«جەزقوڭىراۋ» جۇرت جۇرەگىن جىلىتتى
0
2017-11-13 09:13:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىلبەك

    تورابىمىزدىڭ ۇسىنىس ەتىلگەن ٴتىلشىسى ماقسات قيزات ۇلى حابارلايدى. تاياۋدا قوبىقسارى موڭعۇل اۆتونوميالى اۋدانىنىڭ نارىنقوبىق مال فەرماسىندا ەرەكشە ءبىر ۇگىت اترەتى قۇرىلدى، حانزۋ، قازاق، موڭعۇل قاتارلى ۇلتتان قۇرام تاپقان «جەزقوڭىراۋ» دەپ اتالاتىن بۇل ۇگىت اترەتىندە 17 ۇگىتشى بار بولىپ، ولار پارتيانىڭ 19-قۇرىلتايىنىڭ رۋحىن ۇيىرەنۋدى، دايەكتىلەندىرۋدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ۇيىرەنۋمەن، دايەكتىلەندىرۋمەن ۇشتاستىرىپ، پارتيانىڭ 19-قۇرىلتايىندا ايقىندالعان مىندەتتەردىڭ نەگىزگى ساتىدا تۇبەگەيلى تياناقتانۋىنا كەپىلدىك ەتۋگە بەل بۋدى.


    «جەزقوڭىراۋدىڭ» ۇگىتشىلەرى ءبىر اۋىزدان بىلاي دەدى: باس شۋجي شي جينپيڭ قۇرىلتاي بايانداماسىندا جۇڭحۋا حالقىنىڭ ۇلى گۇلدەنۋى، دوڭگەلەك داۋلەتتى قوعامعا جەتۋ، جۇڭگو ارمانىن ىسكە اسىرۋ، شارۋالاردىڭ كىرىسىن ارتتىرۋ، اۋىل-قىستاقتىڭ دامۋى تۋرالى كوپتەگەن ىزگى ىستەر تۋراسىندا ءسوز قوزعادى. ءبىز باياندامانى بار زەيىنىمىزبەن تىڭداپ شىقتىق. قۇرىلتاي اياقتاي سالىسىمەن اتقا قونىپ، ۇلى ماقسات، ۇلى نىسانانى ىسكە اسىرۋدىڭ ۇگىتشىسى بولىپ، قۇرىلتاي رۋحىنىڭ نەگىزگى ساتىدا تولىق تياناقتانۋىنا بەل شەشە كىرىسىپ جاتىرمىز. ءبىز پارتيانىڭ 19-قۇرىلتاي رۋحىن ىشكەرلەي، ەگجەي-تەگجەيلى ۇيىرەنۋگە، شىنايى ۇيىرەنۋگە، شىنايى يگەرۋگە كۇش سالىپ، پارتيا 19-قۇرىلتاي رۋحىن نەگىزگى ساتىداعى ءاربىر ەگىنشى-مالشىنىڭ وتباسىنا جەتكىزۋگە قۇلشىنامىز.


    «جەز قوڭىراۋدىڭ» قىز-جىگىتتەرى نارىنقوبىقتاعى 750 وتباسىنا بىردەن باس سۇعىپ، شارۋالاردىڭ حال-جاعدايىن ەستەلىككە الدى ءارى شارۋالاردى العاشقى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي كۇرەس جۇرگىزۋگە ۇندەدى.

    «پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ءبىزدىڭ ماڭداي الدى ساياسي مىندەتىمىز، ءبىز فەرمامىزداعى پارتيا مۇشەلەرىنىڭ، كادرلاردىڭ، بۇقارانىڭ يدەياسىن پارتيانىڭ 19-قۇرىلتايىنىڭ رۋحىمەن شىن مانىندە بىرلىككە كەلتىرىپ، ءارقايسى جاقتاعى كۇشتى پارتيانىڭ 19-قۇرىلتايىندا العا قويىلعان نىسانالاردى، مىندەتتەردى جۇزەگە اىسرۋعا ۇيىستىرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ تۇبەگەيلى تياناقتانىپ، ناقتى ونىمدىلىك كورسەتۋىنە مۇمكىندىك جاسايمىز»،-دەيدى «جەزقوڭىراۋ» ۇگىت اترەتىنىڭ جاۋاپتىسى سەرىك جۇمان ۇلى.

    نارىنقوبىق مال فەرماسىنىڭ مالشىسى ماكسرجاپ: «<جەزقوڭىراۋ> ۇگىتشىلەرىنىڭ ارقاسىندا قۇرىلتايدىڭ ءمان-ماڭىزىن ءتىپتى دە تەرەڭدەي تۇسىندىك، پارتيا مەن ۇكىمەتتىڭ قولداپ-قۋاتتاۋىندا تۇرمىسىمىز جىلدان-جىلعا جاقسارىپ كەلەدى، جۇڭگو ارمانى جۇرەگىمدە، وتان ءۇشىن ءبىر كىسىلىك ۇلەسىمدى قوسۋعا دايىنمىن»،-دەدى.

未标题-1.jpg
未标题-2.jpg
未标题-3.jpg
未标题-1.jpg
未标题-1.jpg