ينفورماتسيا اشكەرەلەۋ: mzjubao@cnr.cn

باس حابار

شي جينپيڭ 19-كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى

来源:جۇڭگو قازاق راديو تورابى     |责编:古丽美热|     发布日期: 2020-01-14 14:46

 

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 1 ـ ايدىڭ 13 ـ كۇنى تۇستەن بۇرىن جۇڭگو كوممۋنيستىك پارتياسى 19-كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە ماڭىزدى ٴسوز سويلەدى. ول مىنالاردى باسا دارىپتەدى: جاڭا ٴداۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ جانە پارتيا 19 ـ كەزەكتى ورتالىق كوميتەتىنىڭ ەكىنشى، ٴۇشىنشى، ٴتورتىنشى جالپى ماجىلىستەرىنىڭ رۋحىن جالپى بەتتىك دايەكتەندىرىپ، پارتيانى جالپى بەتتىك قاتاڭ باسقارۋدان كوزجازباي، پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، ۇقىق جۇرگىزۋدى تەجەۋ مەن باقىلاۋدى كۇشەيتىپ، پارتيانىڭ لۋشيان، باعىت-ساياساتتارىنىڭ دايەكتى تياناقتانۋىنا شىنايى كەپىلدىك ەتىپ، جالپى بەتتىك دوڭگەلەك داۋلەتتى قوعام قۇرۋعا، كەدەيلىكتەن قۇتىلدىرۋدان قامال الۋدىڭ شەشۋشى جەڭىسىنە جەتۋگە پارمەندى كەپىلدىك ازىرلەۋ كەرەك.


ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ٴتارتىپ تەكسەرۋ كوميتەتىنىڭ شۋجيى جاۋ لىجي ٴماجىلىستى باسقاردى.


شي جينپيڭ مىنالاردى باسا دارىپتەدى : پارتيا 18 ـ قۇرىلتايىنان بەرى، ٴبىز پارتيانى جالپى بەتتىك قاتاڭ باسقارۋدى بۇرىن ـ سوڭدى بولماعان باتىلدىقپەن جانە تاباندىلىقپەن ىلگەرىلەتىپ، جاڭا داۋىردە پارتيانى جالپى بەتتىك قاتاڭ باسقارۋدى ىلگەرىلەتۋدە تاريحي، جاسامپازدىق سيپاتتى تابىستارعا قول جەتكىزىپ، جالپى جۇزدىك، تەرەڭ قاتپارلى ىقپال تۋدىردىق. ٴبىز ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانىڭ باسشىلىق ٴتۇزىمى جۇيەسىن اقاۋسىزداندىرىپ، پارتيا قۇرىلىسى ٴتۇزىمى رەفورماسىن تەرەڭدەتىپ، پارتيانى جالپى بەتتىك قاتاڭ باسقارۋ ٴتۇزىمىن كەمەلدەندىرىپ، كەيبىر سالالاردا پارتيانىڭ باسشىلىعىنىڭ السىرەۋى، پارتيا قۇرىلىسىنىڭ كەمشىلدىگى، پارتيانى باسقارۋدىڭ، پارتيا ىستەرىن وڭاۋدىڭ دارمەنسىزدىگى جاعدايىن باتىل وڭاپ، پارتيانى باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدىردىق. ٴبىز بۇكىل پارتيانىڭ مۇرات ـ سەنىمىنە عىلمي نازاريامەن جەتەكشىلىك ەتۋگە تاباندى بولىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ٴتۇزىمىن ورناتىپ، بۇكىل پارتيانى جاڭا داۋىردەگى جۇڭگوشا سوتسياليزم يدەياسىمەن قارۋلاندىرۋعا، حالىقتى تاربيەلەۋگە، قىزمەتتەرگە جەتەكشىلىك ەتتىرۋگە تاباندى بولىپ، ۇيرەنۋ ـ تاربيەنىڭ تۇزىمدەنۋىن ۇدايىلاندىرۋدى ىلگەرىلەتىپ، جۇڭگو ارمانى مۇرات ـ سەنىمىن ۇزدىكسىز بەكەمدەدىك. ٴبىز «ەكىنى قورعاۋ» ارقىلى بۇكىل پارتيانىڭ ىنتىماعى مەن بىرلىگىنە جەتەكشىلىك ەتۋگە تاباندى بولىپ، پارتيا ورتالىعىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعايتىن ٴتۇرلى تۇزىمدەردى كەمەلدەندىرىپ، پارتيا ورتالىعىنىڭ كەلەلى قىزمەتتەرگە باسشىلىق ەتۋ ٴتۇزىلىسىن اقاۋسىزداندىرىپ، پارتيانىڭ ىنتىماعى مەن بىرلىگىن ءبىر تۇتاس يرادا جانە ارەكەت ارقىلى قورعاپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارالىق ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتتىك. ٴبىز ستيلدى دۇرىستاپ، ٴتارتىپتى قاتايتىپ، پارتيا، ارميا، حالىق تىلەگىن ۇيىستىرىپ، بۇرىس ستيلدەردى باتىل تۇزەتىپ، پارتيانىڭ العاباسارلىعى مەن كىرشىكسىزدىگىنە ىقپال جاسايتىن فاكتورلاردى باتىل الاستاپ، حالىق ٴۇشىن بيلىك جۇرگىزەتىن، حالىققا سۇيەنۋ ارقىلى بيلىك جۇرگىزەتىن ٴتۇرلى تۇزىمدەردى اقاۋسىزداندىرىپ، حالىقتى باستان ـ اياق جۇڭگو كوممۋنيستىك پارتياسىنىڭ بيلىك جۇرگىزۋىنىڭ جانە جۇڭگوشا سوتسياليزم ىستەرىنىڭ دامۋىنىڭ كۇش ـ قۋاتىنا اينالدىردىق.


