جەلەكتىڭ سەنى جەرىنە جەتە سۇيەمە
0
2018-04-16 09:24:00
|
كەلۋقاينارى:kazakcnr
|
جاۋاپتى رەداكتور :داۋىل قادىلبەك ۇلى


ايەل زاتى عاشىق بولسا شىنايى عاشىق بولادى ەكەن دە، ونى قادىرلەگەن، قاستەرلەگەن جان عانا وعان باقىت سيلاي الادى ەكەن.


قاس-قاعىم ساتتەگى قيمىل-ارەكەتىنەن ايەل زاتىنىڭ تەرەڭ سۇيىسپەنشىلىگىن بايقايسىز.

التى جىل ءسوز بايلاسىپ، جەتىنشى جىلى نەكەلەندىم، ءبىر-ءبىرىمىزدى ابدەن تۇسىنگەندىكتەن بە ايتەۋ ارامىزدا ونداي ءبىر رومانتيكا بولعان دا ەمەس، سەزىنگەن دە ەمەسپىز، تەك ءبىر جولى تۇستەن كەيىنگى اشىق كۇندەردىڭ ءبىرى تۇڭعىش كەزدەسكەن جەرىمىزگە قايتالاي باردىق. كۇن نۇرى ونىڭ ءجۇزىن نۇرلاندىرىپ، تۇڭعىش ۋاعدالاسىپ كەزدەسكەن كەزىمىزدى ايتىسقان سول ءبىر ءسات، كوڭىلىم قاراداي تولقىپ، جەتى جىلدىڭ الدىنداعى سول ءبىر قىزىققا تولى كۇندەر كوز الدىما كارتيناداي تارتىلا قالدى.


ونىڭ ەسىندە قالعانى سونشالىق، مايىن تامىزا وتىرىپ ايتقاندا ونىڭ ماعان دەگەن تەرەڭ سۇيىسپەنشىلىگىن شىنداپ سەزىنگەندەي بولدىم.


ءبىر ايلىق ءىسساپارمەن سىرتقا شىقتىم، جۇمىستارىم ىلگەرى بولعاندىقتان بىرنەشە كۇن بۇرىن قايتۋعا تۋرا كەلدى. سۇيىكتىمە توسىن قۋانىش سيلاعىم كەلدى دە، مەكتەپتىڭ قاقپاسىندا ونى كۇتىپ تۇردىم. ول مەنى كورگەن ساتتە، كوز جاسىنا ەرىك بەرىپ، توپتى ادامعا قاراماستان، جۇگىرىپ كەلىپ مەنىڭ قۇشاعىما قۇلادى. قورلىق كورگەن ادامداي سولقىلداپ جىلاپ تۇرىپ: «ءوزىڭدى قاتتى ساعىندىم، اقىرى قايتىپ كەلدىڭ-اۋ» دەگەن ءسوزىن ەستىگەندە تەبىرەنگەنىم سونشالىق، جۇرەگىم ەلجىرەپ سالا بەردى.


دۇنيە قانشا كەڭ بولسا دا، سەنى كۇتكەن ءبىر ادامنىڭ بولعانى شىنىمەن دە باقىت ەكەن-اۋ!

كۇندە تاڭەرتەڭ قىزمەتكە شىعاتىن كەزدە ايەلىمدى قۇشاقتاپ، بەتىنەن ءسۇيىپ قوياتىن ادەتىم بار ەدى. نەكەلەنگەن ون جىلدان بەرى بۇل ادەتىمدى وزگەرتكەن ەمەسپىن. قىزمەتتەن قاتتى قالجىراپ كەلەتىندىكتەن كەشكە ايەلىمنەن ەرتەرەك ۇيىقىعا باس قويامىن. كۇندەردىڭ ءبىر كۇنى ۇيقىم قاشىپ، كوزىم جۇمۋلى، كوكىرەگىم وياۋدا جاتقان كەزىمدە ءبىر كەرەمەتكە كۋا بولدىم. ايەلىم كۇندە تۇندە جاتار الدىندا ۇيىقتاپ جاتقان مەنىڭ بەتىمنەن اقىرىن عانا ءسۇيىپ قويىپ ۇيىقتاۋدى ادەتكە اينالدىرىپتى.


ءبىر كۇنى ايەلىم ۇرەيلى ءتۇس كورىپ، شوشىپ وياندى، مەندە سەلىك ەتىپ ويانعانىم سول ەدى، نە بولعانىن سۇراۋعا ۇلگىرتپەي، قولىن ماعان سوزىپ، باسىمدى سيپاپ كوردى دە، جۇزىندەگى قورقىنىش تابى ءاپ-ساتتە عايىپ بولىپ، مەنى تاس قىلىپ قۇشاقتاپ، «مەنى تاستاپ كەتپەشى» دەپ وكسىك ارالاس ءتىل قاتتى. ءدال سول ساتتە، ءومىر بويى سەنى قورعاپ وتەرمىن دەپ ءوز-وزىمە سەرت بەرىپ جاتتىم.


