ەرىكتى ءتىلشى  گۇلميرا ماعزام قىزى، دي ۋىنچي حابارلايدى. التاي تاۋ سىلەمى وڭىرىندە ۇزاق ۋاقىت كوشىپ قونىپ تۇرمىس كەشىرگەن بايىرعى كوشپەندى ۇلتتار قىستا تاۋلى وڭىرلەردە تەرى تاباندى قارشاڭعىنى اڭ اۋلاعاندا قاتىناس قۇرالى رەتىندە پايدالاناتىن، قالامىزدىڭ لاستى اۋىلى لاستى قىستاعىنىڭ مالشىسى سىلانبەك ساقىش ۇلى، جىلقى تەرىسىمەن تاباندالعان تەرى تاباندى قارشاڭعى جاساۋدىڭ ءۇشىنشى ۇرپاق مۇراگەرى، ول  2010-جىلى اۆتونوميالى رايون دارەجەلى بەيزاتتىق مادەني مۇرا تەرى تاباندى قارشاڭعى جاساۋدىڭ  ۋاكىلدىك مۇراگەرى بولىپ تۇراقتاندى.

 

 التاي گەنەرال تاۋى حالىقارالىق قار شاڭعى سەيىل سەرۋەن رايونىنىڭ زالىندا تەرى تاباندى قارشاڭعىسىنىڭ 3 ۇرپاق مۇراگەرى سىلانبەك ساقىش ۇلى، قارشاڭعى جاتتىقتىرۋشىسى شيە لينگە تەرى تاباندى قارشاڭعىنى اياعىنا بايلاپ سىناپ كورۋىنە كومەكتەسۋدە. 

قار شاڭعى جاتتىقتىرۋشىسى شيە لين بىلاي دەدى:   مۇنداي تەرى تاباندى قارشاڭعىنى تۇڭعىش التايدان عانا كورۋىم، ەرەكشە تاڭ قالدىم، جاڭا ءوزىم سىناپ تا كوردىم، ادەتتە وزىمدى شاڭعىشىمىن دەپ جۇرىپپىن،   تەرى شاڭعى  ول شاڭعىلاردان وزگەشە ەكەندىگىن بايقادىم، مىسالى، ادەتتەگى شاڭعىمەن بەتكەيگە قاراي شىققاندا سىرعاناپ توقتامايدى ال تەرى شاڭعى بۇعان ۇقسامايدى ەكەن، تەرى تاباندى شاڭعىنىڭ تابانىنداعى تەرىنىڭ سىرعاناۋدان ساقتانۋ رولى بولعاندىقتان بەتكەيگە ىركىلمەي شىعۋعا بولادى ەكەن، وتە قولايلى سەزىندىم.

ۇعىسۋعا قاراعاندا، بايىرعى جىلقى تەرىسىنەن تابانداپ جاساعان تەرى تاباندى قار شاڭعىسىن جاساۋد، ا  نەگىزىنەن جىلقىنىڭ پۇشپاق تەرىسىن ماتەريال  ەتەدى ەكەن. جىلقىنىڭ پۇشپاق جۇنىنىڭ باعىتىن ارتقا قاراتىپ  شاڭعى تابانىنا شەگەلەيدى، ونىڭ رولى بەتكەيگە شىققاندا ارتقا قاراي سىرعاناۋدان ساقتايدى ەكەن. وسى رەتكى بايىرعى تەرى تاباندى قارشاڭعى كورمەگە قويۋعا  قۋانىشبەك سىلانبەك ۇلى   اكەسىمەن بىرگە كەلدى، بۇل رەتكى كورمە ۋاقىتى  2023 جىلدان 2024 جىلعا دەيىن جالعاسادى. 

 

قۋانىشبەك سىلانبەك ۇلى بىلاي دەدى: قار شاڭعى الاڭىنا بارىپ بايىرعى تەرى شاڭعىنىڭ جاسالۋ بارىسىن،   شينجياڭنىڭ التايدىڭ مادەنيەتىن تانىستىردىق. ساياحاتشىلار بايىرعى تەرى شاڭعى تاقتايشاسىن سۋرەتكە ءتۇسىردى، سوڭعى مەزگىلدە ءبىز ءوزىمىز جاساعان شاعىن ەستەلىك بۇيىمداردى، قولونەر بۇيىمدارىن كورمەگە قويىپ، شاعىن قولونەر بۇيىمدارى ارقىلى ءتىپتى دە كوپ ادامعا التايدىڭ مادەنيەتىن ۇعىندىراتىن بولامىز.