جەمەنەي اۋدانىنان ءۇش شاباندوز مەملەكەتتىك جارىسقا قاتىناستى
0
2018-05-16 09:34:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    ايدانا تالاپقان قىزى حابارلايدى. 4-ايدىڭ 29-كۇنىنەن 5-ايدىڭ 1-كۇنىنە دەيىنگى ارالىقتا، «باۋشىلاي لوڭقاسىنا» تالاسۋ 12-كەزەكتى مەملەكەتتىك جاسوسپىرىمدەر تەز سىرعاناۋ جۇلدەگەرلىگىنە تالاسۋ جارىسى نەمەسە مەملەكەتتىك تەز سىرعاناۋ سپورت كومانداسىنا سپورتشى تالداۋ جارىسى وتكىزىلدى. جەمەنەي اۋدانىنان مەيىر اسىلبەك قىزى، اليكام ياسىن، عاسىر تاسقىن ۇلى اتتى ءۇش شاباندوز جانە جەتەكشى ماناربەك تىلەۋباي ۇلى، جاتتىقتىرۋشى ومىربەك تالاپقان ۇلى قاتارلى 5 ادامنان قۇرام تاپقان كوماندا اۆتونوميالى رايوندىق ۋاكىل كوماندا رەتىندە تۇڭعىش رەت شينجياڭنان شىعىپ وسى مەملەكەتتىك جارىسقا قاتىناستى.


    جارىس مايدانىندا، جاس شاباندوزدار 500 مەترلىك جانە 1000 مەترلىك تەز قارقىندى سىرعاناۋ، جارتىلاي مارافون الىس ارالىقتى سىرعاناۋ قاتارلى بىرنەشە ءتۇرلى جارىس تۇرلەرىنە قاتىناسىپ 12 جاستاعى عاسىر جارتىلاي مارافون الىس ارالىقتى اشىق جارىسىندا نەشە ءجۇز باسەكەلەسىنىڭ ىشىنەن 48-ورىندى يەلەپ جاقسى ناتيجەگە قول جەتكىزسە، مەيىر مەن اليكام دا جارتىلاي مارافون جارىس جولىن تاباندىلىقپەن سىرعاناپ تاۋىستى.


    ولار وسى جولعى جارىستا وتە كورنەكتى ناتيجەگە قول جەتكىزبەگەنىمەن، الايدا، ولاردىڭ جەمەنەي اۋدانىنان شىعىپ بۇكىل رايونىمىز اتىنان مەملەكەتتىك جارىسقا قاتىناسىپ مايدان كورىپ، قۇندى تاجىريبەلەر قابىلداۋىنىڭ ءوزى ۇلكەن تابىس بولماق، جاس شاباندوزداردىڭ بۇدان بىلايعى جارىس مايدانىنىڭ ءتىپتى دە ۇلكەن، ناتيجەلەرىنىڭ ءتىپتى دە كورنەكتى بولىپ اۋدانىمىزعا، رايونىمىزعا ٴءتىپتى دە ۇلكەن داڭق، ماراپات اكەلىپ بەرەتىندەرىنە سەنىمىمىز كامىل!


جەمەنەي اۋداندىق مادەنيەت، دەنە-تاربيە، راديو-تەلەۆيزيا، اقپارات باسپا ءسوز مەكەمەسى

00.jpg
00.jpg
00.jpg
00.jpg
00.jpg