ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

مۇزارت باۋرايىنداعى كۇز سيمفونياسى

来源:جۇڭگو قازاق راديو تورابى     |责编:阿依娜古丽|     发布日期: 2019-10-18 10:32

 

باقىتبەك ءجۇمادىل ۇلى


    جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىق مەرەي تويى دابىرالى تويلانىپ جاتقان «مەملەكەت مەرەكەسىنىڭ ۇزاق دەمالىسىندا» كۇز باسىنداعى تابيعات كورىنىستەرىن فوتو سۋرەتكە تۇسىرسەك دەگەن ماقساتپەن، تانىمالى فوتوگراپ جارقىن يماممادى ۇلى ەكەۋىمىز، ۇلى جاراتىلىس سيلاعان سىرلى دا سۇلۋ تابيعاتى بار، شۇرايلى ورتەكەستەگى شاتى اڭعارىنا ارنايى باردىق. ۇستىرتتىك قوڭىرجاي بەلدەۋلىك كيلاماتقا جاتاتىن ورتەكەستەگى، كوك تىرەگەن قارلى شڭدى اسقار تاۋى، قويناۋىنا قۇت ۇيىعان ورماندى القابى، سىڭعىرلى ساۋمال بۇلاقتارى بار «شاتى كورنىس ٴوڭىرى» كۇز باسىنداعى سارالا تارتقان الۋان بوياۋمەن اسەمدەلىپ، تابيعات كوركى كوز سۇرىندىرەدى ەكەن.
ورتەكەستى، بىيىكتەپ قويعان جاستىقشا باتىس وڭتۇستىك ىرگەسىنە جاستانىپ جاتقان ىلە اڭعارىنىڭ ەرەكشە قالىپتاسقان جەر بەدەرى، كۇزگى تابيعاتى ءتىل جەتكىسىز اسەم بولادى. كۇز كەلىسىمەن، بىيىكتەۋ وڭىرلەردەن بىرتىندەپ تومەندەي ورمان جاپىراقتارى مەن الۋان ءتۇرلى وسىمدىكتەرى ايرىقشا اسەم رەڭىمەن بويالىپ، سارالا تارتىپ كورگەن جاننىڭ كوز مەيرىن قاندرادى. كوك وزەن جاعالارىنداعى تال، تەرەكتەردىڭ جاپراقتارى التىنمەن اپتالعانداي سارى تۇسكە ەنسە، ءدۇيىم ىلە اڭعارىنىڭ تەرىستىك بەتكەيلەرىندەگى جىرا-جىلعالاردى قۋالاي تارالعان اۋماقتى جابايى الما، ورىك ورمانىنىڭ جاپراقتارى القىزىل تۇسكە ەنىپ، كەڭ ساحارا توسىنە الىپ كىلەم توسەگەندەي الۋان ورنەكتى كورىنىس قالىپتاسترادى. قىرداعى قوڭىرسىعان قويناۋلاردا ماي توڭعىسىز كۇزگى كۇننىڭ شۋاعى بەتىڭزگە جاس ارۋدىڭ جاقىنداعان دەمىندەي لەپتى سەزىلەدى. ال، ءدال وسى كەزدە قار جامىلعان اق باس شىڭدى بىيىك تاۋ بوكتەرلەرى قاھارلى قىستىڭ ىزعارىن كوز الدىڭىزعا كولدەنەڭ تارتادى. وسى سۋرەتتەۋلەرىمىزدىڭ دالەلىندەي ءبىز شاتىعا بارعانشا ويداعى ولكەدە ساعىم ويناعان سارى دالانىڭ جىلى جالىنى ەسىپ، جەيدەشەك جۇرگەن ەدىك، تۇستەن كەيىننەن باستاپ كۇزدىڭ سۋقىلتىم جاڭبىرى تولاستاماي، تاۋ جاقتا ارتى قارعا اينالىپ كەتتى. ءبىز سول كۇنى جاۋىن شاشىنعا قاراماي شاتى اڭعارىن ورلەپ، ساياحات تۇينىنىڭ توقتاعان جەرى «شاتى اراسانىنا» بارىپ، ورمان قورعاۋشىنىڭ اعاش ۇيىنە قوندىق.