شي جينپيڭ بىلاي دەپ انىق ايتتى: پارتيا 18 ـ قۇرىلتايىنان بەرى، ٴبىز ۇزاق ۋاقىت بيلىك جۇرگىزۋ شارت ـ جاعدايىندا وزىندىك ماسەلەلەردى شەشىپ، تاريحي مەزگىلدىك پەريودتان اتتاپ شىعاتىن تابىستى جولدى قاراستىرىپ، بيلىكتى باقىلاۋدىڭ ٴونىمدى ٴتۇزىمى مەن ٴتارتىپتى اتقارۋدىڭ، زاڭ اتقارۋدىڭ ٴونىمدى جۇيەسىن قالىپتاستىردىق، بۇل جولعا، ٴسوز جوق، ۇزاق ۋاقىت تاباندى بولۋ ٴارى ونى ۇزدىكسىز بەكەمدەۋ، دامىتۋ كەرەك. پارتيا 19 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە جۇڭگوشا سوتسياليستىك تۇزىمگە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاسالدى. ٴتارتىپ تەكسەرۋ، باقىلاۋ ـ تەكسەرۋ شەبىندە قاتىستى قىزمەتتەردىڭ تياناقتانۋىن ويداعىداي يگەرۋ كەرەك.


شي جينپيڭ مىنالاردى باسا دارىپتەدى: ساياسي باقىلاۋدى قامتاماسىزداندىرۋ ٴتۇزىمىن اتقارۋدى كۇشەيتىپ، «ەكىنى قورعاۋ» ساياسي سانالىلىعىن ارتتىرۋ كەرەك. پارتيا 19 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن دايەكتى تياناقتاندىرۋ جاعدايىن باقىلاۋ ـ تەكسەرۋدى كۇشەيتۋ؛ جۇڭگوشا سوتسياليستىك تۇزىمگە تىرەك بولاتىن ٴتۇبىرلى تۇزىمگە، نەگىزگى تۇزىمگە، ماڭىزدى تۇزىمگە بۇلجىماي تاباندى بولۋ جانە ونى بەكەمدەۋ؛ پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ تياناقتانۋىن ىلگەرىلەتۋ كەرەك. بيىل نازاردى جالپى بەتتىك دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، كەدەيلىكتەن قۇتىلدىرۋدان قامال الۋدىڭ شەشۋشى جەڭىسىنە قول جەتكىزۋ مىندەتتەرىنە شوعىرلاندىرۋ؛ باقىلاۋدى كۇشەيتىپ، ٴار دارەجەلى پارتيا ۇيىمدارىنىڭ كورەگەندىكپەن ايانباي شايقاسقا اتتانىپ، شەبەرلىكپەن ىستەپ، تابىسقا قول جەتكىزۋىن جەبەۋ كەرەك. پارتيانى جالپى بەتتىك قاتاڭ باسقارۋ جاۋاپكەرشىلىگىن تياناقتاندىرۋعا قۋزاۋ سالىپ، نەگىزگى ساتىنىڭ پارتيا باسشىلىعى مەن باقىلاۋى السىرەۋ، دارمەنسىزدىك ماسەلەسىن شىنايى شەشىپ، جاۋاپكەرشىلىكتى ارقالاۋدى، جاۋاپكەرشىلىكتە