شالعاي قىستاقتاعى ىزگى جاندار
0
2018-01-13 16:11:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل

جاڭا كيىم كىيگەن توقسان ەكى وقۋشى جاپار اعالارىمەن بىرگە



    اسەمگۇل كوكسەگەن قىزى حابارلايدى. «ۇعىسۋ، تيىمدىلىك جاساۋ، توعىستىرۋ» قيمىل تالابىنا ساي، قوعامنىڭ ءار سالاسىندا ىزگى نىيەتتى جاندار كوبەيە باستادى. سونىڭ ايقىن دالەلى بولعان اققول اۋىلى اققول قىستاعىنىڭ ءتول تۋمالارى جاپار نياز ۇلى مەن ەمىر نياز ۇلى پارتيا مەن ۇكىمەتتىڭ ابزال ساياساتىنان يگىلىكتەنىپ، ءوزدەرىنىڭ ادال ەڭبەكتەرى ارقىلى مال ساۋداسىن جاساپ، كىرىس كوزىن تاۋىپ، اۋقاتتانۋ جولىنا تۇسكەن بولسادا اۋىل ادامدارىنىڭ وت باسىندا قىيىنشىلىعى بارىن ەستەرىنەن شىعارىپ كورمەدى. سونىمەن جۋىقتا ەكەۋى اقىلداسا كەلىپ، جاڭا جىلعا تارتۋ رەتىندە كوپككە ”مەيىر ساۋعاسىن“ ۇسىنۋدى ءجون كوردى. اعاسى جاپار پۋكاڭ قالاسى اققول اۋىلى اققول قىستاعىنداعى سەنتىرلى مەكتەپ وقۋشىلارىنان تۇرمىسىندا ەرەكشە قىيىنشىلىعى بار دەپ قارالعان توقسان ەكى ءار ۇلت وقۋشىلارىنا قۇنى جىيرما مىڭ ەكى جۇز سومعا توقسان ەكى پار مەكتەپ كىيمىن ءىشكى ولكەدەگى زاۆودتارمەن بايلانىس جاساپ ارناۋلى جۇك تاسىمالى مەن كىرە اقىسىن تولەپ العىزىپ، ءوزىنىڭ ازعانتاي كوڭىلى ارقىلى ورەندەردىڭ قىس قىرىنان توڭباي شىعۋى مەن جاقسى وقىپ، وتانعا ۇلەس قوساتىن نۇرلى بولاشاقتارىنا كۋا بولدى. ال ءىنىسى ەمىر پۋكاڭ قالاسى اققول اۋىلى اققول قىستاعىندا حانزۋ، قازاق، حۇيزۋ قاتارلى ءار ۇلتتان قۇرام تاپقان وتىز بەس وت باسىنىڭ تۇرمىسىندا ەرەكشە قىيىنشىلىعى بار ەكەنىن ۇعىسقاننان كەيىن ولاردىڭ ءار قايىسىنىڭ وت باسىنا ءبىر قالتادان ۇن، ءبىر قالتادان كۇرىش، ءبىر تورسىق سۋ ماي قاتارلى قۇنى ون مىڭ سوم اينالاسىندا ىشپەك-جەمەك جانە تۇرمىستىق بۇيىمدارىن جەتكىزىپ بەرىپ، ۇلتتار ىنتىماعىنىڭ بەرەكەلى شاڭىراعىنىڭ مەيىرىن، تاتۋلىعىن تاعى ءبىر قىرىنان ايگىلەدى. قاڭتاردىڭ قاقاعان سۋىعىندا بۇل ەكى اعايىندى ءوزدەرىنىڭ ءىس جۇزىندىك ارەكەتتەرى ارقىلى جۇرت جۇرەگىنە جىلۋلىق جەتكىزىپ، اۋىلداستار مەن كىشكەنتاي ورەندەرگە سۇبەلى سۇيىسپەنشىلىك باعىشتادى.ءارى ادامگەرشىلىك، مۇرالدىق قاسيەتتەرىن ءداۋىر كوشىمەن سومداپ جۇرگىزگەن تاماشا قىيمىل الىپ بارىپ، ءبىر اۋىل ادامدارىنا «مەيىر شۋاعىن» توكتى.

00.jpg
00.jpg
封面111.jpg
360截图20180112152712899.jpg
IMG_6855.jpg