قورعاستان نەشە ءجۇز سەرىكتىكتىڭ شەگىنىپ شىعۋىنىڭ سەبەبى نەدە؟
0
2018-10-08 16:31:00
|
كەلۋقاينارى:
|
جاۋاپتى رەداكتور :

 

    قورعاس شينجياڭنىڭ باتىس سولتۇستىك شەكاراسىنداعى قازاقستانمەن وزەن ارقىلى ءبولىنىپ جاتقان شاعىن قالا، تاريحتا جىبەك جولىنىڭ ماڭىزدى ءبىر كەرۋەن بەكەتى بولعان، قازاق تىلىندە قورعاس - «ىرىس-بايلىق جينالعان مەكەن» دەگەن ماعىنادا بولسا، مۇڭعۇل تىلىندە «كەرۋەن وتەتىن وتكەل» دەگەن ماعىنا بەرەدى. بۇگىنگى تاڭدا قورعاستى تانىمالى ەتكەن بەس جىلعا دەيىن كاسىپورىنداردان بارلىق باجى الىنبايدى دەگەن سياقتى تيىمدىلىك ساياساتتار بولىپ، ون مىڭنان استام سەرىكتىك تىركەۋگە الىنعان، مۇنىڭ ىشىندە كوپ ساندىسى كينو، احبارات سالاسىنداعى سەرىكتىكتەر بولدى.

 

مەملەكەتتىك باجى باس مەكەمەسى بيىل 7-ايدان باستاپ ءار دارەجەلى باجى ىستەرى ورگاندارىنا كينو سالاسىنان باجى الۋدى باسقارۋ، تولىمىسىز بولعانداردىڭ «باجى تيىمدىلىگى» ساياساتىن رەتكە ءتۇسىرۋدى انىق ورتاعا قويدى. سوڭعى جارىم جىلدان باستاپ «باجىنىڭ ويپاڭ جەرى» باجىدان تاسالاناتىن جەرگە اينالىپ قالدى. احبارعا نەگىزدەلگەندە 6-ايدان باستاپ 100 دەن استام قورعاستاعى كينو سەرىكتىكتەرى كۇشىنەن قالدىرۋعا ءوتىنىش بەرگەن، مۇنىڭ ىشىندە شۇي جيڭلەي، فىڭ شياۋگاڭ قاتارلى كوركومونەر سالاسىنداعى ايگىلىلەر زاڭدىق ۋاكىل بولعان نەمەسە جارنا قوسقان سەرىكتىكتەر باسىم ورىندى يەلەدى.

 

قورعاس قالاسىنا تىزىمگە الدىرعان احبارات-مەديا سەرىكتىكتەرى 1600 دەن اسقان، مۇنىڭ ىشىندە كەم دەگەندە 30 دان استامى ەل ىشىندەگى ايگىلى جۇلدىزدار بولدى. فان بيڭبيڭ ۋاقيعاسى اشكەرلەنگەننەن كەيىن كينو سالاسىنداعى جۇلدىزداردىڭ قارجىسىنا اداقتاۋ جۇرگىزىلگەندىگى سەبەپتى، نەشە ايدان بەرى قورعاستان سەرىكتىكتەر شەگىنىپ شىعۋعا ءوتىنىش بەرۋ ناۋقانى كوتەرىلدى: شۇي جيڭلەي، جاۋ ۋىنجوۋ ايەلىمەن، رىنجۇڭ، فىڭ شياۋگاڭ قاتارلىلار جارنا قوسقان سەرىكتىكتەر شەگىنىپ شىققان. «ىلە گازەتىنىڭ» ساناعىنا نەگىزدەلگەندە 6-ايدان قازىرگە دەيىن 102 قورعاستاعى كينو سەرىكتىكتەرى شەگىنىپ شىققان.

 

2010-جىلى قورعاس پەن قاشقار ەكونوميكالىق ەرەكشە رايون بولىپ بەكىتىلدى. 2011-جىلى مەملەكەتتىك كەڭەس «بەس جىل تەگىن» بولۋداي باجى تيىمدىلىك ساياساتىن شىعاردى. 2012-جىلى شينجياڭ «بەس جىل باجىنىڭ جارتىسىن كەشىرىم ەتۋدەي» باجى تيىمدىلىك ساياساتىن شىعاردى. 2014-جىلى قورعاس قالاسى قۇرىلدى.

 

ىلە وبلىسىنىڭ ساناق مالىمەتىنە نەگىزدەلگەندە 2017-جىلى 1-ايدان 9-ايعا دەيىن قورعاس قالاسىنا 8 مىڭ 500 دەن استام سەرىكتىك تىركەۋگە الىنعان، جاڭادان قوسىلعان سەرىكتىكتەر كۇرت كوبەيگەن، الايدا مۇنىڭ ناقتى تيجاراتپەن شۇعىلداناتىنى %2 بولىپ، %98 سەرىكتىك ناقتى تيجارات سيپاتىندىق سەرىكتىك ەمەس، باستىسى جارناما، كينو، احبارات، جارنا ۇقىعى، قارجىلاندىرۋ، ەلەكتروندى عىلىم-تەحنيكا سياقتى تيجارات ورنى رايون كولەمىمەن شەكتەلمەيتىن، جەڭىل تۇرپاتتى شارۋاشىلىقپەن اينالىساتىن كاسپورىندار ەكەن.

