ەرجۇرەك قۇرباندار شەجىرەسى: جۇمىسشىلار ۇيىمىنىڭ اتويشىسى –لين شياڭچيان
0
2018-04-16 10:45:00
|
كەلۋقاينارى:www.kazakcnr.com
|
جاۋاپتى رەداكتور :


«ۇلتتىڭ گۇلدەنۋى جونىندە. ەرجۇرەك قۇرباندار شەجىرەسى»- فۋجوۋ قالاسىنىڭ مينحوۋ اۋدانى شياڭچيان قالاشىعىنىڭ جاسىل تاۋ ٴمولدىر وزەن بوكتەرىنە ورنالاسقان قۇرباندار قابىرستاندىعى سونادايدان كوزگە شالىنادى. قابىرستاندىقتىڭ ۇلكەن قاقپاسىنىڭ الدىندا گرانيت تاستان قاشالعان ٴمۇسىن ورناتىلعان. بۇل جۇمىسشىلار قوزعالىسىنىڭ اتويشىسى لين شياڭچيان ەسىمدى قاھارماننىڭ ايكەلى.


95 جىلدىڭ الدىندا جۇڭگو كوممۋنيستىك پارتياسى باسشىلىق ەتكەن ٴبىرىنشى رەتكى جۇمىسشىلار قوزعالىسى كولەمدى شارپىپ بەيجيڭ -حانكۋ تەمىر جولىنداعى جۇمىسشىلار تۇگەل جۇمىس تاستايدى، ٴدال وسى بارىستا لين شياڭچيان ەرلىكپەن قۇربان بولادى.


جۇمىسشىلار ۇيىمىنىڭ اتويشىسى –لين شياڭچيان


1892-جىلى لي شياڭچيان مينحۋ اۋدانىنداعى ٴبىر كەدەي ديقان سەمياسىندا دۇنيەگە كەلگەن، 14 جاسىندا ما-ۋي كەمە جاساۋ زاۋاتىندا شاكىرت بولىپ جۇمىس ىستەيدى، 15 جاسىندا تەمىر جول سالاسىنىڭ جوندەۋ جابدىقتاۋ زاۋاتىندا تەمىر جول جۇمىسشى بولادى، سول كەزدە بەيجيڭ -حانكۋ تەمىر جولى سولتۇستىك جۇڭگو مەن ورتا جۇڭگونى تۇتاستىراتىن قاتىناس كۇرە تامىرى ەدى. ونىڭ شارۋاشىلىق، ساياسي جانە اسكەري ىستەردە ماڭىزى زور بولاتىن، تەمىر جول اينالىم تيجارات كىرىسى ميليتاريتست ۋ پيفۋ اسكەرلەرىنىڭ نەگىزگى كىرىس قاينارى بولعان.


1921-جىلى جۇڭگو كوممۋنيستىك پارتياسى قۇرىلعاننان كەيىن لين شياڭچيان العا باسار يدەيانى بىرتىندەپ قابىلداپ، توڭكەرىستىك جولعا تۇسە باستايدى. كوپ وتپەي ول بەيجيڭ حانكۋ تەمىر جولىنىڭ جياڭ –ان جۇمىسشىلار كلوبىنىڭ كادىرلىك مىندەتىن اتقارادى جانە 1922-جىلى داڭىقپەن جۇڭگو كوممۋنيستىك پارتياسىنا مۇشە بولادى، ول بەيجيڭ حانكۋ تەمىر جول باس جۇمىسشىلار ۇيىمى جياڭحان بولىمشە كوميتەتىنىڭ باستىعى بولىپ، تەمىر جول جۇمىسشىلارىن يمپەراليزممەن جانە فەۆدال ميليتارليستەرىمەن باتىل كۇرەسۋگە باسشىلىق ەتەدى.


ميليتاريس ۋ فيفۋ (سۋررەت توراپتان الىندى)


1923-جىلى اقپاننىڭ 4-كۇنى بەيجيڭ حانكۋ تەمىر جولىنداعى 20 مىڭنان استام جۇمىسشى كولەمدى جۇمىس تاستايدى، باس جۇمىسشىلار ۇيىمى سىرتقا جارناما جاريالاپ جۇمىسشىلاردىڭ ۇقىق -مۇددەسىن قورعاۋعا ساياتىن بەس تارماق شارتتى ورتاعا قويادى. كولەمدى جۇمىس تاستاۋ يمپەراليزم مەن كەرتارتپا ميليتاريستىڭ ۇرەيىن ۇشىرادى.يمپەراليزمىنىڭ قولداۋىندا ۋ فيفۋ 20 مىڭنان استام اسكەر مەن ساقشىسنى جۇمىلدىرىپ، بەيجيڭ حانكو تەمىر جول بويلارىندا جۇمىس تاستاعان جۇمىسشىلاردى جانىشتاپ، جۇڭگونى جانە شەتەلدى ٴدۇر سىلىكىندىرگەن 7-اقپان تراگەدياسىن تۋدىرادى. اقپاننىڭ 7-كۇنى لين شياڭچيان، حۋبي ولكەلىك اسكەري ۇكىمەتتىڭ باس اقىلشىسى جاڭ حۋشىڭ تۇتقىندالادى. ميليتاريستەر قىلشىن قىنابىنان سۋىرىپ، لين شياڭچيانعا بوپسا جاساپ، ونى جۇمىستى قالپىنا كەلتىرۋگە جۇمسشىلارعا بۇيرىق بەرۋگە ٴماجبۇرلەيدى. قان تامعان قانجار الدىندا لين شياڭچيان تىزە بۇكپەي قايتپاس قايسارلىق تانىتىپ ولىمنەن تايسالماي ولاردىڭ شارتىنا كەسكىن تويتارىس جاسايدى، ٴسۇيتىپ 31 جاستىق عۇمىرىن ارنايدى.

اۋدارعان: كۇلان ىرىسباي قىزى

未标题-1.jpg
未标题-1.jpg
未标题-1.jpg
未标题-1.jpg
未标题-1.jpg