ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

اقساي اۋدانى جابايى حايۋاناتتاردى قۇتقارۋ پونكىتىندەگى تيبەت قۇلانى ءساتتى قۇلىندادى

来源:جۇڭگو قازاق راديو تورابى     |责编:达吾力别克 |     发布日期: 2020-07-07 14:56

اقساي قازاق اۆتونوميالى اۋداندىق توعىسپالى مەديا ورتالىعىنان حى يۇڭۋاڭ، اسەت ماقابات ۇلى حابارلايدى. تاياۋدا، اقساي قازاق اۆتونوميالى اۋداندىق جابايى حايۋاناتتاردى قۇتقارۋ پونكىتىندەگى ءبىر تيبەت قۇلانى قۇتقارۋ پونكىتىندەگى قىزمەتكەرلەردىڭ عىلمي جولىمەن ەمدەپ، دەن قويا كۇتىمدەپ، مۇقيات باسقارۋىندا جاراقاتى ساۋىعىپ، قۇلىندادى.


جاڭادان دۇنيەگە كەلگەن كىشكەنتاي قۇلان قۇلىنىنىڭ دەنساۋلىعى جاقسى بولىپ، ەنەسىنە ەركەلەپ ويناق سالادى. قازىر، قۇلىننىڭ ءجۇرىس – تۇرىسى، ازىقتانۋى قالىپتى، ەنەسىنىڭ دە كۇيى جاقسى.


بۇل اقساي اۋداننىڭ جابايى حايۋاناتتاردى قۇتقارۋ پونكىتىنىڭ عىلمي قۇتقارۋ، قالپىنا كەلتىرۋ، باپتاپ – كۇتىمدەۋ ارقىلى 3 – رەتكى تولدەتكەن تيبەت قۇلانى ەسەپتەلىنەدى. بۇل جابايى حايۋاناتتاردى قۇتقارۋ پونكىتىندەگى قىزمەتكەرلەردىڭ جابايى حايۋاناتتاردى قۇتقارۋ، ولاردى جاساندى جولمەن جەتىلدىرۋىنە مول تاجيربيە توپتاۋمەن قاتار، جابايى حايۋاناتتاردى پارمەندى قورعاۋ جانە جابايى حايۋاناتتاردىڭ ءومىر ءسۇرۋ داعدىسىن تەكسەرىپ – زەرتتەۋ قىزمەتىنە بەرىك نەگىز قالادى.


تاياۋ جىلداردان بەرى قاراي، اقساي اۋدانى جابايى حايۋاناتتاردى قۇتقارۋ قىزمەتىن ۇزدىكىسز كۇشەيتىپ، جارالانعان جابايى حايۋاناتتاردىڭ دەنساۋلىعىن قالپىنا كەلتىرۋگە كومەكتەستى. قازىر وسى جەردەگى 40 شارشى كيلومەتر كەلەتىن قۇتقارۋ پونكتىندە، قۇتقارىلىپ اكەلىنگەن تۇيە كيىك، تيبەت قۇلانى، قابىلان، قۇماي، اققۋ، كوك ەشكى، بۇركىت سەكىلدى 20 دان استام حايۋانات تۇرلەرىنىڭ 100 گە تاياۋى ءومىر سۇرەدى.


تيبەت قۇلانىنىڭ ورتاشا بيىكتىگى 140 سانتيمەتر بولىپ، باسى قىسقا، قۇلاعى ۇزىن، تۇمسىعى دوعال، ءجۇنى قىزىل قوڭىر ءتۇستى نەگىز ەتەدى. تەڭىز دەڭگەيىنەن 3600 - 5400 مەتر بيىك ءۇستىرتتى وڭىرلەردە جانە تابيعي قورىقتاردا تىرشىلىك ەتەدى. ادەتتە ءۇيىر سانى 10 نان اسادى، ال ەڭ كوپ بولعاندا 100 دەن اسادى. شاعىن توپتاردى ءبىر اتالىق قۇلان باستاپ كوشپەلى تىرشىلىك ەتەدى. جۇگىرۋگە شەبەر، قىراعىلىعى جوعارى. بەتەگە، قياق جانە جۋسان تەكتەس وسىمدىكتەردى ۇناتىپ جەيدى. ول نەگىزىنەن ەلىمىزدىڭ چيڭحاي ولكەسىنىڭ ءيۇي شۇۋ، گولو، حايبەي جانە حايشي وبىلستارىندا، گانسۋداعى اقساي، سۋنان جانە ماچۇي وڭىرىندە، شينجياڭنىڭ التىن تاۋى سياقتى جەرلەرى مەن شيزاڭنىڭ سولتۇستىگى، سىچۋاننىڭ باتىس وڭىرلەرىنە تارالعان.

中央广播电视总台 央广网 版权所有

اقساي اۋدانى جابايى حايۋاناتتاردى قۇتقارۋ پونكىتىندەگى تيبەت قۇلانى ءساتتى قۇلىندادى

تاياۋدا، اقساي قازاق اۆتونوميالى اۋداندىق جابايى حايۋاناتتاردى قۇتقارۋ پونكىتىندەگى ءبىر تيبەت قۇلانى قۇتقارۋ پونكىتىندەگى قىزمەتكەرلەردىڭ عىلمي جولىمەن ەمدەپ، دەن قويا كۇتىمدەپ، مۇقيات باسقارۋىندا جاراقاتى ساۋىعىپ، قۇلىندادى.