جالپاقتال ساياجايى
0
2018-07-06 15:28:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

جالپاقتال ساياجايىنان ءبىر كورىنىس

 

    تاۋلە قۇماش ۇلى حابارلايدى. 7-ايدىڭ 5-كۇنى، شاعانتوعايدىڭ اقشوقى جايلاۋىنىڭ كەشكى كوركەم كورىنىسىن فوتو اپاراتپەن كەسكىن كامەراسىنا تۇسىرگەلى تۇس اۋا اۋدان قالاشىعىنان شىعىپ، مال شارۋاشىلىعىنا ارنايى سالىنعان اسباليت جولدا تەمىر تۇلپارعا قامشى باسىپ تەبىندەتىپ بارامىن.


    جۇمىستان قولىمنىڭ بوساعانى وسى، شەگىر وزەنىنەن ٴوتىپ، جالپاقتال شاپپالىعىن جاعالاپ، كولدەنەڭ جايلاۋىنا تاياعاندا التىن كۇندە ۇياسىنا باتقانعا ارقان بويى قالدى. جول شەتىندەگى «جالپاقتال ساياجايى» دەگەن ۆيۋەسكاعا جازىلعان جاسىل ٴۇستى ۇلتتىق تاعامداردىڭ سۋرەتى نازارىمدى بۇرىپ، كۇل توگەر ارالىقتاعى تەكشەگە قاتار-قاتار تىگىلگەن اق بوز ۇيلەر مەن بيەباۋ جانە جەلدەگى بۇزاۋلار كەشكى كۇننىڭ شاپاعىمەن جاسىل كىلەم جامىلعان جايلاۋدىڭ كەلبەتىن كەلتىرىپ، اقىرى ات باسىن بۇرعىزىپ، اق بوز ٴۇيدىڭ بەلدەۋىنە ات شىلبىرىن بايلاتتى.


    جۇزباستى اق بوز ٴۇيدىڭ شەتكى ءبىر ۇيىندە اۋىلدىڭ كەشتەر-اي» دەگەن ءان شىرقالسا، شىعىس جاعىنداعى كوگالدا ۇلتتار ىنتماعىن نەگىز ەتكەن ءان، كۇيلەر شىرقالىپ، تاڭسا بيلەپ ساياحاتتاي كەلگەن سيلى قوناقتار كوك جايلاۋدا كوتەرىڭكى كوڭىلمەن ورتانى دۋمانعا بولەپ جاتىر.


    «شاعانتوعايدىڭ تابيعاتى كوركەم، سۋى تۇنىق، اۋاسى تازا، حالقى مەيماندوس ەكەن، ءبىر قونسام دا بىرەگەي تاعامداردان ٴدام تاتتىق، باسباي باعىلان ەتى، قىمىز، ايران، قۇرت سياقتى قورەكتگى جوعارى تازا ونىمدەردى تۇتىندىق، امانشىلىق بولسا، تاعى كەلىپ ءبىر نەشە كۇن دەمالىپ قايتامىن»،-دەدى جۇرگەلى جاتقان ءبىر جولاۋشى 37 جاس مولشەرىندەگى ازاماتتىڭ قولىن قىسىپ تۇرىپ العىسىن ايتىپ جاتتى، مىنە العىسقا يە بولعان ازامات شاعانتوعاي اۋدانى قارابۋرا اۋىلىنىڭ جالپاقتال مالشىلار وتىراقتاسقان قىستاق تۇرعىنى «جالپاقتال ساياجايى» نىڭ قوجايىنى دۋلات ماۋكەن ۇلى ەكەن.


    ءتىلشىنىڭ جانى قاشاندا جاڭالىققا قۇشتار-عوي، بۇل ازاماتتىڭ كاسىپتەنۋ جاعدايىن ۇعىسىپ، كوپكە ۇلگى بولارلىق ءىسى بولسا ۇگىتتەپ قويايىن دەپ قوناقتاردىڭ سوڭىن كۇتتىم. كۇندە باتىپ مال ورىستەن كەلىپ، قوناقتاردىڭ كوبى قايتىپ، ءبىر ٴبولىمى دەمالۋعا بەتالىپ، ٴسال سايابىرلاعان سوڭ، دۋكەڭە ٴوزىمدى تانىستىرىپ كاسىپتەنۋ بارىسڭىزدى ۇگىتتەپ قويساق دەگەنىمدە: شاي قۇيىپ وتىرعان دۋلاتتىڭ جۇبايى گۇلساعات: اعا، تىلشىلەر اۋقاتتىلاردى ۇگىتتەيدى دەۋشى ەدى، اۋقاتسىزداردى دا ۇگىتتەيتىن بولعاسىزدارما؟،-دەدى.