سۇيىكتىمنىڭ ۇيقىسى سەرگەك بولعاندا، ءسال قىبىر-سىبىردان ويانىپ كەتەتىن ەدى. ال مەن قورىلداعاندا «جەر جىرتاتىن» ەدىم. سوعان قاراماستان ول مەن جاتقاندا ءتىپتى ءتاتتى ۇيىقتايتىنى بار. سوندا بۇل سۇيىسپەنشىلىكتىڭ قۇدىرەتى بولار.


بالا كۇنىمدەگى ارمانىم ءانشى بولۋ ەدى. تۇڭعىش رەت ساحنا تورىنە كوتەرىلگەن ساتتە گيتارامدى كوتەرىپ شىقتىم. قالىڭ كوزدەرگە قاراپ، ءوز-وزىمنەن ەبىم قاشىپ، نوتادان جاڭىلا بەردىم.

باسقادان ەمەس ايەلىمنەن ۇيالىپ كورەرمەندەردىڭ الدىڭعى قاتارىنان ورىن العان وعان كوز قىرىمدى سالعانىمدا، ونىڭ مۋزىكاعا ەلىتىپ، مەنىڭ ونەرىمە قۇلاق قۇرىشى قانعانداي ەلىتىپ وتىرعانىن كورىپ تاڭعالدىم.


ايەلىم ەكەۋىمىز ەكى جەردە تۇرامىز. مەن جەكە كاسىپ ىستەپ، ايەلىم تۇراقتى قىزمەت ىستەيدى. كوپ كەزدەردە ايەلىم پويەزعا وتىرىپ مەنى ىزدەپ كەلەدى، كەيدە قاربالاستىقتان ونىمەن بىرگە كوشە ارالاۋعا دا ۋاقىتىم شىقپاي كەتەتىن كۇندەرى بار.

وندايدا ول مەنى جازعىرعاننىڭ ورنىنا قايتا ماعان: «تۇسىنىستىك پەن قادىرىڭدى بىلگەندىكتەن، بارلىق قيىنشىلىقتى جەڭۋگە باتىلدىعىم مەن سەنىمىم بولدى» دەيتىن. سوندىقتان دا ونىڭ بۇل ءسوزى جۇرەگىمە جاتتالىپ قالدى. ءومىر بويى بەرگەن سەرتتەن اينىمايىق تا، ءوزارا قادىر-قىمباتىمىزدى ءبىلىپ جۇرە بەرەيىك دەگىم كەلەدى.


ايەلىم اسپيرانتتىقتى تامامداپ، ۇيقىنى، كۇلكىنى ۇمىتىپ ۇكىمەت قىزمەتكەرىن قابىلداۋ ەمتيحانىنا دايىندالدى. بۇرىن ونىڭ مۇنداي قايسارلىق كورسەتكەنىن كورمەگەن ەكەنمىن. اقىرى قاتتى ەڭبەكتىڭ ءتاتتى جەمىسىن كورىپ، قىزمەتكە دە شىقتى. ءدال سول ساتتە ماعان ايتقان ءبىرىنشى ءسوزى: ەگەر تۇراقتى قىزمەت ىستەۋدى قالاماساڭ، ءوز ارمانىڭ ءۇشىن قۇلشىنا بەر. سەنىڭ بەرىك قالقانىڭ بولىپ مەن تۇرايىن» دەگەندە كوز شاناعىم جاسقا تولىپ، توگىلۋگە شاق قالىپ تۇردى.

ءوزىمدى باقىتتى سەزىنەمىن، سەبەبى، دۇنيەدە ءوزىمدى تەرەڭ سۇيگەن ايەل زاتى بولعانى ءۇشىن.

ەكى جىلدىڭ الدىندا ءبىر رەتكى وپەرەتسيادان كەيىن سارى توسەككە سارتاپ بولىپ، ايەلىمە ماسىل بولىپ جاتىپ قالدىم. مەنىڭ تاماعىمدى بەرىپ، ونە بويىمدى تازا ۇستاۋ، ءبارى-ءبارى سونىڭ موينىندا. ءبىراق ونىڭ ەشقاشان قاباق شىتقانىن كورگەن ەمەسپىن. ادەتتە اشۋشاڭ ەدى، كۇنىم سوعان قاراپ قالعاندا ءبىر رەت تە اشۋ شاقىرعان ەمەس، قايتا مەنى جىلى مەيىربەن، اسىل كۇلكىمەن شابىتتاندىرىپ وتىردى.

