستيكا تۇرىندەگى ەرلەر توپتىق شەشۋشى جارىسىندا، جۇڭگو كومانداسى ەڭ سوڭعى جەكە تورنيك جارىسىندا اعاتتىق كەتىرىپ، 0.532 نومىرلىك پارىقپەن اعا جۇلدەگەرلىكتى قولدان بەرىپ كۇمىس مەدال ەنشىلەدى.

   تاق - تۇق دوپ ارالاس جارتىلاي شەشۋشى جارىسىندا، جۇڭگو قۇراماسىنىڭ شەبەرلەرى ۋاڭ چۋچين مەن سۇن يىڭشا 2 گە قارسى 4 ۇپايمەن حانگو قۇراماسىن جەڭىپ شەشۋشى جارىسقا قاتىناسۋ تولىمدىلىعىنا يە بولدى، ولار بۇگىن كەشتە چاۋشيان قۇراماسىمەن التىن مەدالعا تالاسادى. 

   7-ايدىڭ 30 ـ كۇنى تاڭ سارىدە اياقتاعان وليمپيادا ايەلدەر ۆولەيبول قۇرامالارىنىڭ گرۋپپا جارىسىندا جۇڭگو ايەلدەر ۆولەيبول قۇراماسى 2 گە قارسى 3 ۇپايمەن ا ق ش ايەلدەر ۆولەيبول قۇراماسىن جەڭىپ تاماشا باستاما جاراتتى. 

   جۇڭگو شياڭگاڭ شەبەرى جاڭ جيالاڭ سەمسەرلەسۋ ءتۇرىنىڭ ەرلەر جەكە ادامدىق باسەكەسىندە 14 كە قارسى 15 ۇپايمەن قارسىلاسىن ارەڭ جەڭىپ، وسى ءتۇردىڭ وليمپيادا التىن مەدالىن  تاعى ءبىر رەت ەنشىلەدى. 

   پاريج وليمپياداسى بۇگىن 4 - جارىس كۇنىنە ءوتتى، جۇڭگو كومانداسى تاق - تۇق دوپ، گيمناستيكا، سەمسەرلەسۋ، تور دوپ قاتارلى كوپتەگەن تۇرلەردە تاماشا ناتيجە جاراتۋعا تىرىسادى.

 

 

中央广播电视总台 央广网 版权所有

پاريج وليمپياداسىنىڭ 3- جارىس كۇنى

【پاريج. ارمانعا قانات قاعۋ】پاريج وليمپياداسىنىڭ 3- جارىس كۇنى جۇڭگو سپورت ساڭلاقتارى 2 التىن مەدال، 4 كۇمىس مەدال ەنشىلەدى