پاريج وليمپياداسىنىڭ 4- جارىس  كۇنى اياقتادى، ۋاڭ چۋچين مەن سۇن يىڭشا جۇڭگو ۋاكىلدەر ۇيىرمەسىنە وليمپيادا ۇستەل دوپ ارالاسپا جارىس ءتۇرىنىڭ تۇڭعىش التىن مەدالىن الىپ بەردى

ءوز حابارىمىز: 7-ايدىڭ 30-كۇنى پاريج ولمپياداسى باستالعاننان كەيىنگى 4-جارىس كۇنى. جۇڭگو قۇراماسىنداعى ۋاڭ چۋچين مەن سۇن يىڭشا 4 تە 2 ناتيجەمەن چاۋشيان قۇراماسىن جەڭىپ، جۇڭگو ۋاكىلدەر ۇيىرمەسىنە وليمپيادا ۇستەل دوپ ارالاس جارىس ءتۇرىنىڭ تۇڭعىش التىن مەدالىن الىپ بەردى. نىسانا اتۋ ەرلەر كوپ باعىتتى ۇشپا تالەڭكە اتۋ جارىسىندا چي يىڭ كۇمىس مەدال الدى.

 پاريج وليمپيادا ۇستەل دوپ شەشۋشى جارىسى بەيجيڭ ۋاقىتى 7-ايدىڭ 30-كۇنى كەشتە وتكىزىلدى، جۇڭگو كومانداسىنداعى ۋاڭ چۋچين مەن سۇن يىڭشا وسى رەتكى جارىستاعى قارا تۇلپار، چاۋشيان قۇراماسىنداعى لي جىڭجى-جين چينيىڭ ەكەۋىمەن سايىسقا ءتۇستى. جۇڭگو كومانداسى ۇيلەسىمدى تاكتيكا قولدانىپ، مايداندا ىرىقتى بولدى. بۇل جولى جۇڭگو ۇستەل دوپ كومانداسى پاريج وليمپياداسىنداعى تۇڭعىش التىن مەدالدى، ونان دا ماڭىزدىسى، مەملەكەتىمىزدىڭ ۇستەل دوپ جارىسى تاريحىندا قوس ادامدىق ارالاسپا جارىس تۇرىندە تۇڭعىش التىن مەدالدى ەنشىلەدى. 

نىسانا اتۋ جارىسىندا جۇڭگو ساڭلاقتارى ەرلەردىڭ كوپ باعىتتى ۇشپا تالەڭكە اتۋ شەشۋشى جارىسىندا جۇڭگو سپورتشىسى چي يىڭ 44 ۇپايمەن كۇمىس مەدال الدى. بۇل جۇڭگو سپورتشىلارىنڭى وسى جارىس تۇرىندە يە بولعان تۇڭعىش ولمپيادا مەدالى، چي يىڭنىڭ ناتيجەسى ولمپيادا رەكورتىن بۇزدى.

 جۇڭگو تور دوپ سپورتشىسى جىڭ چينۋىن قيىن-قىستاۋ جاعدايدى وزگەرتىپ، ا ق ش سپورتشىسىن جەڭىپ، ايەلدەر جەكە ءتۇرى بويىنشا 8 مىقتى قاتارىنا كىردى.

پاريج وليمپياداسىند 7-ايدىڭ 31-كۇنى 20 التىن مەدال دوداعا تۇسەدى، جۇڭگو ۋاكىلدەر ۇيىرمەسى سۋعا سەكىرۋ، گيمناستيكا، دوڭگەلەكتى اربا ەركىن ونەر شەبەرلىگى سياقتى تۇرلەردە التىن مەدالعا ۇمتىلادى.