ۇرىمجىدە تۇڭعىش توپتاعى ەلەكترلى كىرە اۆتوموبيلدەرى قاتىنادى
0
2018-10-08 16:25:00
|
كەلۋقاينارى:
|
جاۋاپتى رەداكتور :

 

    جۋىردا، ٴۇرىمجى قالاسىندا اق ٴتۇستى بۇكىلدەي ەلەكترلى كىرە اۆتوموبيلدەرى قاتىناپ، قالا تۇرعىندارىن تاسىدى. مىنە بۇل ەلەكترلى كىرە اۆتوموبيلدەرىنىڭ ٴۇرىمجى قالاسىنىڭ جولاۋشى تاسىمال كاسىبىندە تۇڭعىش ىسكە قوسىلۋى ەدى.

 

تۇڭعىش توپتاعى اينالىمعا تۇسكەن ەلەكترلى كىرە اۆتوموبيل سانى 100 دانا. بۇل كىرە اۆتوموبيلدەرى اق ٴتۇستى نەگىز ەتىپ، اۆتوموبيلگە <جاسىل ٴتۇستى ساپار> دەگەن جازۋ جازىلعان جانە دابىلداعىش ورناتىلعان، اۆتوموبيل ىشىندە 3 كەسكىن اپپاراتى بار بولىپ، ەندى ٴبىر كەسكىن اپپاراتى، اۆتوموبيلدىڭ زاپاس ساندىعىنا ورناتىلعان، ەگەردە جولاۋشىلاردا جۇگىن جوعالتۋ احۋالى بولسا، كەسكىن ماتەريالىمەن قامداۋعا بولادى.

 

بۇل كىرە اۆتوموبيلدەرىنە جانەدە بانكە كارتوچكاسى ارقىلى اقشا تولەۋگە بولادى. سونىمەن قاتار، ەلەكترلى كىرە اۆتوموبيلىنىڭ قاتىناۋ قۇنى، توك تولتىرۋ جابدىعى قاتارلىلار، شوفەرلەر باستى نازار اۋدارعان ماسەلەلەر ەدى. بۇدان بۇرىن ٴبىر دانا كىرە اۆتوكولىگىنە گاز تولتىرۋعا 50 يۋان جۇمساپ 280 كيلومەتر شاماسىندا جول جۇرۋگە بولادى، ال قازىرگى ەلەكترلى كىرە اۆتوموبيلىنە توك تولتىرۋعا 50 دە 60 يۋان اقشا جۇمساپ، 360 كيلومەتر شاماسىندا جول باسۋعا بولادى. بۇل ٴبىر جاعىنان كىرە اۆتوموبيل شوفەرلەرىنىڭ شىعىمىن ازايتۋعا كومەگىن تيگىزدى.

 

 

جاڭا ەنەرگيالى اۆتوموبيلدەر سانىنىڭ كوبەيۋىنە ىلەسە، قازىر ٴۇرىمجى قالاسى توكپەن قامداۋ سەرىكتىگى ناقتىلى جاعدايعا نەگىزدەلىپ، حۇڭگۋاڭشان، يوۋحاۋ بايشىڭ قاتارلى ورىنداردا 39 دانا توك تولتىرۋ باعاناسىن ورناتتى، سونىمەن قاتار، چيڭداۋ تىلايديان جاڭا ەنەرگيا قاينارى شەكتى سەرىكتىگى بەييۋانچۇن اۆتوموبيل اترەتىنە، 12 توك تولتىرۋ تەرمينالىن ورناتىپ، ٴبىر ۋاقىتتا 12 دانا كىرە اۆتوموبيلىنە توك تولتىرۋعا بولادى.

 

ٴۇرىمجى قالاسى جولاۋشى تاسىمالى ٴبىر تۇتاس باسقارۋ كەڭسەسىنىڭ قاتىستى جاۋاپتىسىنىڭ تانىستىرۋىنشا، جاسىل ٴتۇستى، تومەن كومىرتەكتى قاتىناس تاسىمال جۇيەسىن ەرتەدەن جۇزەگە اسىرۋ ٴۇشىن، جولاۋشى تاسىمالى تاراۋلارى ٴۇرىمجى قالاسىندا تۇڭعىش رەت ەلەكترلى كىرە اۆتوموبيلىن ىسكە قوسىپ، وسى ارقىلى ەنەرگيانى ۇنەمدەۋدى دارىپتەدى. تۇڭعىش قارارداعى ىسكە قوسىلعان 100 دانا ەلەكترلى كىرە اۆتوموبيلى، ىرداۋچياۋ، شينلۇي داجۇڭ، بەييۋانچۇن اۆتوموبيل اترەتتەرىندە سىناق ٴتۇيىنى ەتىلىپ، كەيىنگى ۋاقىتتا ناقتىلى جاعدايعا قاراي، بۇكىل قالا كولەمىندە جالعاستى ەلەكترلى كىرە اۆتوموبيلدەرى قوسىلاتىن بولادى.

未标题-1.jpg
企业微信截图_1538982765845(1).png
未标题-1.jpg
未标题-1.jpg
未标题-1.jpg