كوكتوعاي مەملەكەتتىك گەولوگيالىق باقشاسى شينجياڭداعى تۇڭعىش دۇنيە جۇزىلىك گەولوگيالىق باقشاعا اينالدى
0
2017-05-18 09:15:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل


    5-مامىردا بىرلەسكەن مەملەكەتتەر ۇيىمىنىڭ وقۋ-اعارتۋ، عىلىم-تەحنيكا، مادەنيەت ۇيىمىنىڭ (يۋنەسكو) اتقارۋ مەكەمەسى ءماجىلىس اشىپ، جۇڭگو، يسپانيا، فرانسيا، يران، مەكسيكا جانە وڭتۇستىك كورەيا سياقتى ەلدەردەگى 8 گەولوگيالىق مۇرانىڭ بىرلەسكەن مەملەكەتتەر ۇيىمى وقۋ-اعارتۋ، عىلىم-تەحىنيكا، مادەنيەت ۇيىمىنىڭ دۇنيە جۇزىلىك گەولوگيالىق باقشالارىنىڭ ينتەرنەتتەگى تىزىمدىگىنە رەسىمي كىرگىزىلگەندىگىن جاريالادى. مۇنىڭ ىشىندە جۇڭگو ىشكى مۇڭعۇل ارشان جانە شينجياڭ كوكتوعاي مەملەكەتتىك گەولوگيالىق باقشاسى بار بولىپ، كوكتوعاي مەملەكەتتىك گەولوگيالىق باقشاسى شينجياڭداعى تۇڭعىش دۇنيە جۇزىلىك گەولوگيالىق باقشاعا اينالدى. 

 


    كوكتوعاي دۇنيە جۇزىلىك گەولوگيالىق باقشاسى كوكتوعاي اۋداننىڭ شىعىس سولتۇستىگىنە ورنالاسقان، كورىنىس رايونى اسقار تاۋلارى كەڭ كوسىلىپ، اساۋ وزەنى ارقىراي اققان، سالقىن اۋاسى جانعا جايلى، كوركىنە قاراساڭ كوزىڭ تويمايتىن، كورگەن ادام تاعى ءبىر اينالىپ كەلسەم دەپ ارماندايتىن تاماشا كورىنس رايونى سانالادى. كورىنىس رايونى ەرتىس اڭعارى، كوكتوعاي كولى، قاراوتكەل كورىنىس ءتۇيىنى، قاراسەڭگىر جەر سىلكىنىس بەلدەۋى قاتارلى ءتورت بولەكتەن قۇرالادى. كوكتوعاي قالاشىعىنان 10 كيلومەتر جىراقتا ۇزاقتان-ۇزاققا سوزىلعان قاراسەڭگىر جەر سىلكىنىس بەلدەۋى بار، 1931-جىلى 11-تامىزدا بۇل ارادا سەگىز بالدىق وراسان زور جەر سىلكىنىسى تۋىلىپ، 176 كيلومەترگە سوزىلعان الىپ بەلدەۋ قالىپتاستى، قارا سەڭگىر جەر سىلكىنىس بەلدەۋى جەرشارىندا سيرەك كەزدەسەتىن، سىنىن بۇزباي، قاز-قالپىندا ساقتالعان سىلكىنىس جۇرتى سانالادى. 


    ۇعىسۋعا قاراعاندا، كوكتوعايدى مەملەكەتتىك گەولوگيالىق باقشا ەتىپ قۇرۋ قىزمەتى 2005-جىلى قىركۇيەك ايىندا تابىستى بولىپ، سودان بەرى تىنباي قۇلشىنۋدىڭ ارقاسىندا، مەملەكەتتىك گەولوگيالىق باقشالاردى باعالاۋ-بەكىتۋ كوميتەتى 2014-جىلى قاڭتار ايىندا كوكتوعاي مەملەكەتتىك گەولوگيالىق باقشاسىن 2016-جىلى دۇنيە جۇزىلىك گەولوگيالىق باقشاعا ءوتىنىش ەتۋدى بەلگىلەگەن. 


    بىرلەسكەن مەملەكەتتەر ۇيىمىنىڭ وقۋ-اعارتۋ، عىلىم-تەحنيكا، مادەنيەت ۇيىمىنىڭ (يۋنەسكو) ماماندار گرۋپپاسى وتكەن جىلى ءۇش كۇندىك ۋاقىتپەن كوكتوعاي گەولوگيالىق باقشاسىنىڭ ەسكەرتكىشى، كوكتوعاي گەولوگيالىق باقشا مۋزەيحاناسى، التاي تاۋى جەر بەدەرى، كوكتوعاي سيرەك مەتال مۋزەيحاناسى، 3-ٴنومىرلى كەن، عىلىم جالپىلاستىرۋ تاربيە بازاسى قاتارلى ورىندارعا بارىپ، ناق مايداندا تەكسەرۋ جۇرگىزىپ، كوكتوعاي مەملەكەتتىك گەولوگيالىق باقشاسىن حالىقارالىق گەولوگيالىق باقشاعا ءوتىنىش ەتۋ تولىمدىلىعىن تەكسەردى. 


    كوكتوعاي ۇلى وتاننىڭ بايتاق دالاسىنداعى جارقىراعان مەرۋەرت، كوكتوعاي جۋىقتاعى جىلداردان بەرى ونەركاسىپكە، اۋىل-قالاشىققا، ەكولوگياعا، حالىق تۇرمىسىنا جانە قۇرىلىمعا بۇرىلىس جاساۋ سىندى «بەسكە بۇرىلىس جاساۋ» قىزمەتىن تىڭعىلىقتى ىستەپ، كوشەسى كوركەم، قۇرىلىسى رەتتى، قونىستانۋعا جايلى قالاشىق قۇردى ءارى ىلگەرىندى-كەيىندى «ەلىمىزدىڭ تاريحي وركەنيەتتى قالاشىعى»، «ەلىمىزدىڭ دەربەس كەن رايوندارىن وزگەرتىپ قۇرۋ قىزمەتىنەن ۇلگى كورسەتۋ تۇيىنى»، «ەلىمىزدىڭ گەولوگيا باقشاسى»، «ەلىمىزدىڭ 5A دارەجەلى كورىنس رايونى»، «ەلىمىزدىڭ وركەنيەتتى قالاشىعى» جانە «اۆتونوميالى رايونىمىز كادرلارىنىڭ توڭكەرىستىك تاربيە بازاسى» اتاندى.


دايىنداعان: مۇقامادي ٴشارىپ ۇلى

未标题-1.jpg
22.jpg
图二.jpg
11.jpg
77676.jpg