شي جينپيڭ حاينان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعان كەزدە: «ٴۇش رايون، ٴبىر ورتالىق» قۇرۋ ستراتەگيالىق ورنىن مىقتاپ ارقاۋ ەتىپ، جۇڭگو ۇلگىسىندەگى وسىزاماندانعان حاينان تاراۋىن قۇلشىنا جازۋ كەرەك،-دەپ باسا دارىپتەدى، ساي چي مالىمەت بەرۋ ماجىلىسىنە قاتىناستى

ءوز حابارىمىز. 

    ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ حاينان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا مىنالاردى باسا دارىپتەدى: پارتيا 20-قۇرىلتايىنىڭ جانە پارتيا 20-كەزەكتى ورتالىق كوميتەتى ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ حاينان ەركىن ساۋدا پورتى قۇرىلىسى جونىندەگى ٴتۇرلى ورنالاستىرۋلارىن مۇقيات تياناقتاندىرىپ، رەفورما جاساپ، ەسىك اشۋدى جاپپاي تەرەڭدەتۋ سىناق رايونىن، مەملەكەتتىك ەكولوگيالىق وركەنيەت سىناق رايونىن، حالىقارالىق ساياحات تۇتىنۋ ورتالىعىن، مەملەكەتتىڭ كەلەلى ستراتەگيالىق قىزمەت وتەۋىن قامتاماسىزداندىرۋ رايونىن قۇرۋ ستراتەگيالىق ورنىن تىعىز ارقاۋ ەتىپ، كەدەندىك اينالىمىنىڭ الدى-ارتىنداعى رەفورما جاساۋ، ەسىك اشۋ جانە جوعارى ساپالى دامۋ قىزمەتىن عىلمي جوسپارلاپ، يدەيانى ۇزدىكسىز ازات ەتىپ، ٴورىس اشا جاڭالىق جاراتىپ، قيىندىقتاردى جەڭىپ، ورنىقتى ىلگەرىلەتىپ، حاينان ەركىن ساۋدا پورتىن ەلىمىزدىڭ جاڭا داۋىردەگى سىرتقا ەسىك اشۋىنا جەتەكشىلىك ەتەتىن ماڭىزدى قاقپا ەتىپ قۇرىپ شىعۋعا قۇلشىنىپ، جۇڭگو ۇلگىسىندەگى وسىزاماندانعان حاينان تاراۋىن قۇلشىنا جازۋ كەرەك.

12-ايدىڭ 17-كۇنى تۇستەن كەيىن، شي جينپيڭ حاينان ولكەسىنىڭ سانيا قالاسىندا حاينان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭدادى. ولكەلىك پارتكومنىڭ شۋجيى فىڭ في مالىمەت بەردى، ولكە باستىعى ليۋ شياۋميڭ قاتارلىلار مالىمەت بەرۋ ماجىلىسىنە قاتىناستى.

   مالىمەتتى تىڭداعاننان كەيىن، شي جينپيڭ ماڭىزدى ٴسوز سويلەپ، حايناننىڭ ٴتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە ايقىن تالاپتار قويدى.

