مەملەكەت بويىنشا ەڭ سۇيىكتى وتباسى اتاعىن ەنشىلەگەن ونەگەلى كەلىن-كوكتەمگۇل
0
2017-06-14 17:50:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل


    ۇسىنىس ەتىلگەن ءتىلشى مۇقامادي ءشارىپ ۇلى، ەرىكتى ءتىلشى نۇرداۋلەت بەكەن ۇلى حابارلايدى. ءبىر كەلىن بولۋ تۇرعىسىنان ول 10 جىلدى ءبىر كۇنگىدەي وتكىزىپ، كوزى كورمەيتىن قايىن ەنەسى مەن قارت قايىن اتاسىنا قارايلاسىپ، ەكى بالاسىن باعىپ-قاعىپ، ولارعا شەكسىز سۇيىسپەنشىلىگىن ارناپ، ىسجۇزىندىك ارەكەتى ارقىلى قارتتاردى قۇرمەتتەپ، جاناشىر جاقىندارىنا قارايلاسۋدىڭ تىڭ داستانىن جازدى. اۋىلداستارىنىڭ القاۋىنا يە بولعان بۇل جەلەكتى كوكتوعاي اۋدانى قارابۇلعىن اۋىلى جامىكە قىستاعىنىڭ تۇرعىنى كوكتەمگۇل ەدى. كوكتەمگۇل جۇڭگو كوممۋنيستىك پارتياسىنىڭ مۇشەسى ءارى قاراپايىم اۋىل ايەلى. ول 2000-جىلى قىستاق تۇرعىنى مۇراتپەن شاڭىراق كوتەرگەن. الايدا 2011-جىلى كۇتپەگەن جاعداي ورىن الدى. وتاعاسى مۇرات قاتىناس شىرعالاڭىنان قايتىس بولىپ، ەل قاتارىندا باقىتتى تۇرمىس كەشىرىپ كەلە جاتقان بۇل وتباسىنىڭ باسىنا اۋىر قايعى ورنادى. ارقا سۇيەر جولداسىنان ايىرىلعان كوكتەمگۇل مۇگەدەك ەنەسىن، اۋىرۋشاڭ اتاسى مەن شيەتتەي ەكى بالاسىن باعىپ-قاعىپ، وتباسىنىڭ بار قيىنشىلىعىن جالعىز ارقالادى.


    كوكتەمگۇل اتا-ەنەسىنىڭ قايعىلى بەينەسى مەن سۇيكىمدى بالالارىنىڭ رياسىز كۇلكىسىن كورگەن سوڭ بەلىن بەكەم بۋىپ، نەندەي قيىنشىلىق بولسادا قايىسپاي ارقالاپ، وتباسىنداعى وشارلى جاندى باقىتتى تۇرمىسقا باستاۋعا بەكىدى.


    «كەلىنى جاقسىنىڭ كەرەگەسى التىن» دەمەكشى، كوكتەمگۇل اتا-ءداستۇرىمىزدىڭ اسىل قاسيەتتەرىن بويتۇمار ەتىپ، بەرەكەنىڭ بەسىگىن تەربەتىپ، 10 نەشە جىلدان بەرى اتا-ەنەسىن استى-ۇستىنە تۇسىپ، كۇتىپ، ۇلكەندەردىڭ اق باتاسىن الىپ، ارداقتى كەلىن اتاندى ءارى ۇرپاق تاربيەسىنە ەرەكشە ءمان بەرىپ، بالالارىن يبالىلىققا، قايىرىمدىلىققا باۋلىدى.


    يبالى كەلىن، قامقور انا، ۇزدىك پارتيا مۇشەسى كوكتەمگۇل قىستاق كوميتەتىنىڭ مەيىر باعىشتاۋ قيمىلدارىنا ۇزبەي قاتىناسىپ، قيىنشىلىعى بار جاندارعا جىلۋ اتاپ، ىزگىلىكتىڭ جارشىسى بولا ءبىلدى. وتكەندە ول مەيىربان انالار ۇيىمداستىرعان قيمىلدا 2000 يۋان جىلۋ اتاپ، وتباسىندا قيىنشىلىعى بار بالاعا اقشالاي نەمەسە زاتتىق جاقتان كومەكتەسىپ، پارتيا مۇشەلەرىنىڭ باستاماشىلدىق ۇلگىلى رولىن ساۋلەلەندىرىپ، العا باسار كۇشتى جالعاستىرىپ، «مەملەكەت بويىنشا ەڭ سۇيىكتى وتباسى» اتاندى ءارى اۋدان جاعىنان «8-ناۋرىز قىزىلتۋشىسى»، «ونەگەلى كەلىن»، «اۋقاتتانۋ ۇلگىسى» قاتارلى داڭىقتارمەن ماراپاتتالدى.

00.jpg
00.jpg
00.jpg
00.jpg
00.jpg