كومەككە شاقىرىڭىز
كەلۋقاينارى: |جاۋاپتى رەداكتور: | جاڭالانعان ۋاقىت:2018-09-26 14:04:00


2012- جىلى 8-ايدىڭ 2-كۇنى ۇرىمجىدە تۇراتىن، توعىزتاراۋدىڭ تۇلەگى، جەكە كاسىپكەر، باي ەسبول مۇقامەدەن ۇلى توعىزتاراۋ اۋدانىنا تۋىسشىلاپ كەلەدى. بۇل ازاماتتى ساباقتاس، دوستارى قۇشاق جايا قارسى الادى. داستارقان باسىندا ارينە بەلگىلى اقىن ۇمبەت پەن ابايدا بولادى. اسەم ءان، جاراسىمدى ءازىل- قالجىڭ ايتىلادى. تاماشا شىرقاۋ شەگىنە جەتكەن كەزدە اباي:


ەي، ۇمبەت ءبىز قازاقتىڭ اقىنىمىز،
ال وندا ءازىل ءسوزدى ساپىرىڭىز.
باي بولىپ اتاعىمىز شىقباسا دا،
ولەڭگە جەتىپ جاتىر اقىلىمىز.
سوڭىڭنان وكشە باسىپ مەن كەلەمىن،
ۇيتكەنى قانىمىز ءبىر اتا ۇلىمىز.
ۇرىمجىدەن ەر ەسبول كەلگەن ەكەن،
ازىراق جىر جىرلاۋعا قاقىلىمىز.
جاقىندا تاعى ۇيلەندى دەپ ەستىدىم.
قۇتتى بولسىن اياۋلى قاتىنىڭىز،
ايەلگە جارىمادىم دەپ جۇرۋشى ەڭ.
تولىپ قالعان شىعار- اۋ تاقىمىڭىز،
جاس كەلىنشەكتىڭ جۇزىگىن الىپ تاستاپ،
شاماڭ كەلسە ءبىر-ەكى قاقىرىڭىز.
ەگەردە شاماڭ جەتپەي جاتسا اعا،
ءىنىڭىزدى كومەككە شاقىرىڭىز.
ءبىر كۇن قاڭعىپ ءجۇرىپ ءولىپ كەتسەڭ.
قاي جەردەن قازىلادى اقىمىڭىز،
قايتا- قايتا ۇيلەنۋ ماقسات ەمەس.
باياندى بولسىن اعا اقىرىڭىز،-دەگەندە ۇمبەت: «قاي جەتىسكەننەن ۇيلەنىپ ءجۇر عوي دەيسىڭ، ەندى توقتات» دەپ جاتا كەتىپتى.

 

ەسكەرتۋ: بۇل اباي اباي جارىلقاسىن ۇلى

دايىنداعان: جەڭىس ىرسحان ۇلى