كىشكەنتاي شىرعاناق مول ءونىم جاراتتى
0
2017-07-12 14:38:00
|
كەلۋقاينارى:
|
جاۋاپتى رەداكتور :

 

    قاليبەك سىرلىبەك ۇلى حابارلايدى: بۋىرشىن اۋدانى كىشكەنتاي شىرعاناق ەگىنشىلىگى ارقىلى اۋىل شارۋاشىلىعى ءوندىرىس ءونىمىن ارتتىرىپ، ەگىنشىلەردى اۋقاتتاندىرۋ ماڭىزدى تاسىلىندە تاباندى بولىپ، « ەكولوگيا + ەكونوميكا » دامۋ ءتاسىلى ارقىلى اناعۇرلىم كوپ بۇقاراعا كىشكەنتاي شىرعاناق ارقىلى اۋقاتتانۋدىڭ ءدامىن تاتىردى.

 

ويماقى قالاشىعى توقىمتى قىستاعىنىڭ تۇرعىنى لي جىڭشين شىرعاناق كاسبىنىنەن مول ءونىم الدى. 2012- جىلى لي جىڭشين 600 مۋدان استام جەرگە شىرعاناق ورمانىن وتىرعىزىپ، جىلدىق ءونىمى العاشتا 100 نەشە مىڭ يۋانعا جەتىپ، وتكەن جىلى 800 مىڭ يۋاننان استى. 11- شىلدە كۇنى، ءتىلشى لي جىڭشيننىڭ شىرعاناق ورمانىنا بارعاندا، ونىڭ دەرت- دەربەزدى مۇقيات تەكسەرىپ، كولەمدى دەرت- دەربەزدىڭ الدىن الىپ جۇرگەنىن كوردى.

 

شىرعاناق ەگىۋشى لي جىڭشين بىلاي دەدى: 2012- جىلى اۋكوم مەن ۇكىمەتتىڭ ۇندەۋىنە ءۇن قوسىپ، شىرعاناق ەكتىم. بىرنەشە جىلدىق باعىپ، باسقارۋ بارىسىندا اۋداندىق ورمان شارۋاشىلىعى مەكەمەسى مەن ورمان تاراۋلارىنىڭ زور قولداۋىنا يە بولدىم. وتكەن جىلى كىرىسىم 800 مىڭ يۋانعا جەتتى. بيىلعى شىرعاناقتىڭ جاعدايىنا قاراعاندا كىرسىم وكتەن جىلداعىدان ارتادى.

 

2011- جىلى، بۋىرشىن اۋدانى حۇييۋان توبىمەن « قول ۇستاسىپ » شىرعاناق امبەباپ نىسانىن دامىتتى. قازىرگە دەيىن بۇل كاسىپورىن 210 ميلليون يۋان قارجى قوسىپ، شىرعاناق ەگىنشىلىگى بازاسىنىڭ كولەمىن 50 مىڭ مۋعا جەتكىزدى. قازىر حۇييۋان توبى قامبا، ءوندىرىس سەحى، مۇزداتىپ ساقتاۋ سياقتى نەگىزدىك قۇرىلعى قۇرىلىىسن كەمەلدەندىردى. شىرعاناق ءوندىرىس شەبىندە كانسەرۆا سياقتى ءوندىرىس جابدىقتارى العاشقى قادامدا ورىندالدى. جينالعان شىرعاناق 700 تونناعا جەتىپ، مەجەمەن تامىز ايىندا شىرعاناقتاردى مانەرلەيدى.

 

اۋداندىق حۇييۋان شىرعاناق كاسبى شكەتى سەرىكتىگىنىڭ ورىنباسار باس ديرەكتورى حى شياۋچان بىلاي دەدى: جابدىقتاردى تەڭشەپ بولعاننان كەيىن جىلىنا 10 مىڭ توننا شىرعاناق مانەرلەۋدى جوسپارلاپ وتىرمىز.شىرعاناقتى مانەرلەگەننەن كەيىن شىرىنى 70 مىڭ توننا بولادى. 2 مىڭ توننا شىرعاناق جەمىسىنەن 200 توننا شىرعاناق مايىن، 40 توننا شىرعاناقتان 450 مىڭ توننا شىرعاناق مايىن وندىرەمىز. مەجەمەن جىلدىق كىرسى 100 ميلليون يۋانعا جەتىپ، ەكى مىڭنان استام ادام رەت كاسىپتەندىرەمىز.

 

«12- بەس جىلدىقتا» بۋىرشىن اۋدانى ساياساتتىق سۇيەمەلدەۋ، ەكونوميكالىق جاقتا قوسىمشا بەۋ، نىسان ارقىلى جەبەۋ سياقتى تاسىلدەردى قولدانىپ، شىرعاناق كاسىبىن سۇيەمەلدەۋ تەبىنىن ۇزدىكسىز ارتتىردى. ءتۇيىندى قورعانىس ورمانى. 1- قارارداعى ەگىستىكتى ورمانعا قايتارۋ سياقتى نىسانداردى نەگىز ەتىپ، حالىققا تيىمدىلىك جاساۋ ساياساتىن شىعارىپ، ەگىنشى- مالشىلاردىڭ شىرعاناق ەگىنشىلىگىن دامىتۋىن بەلسەندىلىگىىن ارتتىردى. قازىرگە دەيىن، اۋداندىق قازىنادان شىرعاناق ەگىنشىلىگىنە 4 ميلليون 812 مىڭ 200 يۋان قوسىمشا تاراتىلىپ، بۇكىل اۋداننىڭ شىرعاناق ەككەن ەگىستىك كولەمى 8 مىڭ مۋعا جەتتى.

 

اۋداندىق ورمان شارۋاشىلىعى مەكەمەسىنىڭ باستىعى بي ليجۇن بىلاي دەدى: 1- كاسىپتىڭ ورەسىن جوعارىلاتۋدى وزەك ەتىپ، اۋدانىمىز شىرعاناق كاسبىنىڭ دامىتۋ تەبىنىن ۇزدىكسىز ارتتىردى. مۇندا 1- رەتكى ەگىستىكتى ورمانعا قايتارۋ ساياساتى مەن قورعانىس ورمانى ساياساتىن تىعىز توڭىرەكتەپ، شىرعاناق ەگۋ كولەمىن اناعۇرلىم كەڭەيتتى. 13- بەس جىلدىقتىڭ سوڭىندا بۇكىل اۋدانىمىزدىڭ شىرعاناق ەككەن جەر كولەمى 100 مىڭ مۋدان اسادى. جىلىنا 20 مىو توننا شىرعاناق ءوندىرىپ، بۇقارانىڭ شىرعاناق ساتۋدان كىرىسىن 12 ميلليون يۋانعا جەتكىزەدى. بۇل اۋدانىمىزدىڭ شىرعاناق كاسىبىنىڭ دامۋىن پارمەندى جەبەۋمەن بىرگە ەگىنشى- مالشىلاردىڭ كىرىسىن ارتتىرىپ، قوس ونىمدىلىككە قول جەتكىزۋدى جۇزەگە اسىرادى.

 

بۋىرشىن اۋداندىق راديو- تەلەۆيزور مەكەمەسى

77.jpg
未标题-1.jpg
255.jpg
f8bc12790a441acd77285d.jpg
11.jpg