35 جىل ساقتالعان كوسەمدەر سۋرەتى
0
2018-03-13 09:46:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل


    جەڭىس جالەلبەك ۇلى حابارلايدى. مەيرام اسىعات ۇلىنىڭ وتباسىنا جەتكەنىمدە ءتور الدىنا ىلىنگەن سۋرەت كوزىمە وتتاي باسىلدى. سۋرەتتەگى كوسەمدەردىڭ جىلى دا، مەيىرلى جۇزدەرى ايرىقشا تەبىرەنتتى.


    اڭگىمە بارىسىندا مەيرام: «بۇل سۋرەت بۇرىن اعامدىكىندە تۇراتىن. ون جىلدىڭ الدىندا ول كىسىلەر باسقا جەرگە كوشەردە وسى سۋرەتتى قالاپ-سۇراپ الدىم. ۇيلەنگەن سوڭ، اۋدان قالاشىعىنا كەلىپ، قونىستاندىم، ءتۇرلى سەبەپتەردەن بىرنەشە رەت قونىس جاڭالاسام دا وسى ءبىر سۋرەتتى قالتىرماي الا ءجۇرىپ، ءۇيىمنىڭ تورىنە ءىلىپ قويدىم. بالالارىما بۇل كىسىلەردىڭ جاڭا جۇڭگونىڭ ازات بولۋىنا، دامۋىنا قوسقان ۇلەستەرىن ۇنەمى اڭگىمەلەپ بەرىپ وتىرامىن. راسىندا، ءبىزدىڭ باي-باقىتتتى كۇندەرىمىز وسى ءبىر ۇلى كوسەمدەرىمىزدىڭ جانە ولارعا مۇراگەر بولعان كەيىنگى ۇرپاق ەل باسىلارىنىڭ ارقاسى عوي. مىنە، مىنا 80 كۆادراتتىق كەڭ دە، جارىق ، جىلى قابات ۇيىمە جۋىردا عانا كوشىپ كەلدىم. بۇل ءۇيدى ۇكىمەت سالىپ بەردى، بۇل تەكتەس ۇيلەردەن مەن سەكىلدى كوپتەگەن ديقان وتباسىلارى يگىلىكتەنىپ وتىر. بۇعان نەگە قۋانباسقا؟! وسى ءبىر قوي ۇستىنە بوز تورعاي جۇمىرتقالاعان زاماندى سيلاعان اياۋلى كوسەمدەرىمىزگە ءار كەز ەمەس، ءار كۇنى راحىمەت ايتىپ تۇرۋعا ءتيىسپىز. جۇڭگو كوممۋنيستىك پارتياسىنىڭ ءابزال ساياساتىنىڭ ارقاسىندا باقتتى تۇرمىس كەشىرۋدەمىز»،- دەدى اسەرلەنە.


    بۇل سۋرەت 1983-جىلى باسىلىم كورىپتى. سۋرەتتىڭ استىڭعى جاعىنداعى تۇسىندىرمەدە «ماۋزىدۇڭ، جوۋىنلاي، ليۋشاۋچي، جۋدى، دىڭ شياۋپيڭ، چىن يۇن جولداستار بىرگە» دەپ جازىلىپتى.


    مىنە، سودان بەرى دە 35 جىل بولعان ەكەن. ۋاقىت ءوتىپ، سۋرەتتىڭ رەڭى ازداپ كەتسەدە، ودان وربىگەن مەيىرمەن ماحاببات مەيرام جانە ونىڭ وتباسىنداعىلاردى، تۋىس-تۋعان، دوس-جاراندارى مەن اينالاسىنداعى ادامداردى ءوز شۇعىلاسىنا شومىلدىرىپ، باقىتتىڭ بەسىگىندە تەربەتە بەرەرى حاق. 


    جەمەنەي اۋدانى توتە قاراستى باستاۋىش مەكتەبى


未标题-1.jpg
企业微信截图_20180312165924.jpg
u=1198320130,2698689772&fm=27&gp=0.jpg
timg (2).jpg
未标题-1.jpg