شي جينپيڭ حالىقتىق كاسىپورىندار اڭگىمە ماجىلىسىندە حالىقتىق شارۋاشىلىقتىڭ دامۋ بولاشاعى كەڭ، بولاشاعى نۇرلى، حالىقتىق كاسىپورىندار مەن حالىقتىق كاسىپورىنشىلاردىڭ ءوز رولدارىن بارىنشا ساۋلەلەندىرەتىن كەز كەلدى، -دەپ باسا دارىپتەدى، لي چياڭ، ديڭ شۋەشياڭ ماجىلىسكە قاتىناستى، ۋاڭ حۋنيڭ ءماجىلىستى باسقاردى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2-ايدىڭ 17-كۇنى تۇستەن بۇرىن بەيجيڭدە حالىقتىق كاسىپورىندار اڭگىمە ماجىلىسىنە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت-ساياساتتارى جۇڭگوشا سوتسياليستىك ءتۇزىم جۇيەسىنە ەنگىزىلدى، باستان-اياق تاباندى بولۋ جانە تياناقتاندىرۋ كەرەك، وزگەرتۋگە بولمايدى، وزگەرمەيدى. جاڭا ءداۋىر، جاڭا جورىقتا حالىقتىق شارۋاشىلىقتىڭ دامۋ اياسى كەڭ، بولاشاعى نۇرلى، قالىڭ حالىقتىق كاسىپورىندار مەن حالىقتىق كاسىپكەرلەر ءوز رولدارىن بارىنشا ساۋلەلەندىرەتىن كەز كەلدى. يدەيانى بىرلىككە كەلتىرىپ، سەنىمدى بەكەمدەپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەۋ كەرەك. قالىڭ حالىقتىق كاسىپورىندار مەن حالىقتىق كاسىپورىنشىلاردىڭ وتان ءۇمىتىن اقتاۋدى كوكەيدە ساقتاپ، ءبىر نيەت ءبىر تىلەكتە دامۋدى كوزدەپ، زاڭعا بويسۇنىپ شارۋاشىلىق جۇرگىزۋگە شەبەر بولىپ، الدىمەن اۋقاتتانعاندار ورتاق اۋقاتتانۋدى جەبەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم زور تىڭ ۇلەس قوسۋىن ءۇمىت ەتەمىن.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ اڭگىمە ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اڭگىمە ءماجىلىستى باسقاردى.

اڭگىمە ماجىلىستە حۋاۋي تەحنيكا شەكتى سەرىكتىگىنىڭ باس اتقارۋشى ءمانساپتىسى رىن جىڭفي، بييادي شەكتى جارنا سەرىكتىگىنىڭ باس القاسى ۋاڭ چۋانفۋ، شينشيۋاڭ جارنا مەڭگەرۋ توبى شەكتى سەرىكتىگىنىڭ باس القاسى ليۋ يۇڭحاۋ، شاڭحاي ۋيل جارتىلاي وتكىزگىش شەكتى جارنا سەرىكتىگىنىڭ باس القاسى يۇي رىنرۇڭ، حاڭجوۋ يۇيشۋ عىلىم-تەحنيكا شەكتى سەرىكتىگىنىڭ باس اتقارۋشى ءمانساپتىسى ۋاڭ شيڭشيڭ، شياۋمي عىلىم-تەحنيكا شەكتى جاۋاپكەرلىك سەرىكتىگىنىڭ باس القاسى لي جۇن قاتارلى 6 حالىقتىق كاسىپورىن جاۋاپتىلارىنىڭ ۋاكىلى ىلگەرىندى-كەيىندى ءسوز سويلەپ، جاڭا جاعدايدا حالىقتىق شارۋاشىلىقتىڭ دامۋىن جەبەۋ جونىندە پىكىر جانە ۇسىنىس بەردى.

كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەدى: حالىقتىق كاسىپورىندار رەفورما جاساپ، ەسىك اشۋ ۇلى بارىسىنا ىلەسە قارىشتاپ دامىدى. نەشە ون جىلدان بەرى، حالىقتىق شارۋاشىلىقتىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىس ىستەرىندەگى ورنى مەن رولى جونىندەگى تانىمى جونىندە، پارتيا مەن مەملەكەتتىڭ حالىقتىق شارۋاشىلىقتى دامىتۋ باعىت-ساياساتتارى جونىندە پارتيامىزدىڭ نازارياسى مەن امالياتى تامىرلاس بولىپ، داۋىرمەن جارىسا العا ىلگەرىلەدى. پارتيا مەن مەملەكەت سوتسياليستىك نەگىزگى ەكونوميكالىق تۇزىمگە تاباندى بولىپ جانە كەمەلدەندىرىپ، جالپىلىق مەنشىكتەگى شارۋاشىلىقتى استە اۋىتقىماي بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا استە اۋىتقىماي دەم بەردى، قولداۋ كورسەتتى، جەتەكشىلىك ەتتى؛ پارتيا مەن مەملەكەت ءتۇرلى مەنشىكتەگى شارۋاشىلىقتىڭ ءوندىرىس فاكتورلارىنان زاڭ بويىنشا ورتاق پايدالانۋىنا، بازار باسەكەسىنە ءادىل قاتىناسۋىنا، تەڭ دارەجەدە زاڭنىڭ قورعاۋىندا بولۋىنا كەپىلدىك ەتىپ، ءتۇرلى مەنشىكتەگى شارۋاشىلىقتىڭ ابزالدىلىقتارىمەن ءبىرىن-ءبىرى تولىقتاۋىن، بىرلىكتە دامۋىن، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەدى.

شي جينپيڭ بىلاي دەپ انىق ايتتى: قازىر ەلىمىزدىڭ حالىقتىق شارۋاشىلىعى نەداۋىر كولەم قالىپتاستىرىپ، اسا زور سالماققا يە بولىپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋگە بەرىك نەگىز قالاندى. جاڭا ءداۋىر، جاڭا جورىقتا ەلىمىزدىڭ قوعامدىق وندىرگىش كۇشتەرى ۇزدىكسىز ساپالانىپ، حالىقتىڭ تۇرمىس ورەسى ورنىقتى جوعارىلاپ، رەفورما جاساۋ-ەسىك اشۋ ونان ارى جالپى بەتتىك تەرەڭدەيدى، اسىرەسە، وقۋ-اعارتۋ، عىلىم-تەحنيكا ىستەرى جەدەل داميدى، دارىندىلار قوسىنى مەن ەڭبەككۇش بايلىعىنىڭ سانى كوپ، ساپاسى جاقسى، كاسىپ جۇيەسى مەن نەگىزدىك قۇرىلعىلار جۇيەسى سايكەستى كەمەلدەنە تۇسەدى، ءبىر ميلليارد 400 ميلليوننان استام حالىقتىڭ ەرەكشە كەڭ كولەمدى بازار كومەسكى كۇشى زور. مىنە بۇلار حالىقتىق شارۋاشىلىقتىڭ دامۋىنا كوپتەگەن جاڭا ورايلار الا كەلىپ، اناعۇرلىم زور دامۋ اياسىن جاراتتى. جۇڭگوشا سوتسياليستىك ءتۇزىم كوپ جاقتىلى ابزالدىلىققا يە، سوتسياليستىك بازار شارۋاشىلىعى ءتۇزىلىسى، جۇڭگوشا سوتسياليستىك زاڭمەن باسقارۋ جۇيەسى ۇزدىكسىز اقاۋسىزدانىپ جانە كەمەلدەنىپ، حالىقتىق شارۋاشىلىقتىڭ دامۋىن اناعۇرلىم پارمەندى كەپىلمەن قامدايدى.