 

 

جۇڭگو حالىق ۋنيۆەرسيتەتى ەكونوميكا ينيستۋتىنىڭ پروفيسسورى ليۋ دۋان بىلاي دەدى: كينو سەرىكتىكتەرى جەرگىلىكتى ورىننىڭ قوعامدىق، ەكونوميكالىق، كاسىپتەنۋىنە وزگەرىس الا كەلۋ-كەلمەۋىندەگى ماڭىزدى ءتۇيىن ولاردىڭ مادەنيەت سالاسىنا ەڭبەك سىڭىرە الۋ-الماۋىندا، «كينو سەرىكتىكتەرى مادەنيەت سالاسىنا جاتادى، مادەنيەت سالاسى ەكونوميكالىق ونىمدىلىك جاراتسا دۇرىس بولادى، ەگەر بەلگىلى سالىستىرمامەن جەرگىلىكتى ورىنعا باجى تولەپ تۇراتىن بولسا، سول جەر ءۇشىن كوپ جاقتان پايدالى بولاتىنى انىق. باستىسى سەرىكتىكتىك ورنىعۋ-ورنىقپاۋىندا، سول جەر ءۇشىن شىنايى دامىتۋ رولىن ساۋلەلەندىرە الۋ-الماۋىندا تۇر.

 

ليۋ دۋان بىلاي دەپ قارايدى: ەگەر شارۋاشىلىق سول ورىنعا ورنىقسا، جەرگىلىكتى ورىننىڭ ساياحات سياقتى قاتىستى شارۋاشىلىعىنا باستاماشى بولار ەدى. باجى تيىمدىلىك ساياساتىن كۇشىنەن قالدىرۋ ءبىر ءبولىم سەرىكتىكتىڭ قارجىسىن شىعارىپ اكەتۋىن كەلتىرىپ شىعارعانمەن باسقا سەرىكتىكتەرگە تاپتىرماس وراي اكەلەدى. ءبىراق قازىرگى سەرىكتىكتىڭ شەگىنىپ شىعۋ ورلەۋى تىم ەرتە كەلگەن سياقتى. كوپتەگەن سەرىكتىك بالكىم باجى تيىمدىلىك ساياساتىن عانا كوزدە ۇستاپ، سول جەردى شىنايى تياناق ەتۋدى ويلاماعان. ءبىز جەرگىلىكتى كاسىپورىنداردىڭ وسى تيىمدىلىك ساياساتىنان پايدالانىپ، دامۋىن ءۇمىت ەتەمىز، الايدا ءىس جۇزىندىك جاعدايدان قاراعاندا شينجياڭدا جەرگىلىكتى قۋاتتى سەرىكتىكتەر تىم كوپ ەمەس، قارجى قوسۋ ورايى دا از، قارجى كولەمى دە شاعىن. ساياسات ارقىلى شىعىستاعى قۋاتتى سەرىكتىكتەردى شينجياڭدا تىركەۋگە الدىرۋعا ءارى قارجى قوسۋعا ىنتالاندىرۋعا بولادى، ءبىراق ەگەر ناقتى قارجى قوسۋ بولماسا ساياساتتىڭ دا پايداسى تيمەيدى. سوندىقتان باستىسى ۇكىمەت قاتىستى ساياساتتى قالاي سەپتەۋدى ويلاستىرۋ كەرەك.

 

ۇعىسۋىمىزشا قازىرگە دەيىن ەلىمىزدە باجى تيىمدىلىك ساياساتتارى ءبىرشاما كوپ، باستىسى رايون سيپاتىندىق ساياسات، شارۋاشىلىق سيپاتىندىق ساياسات، كاسىپورىن كولەمى سيپاتىندىق ساياسات، ءتۇزىم سيپاتىندىق ساياسات بولىپ ءتورت تۇرگە بولىنەدى. مۇنىڭ ىشىندە رايون سيپاتىندىق باجى تيىمدىلىك ساياساتىنا قاتىستى 50 ءتۇر بولىپ، بۇكىل ەلىمىز كولەمىندەگى ولكە، رايون، قالالارعا كەڭ تارالعان.

 

فان يۇڭ بىلاي دەيدى: جەرگىلىكتى ۇكىمەت مەردىگەر شاقىرىپ، قارجى باۋراۋدا ءوزىنىڭ ەكونوميكالىق دامۋ ابزالدىعىن انىق ءبىلۋ، ءار دارەجەلى ۇكىمەت مەملەكەتتىڭ باجى ساياساتى بويىنشا قاتاڭ اتقارىپ، ۇكىمەتتىڭ باقىلاۋ كۇشەمەلىگىن ارتتىرۋ كەرەك. جەرگىلىكتى ۇكىمەت ءوزىنىڭ بايلىق قاينار ابزالدىعى ارقىلى سەرىكتىكتەردى قارجى قوسۋعا باۋراۋ، مىسالى ۇقىقتى تومەنگە بەرۋ، قىزمەت وتەۋ سياقتى ساۋدا تيجارات ورتاسىن جاراتۋ سياقتى تاسىلدەردەن پايدالانىپ سەرىكتىكتەردى وزىنە تارتۋ كەرەك.

 

كەلۋ قاينارى: جۇڭگو داۋىسى

حانزۋشادان اۋدارعان راحىمان قادەن ۇلى (تورابىمىزدىڭ ۇسىنىس ەتىلگەن ءتىلشىسى)


未标题-1.jpg
企业微信截图_1538982765845(1).png
未标题-1.jpg
未标题-1.jpg
未标题-1.jpg