تاباندى تۇرۋدى ٴاربىر پارتيا ۇيىمىندا، ٴاربىر قىزمەت ورنىندا تياناقتاندىرۋ كەرەك. ۇقىقتىڭ دۇرىس ارنادا جۇرگىزىلۋىنە كەپىلدىك ەتۋ، دەموكراتيالىق ورتالىقتاندىرۋ تۇزىمىنە تاباندى بولۋ، عىلىمي شەشىم جاسايتىن، باتىل اتقاراتىن، پارمەندى باقىلايتىن ۇقىق اينالىمى مەحانيزمىن قالىپتاستىرىپ، ۇقىقتى ٴادىل، زاڭ بويىنشا، پاك جۇرگىزۋگە قۋزاۋ كەرەك.


شي جينپيڭ مىنالاردى انىق ايتتى: حالىقتى وزەك ەتكەن قىزمەت بەتالىسىنا تاباندى بولۋ، تاماشا ءىستىل ارقىلى جالپى بەتتىك دوڭگەلەك داۋلەتتى قوعام قۇرۋدىڭ، كەدەيلىكتەن قۇتىلدىرۋدان قامال الۋدىڭ شەشۋشى جەڭىسىنە قول جەتكىزۋ كەرەك. ايقىن تۇزىمدىك باعدار ارقىلى كادرلاردىڭ ناتيجە جاراتىپ، شارۋاشىلىق قۇرۋىنداعى فورماشىلدىقتىڭ، تورەشىلدىكتىڭ بۇعاۋىنان، «كونە سۇردەكتەن» ارىلۋىنا مۇمكىندىك جاساپ، شىندىققا جۇگىنىپ، ناقتى ٴىس تىندىراتىن، كىرشىكسىز دە پاك جاڭا ستيل، دۇرىس ستيل قالىپتاستىرۋ كەرەك. كەلەلى قىزمەت، كەلەلى كۇرەستىڭ ٴبىرىنشى شەبىندە كادرلاردى باۋلىپ، شىنىقتىرىپ شىڭداۋ، تاڭداۋلى تاماشا كادرلاردىڭ اقاۋسىز جەتىلۋىنە، توپ جارىپ شىعۋىنا مۇمكىندىك جاساۋ كەرەك. كەدەي وڭىرلەردەگى بۇقارانىڭ اڭىسى كۇشتى، بۇقارانىڭ مۇددەسىنە زيان جەتكىزەتىن كورنەكتى ماسەلەلەردى شوعىرلى تۇردە ويداعىداي شەشۋ؛ كەدەيلىكتەن قۇتىلدىرۋدان قامال الۋداعى فورماشىلدىق، تورەشىلدىك سياقتى ماسەلەلەردى دالمە ـ ٴدال شارا قولدانىپ وڭاۋ؛ كەدەيلىكتەن قۇتىلدىرۋ قىزمەتىنىڭ ونىمدىلىگىن، اسىرەسە، كەدەي اۋدانداردىڭ قالپاعىن الۋ جاعدايىن باقىلاۋدى كۇشەيتۋ كەرەك. حالىق تۇرمىسى سالاسىنداعى «بولماشى شىرىكتەسۋ» دى، قارا قوعام سيپاتتى سۇرقيا كۇشتەردى قانات استىنا الىپ ىرقىنا قويا بەرەتىن قورعاشتاۋشىلاردى، حالىققا تيىمدىلىك ساياساتىنىڭ تياناقتانۋىنا كەدەرگى بولاتىن «ورالعىلاردى» ىشكەرىلەي جازالاپ وڭاۋ، نەگىزگى ساتى پارتيا ۇيىمدارىنىڭ جالپى بەتتىك شىڭدالۋىن جەبەۋ كەرەك.


