ينفورماتسيا اشكەرەلەۋ: mzjubao@cnr.cn

باس حابار

شي جينپيڭ مالايزيانىڭ زۇڭليى ماحاتير مۇحاممەتپەن تەلەفوندا سويلەستى

来源:جۇڭگو قازاق راديو تورابى     |责编:古丽美热|     发布日期: 2020-02-14 13:00

 

ٴوز حابارىمىز. مەملەكەت ٴتوراعاسى شي جينپيڭ 2-ايدىڭ 13-كۇنى كەشتە ۋادە بويىنشا مالايزيانىڭ زۇڭليى ماحاتير مۇحاممەتپەن تەلەفوندا سويلەستى. شي جينپيڭ مىنالاردى اتاپ كورسەتتى: زۇڭلي مىرزا جۇڭگو حالقىنىڭ كونە دوسى، جۇڭگو حالقى جاڭا ٴتيپتى ايدارشا ۆيروسپەن جۇعىمدالعان وكپە قابىنۋ اۋرۋىنا بار كۇشپەن توتەپ بەرىپ جاتقان شەشۋشى مەزگىلدە زۇڭلي مىرزا مەنىمەن تەلەفوندا سويلەسۋدى العا قويدى، بۇل مالايزيا جاقتىڭ جۇڭگوعا سۇيىسپەنشىلىگى مەن قولداۋىن ايگىلەيدى. جۇقپالى اۋرۋ جۇڭگو مەن مالايزياداعى ادامداردىڭ بارىس ـ كەلىسىنە ۋاقىتشا بولسادا ىقپال جاسايدى، ٴبىراق ەكى ەل حالقىنىڭ تەرەڭ دوستىعىن شايقالتا المايدى. جۇڭگو مەن مالايزيا جۇقپالى اۋرۋ جاعدايىنا قول ۇستاسا توتەپ بەرۋمەن بىرگە، ەكى ەل قاتىناسىن اسىرەسە «ٴبىر بەلدەۋ، ٴبىر جولدى» ورتاق قۇرۋ سەلبەستىگىن ۇزدىكسىز ىشكەرلەتىپ، اناعۇرلىم كوپ سەلبەستىك جەتىستىكتەرىن جاراتىپ، ەكى ەل مەن ەكى ەل حالقىنا باقىت جاراتۋى كەرەك.


شي جينپيڭ مىنالاردى باسا دارىپتەدى: جۇقپالى اۋرۋ جاعدايى تۋىلعاننان بەرى، جۇڭگو ۇكىمەتى وسكەلەڭ ٴمان بەرىپ، بۇكىل ەلدىڭ كۇشىن جۇمىلدىرىپ، ٴبىر نيەت ٴبىر تىلەكتە بولىپ، جان-جاقتى، قاتاڭ، تۇبەگەيلى ساقتانۋ-تىزگىندەۋ شارالارىن قولدانىپ، بەلسەندى ونىمدىلىككە قول جەتكىزىپ، اۋرۋدان ٴولۋ مولشەرىن ٴبىرشاما تومەن دەڭگەيگە تۇسىرىپ، ەمدەۋ ادىسىندە ۇزدىكسىز قامال الىپ، ساۋىقتىرۋ مولشەرىن ۇزدىكسىز جوعارىلاتتى. جۇڭگو ۇكىمەتى جۇڭگو حالقىن سەنىمدى بەكەمدەۋگە، تار جول، تايعاق كەشۋلەردەن بىرگە وتۋگە، عىلمي جولمەن الدىن الۋعا، دالمە ـ ٴدال شارا قولدانۋعا باستاپ، جۇقپالى اۋرۋدان ساقتانۋ جانە تىزگىندەۋ شايقاسىنىڭ جەڭىسىنە باتىل قول جەتكىزەدى. ٴبىز، ٴسوز جوق، جۇقپالى اۋرۋدىڭ ىقپالىن ەڭ تومەنگى شەككە ٴتۇسىرىپ، جۇڭگو ەكونوميكاسىنىڭ دامۋ ارىنىن ساقتاپ، بيىلعى دامۋ نىساناسى مەن مىندەتىن جۇزەگە اسىرۋعا قۇلشىنامىز،سونىمەن قاتار ۇزاق بولاشاقتىق نىسانانى ورىنداۋعا جالعاستى نىق قادام تاستايمىز.


شي جينپيڭ مىنالاردى اتاپ كورسەتتى: جۇڭگو جاق اۋرۋ جاعدايىنا پارمەندى شارا قولدانىپ، ٴوز ەل حالقىنىڭ دەنساۋلىعىنا جاۋاپتى بولىپ قالماستان، دۇنيە ٴجۇزىنىڭ الەۋمەتتىك دەنساۋلىق ساقتاۋ ىستەرىنە دە ۇلەس قوسىپ، دۇنيە دەنساۋلىق ساقتاۋ ۇيىمى مەن دۇنيە جۇزىندەگى ٴار ەلدىڭ تولىق تۇراقتاندىرۋىنا يە بولدى. ٴبىز ادامزاتتىڭ تاعدىرلاس ورتاق تۇلعا تانىمىنا ساي، حالىقارالىق قوعاممەن سەلبەستىكتى كۇشەيتىپ، اۋرۋ جاعدايىن بىرلىكتە جەڭەمىز. جۇڭگو حالىقارالىق قوعامنىڭ جۇڭگونى تەرەڭ تۇسىنگەنىن جانە قولداعانىن القايدى، اسىرەسە،مالايزيا قاتارلى توڭىرەكتەگى دوس ەلدەردىڭ ۇكىمەتتەن تارتىپ، حالىقتىق ۇيىمدارعا دەيىن بەلسەنە ارەكەتتەنىپ، قىسىلعاندا قارايلاسقان قامقورلىعىن القايدى. بۇل وڭىردەگى مەملەكەتتەردىڭ ٴوزارا قارايلاسۋىنىڭ جاندى بەينەسى. ٴبىز جالعاستى اشىق، جاريا پوزيتسيا ۇستانىپ، مالايزيانى قامتىعان شىعىس وڭتۇستىك ازيا وداعىنداعى ەلدەرمەن ساقتانۋ ـ تىزگىندەۋ سەلبەستىگىن ۇزدىكسىز كۇشەيتىپ، وڭىرلىك الەۋمەتتىك دەنساۋلىق ساقتاۋ حاۋىپسىزدىگىن بىرگە قورعايمىز. ٴبىز دە ٴوز ەلىمىز ازاماتتارىنا مامىلە جاساعانداي، مالايزيانىڭ جانە جۇڭگوداعى باسقادا شەتەل ازاماتتارىنا ويداعىداي قامقورلىق جاسايمىز.


ماحاتير مۇحاممەت مالايزيا ۇكىمەتى اتىنان جۇڭگو ۇكىمەتى مەن حالقىنان حال سۇراي كەلىپ بىلاي دەدى: مالايزيا جۇڭگونىڭ اۋرۋ جاعدايىنا توتەپ بەرۋدەگى وراسان زور قۇلشىنىسى مەن قول جەتكىزگەن بەلسەندى ىلگەرىلەۋشىلىگىن القايدى،بۇنى جۇڭگونىڭ جاۋاپتى ٴىرى ەل رەتىندە دۇنيە ٴجۇزىنىڭ الەۋمەتتىك حاۋىپسىزدىگىن قورعاۋ جولىندا قوسقان ۇلەسى دەپ قارايدى. جۇڭگونىڭ ادال دوسى رەتىندە، مالايزيا جۇڭگونى ٴبىر توپ ەمدەۋ ماتەريالدارىمەن قامدادى ٴارى جۇڭگوعا ۇزدىكسىز كومەكتەسۋدى قالايدى. شىعىس وڭتۇستىك ازيا وداعىنداعى ەلدەر جۇڭگومەن جۇقپالى اۋرۋدان ساقتانۋ جانە تىزگىندەۋ جونىندە سەلبەستىك ورىستەتۋگە پەيىل. مالايزيا جاق،ٴتوراعا شي جينپيڭنىڭ قولباسشىلىعىندا جۇڭگو حالقىنىڭ اۋرۋ جاعدايىن، ٴسوز جوق، جەڭە الاتىندىعىنا، جۇڭگونىڭ دامۋىنىڭ، ٴسوز جوق، قالىپنا كەلەتىندىگىنە سەنەدى. مالايزيا، جۇڭگونىڭ ۇزاق ۋاقىتتان بەرى مالايزيانىڭ دامۋىن جەبەۋگە قوسقان ۇلەسىن جوعارى باعالايدى، جۇڭگومەن ناقتى سەلبەستىكتى ىشكەرلەتىپ، ەكى ەلدىڭ دوستىق قاتىناسىن ىلگەرىلەتۋدى قالايدى.



اۋدارعان: كۇلان ىرىسباي قىزى

中央广播电视总台 央广网 版权所有

شي جينپيڭ مالايزيانىڭ زۇڭليى ماحاتير مۇحاممەتپەن تەلەفوندا سويلەستى

مالايزيا، جۇڭگونىڭ ۇزاق ۋاقىتتان بەرى مالايزيانىڭ دامۋىن جەبەۋگە قوسقان ۇلەسىن جوعارى باعالايدى، جۇڭگومەن ناقتى سەلبەستىكتى ىشكەرلەتىپ، ەكى ەلدىڭ دوستىق قاتىناسىن ىلگەرىلەتۋدى قالايدى.