    ەرتەسى تاڭەرتەڭ دارقان تاۋ تابيعاتى بىزگە جومارتتىعىن بايقاتقانداي، كۇن شايداي اشلىپ، شاتىنىڭ كوركەم كەلبەتى مەن مۇندالادى. بايقاساق؛ شاتى وزەنىنىڭ باسىندا اسپاننان تومەن تارتىلعان اق شىمىلدىقتاي كورىنگەن «مۇزارت شىڭى» كۇنگە شاعىلىسا اسقاق بوي كوتەرىپ تۇر. شاتى اڭعارىنىڭ باسىنان اياعىنا دەيىنگى توڭىرەك، قوزى كوش جەرى ءبىر ماۋسىمنىڭ ماقامىن شەرتىپ، ءار مەزگىلدىڭ اسەمدىگىن قابىستىرا كوز الدىڭىزعا اكەلىپ، كۇزگى تاۋ تابيعاتىنىڭ سازدى سەيمفونياسى جان سەزىمىمىزدى باۋراپ تۇراعاندىعى ايقىن سەزىلدى. سول شاقتا ءبىز سۋرەت تۇسىرۋگە وراي بەرىپ، كۇننىڭ اشىلا قالعانىنا «جەردەن التىن تاپقانداي» قۋانا، قاربالاس سۋرەت ءتۇسىرىپ، ساسكە بولىپ كۇن كوتەرىلگەندە شاتى وزەنىن بويلاي، قۇلداپ قايتا قايتتىق.


    ۇلى تاۋ تابيعاتىنىڭ كۇزگى كوركىنەن العان اسەرىمىز وزىمىزگە شىن بولعانىمەن وزگەگە وتىرىكتەي سەزىلمەسىن دەپ، وسى رەت شاتىنىڭ كۇزگى كورىنىستەرىنەن تۇسىرگەن سۋرەتتەردەن بىرازىن وقىرمانداردا بىرگە كوزايىم بولسىن دەپ ۇسىنىپ وتىرمىن.!



 اسپان شىمىلدىعىنداي اسقاق كورىنگەن مۇزارت شىڭى


 كۇز باسىنداعى شاتى اڭعارى


 مۇزارت شىڭىنىڭ شىعىس ساعاسىنداعى اسقار تاۋلار


 كوگىندە قىران قالىقتاعان قارلى شىڭ


 بۇلت قوناقتاعان قويناۋ


 تاڭعى تۇماننان اق بەلبەۋ بۋىنعان تاۋ ساعاسى


 شاتى اڭعارىنداعى سالالى سارى كۇنگەي


 كوز ۇشىندا مۇنارتقان شاتى وزەنىنىڭ باسى


 بىيىككە تالاسا وسكەن جاس قاراعايلار


 شاتى اڭعارىنداعى قوڭىر كۇز


 جازىقتاعى تاڭعى شىق


ەتەكتە كۇز، تاۋ باسى قىس


 استىنان ىستىق اراسان شىعىپ جاتقان كەرىشتى بەتكەي


 دالا تورعايى


 شاتىداعى «سىبىرتكى قورىم»


 شاتى وزەنىندەگى «تاسباقا تاس»


 مارالدى سايىنداعى بۇعى، مارالدار.


 شاتى اۋزىندا كۇزگى شۋاقتاعى جىلقىلار


 ورتەكەستىڭ سارى دالاسىندا جاتقان قىسىراقتىڭ ءۇيىرى


 تۇلپار مەكەنىندەگى ىمىرت بوياۋى

ىلە وبلىستىق مادەنيەت- ساياحات مەكەمەسى
سۋرەتتەردى تۇسىرگەن باقىتبەك ءجۇمادىل ۇلى

中央广播电视总台 央广网 版权所有