شي جينپيڭ مىنالاردى باسا دارىپتەدى: جولبارىستى دا، شىبىن-شىركەيلەردى دە تەڭ سوعۋعا ۇزدىكسىز تاباندى بولۋ، ارام قولىن تارتپايتىن تارتىپكە، زاڭعا قايشى ماسەلەلەردى ٴتۇيىندى تۇردە تەكسەرىپ ٴبىر جاقتى ەتۋ كەرەك. ء بىز ءىرىپ ـ شىرۋ مەن ءىرىپ ـ شىرۋگە قارسى كۇرەستىڭ قاتاڭدىعىن، كۇردەلىلىگىن، شىرىكتەسۋگە قارسى كۇرەستىڭ ۇزاق ۋاقىتتىلىعىن، جاپالىلىعىن جىعا تانىپ، حاۋىپ - قاتەردەن ساقتانۋ تانىمىن شىن مانىندە كۇشەيتىپ، شىرىكتەسۋدى وڭاۋ ونىمدىلىگىن جوعارىلاتۋىمىز كەرەك. پارتيا 18-قۇرىلتايىنان بەرى، ارام قولىن تارتپاعان، پارتيانىڭ نازارياسى مەن ساياساتىنىڭ دايەكتى اتقارىلۋىنا اۋىر كەدەرگىلىك جاساپ، پارتيانىڭ بيلىك جۇرگىزۋ نەگىزىنە اۋىر زيان جەتكىزگەن ىستەردى قاتاڭ جازالاۋ كەرەك. ءار ٴتۇرلى حاۋىپ-قاتەرلەردىڭ استارىنداعى ماسەلەلەردى باتىل تەكسەرىپ ٴبىر جاقتى ەتۋ؛ فينانس سالاسىنداعى شىرىكتەسۋگە قارسى تۇرۋ قىزمەتىن تەرەڭدەتۋ؛ مەملەكەت مەنشىگىندەگى كاسىپورىنداردا شىرىكتەسۋگە قارسى تۇرۋ تەبىنىن ارتتىرۋ؛ مەملەكەت بايلىعىن، مەملەكەت مەنشىگىندەگى مال-مۇلىكتى باسقارۋدى كۇشەيتۋ؛ جەرلىك ورىنداردىڭ قارىز حاۋىپ-قاتەرىندە جاسىرىنعان كومەسكى ماسەلەلەردى تەكسەرىپ ٴبىر جاقتى ەتۋ كەرەك. ەمدەۋ قۇرىلىمدارىنداعى ٴىش پەن سىرت استاسىپ الدامكوستىك ىستەپ قامسىزداندىرۋ اقىسىن الداپ قىمقىرۋ ارەكەتتەرىن باتىل تەكسەرىپ ٴبىرجاقتىلى ەتۋ، باقىلاپ-باسقارۋ مەحانيزمىن ورناتۋ جانە كۇشەيتۋ كەرەك. شەكارا سىرتىنداعى مەملەكەت مەنشىگىندەگى مال-مۇلىكتى باقىلاۋ-باسقارۋ ٴتۇزىمىن كەمەلدەندىرۋ كەرەك. ورتالىقتىڭ «8 ٴتۇرلى بەلگىلەمەسىنىڭ» رۋحىن باتىل دايەكتەندىرۋ، تاباندىلىقتى ساقتاۋ، تيتتەي دە جول بەرمەۋ، كونە ماسەلەلەردىڭ قايتا باس كوتەرۋىنەن، جاڭا ماسەلەلەردىڭ جارىققا شىعۋىنان، شاعىن ماسەلەلەردىڭ ۇلعايۋىنان ساقتانۋ كەرەك. ٴار دارەجەلى «نەگىزگى جاۋاپتى باسشىلاردى» باقىلاۋ ـ تەكسەرۋدى كۇشەيتۋ، مىندەتكە تاعايىنداۋدا تۋىس تۋعاندىق بايلانىستان اۋلاقتاندىرۋ، مەرزىم بويىنشا كەزەكپەن ىستەۋ، مىندەتىنەن بوساعاندا قازىنالىق باقىلاۋ جۇرگىزۋ قاتارلى تۇزىمدەردى كەمەلدەندىرۋ، سىن جانە ٴوز-وزىنە سىن قارۋىنان ويداعىداي پايدالانۋ كەرەك.


