كوكتوعاي اۋدانىنىڭ مەمىلەكەت دارەجەلى كورىنىس رايوندارى كوبەيىپ، اتاعى اسپاندايتىن بولدى
0
2018-07-07 16:33:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    تورابىمىز ۇسىنىس ەتكەن ءتىلشى مۇقامادي ءشارىپ ۇلى حابارلايدى. كوكتوعاي اۋدانى جاقىندا وزەن جاعاسى كورىنىس رايونى، كوكتوعاي مەملەكەتتىك كەن باقشاسى كورىنىس رايونىن مەملەكەتتىك 4A دارەجەلى كورىنىس رايونى ەتىپ قۇرىپ شىعۋ قىزمەتىنىڭ اتتانىسقا كەلتىرۋ جيىنىن اشتى. ۇعىسۋعا قاراعاندا كوكتوعاي مەملەكەتتىك كەن باقشاسى كورىنىس رايونى مەن كوكتوعاي وزەن جاعاسىى كورىنىس رايونى مەملەكەتتىك 4A دارەجەلى ساياحات كورىنىس رايونى بولىپ قۇرىلادى ەكەن.


    جاقىنعى جىلداردان بەرى، كوكتوعاي اۋدانى جاڭا دامۋ ۇستانىمىن دايەكتىلەندىرىپ، كوكتوعاي اۋدانىنىڭ ساياحات كاسىبىن تىرەكتى كاسىپ ەتىپ جەبەپ، ساياحات كاسىبىن نەگىزگى تۇلعا ەتىپ، ءبىرىنشى كاسىپتى جەتەلەۋ، ەكىنشى كاسىپتى سۇيەمەلدەۋدەي دامۋ جاعدايىنا بەلسەنە ىزدەنىس جاساپ، ساياحات كاسىبىنىڭ اقاۋسىز دامۋىن ىلگەرىلەتىپ، دارەجەسىن جوعارىلاتتى. بيىل كوكتوعاي اۋدانى مەملەكەتتىك 4A دارەجەلى كورىنىس رايونىن قۇرۋ ولشەمى بويىنشا كوكتوعاي مەملەكەتتىك كەن باقشاسى كورىنىس رايونى مەن وزەن جاعاسى كورىنىس رايونىن عىلمي جوبالاپ، ءتۇيىندى قۇرىلىستاندىردى. كوكتوعاي مەملەكەتتىك كەن باقشاسى كورىنىس رايونى سيرەك كەزدەسەتىن مەتالدارىمەن دۇنيەگە تانىمالى بولعان 3-ٴنومىرلى كەن قۇدىعىن ۋاكىل ەتكەن ەرەكشەلىككە يە ونەركاسىپ ساياحات كورىنىس رايونى. كورىنىس رايونىنىڭ ىشىندە 3-ٴنومىرلى كەن قۇدىعى، اياكوز مىس كەنى، رەسەي قۇرىلىس ۇلگىسىندەگى اعاش كوپىر جانە ءۇي قۇرىلىستارى قاتارلى كورىنىس تۇيىندەرى بار. كورىنىس رايونى ىلگەرىندى-كەيىندى اۆتونوميالى رايوندىق كادرلار توڭكەرىستىك تاربيە بازاسى، اۆتونوميالى رايوندىق مەملەكەت قورعانىسى تاربيەسىنەن ۇلگى كورسەتۋ بازاسى، «ەكى بومبى، ٴبىر جاساندى سەرىك» وتانشىلدىق تاربيە بازاسى قاتارلى داڭقتى اتاقتاردى ەنشىلەدى.


    وتكەن جىلى 5-ايدا بىرلەسكەن مەملەكەتتەر ۇيىمىنىڭ وقۋ-اعارتۋ، عىلىم-تەحىنيكا، مادەنيەت ۇيىمىنىڭ(يۋنەسكو) اتقارۋ مەكەمەسى ءماجىلىس اشىپ، جۇڭگو، يسپانيا، فرانسيا، يران، مەكسيكا جانە وڭتۇستىك كورەيا سياقتى ەلدەردەگى 8 گەولوگيالىق مۇرانىڭ بىرلەسكەن مەمىلەكەتتەر ۇيىمى وقۋ-اعارتۋ، عىلىم-تەحىنيكا، مادەنيەت ۇيىمىنىڭ دۇنيە جۇزىلىك گەولوگيالىق باقشالارىنىڭ ينتەرنەتتەگى تىزىمدىگىنە رەسىمي كىرگىزىلگەندىگىن جاريالادى. مۇنىڭ ىشىندە جۇڭگو ىشكى مۇڭعۇل ارشان جانە شينجياڭ كوكتوعاي مەملەكەتتىك گەولوگيالىق باقشاسى بار بولىپ، كوكتوعاي مەملەكەتتىك گەولوگيالىق باقشاسى شينجياڭداعى تۇڭعىش دۇنيە جۇزىلىك گەولوگيالىق باقشاعا اينالدى.
كوكتوعاي وزەن جاعاسى كورىنىس رايونى قالانىڭ ەكولوگيالىق ورتاسىن، تۇرعىنداردىڭ قونىستانۋ ورتاسىن، ساياحات ورتاسىن جانە قارجى قوسۋ ورتاسىن كەمەلدەندىرۋدى ماقسات ەتىپ، مۋزيكالى شىراق كەشكى كورىنىسى ارقىلى وزەن جاعالاۋدا ەرەكشە كورىنىس قالىپتاستىرعان. بۇل نەگىزىنەن ەرتىس وزەنىنىڭ وڭتۇستىك جاعالاۋىندا، قاراتۇڭكە كولى مۋزيكالى فونتانى قاتارلىلاردان قۇرالعان. بۇل جەر قازىر كوكتوعاي اۋدانىنداعى تۇرعىنداردىڭ تاماشا دەمالىس ورنىنا اينالدى.


