ينفورماتسيا اشكەرەلەۋ: mzjubao@cnr.cn

باس حابار

شي جينپيڭ ج ك پ ورتالىق كوميتەتىنىڭ ساياسي بيۋروسى ٴماجىلىسىن باسقارىپ اشتى

来源:جۇڭگو قازاق راديو تورابى     |责编:阿依娜古丽|     发布日期: 2019-11-30 09:29


    ٴوز حابارىمىز. ج ك پ ورتالىق كوميتەتىنىڭ ساياسي بيۋروسى 11-ايدىڭ 29-كۇنى ٴماجىلىس اشىپ، «جۇڭگو كوممۋنيستىك پارتياسىنىڭ پارتيا جانە مەملەكەت ورگاندارىنداعى نەگىزگى ساتى ۇيىمدارىنىڭ قىزمەت ەرەجەسىن» جانە «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىنداردىڭ نەگىزگى ساتى ۇيىم قىزمەت ەرەجەسىنىڭ سىناق رەتىندە اتقارىلۋ نۇسقاسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.


    ماجىلىستە مىنالار اتاپ كورسەتىلدى: «جۇڭگو كوممۋنيستىك پارتياسىنىڭ پارتيا مەن مەملەكەت ورگاندارىنداعى نەگىزگى ساتى ۇيىمدارىنىڭ قىزمەت ەرەجەسىنە» وزگەرىس ەنگىزۋ- شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، جاڭا داۋىردەگى پارتيا قۇرىلىسىنىڭ جالپى تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتى تياناقتاندىرىپ، ورگان پارتيا قۇرىلىسىنىڭ ساپاسىن جاپپاي جوعارىلاتۋدىڭ ماڭىزدى شاراسى بولىپ، ورگاننىڭ پارتيا قۇرىلىسىن كۇشەيتۋ جانە جاقسارتۋ، ورگان نەگىزگى ساتى پارتيا ۇيىمىنىڭ رولىن تولىق ساۋلەلەندىرۋ جونىنەن توتەنشە ماڭىزدى مانگە يە.


    ماجىلىستە مىنالار باسا دارىپتەلدى: پارتيا مەن مەملەكەتتىڭ ٴار دارەجەلى ورگاندارىنىڭ ورنى توتەنشە ماڭىزدى، ارقالاعان جاۋاپكەرشىلىگى وتە اۋىر، ورگانداردىڭ پارتيا قۇرىلىسى باسقا سالالارداعى پارتيادا ۇلگى جانە باعدار كورسەتۋ رولىن اتقارىپ وتىر. پارتيانىڭ ساياسي قۇرىلىسىن تاباندىلىقپەن ىلگەرىلەتىپ، پارتيا ورتالىق كوميتەتى الاڭسىز، حالىق بۇقاراسى رازى بولاتىن ۇلگىلى ورگان قۇرىپ، جۇڭگوشا سوتسياليستىك تۇزىمگە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ ٴۇشىن قىزمەت ەتۋ كەرەك. ورگاندارداعى پارتيانىڭ نەگىزگى ساتى ۇيىمى جۇيەسىن كۇشەيتىپ، ورگانداردىڭ پارتيا قۇرىلىسى قىزمەتى مەن كاسىپتىك قىزمەتتىڭ ىشكەرىلەي توعىسۋىن، ٴبىرىن-ٴبىرى جەبەۋىن ىلگەرىلەتىپ، پارتيا قۇرىلىسى قىزمەتىنىڭ باعىتتامالىلىعى مەن ونىمدىلىگىن ارتتىرۋ كەرەك. پارتيا ياچەيكاسىن ولشەمدەندىرۋ، ارناعا ٴتۇسىرۋ قۇرىلىسىن ىلگەرىلەتىپ، پارتيا مۇشەلەرىن تاربيەلەۋدى، باسقارۋدى قاتايتىپ، ورگانداعى پارتيالى كادرلاردى قىزمەت ورنىن تياناق ەتىپ، ۇلەس قوسۋعا جەتەكتەۋ جانە شابىتتاندىرۋ كەرەك. ورگاندار نەگىزگى ساتى پارتيا ۇيىمدارىنىڭ كۇندەلىكتى باقىلاۋىن كۇشەيتىپ، پارتيالى كادرلاردى مىندەت جاۋاپكەرشىلىگى ٴتۇزىمى بويىنشا قاتاڭ اتقارۋعا، ۇقىق جۇرگىزۋگە، قىزمەتتى ورىستەتۋگە جەتەكتەۋ كەرەك. ساياسيدا مىقتى، كاسىپكە جەتىك، ستيلى جاقسى كادرلاردى پارتيا قىزمەتىمەن شۇعىلدانۋعا تاڭداپ، پارتيا ىستەرى كادرلارىن، اسىرەسە، نەگىزگى ساتى پارتيا ۇيىمدارىنىڭ شۋجيلەرىن تاربيەلەۋدى، باۋلۋدى كۇشەيتىپ، ورگانداعى پارتيا ىستەرى كادرلارىنىڭ قىزمەت بەلسەندىلىگىن تولىق جۇمىلدىرۋ كەرەك.