شي جينپيڭ مىنالاردى انىق ايتتى: پارتيا ستيلى، پاكتىك قۇرىلىسىنىڭ زاڭدىلىعىن ىشكەرىلەي يگەرۋ، شىرىكتەسۋگە باتىلدىق ەتە الماۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويلاماۋدى ٴبىر تۇتاس ىلگەرىلەتۋ كەرەك. شىرىكتەسۋگە باتىلدىق ەتە الماۋ، شىرىكتەسۋگە مۇمكىندىك بەرمەۋ، شىرىكتەسۋدى ويلاماۋ ـ شىرىكتەسۋگە قارسى كۇرەستىڭ نەگىزگى باعىتى عانا ەمەس، جاڭا داۋىردەگى پارتيانى جالپى بەتتىك قاتاڭ باسقارۋدىڭ دا ماڭىزدى جالپى جوباسى ەسەپتەلەدى. شىرىكتەسۋگە باتىلدىق ەتپەۋ، شىرىكتەسۋگە جول بەرمەۋ، شىرىكتەسۋدى ويلاماۋ ء بىرىن - ء بىرى جەبەيتىن ورگانيكالى تۇتاس تۇلعا، ء سوز جوق، ء بىر تۇتاس اتتانىسقا كەلىپ، جالپى تۇلعالىق ونىمدىلىكتى كۇشەيتۋ كەرەك. ٴتارتىپتى قاتاڭ اتقارۋ، زاڭ اتقارۋ ارقىلى ٴتۇزىمنىڭ تۇراقتىلىعىن كۇشەيتىپ، ۇزدىكسىز كەمەلدەنگەن ٴتۇزىم جۇيەسىن، قاتاڭ دا ٴونىمدى باقىلاۋ جۇيەسىن قالىپتاستىرۋدى ىلگەرىلەتىپ، مۇرات-سەنىم تاربيەسىن كۇشەيتىپ، پارتيالىلىق سانانى جوعارىلاتىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋدىڭ يدەيالىق نەگىزىن بەكەمدەۋ كەرەك. «قاتاڭ بولۋ» نەگىزگى باعىتىن ۇزاق ۋاقىت بويى تاباندىلىقپەن يگەرۋ ٴارى «ٴۇشتى پارىقتاۋدى» شەبەرلىكپەن ورىنداۋ ؛ حالىق رايىنا، حالىق تىلەگىنە ۇيلەسۋمەن بىرگە، كادرلاردى جاۋاپكەرلىك ارقالاپ، ناتيجە جاراتۋعا شابىتتاندىرۋ، «ٴتورت ٴتۇرلى فورماتسيادان» تولىق پايدالانىپ، ىركىندى ساقتالعان ماسەلەلەردى ٴونىمدى ٴبىر جاقتى ەتۋ، شەشۋ، باقىلاۋدى، تەجەۋدى كۇشەيتۋ ارقىلى ساياسي ونىمدىلىكتىڭ، ٴتارتىپ ـ زاڭ اتقارۋ ونىمدىلىگىنىڭ، قوعامدىق ونىمدىلىكتىڭ ورگانيكالى بىرلىگىن جۇزەگە اسىرۋ كەرەك.


