ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4-ايدىڭ 3-كۇنى تۇستەن بۇرىن استانا مىندەتتى اعاش ەگۋ قيمىلىنا قاتىناسقاندا مىنالاردى باسا دارىپتەدى: اعاش ەگىپ، ورمان ءوسىرۋ ەكولوگيالىق وركەنيەت قۇرىلىسىنىڭ ماڭىزدى بۋىنى. جەر-جەر مەن تاراۋلار اناعۇرلىم اتتانىسقا كەلىپ، قالىڭ كادرلار مەن بۇقارانى ورمان ءوسىرىپ، جاسىلداندىرۋعا بەلسەنە ات سالىسۋعا جۇمىلدىرىپ، ۇيىمداستىرىپ، جاسىل دامۋ تانىمىن امالياتتا ايگىلەپ، ەكولوگيالىق مادەنيەتتى ساۋلەلەندىرىپ، كورىكتى جۇڭگونى بىرگە قۇرۋدىڭ ايبىندى كۇشىن توپتاپ، وتانىمىزدىڭ بايتاق دالاسىن اناعۇرلىم جاسىلداندىرۋ، ومىرشەڭدىك كۇشكە يە ەتۋ كەرەك.

 

 چيڭميڭ قارساڭىندا، استانا بەيجيڭدە كوكتەم لەبى ەسىپ، كورىكتى تابيعات ەرەكشە كوز تارتادى. تۇستەن بۇرىن ساعات 10 نان 30 مينۋت وتكەندە، پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار توپتىق اۆتوبۋزعا  وتىرىپ، فىڭتاي رايونىنداعى يۇڭديڭحى وزەنىنىڭ جاعاسىنا بارىپ، كادر-بۇقارامەن بىرگە مىندەتتى اعاش ەگۋگە قاتىناستى.

 

اعاش ەگۋ ءتۇيىنى يۇڭديڭ وزەنىنىڭ بويىنداعى جاسىلداندىرىلعان جولدان ۇلگى كورسەتۋ بولەگىنە ورنالاسقان، بۇل وڭىردە سۋ جۇيەسىنىڭ فورماسى الۋان ءتۇرلى، ءۇرتىس 7 كيلومەترگە جالعاسقان جاعاجاي الاڭقىسى بار، ەكولوگيانى قورعاۋ جانە سەيىل-سەرۋەن، دەنە شىنىقتىرۋ يقۋاتىن قامتىعان جاعاجاي جاسىل ءدالىزى سالىنۋدا.

 

باس شۋجيدىڭ كەلگەنىن كورىپ، اعاش ەگىپ جاتقان كادر-بۇقارا باس شۋجيگە ىستىق ىقىلاسپەن امانداستى. شي جينپيڭ كوپشىلىككە قول بۇلعاپ قۇرمەت ءبىلدىردى، ول قولىنا كۇرەك الىپ اعاش ەگۋ تۇيىنىنە بارىپ، ناق مايداندا جۇرگەن بەيجيڭ قالاسىنداعى، مەملەكەتتىك ورمان-جايلىم مەكەمەسىندەگى جاۋاپتى جولداستارمەن، كادر-بۇقارامەن جانە پيونەرلەرمەن بىرگە قاربالاس ەڭبەككە كىرىستى.

 

شۇڭقىر قازىپ، شەتىن قىرلاپ، سۋ قۇيدى....شي جينپيڭ ماي قاراعاي، ۇيەڭكى، ورىك اعاشى، دەرەن اعاشى، ەۆكومميا اعاشى، ۇيەڭكى تال سياقتى قالامشالاردى ىركەس-تىركەس ەكتى. شي جينپيڭ ءبىر جاعىنان ەڭبەك ىستەپ، ەندى ءبىر جاعىنان بالالاردىڭ ۇيرەنۋ، تۇرمىس جانە ەڭبەكپەن شىنىعۋ جاعدايىن ۇعىستى. ول مىنالاردى باسا دارىپتەدى: تاماشا تۇرمىستىڭ بارلىعى ەڭبەكپەن جاراتىلعان، قالىڭ جاستار مەن ورەندەر ەڭبەكتى، ۇلى تابيعاتتى قىزۋ ءسۇيىپ، اعاش ەگىپ، ورمان ءوسىرۋ سياقتى الەۋمەتتىك يگىلىك قيمىلدارعا بەلسەنە قاتىناسىپ، ەڭبەك بارىسىندا دەنە شىنىقتىرىپ، ەرىك-جىگەردى شىڭداپ، ءبىلىمدى ارتتىرىپ، احىلاق، اقىل-وي، دەنە، ەستەتيكا، ەڭبەك جاقتارىنان جان-جاقتى جەتىلۋ كەرەك. اعاش ەگۋ الاڭى دۋمانعا بولەندى.