    ماجىلىستە مىنالار تالاپ ەتىلدى: ورگان پارتيا قۇرىلىسى قىزمەتىنىڭ جاۋاپكەرشىلىگىن جاپپاي تياناقتاندىرىپ، پارتيا قۇرىلىسى قىزمەتىن يگەرۋدىڭ بىرىككەن كۇشىن قالىپتاستىرۋ كەرەك. ٴار دارەجەلى پارتكومدار ورگانداردىڭ پارتيا قۇرىلىسىن ماڭىزدى ورىنعا قويىپ يگەرىپ، ۇلگىلى ورگان، ىسىلعان قوسىن قۇرۋعا كۇش سالۋ كەرەك. پارتكومنىڭ نەگىزگى جاۋاپتى جولداستارى ٴبىرىنشى جاۋاپتى ادامنىڭ جاۋاپكەرشىلىگىن اتقارىپ، باسشىلىق القاسىنىڭ باسقا مۇشەلەرىن ٴبىر قىزمەت ورنىندا ەكى جاۋاپكەرشىلىك ارقالاۋدى ويداعىداي تياناقتاندىرۋعا جەتەكتەۋ كەرەك. ورگان قىزمەت كوميتەتى ٴبىر تۇتاس باسشىلىقتى كۇشەيتىپ، پارتگرۋپپانىڭ ورگان پارتيا قۇرىلىسىنىڭ تۇلعالىق جاۋاپكەرشىلىگىن تياناقتاندىرۋعا جەتەكشىلىك ەتۋى جانە قۋزاۋى كەرەك.


    ماجىلىستە بىلاي دەپ اتاپ كورسەتىلدى: «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىنداردىڭ نەگىزگى ساتى ۇيىم قىزمەت ەرەجەسىنىڭ سىناق رەتىندە اتقارىلۋ نۇسقاسىن» زەرتتەپ بەلگىلەۋ-شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرۋ، جاڭا داۋىردەگى پارتيا قۇرىلىسىنىڭ جالپى تالابىن جانە جاڭا داۋىردەگى پارتيانىڭ ۇيىمدىق لۋشيانىن دايەكتى تياناقتاندىرۋ، پارتيانىڭ مەملەكەت مەنشىگىندەگى كاسىپورىندارعا جاپپاي باسشىلىعىنا تاباندى بولۋ جانە ونى كۇشەيتۋ سونداي-اق مەملەكەت مەنشىگىندەگى كاسىپورىنداردىڭ پارتيا قۇرىلىسىنىڭ ساپاسىن جوعارىلاتۋداعى ماڭىزدى شارا بولىپ، جۇڭگوشا وسىزاماندانعان كاسىپورىن ٴتۇزىمىن كەمەلدەندىرىپ، مەملەكەت مەنشىگىندەگى شارۋاشىلىقتىڭ باسەكەلىك قۋاتىن، جاڭالىق اشۋ قۋاتىن، تىزگىندەۋ قۋاتىن، ىقپال كۇشىن، حاۋىپ-قاتەرگە قارسىلىق قۋاتىن ارتتىرىپ، مەملەكەت مەنشىگىندەگى كاپيتالدى كۇشەيتۋ، ساپالاندىرۋ، زورايتۋ جونىنەن توتەنشە ماڭىزدى مانگە يە.