شي جينپيڭ مىنالاردى باسا دارىپتەدى: پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، ٴتارتىپ تەكسەرۋ، باقىلاۋ-تەكسەرۋ ٴتۇزىلىسى رەفورماسىن ٴبىر تۇتاس ىلگەرىلەتۋ كەرەك. ٴتۇزىمدى ۇزدىكسىز كەمەلدەندىرۋ، جۇيەنى كەمەلدەندىرۋ، باقىلاۋ جۇيەسىن پارتيانىڭ باسشىلىق تۇزىلىسىنە ۇيلەستىرۋ، مەملەكەتتى باسقارۋ جۇيەسىنە ٴسىڭىرىپ، ٴتۇزىم ابزالدىلىعىن باسقارۋ ونىمدىلىگىنە اناعۇرلىم ويداعىداي اينالدىرۋدى ىلگەرىلەتۋ كەرەك. پارتكومنىڭ، پارتگرۋپپانىڭ جالپى بەتتىك باقىلاۋى، ٴتارتىپ تەكسەرۋ كوميتەتىنىڭ، باقىلاۋ-تەكسەرۋ كوميتەتىنىڭ ارناۋلى جاۋاپتى باقىلاۋى، پارتيانىڭ قىزمەت تاراۋلارىنىڭ فۋنكتسيالىق باقىلاۋى، پارتيانىڭ نەگىزگى ساتى ۇيىمدارىنىڭ كۇندەلىكتى باقىلاۋى، پارتيا مۇشەلەرىنىڭ دەموكراتيالىق باقىلاۋى قاتارلىلاردى ۇشتاستىرىپ، ٴبىر تۇلعالاندىرۋ كەرەك. پارتيا ىشىندەگى باقىلاۋدى جەتەكشى ەتىپ، حالىق قۇرىلتايىنىڭ باقىلاۋىن، دەموكراتيالىق باقىلاۋدى، اكىمشىلىك باقىلاۋدى، ٴادىليالىق باقىلاۋدى، قازىنالىق باقىلاۋدى، قازىنا-بۇعالتىرلىق باقىلاۋدى، ستاتيستيكالىق باقىلاۋدى، قوعامدىق پىكىر باقىلاۋىن ورگانيكالى ۇشتاستىرۋدى، ٴوزارا سايكەسۋدى كۇشەيتۋ كەرەك. ٴتارتىپ تەكسەرۋ كوميتەتى، باقىلاۋ-تەكسەرۋ كوميتەتى پارتيا مەن مەملەكەتتىڭ باقىلاۋ جۇيەسىندىك رولىن ويداعىداي ساۋلەلەندىرىپ، ٴتارتىپ تەكسەرۋ، باقىلاۋ-تەكسەرۋ ٴتۇزىلىسى رەفورماسىنىڭ ٴتۇرلى مىندەتتەرىن ٴبىر تۇتاس ىلگەرىلەتۋ، تياناقتاندىرۋ كەرەك.


شي جينپيڭ مىنالاردى انىق ايتتى: قاتاڭ تارتىپپەن ٴتۇزىمدى قورعاۋ، ٴتارتىپتىڭ تەجەۋ كۇشى مەن ٴتۇزىمدى اتقارۋ قۋاتىن كۇشەيتۋ كەرەك. جالپىلىق قامتۋ ٴتۇزىمىنىڭ اتقارىلۋىن باقىلاۋ مەحانيزمىن كەمەلدەندىرۋ، كۇندەلىكتى باقىلاۋ-تەكسەرۋدى جانە ارناۋلى تەكسەرۋدى كۇشەيتۋ كەرەك. ٴتۇزىمنىڭ اتقارىلۋ جاعدايىن باعالاپ تەكسەرۋ مازمۇنىنا ەنگىزۋ، كادرلاردىڭ ٴتۇزىم بويىنشا مىندەتىن قاتاڭ اتقارىپ، جاۋاپكەرشىلىگىن ادا ەتۋىن، ٴتۇزىم بويىنشا ىستەپ ناتيجە جاراتۋعا شەبەر بولۋىن ىلگەرىلەتۋ كەرەك. ٴ ونىمدى جاۋاپكەرشىلىك قۋزاۋ ارقىلى ٴ   تۇزىمنىڭ اتقارىلۋىن كۇشەيتۋ، ۇقىقتى بەتالدى پايدالانۋ سىندى ارەكەتتەردى دە، ۇقىعىنان پايدالانبايتىن مىندەتىن وتەمەۋ ارەكەتتەرىن دە، تىكەلەي جاۋاپكەرشىلىگىن دە، قاتىستى باسشىلىق جاۋاپكەرشىلىگىن دە قۋزاستىرۋ كەرەك.