   شي جينپيڭ مىنالاردى اتاپ كورسەتتى: حاينان ەرەكشەلىگىنە جانە ابىزالدىلىعىنا يە وسىزاماندانعان كاسىپ جۇيەسىن كۇش سالا قۇرۋ كەرەك. عىلىم-تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن جەبەپ، ساياحات كاسىبى، وسى زامانعى قىزمەت وتەۋ كاسىبى، جوعارى، جاڭا تەحنيكا كاسىبى، ىستىق بەلدەۋلىك ەرەكشە جوعارى ٴونىمدى اۋىل شارۋاشىلىعى سياقتى جەتەكشى كاسىپتەردى تولىقتاپ كەڭەيتۋدى، ساپالاندىرىپ دارەجەسىن جوعارىلاتۋدى ىلگەرىلەتۋ كەرەك. مەملەكەتتىڭ ستراتەگيالىق عىلىم-تەحنيكا كۇشتەرىمەن ىرىقتى تۇردە ۇشتاسىپ، حالىقارالىق عىلىم-تەحنيكا سەلبەستىگىن كۇشەيتىپ، دارىندىلاردى ەنگىزۋدىڭ اناعۇرلىم اشىق مەحانيزمىن ورناتىپ، كوپ ساتىلى عىلىم-تەحنيكادا جاڭالىق اشۋ جۇيەسىن قالىپتاستىرىپ، وزەكتى تەحنيكالاردان قامال الۋ تەبىنىن ارتتىرىپ، عىلىم-تەحنيكا جەتىستىكتەرىن كادەگە جاراتۋدى كۇشەيتىپ، جەرگىلىكتى جاعدايعا قاراي جاڭا وندىرگىش كۇشتەردى دامىتۋ كەرەك. ەكولوگيانى الدىمەن ەسكەرۋگە، جاسىل دامۋعا تاباندى بولىپ، ورتاعا قاتىستى كورنەكتى ماسەلەلەردى جونگە سالۋدى كۇشەيتىپ، جاسىل تاۋ، تۇنىق سۋ، كوك تەڭىز، اشىق اسپاندى ويداعىداي قورعاۋ كەرەك. مادەنيەت، دەنە تاربيە، ساياحات، كۇتىنۋ سياقتى كاسىپتەردىڭ توعىسپالى دامۋىن ىلگەرىلەتىپ، ساياحات كاسىبىنىڭ اشىق سەلبەستىگىن جەبەۋ كەرەك. جاڭاشا تۇتىنۋدى جەتىلدىرىپ، زورايتىپ، تۇتىنۋدىڭ تيپىن وزگەرتىپ، دارەجەسىن جوعارىلاتۋدى ىلگەرىلەتۋ كەرەك. قۇرلىق پەن تەڭىزدى ٴبىر تۇتاس جوسپارلاۋعا، تاۋ مەن تەڭىز ىستەرىن ۇشتاستىرۋعا، بايلىقتى توعىستىرۋعا تاباندى بولىپ، تەڭىز-مۇحيتتى اشۋدى مىقتى يگەرىپ، تەڭىز-مۇحيتتان وندىرگىش كۇش الىپ، جاڭا ارتۋ تۇيىندەرىن قاراستىرىپ، تەڭىز-مۇحيت ىستەرىندە قۋاتتى ولكە قۇرۋ كەرەك.

   شي جينپيڭ مىنالاردى باسا دارىپتەدى: ٴتۇيىندى سالالارداعى رەفورمانى تىڭعىلىقتى ىلگەرىلەتۋ كەرەك. ەركىن ساۋدا پورتىنىڭ ساياسات، ٴتۇزىم جۇيەسىن جان-جاقتى اتقارۋدى كوزدە ۇستاپ، ەسىك اشۋ اياق الىسى مەن ريتىمىن ٴبىر تۇتاس ويداعىداي ورنالاستىرۋ كەرەك. نازاردى ساۋدا، قارجى قوسۋ، شەكارا اتتاعان قارجى اينالىمىن، ادامداردىڭ كىرىپ-شىعۋىن، تاسىمالدىڭ ەركىن قولايلىلىعىن جانە ساندى مالىمەتتىڭ حاۋىپسىز، ٴتارتىپتى اينالىمىن جۇزەگە اسىرۋعا شوعىرلاندىرىپ، حالىقارالىق جوعارى دەڭگەيدەگى ەكونوميكا-ساۋدا ەرەجەسىمەن ۇشتاسىپ، تۇزىمدىك ەسىك اشۋدى كۇش سالا ىلگەرىلەتىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن قالىپتاستىرۋ كەرەك. ٴتۇرلى ەسىك اشۋ تۇعىرلارىن ناقتىلاندىرىپ، ساپالاندىرىپ، «ٴبىر بەلدەۋ، ٴبىر جولدى» بىرگە قۇراتىن مەملەكەتتەرمەن جانە رايوندارمەن ەركىن ساۋدا باقشا رايوندارى اۋىس-كۇيىس، سەلبەستىگىن جانە يقۋاتتى ۇشتاستىرۋدى كۇشەيتۋ كەرەك. گۋاڭدۇڭ، شياڭگاڭ، اۋمىن ۇلكەن شىعاناق رايونىمەن بىرلەسە دامۋدى كۇشەيتىپ، چاڭجياڭ ەكونوميكالىق بەلدەۋى، چاڭجياڭ اتىراۋى سياقتى وڭىرلەرمەن سەلبەستىكتى تەرەڭدەتۋ كەرەك. حاينان ەركىن ساۋدا پورتىنىڭ وزەكتى ساياساتىنىڭ تياناقتانۋىن جەدەل ىلگەرىلەتىپ، ٴتۇرلى دايىندىق قىزمەتتەردى دەن قويا جاقسى ىستەپ، كەدەندىك  اينالىمنىڭ ورنىقتى، ٴتارتىپتى بولۋىنا كەپىلدىك ەتۋ كەرەك.

