چىفىڭ قالاسى حۇڭشان رايونىنىڭ حالىققا ءتيىمدى شارالارى
0
2017-06-15 17:51:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل



ء    وز ٴتىلشىمىز گۇلنۇر قابىلقاق قىزى مەن التاي قالالىق راديو ستانسياسىنىڭ ءتىلشىسى قىدىرقان ايتقابىل ۇلى حابارلايدى. ورتالىق حالىق راديو ستانسياسى ۇيىمداستىرعان، ىشكى مۇڭعۇل اۆتونوميالى رايوندىق راديو-تەلەۆيزيا ستانسياسى جاۋاپتى بولىپ وتكىزگەن «جايلاۋعا بىرگە بارايىق» اتتى الۋان مەديالى، كوپ ءتىلدى كولەمدى تىلشىلىك قيمىلدىڭ ەكىنشى كەزەڭى ماۋسىمنىڭ 14-جاڭاسى ىشكى مۇڭعۇل اۆتونوميالى رايونىنىڭ چىفىڭ قالاسىندا جالعاسىن تاپتى. 

    اتالعان قيمىل ىشكى مۇڭعۇل اۆتونوميالى رايونى قۇرىلعاندىعىنىڭ 70جىلدىق تورقالى تويى، سونداي-اق پارتيا 19-قۇرىلتايىن تابىسپەن قارسى الۋ ماقساتىندا ۇيىمداستىرىلعان، ارى قاراي ىشكى مۇڭعۇل اۆتونوميالى رايونىنىڭ 70 جىلدىق كەزەڭدى باستان كەشىرگەن شۇعىلالى دامۋ بارىسىن، سونىمەن قوسا باياشاتتى حالىق تۇرمىسىن جىرلاپ، پارتيانىڭ حالىق بۇقاراسىنا باعىتتالعان ابىزال ساياساتىن تىلگە تيەك ەتەدى. 

    بۇگىن ىشكى مۇڭعۇل اۆتونوميالى رايونى چىفىڭ قالاسىنىڭ حالىق تۇرمىسى ينجەنەرياسىنداعى قول جەتكىزگەن تابىستارىمەن تانىساسىزدار.


    چىفىڭ قالاسى حۇڭشان رايوندىق تيەنان لاشىق ۇيلەر رايونى حۇڭشان قالا رايونىنىڭ وڭتۇستىگىنە ورنالاسقان، قالا رايونى ىشىندە ءبىرشاما ەرتە قالىپتاسقان، شىعىستا 205-ولكە جولىمەن، وڭتۇستىكتە سانشي كوشەسىمەن، باتىستا سۇڭجوۋ جولىمەن، سۇلتۇستىكتە بەيجيڭ-تۇڭلياۋ تەمىر جولىمەن تۇتاساتىن كولەمدى لاشىق ۇيلەر رايونى، جالپى اۋماعى 5.6 شارشى كيلومەتر. بۇل رايوندا 7300 وتباسى، 227 ٴىس ورىن-كاسىپورىن بار بولىپ لاشىق ۇيلەر رايونى وزگەرتىلۋدان بۇرىن، تۇرعىن ۇيلەردىڭ جارىمىنان استامى 70-جىلداردان بۇرىن سالىنعان. مۇندا 40 شارشى مەتر اينالاسىنداعى ۇيلەر %31 ىن ۇستايدى. جول، جىلۋمەن قامداۋ، بىلعانىش زاتتاردى ىعىستىرۋ قاتارلى نەگىزدىك قۇرىلعى-قۇرىلىس بارىنشا تۇرالاعان، تۇرعىنداردىڭ سىرتپەن بارىس-كەلىسى، جىلۋمەن قامداۋ، سۋ ىعىستىرۋ قيىن بولۋ، تازالىق ءۇيى بولماۋ سىندى ماسەلەلەر توتەنشە كورنەكتى ەدى. 