شي جينپيڭ مىنالاردى باسا دارىپتەدى: ٴتۇزىمنىڭ بەدەلىن قورعاۋ، قامتاماسىزداندىرۋ ٴتۇزىمىن اتقارۋ-ٴتارتىپ تەكسەرۋ، باقىلاۋ-تەكسەرۋ ورگاندارىنىڭ ماڭىزدى مىندەتى. ٴتارتىپ تەكسەرۋ، باقىلاۋ-تەكسەرۋ ورگاندارى پارتيانىڭ ساياسي قۇرىلىسىن باستاماشىلدىقپەن كۇشەيتۋ، پارتياعا قالتقىسىز ادال بولۋ داڭقتى داستۇرىنە مۇراگەرلىك ەتىپ، ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل جاۋىنگەرلەر بولۋ كەرەك. پارتيا ورتالىق كوميتەتىنىڭ ٴتارتىپتىڭ اتقارىلۋىن باقىلاۋ قىزمەت ەرەجەسىن، زاڭنىڭ اتقارىلۋىن باقىلاۋ قىزمەتىن بەكىتۋ بەلگىلەمەسىن جاساۋدا ٴتارتىپ تەكسەرۋ، باقىلاۋ ورگاندارىنا ٴتۇزىم بەلگىلەپ، ەرەجە ورناتىپ، ونى بۇلجىتپاي اتقارۋ كەرەك. ٴار دارەجەلى پارتكومدار ٴتارتىپ تەكسەرۋ كوميتەتىنە، باقىلاۋ-تەكسەرۋ كوميتەتىنە بولعان باسشىلىق پەن باقىلاۋدى كۇشەيتۋ، ٴتارتىپتى اتقارۋ، زاڭ اتقارۋ ۇقىعىنىڭ باقىلانۋىنا، تەجەلۋىنە شىنايى كەپىلدىك ەتۋ كەرەك. ٴتارتىپ تەكسەرۋ، باقىلاۋ-تەكسەرۋ ورگاندارى ٴوزىن باقىلاۋدى، ٴوزىن تەجەۋدى كۇشەيتۋدە ۇلگى بولۋ، زاڭمەن باسقارۋ تانىمىن، ٴتارتىپ تانىمىن، دالەل-ىسپات تانىمىن بەرىك ورناتۋ، قىزمەتتەردى ۇقىق شەگى بويىنشا قاتاڭ ىستەپ، ەرەجە، ٴتارتىپ بويىنشا قاتاڭ ورىستەتىپ، قوسىندى اناعۇرلىم زور كۇشپەن كۇشەيتىپ، كادرلاردى شىڭداۋ كەرەك.


