شينتۋان گۋلۋ مۇناراسىنىڭ الدىندا گۇلدەنۋ سوزگە تيەك ەتىلدى 

شي جينپيڭ: تۇرمىستارىڭىزدىڭ بارعان سايىن جاقسارۋىن تىلەيمىن،-دەدى

3-ايدىڭ 17-كۇنى تۇستەن كەيىن، باس شۋجي شي جينپيڭ گۇيجوۋدىڭ ليپيڭ اۋدانى جاۋشيڭ دۇڭزۋ ۇلتى قىستاعىنا بارىپ قىزمەت تەكسەردى. قىستاقتاعى شينتۋان گۋلۋ مۇناراسىنىڭ الدىندا، شي جينپيڭ قىستاق كادرلارىمەن جانە قىستاق تۇرعىندارىنىڭ ۋاكىلدەرىمەن بىرگە جىلى سۇپىعا قورالانا وتىرىپ اۋىل-قىستاقتى جاپپاي گۇلدەندىرۋدى تىلگە تيەك ەتتى. كوپشىلىك باس شۋجيگە سوڭعى جىلداردان بەرگى قىستاقتىڭ وزگەرىسى مەن باقىتتى تۇرمىستارىن جارىسا باياندادى. شي جينپيڭ قۋانىشتى بەينەدە بىلاي دەدى: سىزدەردىڭ اڭگىمەلەرىڭىزدەن، كوڭىل كۇيلەرىڭىزدەن قىستاقتىڭ سوڭعى جىلدارى گۇلدەنىپ-كوركەيگەنىن كورۋگە بولادى. قازىر ساياحات وتە ۇلكەن كاسىپكە اينالدى، اۋىل-قىستاق ساياحاتى دابىرالى جۇرىلۋدە، ۇلتتىق رايوندار وزدەرىنىڭ ەرەكشە مادەنيەتتەرىن ساقتاپ، مادەنيەت پەن ساياحاتتى توعىستىرۋ بارىسىندا ءتىپتى دە شۇعىلا شاشتىرۋ كەرەك. تۇرمىستارىڭىزدىڭ بارعان سايىن جاقسارۋىن تىلەيمىن!