  شي جينپيڭ مىنالاردى اتاپ كورسەتتى: تۇرعىنداردىڭ وركەنيەت ساپاسى مەن قوعامدىق وركەنيەت دەڭگەيىن ۇزدىكسىز جوعارىلاتۋ كەرەك. پارتيانىڭ جاڭالىق اشۋ نازارياسىمەن زەيىن-زەردەنى، رۋحتى سومداۋعا تاباندى بولىپ، سوتسياليستىك وزەكتى قۇن كوزقاراسىن جەتىلدىرىپ جانە ساۋلەلەندىرىپ، بۇقارالىق رۋحاني وركەنيەت قۇرىلىسىن كەڭ كولەمدە ورىستەتىپ، زاتتىق وركەنيەت پەن رۋحاني وركەنيەتتىڭ بىردەي جوعارىلاۋىن قۇلشىنا جۇزەگە اسىرۋ كەرەك. تاريح مادەنيەت، توڭكەرىستىك مادەنيەت، تەڭىز-مۇحيت مادەنيەتى، ۇلتتىق سالت-سانا مادەنيەت بايلىعىن ويداعىداي قورعاپ جانە ودان ويداعىداي پايدالانىپ، مادەنيەتتە جاڭالىق اشۋ، جاسامپازدىق جاراتۋ ومىرشەڭدىك قۋاتىن نىعايتىپ، مادەنيەت كاسىبىن دامىتۋ، زورايتۋ كەرەك. قالا مەن اۋىلدىڭ الەۋمەتتىك مادەنيەتكە قىزمەت وتەۋ جۇيەسىن اقاۋسىزداندىرىپ، قالا مەن اۋىلداعى بۇقارانىڭ رۋحاني مادەنيەت تۇرمىسىن بايىتىپ، ەسكى سالت-سانانى وزگەرتۋدى ۇزدىكسىز ىلگەرىلەتۋ كەرەك.

  شي جينپيڭ مىنالاردى باسا دارىپتەدى: حالىق تۇرمىسىن قامتاماسىزداندىرۋ مەن قوعامدىق باسقارۋ دەڭگەيىن جاپپاي جوعارىلاتۋ كەرەك. نەگىزدىك، جالپىعا ٴتيىمدى، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتىپ، قالا مەن اۋىلدىڭ الەۋمەتتىك قىزمەت وتەۋ جۇيەسى مەن قوعامدىق قامتاماسىزداندىرۋ جۇيەسىن كەمەلدەندىرىپ، بۇقارانىڭ شۇعىل، قيىن، ۋايىمداعان، كوكەيتەستى ماسەلەلەرىن ويداعىداي شەشۋ كەرەك. ٴتۇيىندى قاۋىمنىڭ جۇمىستانۋىن، شارۋاشىلىق قۇرۋىن قولداۋدى كۇشەيتىپ، جۇمىستانۋدىڭ جالپى تۇلعالىق ورنىقتىلىعىن ساقتاۋ كەرەك. قالا مەن اۋىلدىڭ نەگىزدىك قۇرىلعىلارىن جانە الەۋمەتتىك قىزمەت وتەۋدىڭ ورنالاسۋىن ٴبىرتۇتاس جوسپارلاپ، قالا-قالاشىقتانۋدى ورنىقتى ىلگەرىلەتۋ كەرەك. كەدەيلىكتەن ارىلعاندارعا كومەكتەسۋ-سۇيەمەلدەۋدىڭ ناقتى ونىمدىلىگىن جوعارىلاتىپ، كولەمدى قايتا كەدەيلەسۋدىڭ، كەدەيلەسۋدىڭ تۋىلماۋىنان ساقتانۋ  كەرەك. دامۋ مەن حاۋىپسىزدىكتى ٴبىر تۇتاس جوسپارلاپ، حاۋىپ-قاتەردەن ساقتانۋ جانە ونى تىزگىندەۋ جۇيەسىن كەمەلدەندىرىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەت قۇرىلىسىن كۇشەيتىپ، اۋىر حاۋىپ-قاتەرلەر مەن سىن-سايىستارعا توتەپ بەرۋ قابىلەتىن جوعارىلاتۋ كەرەك. قالا، اۋىل، الەۋمەتتىك اۋماقتاردى باسقارۋ جۇيەسىن اقاۋسىزداندىرىپ، زۇلىم كۇشتەردى الاستاۋدى، سۇرقيا كۇشتەردى جويۋدى ۇدايىلاندىرا ورىستەتىپ، زاڭعا قايشى ٴتۇرلى ارەكەتتەردى زاڭ بويىنشا جازالاۋ كەرەك.