جاۋ لىجي ٴماجىلىستى باسقارعاندا بىلاي دەدى: باس شۋجي شي جينپيڭنىڭ ماڭىزدى سوزىندە «قوس 100 جىلدىق» كۇرەس نىساناسىن جۇزەگە اسىرۋدىڭ تاريحي توعىسۋ تۇيىنىنەن كوز جىبەرىلىپ، جاڭا داۋىردەگى پارتيانى جالپى بەتتىك قاتاڭ باسقارۋدىڭ تاريحي جەتىستىكتەرى ىشكەرىلەي قورىتىندىلانىپ، پارتيامىزدىڭ وزىدىك توڭكەرىس تابىستى جولى، ٴونىمدى ٴتۇزىمى تەرەڭ بايىمدالىپ، پارتيانى باسقارۋ، پارتيا ىستەرىن وڭاۋدا، ٴسوز جوق، نەلەرگە تاباندى بولۋ جانە بەكەمدەۋ كەرەكتىگى، نەنى كەمەلدەندىرۋ جانە دامىتۋ كەرەكتىگى سىندى كەلەلى ماسەلەلەرگە تەرەڭ تولعاي جاۋاپ بەرىلىپ، پارتيانى جالپى بەتتىك قاتاڭ باسقارۋدىڭ تىڭ جەتستىكتەرى ارقىلى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋگە ستراتەگيالىق ورنالاستىرۋ جاسالدى. ماڭىزدى سوزدە بيىك تۇرعىدان ۇزاق بولاشاققا كوز سالىنىپ، جالپى جاعداي ٴبىر تۇتاس مەڭگەرىلدى، ماڭىزدى ءسوزدىڭ ويى تەرەڭ، مازمۇنى باي بولدى، ول پارتيانى جالپى بەتتىك قاتاڭ باسقارۋدىڭ ىشكەرىلەي دامۋىن ىلگەرىلەتۋدە كەلەلى ٴمان الادى. ٴار دارەجەلى پارتيا ۇيىمدارى مەن قالىڭ پارتيالى كادرلار باس شۋجي شي جينپيڭنىڭ ماڭىزدى ٴسوزىنىڭ رۋحىن جەتەكشى ەتىپ، «ٴتورت تانىم»دى ۇزدىكسىز كۇشەيتىپ، «ٴتورت سەنىم»دى بەكەمدەپ، «ەكىنى قورعاۋ»دى ورىنداپ، تاباندى، ورنىقتى بولىپ، ورنىقتىلىق بارىسىندا ىلگەرىلەپ، «قاتاڭ بولۋ» نەگىزگى باعىتىن ۇزاق ۋاقىت جالعاستىرىپ، شىرىكتەسۋگە قارسى تۇرۋ كۇرەسىندەگى باسىمدىلىققا قول جەتكەن جەڭىس جەمىستەرىن ۇزدىكسىز بەكەمدەۋ، دامىتۋ كەرەك.


ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلارى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.


ورتالىق ٴتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنداعى تاراۋلارداعى، حالىقتىق ۇيىمدارداعى نەگىزگى جاۋاپتى جولداستار، ارميانىڭ قاتىستى ورىندارىنداعى نەگىزگى جاۋاپتى جولداستار ماجىلىسكە قاتىناستى. ٴماجىلىس تەلەۋيزور ـ تەلەفون فورماسىندا اشىلدى، ولكەلەر، اۆتونوميالى رايوندار، توتە قاراستى قالالار جانە شينجياڭ ٴوندىرىس-قۇرىلىس بيڭتۋانى، سونداي-اق ارميانىڭ قاتىستى ورىندارى بولىمشە ٴماجىلىس مايداندارىن قۇردى.


جۇڭگو كوممۋنيستىك پارتياسى 19 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ٴماجىلىسى 1-ايدىڭ 13-كۇنى بەيجيڭدە اشىلدى. ٴماجىلىستى ورتالىق ٴتارتىپ تەكسەرۋ كوميتەتىنىڭ تۇراقتى كوميتەتى باسقاردى. 1-ايدىڭ 13-كۇنى تۇستەن كەيىن جاۋ لىجي ورتالىق ٴتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە كەمەلدەندىرىپ، جالپى بەتتىك دوڭگەلەك داۋلەتتى قوعام قۇرۋعا پارمەندى كەپىلدىك ازىرلەيىك» دەگەن تاقىرىپتا قىزمەت بايانداما جاسادى.

 



اۋدارعان: قاناتبەك جۇماباي ۇلى 

中央广播电视总台 央广网 版权所有

شي جينپيڭ 19-كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى

پارتيانى جالپى بەتتىك قاتاڭ باسقارۋدى باستان اياق جالعاستىرىپ، ۇقىق جۇرگىزۋدى تەجەۋ مەن باقىلاۋدى كۇشەيتىپ، جالپى بەتتىك دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋگە، كەدەيلىكتەن قۇتىلدىرۋدان قامال الۋعا پارمەندى كەپىلدىك ەتۋ كەرەك،- دەپ باسا دارىپتەدى، لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى، جاۋ لىجيء ماجىلىستى باسقاردى