موڭعۇلكۇرە اۋدانى پارتيا 19-قۇرىلتاي رۋحىن باي مازمۇندى فورمالارمەن ءىس جۇزىندىككە بىرلەستىرە ۇگىتتەدى
0
2017-11-13 09:58:00
|
كەلۋقاينارى:جۇڭگو قازاقر اديو تورابى
|
جاۋاپتى رەداكتور :داۋىلبەك

    ارزىگۇل ابدەش قىزى حابارلايدى. پارتيا 19 - قۇرىلتايى بايانداماسى پارتيا مەن مەملەكەت ىستەرىنىڭ العا باسۋ بەتالىسىن اناعۇرلىم ايقىنداپ بەردى، جاڭا داۋىردەگى ۇلى ارماننىڭ ايبىندى جوباسىن جاسادى، ول پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ساياسي جارناماسى جانە ارەكەت باعدارناماسى.

 


    جۋىرداعى كۇندەردەن بەرى، پارتيا19 –قۇرىلتاي بايانداماسىن حالىق ەڭ ۇناتاتىن فورمالارمەن ۇگىتتەپ، پارتيا 19 - قۇرىلتايى رۋحىن ويداعىداي ۇيرەنۋ، ويداعىداي ۇگىتتەۋ،دايەكتىلەندىرۋ، ءار ءبىر وتباسىنا جەتكىزۋدى − كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتكەن موڭعۇلكۇرە اۋدانىنداعىءار دارەجەلى پارتكوم مەن ۇكىمەت ورىندارى، ءار ۇلت كادرلارى جابال اتتانىسقا كەلىپ، دەن قويا ۇيىمداستىرىپ، مۇقيات جوبالاپ، قۇرىلتاي رۋحىن باي مازمۇندى فورمالارمەن، جۇرتشىلققا جاناسىمدى تاسىلدەرمەن جەتكىزدى.

 


    جۋىردا، موڭعۇلكۇرە اۋداندىق قارت كادرلار مەكەمەسى پەنسياعا شىققان قارت كادرلاردى ۇيىمداستىرىپ، الەۋمەتتىك اۋماقتارعا بارىپ، نارت قىزىل تۋ الدىندا، سەرت بەرۋ، لەكسيا سويلەۋ قيمىلىن ۇيىمداستىرىپ، قاراپايىم دا تۇسىنىكتى تاسىلدەرمەن اۋەلگى ماقساتتى ۇمىتپاي پارتياعا ماڭگى ادال بولىپ، پارتياعا ىلەسىپ، پارتياعا العىس ايتاتىن وسكەلەڭ توڭكەرىستىك رۋحتارىن ايگىلەدى.

 


    قاراشانىڭ 8 –كۇنى، موڭعۇلكۇرە اۋداننىڭ تاۋلى رايوندارىنا قار قىلاۋلاپ، قىستىڭ العاشقى لەبى بىلىنە باستاسا دا، موڭعۇلكۇرە قالاشىق جامانتاي قىستاعىنداعى بۇقارا قىزۋ مەرەيلى تۇردە، الىستان جەتكەن «سيلى قوناقتارىن» قابىلداعان –دى. ولار بولسا، موڭعۇلكۇرە اۋداندىق حالىق قۇرىلتايى ۋاكىلدەرىنىڭ «اتتىلار ۇگىت اترەتى» بولاتىن. جامانتاي قىستاعى اۋدان قالاشىعىنان ءبىر شاما شالعاي، شەت ورىنداعى مالشارۋاشىلىق قىستاعى بولاتىن. قىستاق تۇرعىندارىنىڭ قۇرىلتاي رۋحىن دەر كەزىندە ۇيرەنۋىنە كەپىلدىك ەتۋ ءۇشىن، موڭعۇلكۇرە قالاشىعى ۇزاق ۋاقىت نەگىزگى ساتىدا قىزمەت ىستەگەن تاجىريبەلى قارت پارتيالى كادرلاردى جانە قىستاققا تۇسكەن قىزمەت اترەتى ۋاكىلىن ۇيىمداستىرىپ، اتپەن 2 ساعاتقا تاياۋ جول باسىپ وسىندا جەتكەن –دى. بۇل اتتىلار ۇگىت اترەتىنىڭ تاعى ءبىر ەرەكشەلىگى ولار بۇقارا ەڭ ۇناتاتىن، قىزىعىپ تىڭدايتىن اقىندار ايتىسى فورماسىندا قۇرىلتاي رۋحىن ۇگىتتەپ، بارشا مالشى بۇقاراسىنىڭ قىزۋ قارسى الۋىنا بولەندى.

 


    بۇل رەتكى «اتتىلار ۇگىت اترەتىنىڭ» لەكسياسىن تىڭداعان قىستاق تۇرعىنى مۇقتارباي تەبىرەنە بىلاي دەدى: «وتباسىمىز جوننەن الىپ ايتقاندا، پارتيانىڭ كوپتەگەن ءتيىمدى ساياساتتارىنان يگىلىكتەنىپ وتىرمىز. ايتالىق، تەگىن دەنساۋلىق تەكسەرتۋ، سەلبەسىپ ەمدەۋ، بەيقۇت ءۇي قۇرىلىسى قوسىمشا قاراجاتى قاتارلىلار وسىنىڭ ءبارى دە پارتيانىڭ ارقاسى. 19-قۇرىلتاي بايانداماسىندا باس شۋجي شي جيىنپيىڭ تاعى سالاماتتى جۇڭگو ستراتەگياسىن ورتاعا قويدى. بۇدان كەيىن ءبىزدىڭ دەنساۋلىق اقاۋسىزدىعىمىز ءتىپتى دە مول كەپىلدىككە يە بولدى دەگەندىك. ءبىزدىڭ تۇرمىسىمىزدىڭ ءتىپتى دە باقىتتى بولا تۇسەتنىنە سەنممىز كامىل».

 


    موڭعۇلكۇرە اۋدانى ۇلى كۇنگەي قىستاعىنداعى قىستاق كادرلارى، پارتيا مۇشەلەرى، قىستاققا تۇسكەن كادرلار تىعىز سەلبەسە وتىرىپ، قىستاقتاعى ءارءبىر تۇرعىننىڭ قۇرىلتاي رۋحىن ويداعىداي ۇيرەنۋى ءۇشىن،« ۇيرەنۋ، وتباسىلارىنا جەتكىزۋ، لەكسيا سويلەۋ، اسەرىمەن ءبولىسۋ » سىندى باسقىشتار بويىنشا قۇرىلتاي رۋحىن ۇگىتتەدى.

 


    مۇنان سىرت موڭعۇلكۇرە اۋداننداعى ءار دارەجەلى ورىندار تاعى تۋ شىعارۋ سالتى، ديحان شارۋالار كەشكى مەكتەبى، وتباسىلارىن ارالاۋ، ۇگىت ماتەريالىن جەتكىزىپ بەرۋ، سىندى فورمالارمەن، پارتيا 19-قۇرىلتاي رۋحىن ءتۇپ نۇسقادان ۇيرەنۋگە جۇمىلدىرىپ، ءىس جۇزىندىككە جاناسىمدى، بۇقارا وڭاي قابىلدايتىن فورمالارمەن قۇرىلتاي رۋحىن كۇش سالا ۇگىتتەدى.

未标题-1.jpg
未标题-2.jpg
未标题-3.jpg
未标题-1.jpg
未标题-1.jpg