   شي جينپيڭ مىنالاردى اتاپ كورسەتتى: پارتيانىڭ ساياسي قۇرىلىسى ارقىلى پارتيا قۇرىلىسىنىڭ ٴتۇرلى قىزمەتتەرىنە ٴبىر تۇتاس باسشىلىق ەتىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەپ جانە كەڭەيتىپ، پارتيا ٴتارتىبىن ۇيرەنۋ تاربيەسىنىڭ ۇدايىلانۋىن، ۇزاق ۋاقىت ٴونىمدى بولۋىن ىلگەرىلەتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ۇزدىكسىز تياناقتاندىرىپ، ستيلگە بۇرىلىس جاساۋدى ىلگەرىلەتىپ، قالىڭ كادرلاردى باتىلدىقپەن قامال الىپ، باتىلدىقپەن سىناپ كورۋ، باتىلدىقپەن الدا ٴجۇرۋ، قاجىرلىلىقپەن ىستەۋ سىندى ەرەكشە رايون رۋحىن ۇزدىكسىز ساۋلەلەندىرىپ، دۇرىس ساياسي ناتيجە كوزقاراسىن ورناتۋعا جانە امالياتتا ايگىلەۋگە شابىتتاندىرۋ كەرەك. شىرىكتەسۋگە قارسى تۇرۋ كۇرەسىن توقتاۋسىز مىقتى يگەرىپ، شىرىكتەسۋ ٴوسىپ-ٴوربيتىن توپىراق پەن شارت-جاعدايدى كۇش سالا الاستاۋ كەرەك. ۇقىق جۇرگىزۋدى تەجەۋ مەن باقىلاۋدى كۇشەيتىپ، كادرلاردى ٴىرىپ-شىرۋدەن، ازعىنداۋدان ساقتانۋ قابىلەتىن كۇشەيتۋگە تاربيەلەۋ، جەتەكتەۋ كەرەك.

   شي جينپيڭ بىلاي دەپ باسا دارىپتەدى: جاڭا جىل، كوكتەم مەرەكەسى تاياپ قالدى، ٴار دارەجەلى پارتكومدار مەن ۇكىمەتتەر «استىق»، «كوجە قاتىق» سياقتى حالىق تۇرمىسىن قامتاماسىزداندىرۋ ىستەرىن ويداعىداي يگەرىپ، زاتتىق ماتەريال، ەنەرگيا سياقتىلارمەن قامداۋدى قامتاماسىزداندىرۋ قىزمەتىن ويداعىداي يگەرىپ، ٴوندىرىس حاۋىپسىزدىگىن جاپپاي تەكسەرۋدى ىشكەرىلەي ورىستەتىپ، قوعامدىق جالپى جاعدايدىڭ ورنىقتىلىعىن قورعاۋ كەرەك. ورتالىقتىڭ ەكونوميكالىق قىزمەت ٴماجىلىسىنىڭ رۋحىن مۇقيات دايەكتىلەندىرىپ، كەلەر جىلعى ەكونوميكالىق، قوعامدىق دامۋ قىزمەتىن عىلمي جوسپارلاپ، جاڭا جىلدىڭ تاماشا باستاماسىن قۇلشىنا جۇزەگە اسىرۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي مالىمەت بەرۋ ماجىلىسىنە قاتىناستى.

 حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار مالىمەت بەرۋ ماجىلىسىنە قاتىناستى.