اسقاق وتانشىلدىق سەزىم، قويۋ تۋىستىق سۇيىسپەنشىلىك
0
2017-10-13 11:00:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىلبەك


    ەرىكتى ءتىلشى قۇرمانگۇل اسپەن قىزى حابارلايدى. جۇڭحۋا حالىق رەسپۋبليكاسى قۇرىلعاندىعىنىڭ 68 جىلدىعىن قۇتتىقتاۋ، 19-قۇرىلتايدى قارسى الۋ، كادرلار مەن بۇقارا اراسىندا ”ۇلتتار ىنتىماعىنىڭ بەرەكەلى شاڭىراعى“ قيمىلىنىڭ تاماشا ورتاسىن جاراتۋ ءۇشىن، 1-قازان، شىڭگىل اۋداندىق وقۋ-اعارتۋ مەكەمەسى ورگانىنداعى 50 كادر سارتوعاي اۋىلىنىڭ قىزىلۇيەڭكى قىستاعى، ارال اۋىلىنىڭ تاستوبە قىستاعىنا بارىپ، قىستاق تۇرعىندارىمەن بىرگە سالتاناتتى تۋ شىعارۋ سالتىنا قاتىناسىپ، وتان انانىڭ تۋعان كۇنىن تويلادى.


    ايبىندى ءان ۇرانىمەن بىرگە، بەس جۇلدىزدى قىزىل تۋ باياۋ كوتەرىلدى، ورگان كادرلارى مەن قىستاق تۇرعىندارى مەملەكەت ءانىن بىرگە شىرقاپ، وتاننىڭ كوركەيىپ-گۇلدەنە بەرۋىن تىلەدى.


    تۋ شىعارۋ سالتىنان كەيىن، شىڭگىل اۋداندىق وقۋ-اعارتۋ مەكەمەسىندەگىلەر قىستاق ياچايكاسىمەن، قىستاقتا تۇراتىن قىزمەت گرۋپپاسىمەن بىرگە ”مەملەكەت مەرەكەسى، ورتاڭعى كۇز مەرەكەسىن قۇتتىقتاپ، 19-قۇرىلتايدى قۋانا قارسى الامىز“ اتىنداعى ۇلتتار ىنتىماعىنىڭ بەرەكەلى شاڭىراعى قيمىلىن وتكىزدى. قيمىلدا، قىستاق ياچەيكا شۋجيى مەن قىستاق كادرلارى باس بولىپ باتىل ءۇن قاتىپ، ايقىن پوزيتسيا ءبىلدىرىپ، قىزمەت اترەتىندەگىلەر باستاپ سەرت بەردى، ونان سوڭ، شىڭگىل اۋداندىق وقۋ-اعارتۋ مەكەمەسىندەگىلەر ەكى قىستاقتاعى ناتيجەسى ۇزدىك 10 ستۋدەنتكە 10000 يۋان وقۋ كومەك قاراجاتىن بەرىپ، ولاردىڭ پارتياعا العىس ايتىپ، پارتيانىڭ ءسوزىن تىڭداپ، پارتياعا ىلەسىپ، ناقتىلى ارەكەتتەرى ارقىلى ۇلتتار ىنتىماعىن قورعاپ، تاماشا ناتيجەلەرى ارقىلى قوعامنىڭ، تۋعان جەردىڭ ءۇمىتىن اقتاۋلارىن ءۇمىت ەتتى. سوڭىندا، كوپشىلىك بىرلىكتە ”كومپارتيا بولماسا، جاڭا جۇڭگو بولماق ەمەس “ ءانىن ايتىپ، باتىل ءۇن قاتىپ، ايقىن پوزيتسيا ءبىلدىرۋ سەرتىنە قول قويدى.


    قيمىلدان كەيىن، مەكەمە ورگانىنداعى كادرلار مەن قىزمەت گرۋپپاسىنداعىلار ”ۇلتتار ىنتىماعىنىڭ بەرەكەلى شاڭىراعى“ قيمىلىندا تۋىستىق قاتىناس ورناتقان وتباسىلارىن ارالاپ، ولارمەن كەڭەس قۇرىپ، پارتيانىڭ ابزال ساياساتىن ۇگىتتەپ، ولاردىڭ قيىنشىلىقتارىن ۇعىسىپ، مەرەكەنى بەرەكەگە ۇلاستىرىپ، پارتيا 19-قۇرىلتايىن قارسى الۋ ءۇشىن تاماشا ورتا ازىرلەدى.


    ءتىلشىنىڭ قىزمەت ورنى: شىڭگىل اۋداندىق ۇگىت ءبولىمى

00.jpg
未标题-1.jpg
未标题-1.jpg
2017.jpg