شي جينپيڭ بىلاي دەپ باسا دارىپتەدى: قازىر حالىقتىق شارۋاشىلىقتىڭ دامۋى ءدوپ كەلگەن كەيبىر قيىنشىلىقتار مەن سىن-سايىستار، جالپى تۇلعالىق جاقتان العاندا، رەفورما جاساۋ، دامۋ، كاسىپ سالاسىندا ارتۋ فورماسىنا بۇرىلىس جاساپ دامۋ ساپاسىن جوعارىلاتۋ بارىسىندا جارىققا شىققان. ول جالپىلىق ەمەس ءىشىنارالىق، ول ۇزاق ۋاقىتتىق ەمەس، قىسقا ۋاقىتتىق، شەشىلمەيتىن ماسەلە ەمەس، جەڭۋگە بولاتىن ماسەلە. يدەيا مەن ارەكەتتى پارتيا ورتالىق كوميتەتىنىڭ ەل ءىشى-سىرتىنداعى جاعداي جونىندەگى تۇجىرىمىمەن بىرلىككە كەلتىرىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، قيىنشىلىق پەن سىن-سايىستان بولاشاقتى، نۇرلى بولاشاقتى كورە ءبىلىپ، دامۋ كۇش مىعىمدىعىن ساقتاپ، دامۋ سەنىمىن كۇشەيتىپ، كۇرەسكەر بولىپ، جەڭىسكە جەتۋ رۋحىن ساقتاۋ كەرەك.

شي جينپيڭ مىنالاردى انىق ايتتى: حالىقتىق شارۋاشىلىقتىڭ دامۋىن جەبەيتىن ساياسات-شارالاردى تىڭعىلىقتى تياناقتاندىرۋ — كەزەكتەگى حالىقتىق شارۋاشىلىقتىڭ دامۋىن جەبەۋدەگى قىزمەت ءتۇيىنى بولىپ تابىلادى. پارتيا ورتالىق كوميتەتى بەلگىلەگەن ىستەردى باتىل اتقارۋ كەرەك، شالا-شارپى اتقارۋعا بولمايدى. ءوندىرىس فاكتورلارىنان زاڭ بويىنشا ورتاق پايدالانۋداعى، بازار باسەكەسىنە ءادىل قاتىناسۋداعى ءتۇرلى كەدەرگىلەردى باتىل الاستاۋ؛ نەگىزدىك قۇرىلعىلاردىڭ باسەكەلىك سالالارىندا ءتۇرلى تيجارات تۇلعالارىنا ءادىل ەسىك اشۋدى ۇزدىكسىز ىلگەرىلەتۋ؛ حالىقتىق كاسىپورىنداردىڭ قارجى بىرىكتىرۋى قيىن بولۋ، قارجى بىرىكتىرۋ بوداۋى قىمبات بولۋ ماسەلەسىن ۇزدىكسىز كۇش سالا شەشۋ كەرەك. حالىقتىق كاسىپورىنداردىڭ ەسەپ جابۋ، قارجى ىستەرىن كەشەۋىلدەتۋ ماسەلەسىن كۇش سالا شەشۋ كەرەك. زاڭنىڭ اتقارىلۋىن باقىلاۋدى كۇشەيتىپ، بەتالدى اقى الۋ، بەتالدى ايىپ سالۋ، بەتالدى تەكسەرۋ، بەتالدى پەشەتتەۋدى شوعىرلى جونگە سالىپ، حالىقتىق كاسىپورىندار مەن حالىقتىق كاسىپورىنشىلاردىڭ زاڭدى ۇقىق-مۇددەسىن شىن مانىندە زاڭ بويىنشا قورعاۋ كەرەك. سونىمەن بىرگە، ەلىمىز زاڭمەن باسقارىلاتىن سوتسياليستىك مەملەكەت ەكەندىگىن، ءتۇرلى مەنشىكتەگى