    2014-جىلى 27-ناۋرىز كۇنى لي كىچياڭ زۇڭلي تيەنان لاشىق ۇيلەر رايونىن كوزدەن كەشىرىپ، ونداعى تۇرعىنداردى ءۇش جىلدا جاڭا تۇراققا كوشىرۋ ۋادەسىن بەردى. زۇڭليدىڭ نۇسقاۋى بويىنشا، چىفىڭ قالاسى لاشىق ۇيلەر رايونىن وزگەرتۋدى كەلەلى ساياسي مىندەت رەتىندە قاراپ، «ءبىر جىلدا ۇلكەن وزگەرتۋ، ءۇش جىلدا تۇبەگەيلى وڭاۋ» قىزمەت نىساناسىن ورتاعا قويدى ءارى 8 ميلليارد 800 ميلليون يۋان قارجى قوسىپ، ءتۇرلى قىزمەتتەردى بارىنشا ىلگەرىلەتتى. ءبىز جاڭا قونىسقا كوشىپ كىرگەن تىلشىلىك ىستەگەنىمىزدە، پارتيانىڭ باعىت-ساياساتتارىن حالىققا ناقتى، دەر كەزىندە جەتكىزۋدى بورىش دەپ ساناعان حۇڭشان رايونى الەۋمەتتىك اۋماق ءىس باسقارماسى تۇرعىنداردىڭ ءۇيىن جيناۋ كەڭسەسىنىڭ مەڭگەرۋشىسى سۇن شيۋ-ۋي ىستەلگەن ناقتى جۇمىستارعا توقتالىپ، بىلاي دەدى: تۇرعىن ۇيدى جوبالاۋ-جوسپارلاۋ قىزمەتىن ءساتتى ورىستەتۋ ءۇشىن، حۇڭشان رايونى 400 دەن اسا كادر شىعارىپ، ءتورت دارەجەلى قىزمەت مەحانيزمىن جولعا قويىپ، بۇقارانىڭ تىلەگىن الدىمەن تىڭداۋ، ورنالاستىرۋ ساياساتىن الدىڭعى شەپتە ءتۇسىندىرۋ، قايشىلىق پەن تالاس تارتىستى الدىڭعى شەپتە شەشىم ەتۋ، قيىنشىلىعى بار بۇقاراعا ءبىرىنشى شەپتە كومەكتەسۋ، قىزمەت ونىمدىلىگىن ءبىرىنشى شەپتە بەينەلەۋ» سىندى قىزمەت ءادىسىن اتقارىپ، «وتباسى سايىن قاداعالاۋعا، جۇمىستىڭ بارلىعىندا ادام بولۋعا» كەپىلدىك ەتتى، مىسالى ارىز-شاعىم قابىلداۋ كەڭسەسى، قوعام اماندىعىن ساقتاۋ قىزمەت كەڭسەسى، سۋديالار قىزمەت وتەۋ كەڭسەسى قاتارلى ءار قايسى قاتىستى ورىنداردى اتتانىسقا كەلتىرىپ، ءۇي الاتىن تۇرعىنداردىڭ ماتەريالىن اشىق جاريالاپ، بۇقارانىڭ اڭىسىنا دەر كەزىندە قۇلاق تۇرىپ قىزمەتتى تىڭعىلقتى ورىستەتۋگە بارىنشا نازار اۋداردى. سونىڭ ناتيجەسىندە تۇرعىنداردىڭ الدى قولايلى ساياساتتان يگلكتەنىپ جاڭالاۋ نىسانىندا سالىنعان جاڭا عيماراتتارعا كوشىپ كىردى. مىنە بۇل ءبىرىنشى مەرزىمدىك نىساننىڭ تولىعمەن ورىندالۋى، ءبىز جالعاستى ەكىنشى، ءۇشىنشى كەزەڭدەردە دە بۇقارانىڭ تالابىنان شىعىپ، نىساندى ءساتتى اياقتاتۋعا كۇش سالامىز. 

    تەمىر جول سالاسىنان زەينەتكە شىققان مەملەكەتتىك وزات جەكە، ۇزدىك پارتيا مۇشەسى ۋاڭ جىن كاريا مەن ونىڭ زايىبى ۋاڭ فىڭجىن بۇگىنگى قول جەتكىزگەن باقىتتى تۇرمىسىنا العىس ايتىپ، تەبىرەنگەن كوڭىل-كۇيلەرىن جاسىرا الماي بىلاي دەدى: بۇرىن مۇنداي ۇيگە كوشىپ كىرۋ ءۇش ۇيىقتاسام تۇسىمدە جوق ەدى، پارتيانىڭ ءابىزال ساياساتىنىڭ ارقاسىندا، تۇرمىسىمىز جاقسارىپ، باسپانامىز جاڭاردى، ارەدىك ۋاقىتتاردا دەنە شىنىقتىراتىن، سەيىلدەيتىن دەمالىس ورنى دا بار، كوڭىل-كۇيىمىزدە بارىنشا كوتەرىڭكى. پارتياعا، ۇكىمەتكە العىس !

00.jpg
00.jpg
00.jpg
00.jpg
00.jpg