    ٴيا، سولاي، بۇگىنگىدەي قوناق قابىلداپ ولاردىڭ جاقسى ىقىلاستارىن الساڭىزدار جانە جاپاسىنا توزىپ تاباندىلىقپەن وتباسى بەرەكەسىن كۇشەيتىپ كاسىپتەرىڭىزدى جالعاستى جۇرگىزسەڭىزدەر ءالى-اق اۋقاتتانىپ كەتەسىزدەر،«ءبىردى ۇگىتتەپ، مىڭعا تاربيە بەرۋ ءتىلشىنىڭ مىندەتى»،-دەدىم.


    گۇلساعات كەلىن: ايتارلىقتاي اۋقاتتانىپ كەتپەسەكتە وتباسى تۇرمسىمىزدى تولىق قامداپ كاسىپ ىستەگەن بولىپ جاتىرمىز، پارتيانىڭ ۇگىتى ءبىزدىڭ اۋقاتتانۋىمىزدىڭ ارقاۋى، وتاعاسىنان وتباسىمىزدىڭ كاسىپتەنۋ جاعدايىن ۇعىسىڭىز دەگەن سوڭ، دۋلات باۋىردى سوزگە تارتتتىم: دۋلات، وتباسىندا 5 جانبىز، وتىراقتاسۋ ورنىندا 60 كۆادرات ٴۇي، 80 كۆادرات مال قورا، 50 مۋ ەگىستىك جەرىمىز بار، 100 گە تارتا ۇساق، 15 دەي ٴىرى قارا بار، وسى ورىن ءوز جايلاۋىم، بىرنەشە جىلدان بەرى بارلىق تاۋىنىڭ كوركەمدىگىن كورىپ، جاسىل جايلاۋدى ارالاپ سەيىلدەپ-سەرۋەندەپ، قىدىرۋشىلار مالايدى، 2016-جىلدان باستاپ ءوز جايلاۋىمنان 4 ٴۇي تىگىپ وسى ساياجايدى اشتىق، العاشىندا تاجىريبە كەمشىل بولعاندىقتان بىلتىردان بەرى ساۋدامىز جاقسى، سىرتتان مال ساتىپ المايمىز بىلتىر اسقاناعا ءوز مالىمنان 30 قوزى سويىلدى، ال بيىل قازىرگە دەيىن 25 قوزى سويدىم، ەگەر قوزىنى بازارعا ساتساڭ ەڭ الدى 650 يۋان مولشەرىندە ساتىلادى، ەگەر اسقاناعا سويىپ ەت نەمەسە قۋىرماشقا ىستەتسەڭىز ءبىر قوزى 1200 يۋان مولشەرىندە بولىپ، 500 نەشە يۋان پايدا قالادى، بۇدان سىرت قىمىز، قۇرت، ايران-سۇت، ىرىمشىك، كىلەگەي سياقتى قازاقي تاعامدار ۇستەلگە تولىق شىعىپ، حاريدارلار قانداي تاماق بۇيىرتسا بارلىعىن شىعارىپ بەرەمىز، ازعانتاي مالدىڭ سوڭىنان ەرگەنشە شاعىن بولسادا كاسىپ ىستەگەن جاقسى ەكەن، بيىل مال ساۋعانعا جەتسە الماعان سوڭ مىنا كسىلەردى كومەكگە الدىق،-دەدى، داستارقاننىڭ شەتىندە قىمىز قۇيىپ وتىرعان جىگتپەن كەلىنشەكتى نۇسقاپ.


    ساۋىنشى كەلىن نۇرىش كامالعازى قىزىنان، بيە، سيىر ساۋۋ جاپالى شىعار-دەگەنىمدە: جاپاسى جوق راحات جۇمىس قايدا، قينالىپ شارشاپ تاپقان تابىستىڭ قادىرىن تۇسىنەتىن بولادى، 7 بيە، 6 سيىر ساۋامىز، قىمىز اشتىپ، سيىر سۇتىنەن ايران، قۇرت-ماي، ىرىمشىك، كىلەگەي جاساپ، كازەيىن تارتىپ كوپ قوناق كەلگەندە كەيدە كومەكتەسىپ قويامىز، تاماقتى ءبىر جەردەن ءىشىپ، ايىنا جولداسىم ەكەۋىمىز 3000 يۋان ەڭبەكاقى الامىز، قۇنتتاپ ىستەتسە ازعانتاي ەگستىك جەرگە قاراپ وتىرعان ءبىز ءۇشىن العاندا بۇل كوپ اقشا،-دەدى.


    دۋلات بىلتىر جايلاۋدا ساياجاي اشقان 3 ايدا مىڭ نەشە رەت قوناق قابىلداپ 40 مىڭ يۋانعا جۋىق تازا پايدا تاپسا، بيىل وتكەن جىلداعىدان كىرىسىن ارتتىرۋعا بار كۇشىن جۇمساپ جاتقاندىعىن ۇعسىپ، جالىقپاي كاسىپتەن «جالپاقتال ساياجايى» قوجايىنى دەپ تىلەك ايتىپ اتتاندىم.


شاعانتوعاي اۋدانى مادەنيەت دەنە تاربيە-راديو- كينو- تەلەۆيزيا مەكەمەسى

00.jpg
00.jpg
00.jpg
00.jpg
00.jpg