    ەكى جەردەگى كورىنىس رايونىنىڭ دارەجەسىن جوعارىلاتۋ كوكتوعاي اۋدانىنىڭ وڭىرلىك ساياحاتىن بىرلەسىپ اشۋدا، جۇمىستانۋدى جەبەۋدە، اۋدان ەكونوميكاسىنىڭ دامۋىن ىلگەرىلەتۋدە ماڭىزدى مانگە يە. بۇل كوكتوعاي ەرەكشەلىگىنە يە شاعىن قالاشىق، قاراوتكەل كورىنىس رايونى قاتارلىلاردى مەملەكەتتىك ساياحات دەمالىس رايونى ەتىپ قۇرىپ شىعۋعا نەگىز قالايتىن بولادى.


    ءتىلشىنىڭ ۇعىسۋىنا قاراعاندا، وسى ەكى ورىنداعى كورىنىس رايونىن قۇرۋ قىزمەتى بيىل 5-ايدا باستالعان، مەجەمەن جىل سوڭىندا اقىرلاساتىن كورىنەدى. قۇرۋ قىزمەتىنىڭ ءساتتى جۇرىلۋىنە كەپىلدىك ەتۋ ءۇشىن، كوكتوعاي اۋدانى كوكتوعاي مەملەكەتتىك كەن باقشاسى كورىنىس رايونىن مەملەكەتتىك 4A دارەجەلى كورىنىس رايونى ەتىپ قۇرۋدى ىلگەرىلەتۋدى سايكەستىرۋ گرۋپپاسىن قۇردى، بۇل گرۋپپا ۇيىمداستىرۋ، رەتتەۋ، سايكەستىرۋ، ٴبىرتۇتاس جوسپارلاپ قۇرۋ قىزمەتىنە جاۋاپتى بولدى.


    كوكتوعاي اۋدانى "ساياحاتتى باسقارۋ جانە قىزمەت وتەۋ جىلى" قيمىلىن شىنايى ورىستەتىپ، تۇيىنگە شوعىرلانىپ، دالمە-ءدال كۇش سالىپ، تۇتاس اۋداننىڭ ساياحات كاسىبىندە تەز قارقىنمەن دامىعان تاماشا جاعدايدى بارلىققا كەلتىردى. "الدىمەن جوبالاۋ" پرينسىبىنە قاتاڭ بويسۇنىپ، ىلگەرىندى-كەيىندى 3 رەت بەيجيڭ گۋاڭحۋا جۋو-سى جوبالاۋ سەرىكتىگىن ناق مايداندا بارلاپ جوبالاۋعا ۇسىنىس ەتىپ، جوعارى باستاما، جوعارى ورە، جوعارى ونىمدىلىكپەن ساياحات جوباسىن جاسادى. كوكتوعاي گەولوگيالىق باقشاسى دۇنيە جۇزىلىك گەولوگيا باقشالارى تورابىنا رەسىمي كىردى. 71 ميلليون يۋان قارجى قوسىپ، كوكتوعاي كورىنىس رايونىنىڭ نىسان قۇرىلىسىن اتقارىپ، ساياحاتتىڭ نەگىزدىك قۇرىلعىلارىن كۇن سايىن كەمەلدەندىردى. 80 ميلليون يۋاننان ارتىق قارجى قوسىپ، ءۇشىنشى ءنومىرلى كەننىڭ گەولوگيالىق كورگىزبە سارايى، نەگىزگى ەسكەرتكىش الاڭىنىڭ نەگىزدىك قۇرىلعىلارىن وزگەرتىپ دارەجەسىن جوعارىلاتۋ قاتارلى نىسان قۇرىلىستارىنا ىستەتىپ، توڭكەرىستىك ساياحاتتىڭ قىزمەت وتەۋ ورەسى ورنىقتى قاداممەن جوعارىلاتتى. ساياحات ۇگىت تەبىنىن ۇزدىكسىز كۇشەيتىپ، حۋنان تەلەۆيزياسىن ۇسىنىس ەتىپ اۋداننىڭ ۇلتتىق سالت-سانا، تابيعات كورىنىسى جانە مادەني كورىنىسى قاتارلى بايلىق قاينارلارى زور كۇشپەن ۇگىتتەلدى. "تاكىلاماكاندى اينالۋ راللي جارىسىنىڭ كوكتوعاي جارىس بولەگى" "جۇڭگونىڭ سۋىق ۇيەگى، گەولوگيالىق عاجايىپتاردى تاماشالاۋ، ومىرشەڭدىككە يە كوكتوعاي جەتىنشى كەزەكتى قار-مۇز ساياحاتى" قاتارلى دەنەتاربيە ساياحات قيمىلدارىن ۇستىگە الىپ ءساتتى وتكىزدى. شىعىس جۇڭگوداعى بەس ولكە-قالا 180 رەتتەن استام ساياحات بايلىق قاينارىن تانىستىرۋ جينالىسىن وتكىزىپ، 8 مىڭنان ارتىق ساياحات سەرىكتىگى كوكتوعايدى ساياحات ۇيىرمەسىنىڭ لەنياسىنا كىرگىزبەكشى. قازىر ساياحات كاسىبى اۋداننىڭ تىرەكتى كاسىبىنە اينالىپ، اۋدان ەكونوميكاسىن جانداندىرۋ، ەگىنشى-مالشىلاردىڭ كىرىسىن ارتتىرۋدا ماڭىزدى رول وينادى.

00.jpg
00.jpg
00.jpg
00.jpg
00.jpg