وسى اپتادا شينجياڭدا اۋا رايى مىناداي

9-ايدىڭ 24-كۇنىنەن 25-كۇنى كۇندىزگە دەيىن، سولتۇستىك شينجياڭنىڭ باتىسى سولتۇستىگى، شىحىزى قالاسى، ءۇرىمجى قالاسىنىڭ تاۋلى رايوندارى، سانجى وبلىسىنىڭ تاۋلى رايوندارى، اقسۋ ايماعىنىڭ سولتۇستىگىندەگى تاۋلى رايوندار، بايىنعولين وبلىسىنىڭ تاۋلى رايوندارى قاتارلى جەرلەردىڭ ءبىر ءبولىم وڭىرلەرىندە از جاڭبىر جاۋادى، مۇنىڭ ىشىندە، ىلە وزەنى اڭعارىنىڭ تاۋلى رايوندارى، بۇراتالا وبلىسىنىڭ تاۋلى رايوندارى، تارباعاتاي ايماعىنىڭ وڭتۇستىگىندەگى تاۋلى رايوندار، ءۇرىمجى قالاسىنىڭ وڭتۇستىگىندەگى تاۋلى رايوندار، اقسۋ ايماعىنىڭ سولتۇستىگىندەگى تاۋلى رايوندار، بايىنعولين وبلىسىنىڭ سولتۇستىگىندەگى تاۋلى رايوندار قاتارلى جەرلەردىڭ ءىشىنارا وڭىرلەرىندە ورتاشا جاڭبىر جاۋىپ، سوڭى قالىڭ جاڭبىرعا نەمەسە قارعا اينالادى. 

9-ايدىڭ 25-كۇنى تۇننەن 28-كۇنى تۇنگە دەيىن، سولتۇستىك شينجياڭنىڭ باسىم كوپ بولەگى جانە وڭتۇستىك شينجياڭنىڭ باتىسىنداعى تاۋلى رايوندار، اقسۋ ايماعىنىڭ سولتۇستىگى، كۇنلۇن تاۋىنىڭ سولتۇستىك باۋرايى، بايىنعولين وبلىسىنىڭ سولتۇستىگى، تۇرپان قالاسى، قۇمىل قالاسى قاتارلى جەرلەردىڭ ءبىر ءبولىم وڭىرلەرىندە از جاڭبىر جاۋادى؛ سولتۇستىك شينجياڭنىڭ باسىم كوپ بولەگى، قۇمىل قالاسىنىڭ سولتۇستىگىندە تەمپەراتۋرا ℃8～10 تومەندەيدى، وڭتۇستىك شينجياڭ ويپاتىندا تەمپەراتۋرا ℃5 اينالاسىندا تومەندەيدى. 

9-ايدىڭ 29-كۇنى كۇندىزدەن 30-كۇنى تۇنگە دەيىن، سولتۇستىك شينجياڭنىڭ باتىسى سولتۇستىگى، تيانشاننىڭ سولتۇستىك باۋرايى، قاشقار ايماعىنىڭ وڭتۇستىگىندەگى تاۋلى رايوندار، اقسۋ ايماعىنىڭ سولتۇستىگى، كۇنلۇن تاۋىنىڭ سولتۇستىك باۋرايى، بايىنعولين وبلىسىنىڭ سولتۇستىگى قاتارلى جەرلەردە از جاڭبىر جاۋىپ، سوڭى قار ارالاس جاڭبىر نەمەسە قارعا اينالادى. 

 وسى اپتانىڭ باسقا ۋاقىتتارىندا، بۇكىل شينجياڭنىڭ باسىم كوپ بولەگىندە كۇن اشىق، ارا تۇرا بۇلتتايدى، جەل كۇشى زور بولمايدى.