2024-جىلعى جۇڭگو-افريكا سەلبەستىك تالقىسى باسشىلار ءماجىلىسىنىڭ اقپارات ورتالىعى قۇلاق قاعىس ەتۋ جيىنىن اشتى

ءوز حابارىمىز. 2024-جىلعى جۇڭگو-افريكا سەلبەستىك تالقىسى باسشىلار ءماجىلىسىنىڭ اقپارات ورتالىعى 9-ايدىڭ 3-كۇنى قۇلاق قاعىس ەتۋ جيىنىن اشىپ مىنالاردى تانىستىردى: جۇڭگو-افريكا باسشىلارى «وسىزامانداندىرۋدى قول ۇستاسا ىلگەرىلەتىپ، جۇڭگو مەن افريكانىڭ جوعارى دەڭگەيدەگى  تاعدىرلاس ورتاق تۇلعاسىن بىرگە سومداۋ» سىندى نەگىزگى تاقىرىپتى ارقاۋ ەتىپ، دوستىقتى بىرگە جىرلاپ، سەلبەستىكتى بىرگە اقىلداسىپ، بولاشاقتى بىرگە تىلگە تيەك ەتەدى.

قۇلاق قاعىس جيىنىندا جۇڭگو ۇكىمەتىنىڭ افريكا ىستەرى جونىندەگى ەرەكشە ۋاكىلى، جۇڭگو-افريكا سەلبەستىك تالقىسىنىڭ باس ەلشىسى ليۋ يۇيشي تانىستىرىپ بىلاي دەدى: بۇل جۇڭگونىڭ تاياۋ جىلداردان بەرى وتكىزگەن كولەمى ەڭ ۇلكەن، شەتەل باسشىلارى ەڭ كوپ قاتىناسقان نەگىزگى مايدان ديپلوماتياسى. باسشىلار ءماجىلىسى «جارناما» مەن «ارەكەت جوسپارى» سىندى ەكى جەتىستىك قۇجاتىن ماقۇلداۋدى جوسپارلادى، مۇنداعى ماقسات — افريكاعا شىنايى، ادال ساياسات ۇستانىمىن، دۇرىس ادىلەت-مۇددە كوزقاراسىن جانە جۇڭگو مەن افريكانىڭ دوستىق سەلبەستىك رۋحىن جالعاستىرۋ، ساۋلەلەندىرۋ.