پىڭ لييۋان پاناما پرەزيدەنتىنىڭ حانىمىمەن كەزدەستى
0
2018-12-04 16:09:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل


ءوز حابارىمىز. جەرگىلىكتى ۋاقىت 12 - ايدىڭ 3 - كۇنى، مەملەكەت ءتوراعاسى شي جينپيڭنىڭ زايىبى، دۇنيە جۇزىلىك دەنساۋلىق ساقتاۋ ۇيىمىنىڭ تۋبەركۋلەز جانە ايدىس اۋىرۋىن ەمدەۋ، الدىن - الۋدىڭ قايىرىمدىلىق ەلشىسى، ب م ۇ - نىڭ وقۋ - اعارتۋ، عىلىم - تەحنيكا، مادەنيەت ۇيىمىنىڭ قىز بالالار مەن ايەلدەر اعارتۋىن جەبەيتىن ەرەكشە ەلشىسى پىڭ لييۋان ۇسنىس بويىنشا پاناما پرەزيدەنت سارايىندا پاناما پرەزيدەنتىنىڭ زايىبى، ب م ۇ - نىڭ ايدىس اۋىرۋىن ەمدەۋ، جوسپارلاۋ مەكەمەسىنىڭ لاتىن امەريكا ءوڭىرىنىڭ ەرەكشە قايىرىمدىلىق ەلشىسى، پاناما مەملەكەتتىك بوبەكتەردى ۋنيۆەرسال كۇتىمدەۋ القالار قوعامىنىڭ ءتوراعاسى كاستيللومەن كەزدەستى، ءارى ايدىس اۋىرۋىن ەمدەۋ جانە الدىن - الۋ ۇگىت قيمىلىنا بىرلىكتە قاتىناستى.


پىڭ لييۋان بىلاي دەدى : جۇڭگو ۇكىمەتى ايدىس اۋىرۋىن ەمدەۋ جانە الدىن - الۋ قىزمەتى مەن ايدىس ناۋقاستارىنا قامقور بولۋعا وسكەلەڭ ءمان بەرىپ، بۇل جونىندە زور قۇلشنىستار جاساپ، ماڭىزدى ناتيجەلەرگە قول جەتكىزدى. پاناما جاق دا بۇل جاعىندا قىرۋار جۇمىستار ىستەردى، جۇڭگو جاق بۇنى القايدى. جۇڭگو ەجەلدەن ايەلدەر مەن بالالار قىزمەتىنە ءمان بەرىپ، ايەلدەر مەن بالالاردىڭ دەنساۋلىق ورەسى مەن وقۋ ماعلۇماتىن كۇش سالا جوعارىلاتىپ كەلەدى. ەكى جاقتان ەكى ەل مەن دۇنيە جۇزىلىك ايەلدەر مەن بالالار ىستەرىن جەبەۋ ءۇشىن تىڭ ۇلەس قوسۋدى ءۇمىت ەتەمىن.


كاستيللو جۇڭگو ۇكىمەتىنىڭ ءايديس اۋىرۋىن ەمدەۋ جانە الدىن - الۋ قىزمەتى سونداي-اق ايەلدەر مەن بالالاردىڭ ۇقىق مۇددەسىن قورعاۋ جاعىندا قول جەتكىزگەن تابىستارىن القاي كەلە: پانامانىڭ جۇڭگو جاقپەن وسى سالالارداعى سەلبەستىگىنىڭ مول ناتيجەلەرگە قول جەتكىزۋىن جەبەيتىندىگىن ايتتى.


كەزدەسۋدەن كەيىن، كاستيللو پىڭ لييۋاندى ايدىس ناۋقاستارىن قوراشسىنۋدان اۋلاق بولۋ قيمىلىنىڭ بەلگىسىن قولدارىنا الىپ بىرلىكتە سۋرەتكە تۇسۋگە ۇسنىس ەتىپ، بۇكىل جەر شارىنىڭ ايدىس اۋىرۋىنا قارسى تۇرۋ جانە ساقتانۋ ءىسىن باتىل قولدايتىندىقتارىن ايگىلەدى. پىڭ لييۋان سول مايدانداعى تىلشىلەرگە اسەرىن بىلاي دەپ جەتكىزدى : كاستيللونىڭ ءايديس اۋىرۋىن ەمدەۋ جانە الدىن - الۋ ىسىنە بەلسەنە ارالاسىپ وتىرعاندىعىن القايمىن، ەكى ەلدىڭ بۇل جاعىنداعى ارماندارى ورتاق، ەكى جاقتان سەلبەستىكتى كۇشەيتىپ، بىرلىكتە قۇلشىنىپ، ب م ۇ - نىڭ ايدىس اۋىرۋىن ەمدەۋ، جوسپارلاۋ مەكەمەسىنىڭ 2030 - جىلى ايدىس اۋىرۋىن تۇبەگەيلى قۇرتۋ ارمانىن ىسكە اسىرۋ ءۇشىن تالماي قۇلشىنۋلارىن ءۇمىت ەتەمىن.

 

اۋدارعان: نۇرزيا جۇماقان قىزى

未标题-1.jpg
未标题-1.jpg
未标题-1.jpg
未标题-1.jpg