ينفورماتسيا اشكەرەلەۋ: mzjubao@cnr.cn

باس حابار

شي جينپيڭ 7-كەزەكتى دۇنيە جۇزىلىك اسكەريلەر سپورت جارىسىنىڭ ٴساتتى وتكىزىلگەندىگىنە ماڭىزدى نۇسقاۋ بەردى

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 10:34


ء    وز حابارىمىز: ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا 7-كەزەكتى دۇنيە جۇزىلىك اسكەريلەر سپورت جارىسىنىڭ ٴساتتى وتكىزىلگەندىگىنە ماڭىزدى نۇسقاۋ بەرىپ، مىنانى باسا دارىپتەدى: 7-كەزەكتى دۇنيە جۇزىلىك اسكەريلەر سپورت جارىسى ٴساتتى وتكىزىلىپ، جۇڭگو كەلبەتى مەن اسكەريلەردىڭ ەرەكشەلىگىن ايگىلەنىپ، «جارىس وتكىزۋ دەڭگەيى، جارىسقا قاتىناسۋ ناتيجەسى ۇزدىك بولۋ» نىساناسى جۇزەگە استى. جاڭا جۇڭگو قۇرىلعاندىعىنىڭ 70 جىلدىعى ورايىندا، وسى رەتكى حالىقارالىق اسكەري سپورت جينالىسىنىڭ ٴساتتى وتكىزىلۋى دۇنيە جۇزىنە جاڭا داۋىردەگى جۇڭگو وبرازىن، جۇڭگونىڭ بەيبىت دامۋ دارىپتەمەسىن ايگىلەدى. بۇل-پارتيا ورتالىق كوميتەتى مەن ورتالىق اسكەري ىستەر كوميتەتىنىڭ باسشىلىعىندا ۇيىمداستىرۋ القاسىنىڭ، ارميا جانە جەرلىك ورىننىڭ قاتىستى جاقتارىنىڭ ورتاق قۇلشىنۋىنىڭ ناتيجەسى. حۋبي ولكەسى مەن ۋحان قالاسى وسكەلەڭ ساياسي جاۋاپكەرلىكپەن دەن قويا ۇيىمداستىرىپ، كەمەلدەندىرە ٴتۇسىپ، قالىڭ قالا تۇرعىندارى قوجايىندىق بەينەمەن بەلسەنە ات سالىسىپ، بەلسەنە ۇلەس قوسىپ، اسكەريلەر سپورت جارىسىنىڭ تابىستى بولۋىنا ماڭىزدى ۇلەس قوستى.


    شي جينپيڭ مىنالاردى انىق ايتتى: قاتىستى جاقتار قورىتىندىلاۋ جانە ماداقتاۋ ـ سيلاۋ قىزمەتىن مۇقيات جاقسى ىستەۋ، تابىستاردى ساۋلەلەندىرىپ، زەيىن-زەردەنى، كۇش-قۋاتتى شوعىرلاندىرىپ، قالىڭ كادرلار مەن بۇقارانى «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل-پاراسات پەن كۇش ـ قۋات قوسۋعا ىنتالاندىرۋ كەرەك.


    10-ايدىڭ 18-كۇنىنەن 27-كۇنىنە دەيىن 7-كەزەكتى دۇنيە جۇزىلىك اسكەريلەر سپورت جارىسى حۋبي ولكەسىنىڭ ۋحان قالاسىندا وتكىزىلدى، 109 مەملەكەتتەن كەلگەن 9300 دەن استام اسكەري سپورت ساڭلاعى جارىسقا قاتىناستى. سپورت جارىسىندا 27 ۇلكەن ٴتۇر، 329 شاعىن ٴتۇر بويىنشا جارىس وتكىزىلدى، ٴار ەلدىڭ اسكەري سپورتشىلارى ورەلى ونەر كورسەتىپ، 7 تۇردە دۇنيە جۇزىلىك رەكوردىن، 85 تۇردە حالىقارالىق اسكەري سپورت جارىسىنىڭ رەكوردىن جاڭالادى. جۇڭگو حالىق ازاتتىق ارمياسىنىڭ دەنە تاربيە ۋاكىلدەر ۇيىرمەسى 133 التىن مەدال، 64 كۇمىس مەدال، 42 مىس مەدال الىپ، التىن مەدال جانە مەدال تاقتاسىندا 1-ورىندى يەلەپ، جۇڭگو سپورت توبىنىڭ وسىناۋ ۇلى جارىستا قول جەتكىزگەن ناتيجەسىندە تاريحي سيپاتتى جاڭالىق جاراتتى.


اۋدارعان: قاناتبەك جۇماباي ۇلى

中央广播电视总台 央广网 版权所有