 

اعاش ەگۋ كەزىندە، شي جينپيڭ سول جەردەگى كادر-بۇقارامەن ىقىلاستى اڭگىمەلەستى. ول بىلاي دەدى: قازىر ەلىمىزدىڭ ورمانمەن كومكەرىلۋ مولشەرى %25 تەن اسىپ، دۇنيە جۇزىندەگى جاڭادان قوسىلعان جاسىلداندىرۋ كولەمىنە شامامەن %25 تەي ۇلەس قوستى. ۇزدىكسىز قۇلشىنۋ ارقىلى تاكلاماكان ءشولىنىڭ جيەگى جاسىلداندىرىلىپ، حورچين قۇمدىعى اۋەلگى ساحارا قالپىنا قايتا ورالدى، بۇل ناتيجە وڭاي-وسپاق قولعا كەلگەن جوق. ەكولوگيالىق ورتانىڭ ۇزدىكسىز جاقسارعاندىعىن حالىق بۇقاراسى ەڭ تىكە، ەڭ شىنايى سەزىنە الادى. سونىمەن بىرگە، ەلىمىزدىڭ ورمان، جايىلىم بايلىعىنىڭ جالپى مولشەرى ءالى دە جەتكىلىكسىز، ساپا ونىمدىلىگى ءالى دە جوعارى ەمەس ەكەنىن كورە ءبىلۋىمىز كەرەك. كورنەكتى ماسەلەلەردى كۇش سالا شەشىپ، جىلدان جىلعا جاقسى ىستەۋگە كۇش سالۋ كەرەك.

 

شي جينپيڭ بىلاي دەپ اتاپ كورسەتتى: وتاندى جاسىلداندىرۋدا، ءسوز جوق، جاسىل جەر كولەمىن كەڭەيتۋ، جاسىل كاسىپتى گۇلدەندىرۋ، جاسىل القاپتى قورعاۋ سىندى «ءۇش جاسىل كاسىپتى» قاتار جۇرگىزۋگە تاباندى بولىپ، ورمان-توعاي سۋ قامباسى، اقشا قامباسى، استىق قامباسى، كومىرتەگى قامباسى سىندى «ءتورت قامبانىڭ» بىرلەسىپ ارەكەتتەنۋىن ىلگەرىلەتۋ كەرەك. «ساپانى جوعارىلاتۋعا» اناعۇرلىم ءمان بەرىپ، ورمان قۇرىلىمىن ساپالاندىرىپ، ورمان تيجاراتىن ويداعىداي جۇرگىزىپ، جايلىم ەكولوگياسىنىڭ ساپاسىن بىرگە جوعارىلاتۋ كەرەك. «كاسىپ سالاسىن گۇلدەندىرۋگە» اناعۇرلىم ءمان بەرىپ، رەفورما ادىستەرىنەن كوبىرەك پايدالانىپ، ورمان، جايلىم بايلىعىن جانداندىرىپ، ورمان، جايلىم كاسىبىن زورايتۋ كەرەك. «حالىققا پايدا جەتكىزۋگە» اناعۇرلىم ءمان بەرىپ، بۇقارانىڭ ماڭىنداعى جاسىلدىقتى، كوز الداعى كوركەمدىكتى ارتتىرىپ، ورمان، جايلىم سالاسىندا جۇمىستاندىرۋ، كىرىستى ارتتىرۋ ءورىسىن كەڭەيتۋ كەرەك.

 

شي جينپيڭ بىلاي دەپ باسا دارىپتەدى: مىندەتتى اعاش ەگۋ − جالپى حالىقتىق ارەكەت، ونى ۇرپاقتان-ۇرپاققا جالعاستىرا بەرۋ كەرەك. جاۋاپكەرشىلىك تانىمدى نىعايتىپ، ات سالىسۋ تاسىلىندە جاڭالىق اشىپ، قىزمەت وتەۋ تىرەگىن كۇشەيتىپ، وسى قيمىلدى تىڭعىلىقتى ورىستەتىپ، ورمان ءوسىرىپ، جاسىلداندىرۋدىڭ ناقتى ونىمدىلىگىن ۇزدىكسىز جوعارىلاتۋ كەرەك.

 

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك كەڭەستىڭ مۇشەلەرى قاتارلىلار اعاش ەگۋ قيمىلىنا قاتىناستى.