قىزمەتتەن قول ۇزگەن جۇمىسشى سيلىق سوما قاراجاتىن قايتارىپ الدى
0
2018-12-04 17:35:00
|
كەلۋقاينارى:
|
جاۋاپتى رەداكتور :

 

ادام ىستەتۋشى سەرىكتەستىك جۇمىسشىمەن ەندى عانا ەڭبەك توقتامىن كۇشىنەن قالدىرعان كۇننىڭ ەرتەسى جىلدىق سيلىق سوما قاراجاتىن تاراتسا بۇل قىزمەتتەن بوساعان جۇمىسشى بۇل قاراجاتقا يە بولا الاما؟

 

قىزمەتتەن قول ۇزگەن جۇمىسشى سوتقا ارىز بەرىپ، جىل سوڭىنداعى سيلىق قاراجاتىن الۋدى تالاپ ەتتى. گۋاڭجوۋ قالالىق ورتا دارەجەلى حالىق سوتى مەكەمەسى ەكىنشى رەتكى سوت ۇكىمىندە كاسپورىننىڭ جۇمىسشىعا 22 مىڭ يۋان جىل سوڭىنداعى سيلىق سوما قاراجاتىن بەرۋىن بۇيىردى.

 

2013-جىلى 3-ايدا، فۋ X گۋاڭجوۋ قالاسىنداعى ءمالىم اۆتوماتتى جىلدامدىق اۋىستىرۋ قورابى شەكتى سەرىكتەستىگىنە كەلىپ ىستەيدى. 2017-جىلى 1-ايدىڭ 19-كۇنى، سەرىكتەستىك فۋ X پەن بولعان ەڭبەك توقتامىن كۇشىنەن قالدىرادى. سول كۇننىڭ ەرتەسى ياعىني 1-ايدىڭ 20-كۇنى سەرىكتەستىك جۇمىسشىلارعا 2016-جىلعى "قىزمەتكەرلەردى شابىتتاندىرۋ سيلىق قاراجاتىن" تاراتادى. سەرىكتەستىك 2016-جىلعى   قىزمەت ونىمدىلىگىن شىعار ءتۇيىن ەتە وتىرىپ، قىزمەتكەرلەردىڭ 2016 - جىلعى جۇمىسقا شىعۋ شاماسى × نەگىزگى ەڭبەكاقى × اي سانى بويىنشا سيلىق سوماسىن ەسەپتەيدى. الايدا سەرىكتەستىك فۋ Xكەجىل سوڭىنداعى سيلىق قاراجاتىن بەرمەيدى. فۋX ەڭبەك داۋ-شارىنا تورەلىك ايتۋ ورنىنا بۇل ءىستىڭ ءادىل شەشىمىن ايتۋ جايىندا ءوتىنىش بەرىپ، سەرىكتەستىكتىڭ جىل سوڭىنداعى سيلىق قاراجاتىن بەرۋىن وتىنەدى. ءبىراق سەرىكتەستىك فۋ X تىڭ تالابىن تويتارادى. بۇعان مويىنسال بولماعان فۋX گۋاڭجوۋ قالالىق حالىق سوت مەكەمەسىنە ارىز بەرەدى. ءبىرىنشى سوت فۋX تىڭ ارىزىن قايتارىپ الۋى جايىندا ۇكىم شىعارادى. ەكىنشى سوت اۆتوماتتى جىلدامدىق اۋىستىرۋ قورابى شەكتى سەرىكتەستىگى جىل سوڭىنداعى فۋX الۋعا ءتيىستى 22 مىڭ يۋان قاراجاتتى وعان بەرۋ كەرەك دەپ ۇكىم شىعارادى.

 

 

سۋديانىڭ زاڭدىق تۇسىندىرمەسى: ەڭبەك توقتامىن جويۋمەن سيلىق قاراجاتىن تاراتۋ اراسىندا ءبىر كۇن پارىق بولسا تالاپكەرگە سيلىق قاراجاتى بەرىلۋ كەرەك

 

بۇل دەلوداعى جاۋاپكەر سەرىكتەستىك تاراتقان "قىزمەتكەرلەردى شابىتتاندىرۋ سيلىق قاراجاتى" جىلدىق سيلىق سوما قاراجاتى بولىپ، ادام ىستەتۋشى ورىن قىزمەت ورنىنداعى قىزمەتكەرلەردى نەگىز ەتىپ، قىزمەت ورنىنان قول ۇزگەن قىزمەتكەرلەرگە جىلدىق سيلىق سوما قاراجاتىن بەرۋدەن باس تارتقان. سونىمەن وسى ەڭبەك داۋ-شارى تۋىلعان.

 

دەلوعا جاۋاپتى سۋديا بىلاي دەدى: جىل سوڭىنداعى سيلىق سوما قاراجاتى قىزمەتكەرلەردىڭ ەڭبەكاقىسىنا جاتادى. ونى قىزمەتكەرلەردىڭ الۋعا ءوتىنىش ەتۋىنە بولادى. مۇنى قاتىستى ورىندار قولداۋ كەرەك. ەگەر قىزمەتكەرلەردىڭ ىستەگەن ۋاقىتى ءبىر جىلعا تولماسا، ادام ىستەتۋشى ورىن قىزمەتكەرلەردىڭ ناقتىلى قىزمەت ىستەگەن ۋاقىتىنىڭ تۇتاس جىلدىق قىزمەت ۋاقىتىنداعى سالىستىرماسى بويىنشا ەسەپتەپ، جىل سوڭىنداعى سيلىق سوما قاراجاتىن تاراتۋى كەرەك.

 

بۇل دەلوداعى "قىزمەتكەرلەردى شابىتتاندىرۋ سيلىق سوماسىن" ەسەپتەۋدە ءبولىس جوباسىن اتقارعان ۋاقىت قاتارلىلارعا تالداۋ جاساپ، سەرىكتەستىكتىڭ 2016-جىلعى قىزمەت ونىمدىلىگىن نەگىزگى ولشەم ەتۋ كەرەك. سيلىق سوما قاراجاتىن ەسەپتەۋدە ويلاستىراتىن ماسەلە 2016-جىلى 12-ايعا دەيىنگى جۇمىس ورنىنداعى قىزمەتكەرلەردىڭ جۇمىسقا شىعۋ سالىستىرماسى بولىپ، بۇل سەرىكتەستىكتىڭ قىزمەتكەرلەرگە جىل سوڭىنداعى سيلىق قاراجاتىن تاراتۋ جوباسى 2017-جىلى 1-ايدىڭ 16-كۇنى جاسالعان بولىپ، سەرىكتەستىك 2017-جىلى 1-ايدىڭ 19-كۇنى ەڭبەك توقتامىن كۇشىنەن قالدىرعان.

 

بۇل دەلودا، ادام ىستەتۋشى ورىننىڭ ەڭبەك توقتامىن كۇشىنەن قالدىرعان ۋاقىت پەن "قىزمەتكەرلەردى شابىتتاندىرۋ سيلىق قاراجاتىن" تاراتقان ۋاقىتتىڭ ارالىعىندا ءبىر كۇن پارىق بولىپ، فۋX بۇل سيلىق قاراجاتىن الۋدان قاساقانا قاعىس قالدىرىلعان.

 

دەرەككوز: شينحۋا اگەنىتتىگى ۋيچات تەكشەسى

اۋدارعان: مۇقامادي ءشارىپ ۇلى(تورابىمىز ۇسىنىس ەتكەن ءتىلشى)



未标题-1.jpg
未标题-1.jpg
未标题-1.jpg
未标题-1.jpg