كاسىپورىنداردىڭ زاڭعا قايشى ارەكەتتەرىن تەكسەرىپ ءبىرجاقتىلى ەتۋدەن جالتارۋعا بولمايتىندىعىن تانىپ جەتۋىمىز كەرەك. قيىنشىلىق قىسپاعىنان قۇتىلۋ ساياساتتارىن مۇقيات تياناقتاندىرىپ، ساياساتتىڭ دالدىگىن جوعارىلاتىپ، كەشەندى شارا قولدانۋعا ءمان بەرىپ، كاسىپورىندارعا بىردەي مامىلە جاساۋ كەرەك. ۇكىمەت پەن ساۋدا سالاسىنىڭ قويۋ، پاك قاتىناسىن ورناتۋدى ونان ارى ىلگەرىلەتۋ كەرەك. ءار دارەجەلى پارتكومدار مەن ۇكىمەتتەر ءىس جۇزىندىكتى تياناق ەتىپ، حالىقتىق شارۋاشىلىقتىڭ دامۋىن جەبەيتىن ساياساتتىق شارالاردىڭ تياناقتانۋىن ءبىر تۇتاس ويداعىداي يگەرۋ كەرەك.

شي جينپيڭ بىلاي دەپ باسا دارىپتەدى: كاسىپورىن — تيجارات تۇلعاسى، كاسىپورىن دامۋىنىڭ ىشكى قوزعاۋشى كۇشى ءبىرىنشى ورىندا تۇرادى. قالىڭ حالىقتىق كاسىپورىندار مەن حالىقتىق كاسىپورىنشىلار شارۋاشىلىق قۇرۋ جانە وتان ءۇمىتىن اقتاۋدى كوكەيدە ساقتاۋ ىنتاسىن تاسقىنداتىپ، ۇزدىكسىز مۇرات ورناتىپ، وتباسى مەن وتانعا تەرەڭ سۇيىسپەنشىلىكتە بولىپ، بايىعاندا بايۋ قاينارىن ويلاپ، بايىعاندا العا باسۋدى ويلاپ، كاسىپورىنشىلار رۋحىن ساۋلەلەندىرىپ، بار ىنتا-پەيىلىمەن كاسىپورىندى الۋەتتەندىرىپ، ساپالاندىرىپ، زورايتىپ، جۇڭگوشا سوتسياليزمنىڭ قۇرۋشىلارى، جۇڭگو ۇلگىسىندەگى وسىزامانداندىرۋدىڭ جەبەۋشىلەرى بولۋعا تاباندى بولۋ كەرەك. جوعارى ساپالى دامۋ جولىمەن بۇلجىماي ءجۇرىپ، نەگىزگى كاسىپتەن مىزعىماي، كاسىپتى كۇشەيتىپ، دەربەس جاڭالىق جاراتۋدى كۇشەيتىپ، دامۋ تاسىلىندە بۇرىلىس جاساپ، كاسىپورىنداردىڭ ساپاسىن، ونىمدىلىگىن جانە وزەكتى باسەكەلىك قۋاتىن ۇزدىكسىز جوعارىلاتىپ، عىلىم-تەحنيكادا جاڭالىق جاراتۋدى ىلگەرىلەتۋ، جاڭا ساپالى وندىرگىش كۇشتەردى جەتىلدىرۋ، وسىزاماندانعان كاسىپ جۇيەسىن قۇرۋ، اۋىل-قىستاقتى كوركەيتۋدى جالپى بەتتىك ىلگەرىلەتۋ، وڭىرلەردىڭ سايكەستى دامۋىن جەبەۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتاردا كوبىرەك ۇلەس قوسۋعا قۇلشىنۋ كەرەك. جۇڭگوشا وسىزامانعى كاسىپورىن ءتۇزىمىنىڭ تالابى بويىنشا كاسىپورىنداردى باسقارۋ قۇرىلىمىن كەمەلدەندىرىپ، جارناگەرلەردىڭ ارەكەتىن ارناعا ءتۇسىرىپ، ىشكى باقىلاۋدى كۇشەيتۋ؛ حاۋىپ-قاتەردەن ساقتانۋ مەحانيزمىن اقاۋسىزداندىرۋ؛ ەڭبەك، دارىندى، ءبىلىم، تەحنيكا، كاپيتال، ساندى مالىمەت سياقتى ءوندىرىس فاكتورلارىن پايدالانۋ، باسقارۋ، قورعاۋ مەحانيزمىن ۇزدىكسىز كەمەلدەندىرۋ؛ كاسىپورىن ءىزباسارلارىن جەتىلدىرۋگە ءمان بەرۋ كەرەك. ادال، زاڭعا بويسۇنىپ تيجارات جۇرگىزۋگە تاباندى بولىپ، دۇرىس قۇن كوزقاراسىن جانە ءمورال كوزقاراسىن ورناتىپ، ءىس جۇزىندىك ارەكەت ارقىلى حالىقتىق شارۋاشىلىقتىڭ اقاۋسىز دامۋىن جەبەۋ كەرەك. قوعامدىق جاۋاپكەرشىلىكتى بەلسەنە اتقارىپ، جاراسىمدى ەڭبەك قاتىناسىن بەلسەنە ورناتىپ، ەكولوگيالىق ورتانى قورعاۋدى مىقتى يگەرىپ، الەۋمەتتىك يگىلىك، قايىر-ساحابات ىستەرىنە بارىنشا ات سالىسىپ، قوعامعا كوبىرەك مەيىر باعىشتاۋ كەرەك.

ۋاڭ حۋنيڭ ءماجىلىستى باسقارعاندا بىلاي دەدى: باس شۋجي شي جينپيڭنىڭ ماڭىزدى سوزىندە حالىقتىق شارۋاشىلىقتىڭ دامۋىندا قول جەتكەن كەلەلى جەتىستىكتەر جانە مەملەكەتتىڭ ەكونوميكالىق، قوعامدىق دامۋىنا قوسقان ماڭىزدى ۇلەسى تولىق تۇراقتاندىرىلىپ، حالىقتىق شارۋاشىلىقتىڭ دامۋى ءدوپ كەلگەن وراي مەن سىن-سايىستاردى دۇرىس تانۋ باسا دارىپتەلىپ، كەزەكتەگى جانە بۇدان بىلايعى ءبىر مەزگىلدەگى حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەۋ جونىندە جان-جاقتى ورنالاستىرۋ جاسالدى.ءسوزدىڭ ماقساتى اسقاق، يدەياسى تەرەڭ، بايىمداۋى ەگجەي-تەگجەيلى، مازمۇنى باي بولدى، ءبىز مۇقيات ۇيرەنىپ، ءتۇسىنىپ، باتىل دايەكتى تياناقتاندىرۋىمىز كەرەك. دامۋ سەنىمىن بەكەمدەپ، جالپى جاعداي تانىمىن، جۇيەلى كوزقاراستى، زاڭمەن باسقارۋ رۋحىن كۇشەيتىپ، ءتۇرلى ساياساتتاردى ناقتىلى تياناقتاندىرىپ، حالىقتىق شارۋاشىلىق دامۋىندا جاڭا جاعداي جاراتۋعا قۇلشىنۋ كەرەك.

شى تايفىڭ، لي شۋلي، حى ليفىڭ، ۋ جىڭلۇڭ، مۋ حۇڭ اڭگىمە ماجىلىسكە قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارىنداعى، مەملەكەتتىك ونەركاسىپ-ساۋدا بىرلەستىگىندەگى جاۋاپتى جولداستار، حالىقتىق كاسىپورىندار جاۋاپتىلارىنىڭ ۋاكىلدەرى اڭگىمە ماجىلىسكە قاتىناستى.