كۇتىمنىڭ ارقاسىندا ورنىمنان تۇردىم. كوڭىلىمە وعان دەگەن شەكسىز سۇيىسپەنشىلىك ورناپ قالدى.


ايەلىم ماعان ىلەسەم دەپ از بەينەت تارتقان جوق. جىعىلعانعا جۇدىرىق دەپ، ءبىر رەت ساۋدادان زيانعا وتىرىپ، ۇيدەن، اۆتوكولكتەن ايىرىلىپ، تاقىرعا مىقتاپ وتىردىم. ەندى قۇرىدىم-اۋ دەپ جۇرگەن كۇندەرىمدە ايەلىم قاسىمنان كەتكەن ەمەس، قايتا بارلىق قيىنشىلىقتاردى بىرگە جەڭىپ، ۇلكەن قالاعا كەلىپ، جانىمىزدى جالداپ ءجۇرىپ، تۇرمىسىمىزدى قايتا وڭادىق.

ايەل زاتىنىڭ وزىڭە سەرىك بولۋىنا استە ءسال قاراماڭىز دەگىم كەلەدى. ءبىر مەزگىل جانىڭ قينالسا ەشتەڭە ەمەس، ەر ازامات بولعان ەكەنسىڭ، جۇرەگىڭ بولعان ايەلىڭە باقىت گۇلىن سيلاي ءبىل!


ايەل زاتىنىڭ سۇيسپەنشىلىگى سەنىڭ ويلاعانىڭنان الدە قايدا تەرەڭ. ول سەنىمەن بىرگە بولعان قاس-قاعىم ءساتتى دە ەسىنە ساقتايدى، سەنىڭ نەنى ۇناتىپ، نەنى جەك كورەتىنىڭدى دە بىلەدى. تابىسقا جەتسەڭ سەن ءۇشىن شىنايى قۋانادى، ەڭسەڭ ءتۇسىپ، تۇرمىستا كىرىپتار بولعانىڭدا ساعان سەرىك بولىپ، جىگەر بەرەدى. ويتكەنى ايەل زاتىنىڭ جۇرەگى بۇل دۇنيەدەگى مەيىرگە تولى - انا جۇرەگى. بۇل دۇنيەدە وسىنداي اسىل جار كوپ، تەك ونى تۇسىنەتىن اتان جۇرەكتى جاندار از.

سەنى تانىماس بۇرىن اسحانا ۇيىنە كىرىپ كورمەگەن بولار، ءبىراق نەكەلەنگەننەن كەيىن تاماق ىستەۋدى ۇيرەنىپ، قازان-اياققا يە بولدى. سەنى تانىماس بۇرىن جانىن اياپ، ۇكىدەي ۇلبىرەپ تۇرسا، نەكەلەنگەننەن كەيىن توعىز اي، توعىز كۇن بالاڭا جۇكتى بولىپ، ومىردەگى ەڭ اشتى دەلىنەتىن بەبەۋلەتكەن تولعاقتىڭ ءدامىن تاتىپ، سۇيىسپەنشىلىگىڭنىڭ جەمىسى ۇراپاعىڭدى ومىرگە اكەلۋگە ريزا بولدى.


سۇيىسپەنشىلىك بىلگەن ادامعا ۇساق ىستەردەن كورىنەدى. ەگەر جۇرەكپەن تىڭداي بىلسەڭ.
تۇرمىستىڭ ۇساق-تۇيەك ىستەرىنىڭ ءبارى-ءبارى ايەل زاتىنىڭ ساعان دەگەن سۇيىسپەنشىلىگىنىڭ دالەلى بولماق. تابالدىرىعىڭدى اتتاعان سول كۇننەن باستاپ، ايالاي بىلسەڭ، تۇسىنە بىلسەڭ، قادىرلەي بىلسەڭ، وتباسىڭا قۇت اكەلەدى. باقىت شاڭىراعىڭا ۇيالايدى. ىرىسىڭ تاسىپ، داۋلەتىڭ اسادى! سەن ءۇشىن الاۋلاپ جانعان شىراقتى ءسوندىرىپ الما، وكىنىپ قالما!


حانزۋشادان اۋدارعان : راحىمان قادەن ۇلى (تورابىمىزدىڭ ۇسىنىس ەتىلگەن ءتىلشىسى)



00.jpg
未标题-1.jpg
未标题-1.jpg
未标题-1.jpg
未标题-1.jpg