ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

جابايى حايۋاناتتار باقشاسىنداعى ارقار تولدەدى

来源:Kazakcnr     |责编:达吾力别克 |     发布日期: 2020-05-11 16:27

اقساي قازاق اۆتونوميالى اۋداندىق توعىسپالى مەديا ورتالىعىنان بەرعالي جاپار ۇلى، مۇراتبەك زاكىش ۇلى حابارلايدى. جۋىق كۇندەرى، ءتىلشى اقساي قازاق اۆتونوميالى اۋدانىنىڭ جابايى حايۋاناتتار باقشاسىنان جاڭادان تۋىلعان قوزىقانى كوزدەن كەشىرىپ، تىلشىلىك جاساي باردى. قوزىقانىڭ ءتۇسى سۇرعىلىت بولىپ، بوتەن ادامنان ىعىستاپ، تاعىلىعىن ءبىلدىرىپ، ۇركە قاشىپ، ەنەسىنىڭ ارتىنا بارىپ تاسالاندى. ەنەسى دە قىراعىلىقپەن بىزگە قاراپ، ءبىزدىڭ جاقىنداۋىمىزعا ايبار كورسەتكەندەي، باسىن شايقاپ قويادى.


ۇعىسۋعا قاراعاندا، بۇل قوزىقانىڭ ەنەسى ارقار بولىپ، جاقىنعى جىلدارى جابايى حايۋاناتتاردى قۇتقارۋ ورتالىعىنىڭ قۇتقارعان جابايى حايۋاناتتارىنىڭ ءبىرى، قىزمەتكەرلەردىڭ دەن قويا باعىپ – قاعۋىندا وسى جارالانعان ارقار بىرتە ـ بىرتە قالپىنا كەلدى. ونان كەيىن قىزمەتكەرلەر جان – جاقتىلى تەكسەرۋ، باقىلاۋ، زەرتتەۋ ارقىلى گانسۋ ولكەسى گانان زاڭزۋ اۆتونوميالى وبلىسىنىڭ ماچۇي اۋدانىنان اۋلا قويىنىڭ قوشقارىن اكەلىپ، ارقار مەن تابيعي بۋدانداستىرىپ، ءبىر جىلدان استام ۋاقىت باعىپ قاراۋ ارقىلى، وسى كىشكەنتاي قوزىقانى ءساتتى تولدەتتى. قوزىقانىڭ ەنەسى شۇلەن تاۋىنىڭ باتىس بولەگىندە جاسايتىن التىن تاۋىنىڭ ارقارى بولسا، ال اتالىعى گانناننىڭ ماچۇي اۋدانىنداعى اۋلا قويىنىڭ تۇقىمى ەكەن.


جۋىق جىلداردان بەرى، اقساي اۋدانى جابايى حايۋاناتتاردى قورعاۋ تەبىنىن ارتتىرىپ، جابايى حايۋانات پەن تابيعات ورتاسىنداعى جاراسىمدىلىقتى جەبەپ، جابايى حايۋاناتتاردىڭ ءوسىپ – ءونۋى مەن الاڭسىز تىرشىلىگى ءۇشىن تاماشا ورتا جاراتىپ بەردى. جابايى حايۋاناتتاردى قۇتقارۋ پۋنكتى جابايى حايۋاناتتاردى قۇتقارۋ، اۋاشالاپ باقىلاۋ، دەن قويا باسقارۋ، كۇتىمدەۋ، قالپىنا كەلتىرۋ، دالادا باعۋ سياقتى شارالاردى قولدانىپ، ىلگەرىندى - كەيىندى اۋدان كولەمىندە تىرشىلىك ەتەتىن ءىلبىس، تۇيە كيىك، ارقار، كوك ەشكى، سىلەۋسىن، ۇلار سياقتى مەملەكەتتىك 1 -، 2 - دارەجەلى سيرەك كەزدەسەتىن 20 نەشە ءتۇرلى، 380 نەن استام جابايى حايۋاناتتار بايلىعىن ءونىمدى قورعاپ، ادام مەن تابيعاتتىڭ جاراسىمدىلىعىن جەبەپ كەلدى.

中央广播电视总台 央广网 版权所有

جابايى حايۋاناتتار باقشاسىنداعى ارقار تولدەدى

جۋىق كۇندەرى، ءتىلشى اقساي قازاق اۆتونوميالى اۋدانىنىڭ جابايى حايۋاناتتار باقشاسىنان جاڭادان تۋىلعان قوزىقانى كوزدەن كەشىرىپ، تىلشىلىك جاساي باردى. قوزىقانىڭ ءتۇسى سۇرعىلىت بولىپ، بوتەن ادامنان ىعىستاپ، تاعىلىعىن ءبىلدىرىپ، ۇركە قاشىپ، ەنەسىنىڭ ارتىنا بارىپ تاسالاندى. ەنەسى دە قىراعىلىقپەن بىزگە قاراپ، ءبىزدىڭ جاقىنداۋىمىزعا ايبار كورسەتكەندەي، باسىن شايقاپ قويادى.