    ماجىلىستە مىنالار باسا دارىپتەلدى: مەملەكەت مەنشىگىندەگى كاسىپورىندار-جۇڭگوشا سوتسياليزمنىڭ ماڭىزدى زاتتىق جانە ساياسي نەگىزى، پارتيانىڭ بيلىك جۇرگىزىپ، ەلدى كوركەيتۋىنىڭ ماڭىزدى تىرەگى جانە سۇيەنىش كۇشى. پارتيانىڭ مەملەكەت مەنشىگىندەگى كاسىپورىندارعا جاپپاي باسشىلىعىن شىن مانىندە كۇشەيتىپ، مەملەكەت مەنشىگىندەگى كاسىپورىندارداعى پارتيا ۇيىمدارىنىڭ باسشىلىق ورنىنا ۇيىمدىق، تۇزىمدىك، مەحانيزمدىك جاقتان كەپىلدىك ەتىپ، كاسىپورىن پارتكومىنىڭ پارتيا باسشىلىق گرۋپپاسى بەتالىستى يگەرۋ، جالپى جاعدايدى باسقارۋ، تياناقتاندىرۋعا كەپىلدىك ەتۋ سىندى باسشىلىق رولىن تولىق ساۋلەلەندىرۋ كەرەك. جۇڭگوشا وسىزاماندانعان كاسىپورىن ٴتۇزىمى رەفورماسىنىڭ بەتالىسىنان جازباي، پارتيانىڭ باسشىلىعىن كۇشەيتۋ مەن سەرىكتىكتەردى جونگە سالۋدى كەمەلدەندىرۋدى ۇشتاستىرىپ، پارتيانىڭ باسشىلىعىن سەرىكتىكتەردى جونگە سالۋدىڭ ٴارقايسى بۋىندارىنا ٴسىڭىرىپ، كاسىپورىن پارتيا ۇيىمىنىڭ ىشكى ەرەجەلەرىن سەرىكتىكتەردى جونگە سالۋ قۇرىلىمىنا ەنگىزىپ، پارتيا ۇيىمىنىڭ سەرىكتىك زاڭدىق تۇلعالارىن جونگە سالۋ قۇرىلىمىنداعى زاڭدىق ورنىن ايقىنداپ جانە تياناقتاندىرىپ، مەملەكەت مەنشىگىندەگى كاسىپورىن پارتكومىنىڭ باسشىلىق رولىنىڭ ۇيىمدانۋىنا، تۇزىمدەنۋىنە، ناقتىلانۋىنا كەپىلدىك ەتۋ كەرەك. كاسىپورىن كادرلار قوسىنى قۇرىلىسىن كۇشەيتىپ، پارتياعا ادال، باتىلدىقپەن جاڭالىق اشاتىن، كاسىپورىندى جونگە سالۋدا شەبەر، كاسىپورىندى كوركەيتۋدە ىسكەر، پاك، كىرشىكسىز، ماماندانعان مەملەكەت مەنشىگىندەگى كاسىپورىنداردىڭ جوعارى ساپالى، ماماندانعان باسشى قوسىنىن كۇش سالا قۇرۋ كەرەك. پارتيا قىزمەتى قوسىنى قۇرىلىسىن كۇشەيتىپ، پارتيا قىزمەتى ورنىن كاسىپورىن امبەباپ دارىندىلارىن تاربيەلەيتىن ماڭىزدى تەكشە ەتۋ كەرەك. نەگىزگى ساتىنى مىقتى يگەرىپ، نەگىز قالاۋعا تاباندى بولىپ، نەگىزگى ساتى پارتيا ۇيىمدارىنىڭ ٴوندىرىس-تيجاراتىنا قىزمەت وتەۋدەگى، جۇمىسشى-قىزمەتكەرلەردى ۇيىستىرۋداعى، نەگىزگى ساتىنى جونگە سالۋعا ات سالىسۋداعى كۇش سالۋ ٴتۇيىنىن ٴدال تاۋىپ، نەگىزگى ساتى پارتيا قۇرىلىسى ۇستانىمىندا، مەحانيزمىندە، تاسىلىندە جاڭالىق اشۋىن ىلگەرىلەتىپ، نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمداستىرۋ قۋاتىن ۇزدىكسىز كۇشەيتىپ، مەملەكەت مەنشىگىندەگى كاسىپورىنداردىڭ نەگىزگى ساتى پارتيا ۇيىمدارىن پارمەندى جاۋىنگەرلىك قامال ەتىپ قۇرىپ شىعۋ كەرەك. ماجىلىستە مىنالار تالاپ ەتىلدى: ٴار دارەجەلى پارتكوم پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن شىنايى اتقارىپ، جوعارى ساپالى پارتيا قۇرىلىسى ارقىلى كاسىپورىنداردىڭ جوعارى ساپالى دامۋىن ىلگەرىلەتۋ كەرەك. ماجىلىستە باسقا دا ىستەر تالقىلاندى.

 

 اۋدارعان: شالقار قازەز ۇلى

中央广播电视总台 央广网 版权所有

شي جينپيڭ ج ك پ ورتالىق كوميتەتىنىڭ ساياسي بيۋروسى ٴماجىلىسىن باسقارىپ اشتى

ج ك پ ورتالىق كوميتەتىنىڭ ساياسي بيۋروسى ٴماجىلىس اشىپ، «جۇڭگو كوممۋنيستىك پارتياسىنىڭ پارتيا جانە مەملەكەت ورگاندارىنداعى نەگىزگى ساتى ۇيىمدارىنىڭ قىزمەت ەرەجەسىن» جانە «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىنداردىڭ نەگىزگى ساتى ۇيىم قىزمەت ەرەجەسىنىڭ سىناق رەتىندە اتقارىلۋ نۇسقاسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.