توقتامداسقان جۇمىس ورنىنا بارماستان قىسقارتىلدى
0
2019-01-07 16:32:00
|
كەلۋقاينارى:
|
جاۋاپتى رەداكتور :

 

200 دەن ارتىق وقۋ بىتىرەتىن ىستۋدەنت جۇمىس ورنىنا بارماستان قىسقارتىلدى! كاسىپورىن ءار ادامعا 5000 يۋان تولەم بەرسە عانا ءىس تىندىم بولعانى ما؟

 

بيىل قىستا وقۋ بىتىرمەك بولعان ءبىرتالاي ىستۋدەنت ويلاماعان جاعدايعا تاپ بولدى. ولار كاسىپورىنداعى جۇمىس ورنىنا بارماستان، ادام ىستەتۋشى مەكەمە ورىن جاعىنان «قىسقارتىلعان»...

 

2018-جىلدىڭ ەڭ سوڭعى ەكى كۇنىندە، شىنجىنداعى ەمدەۋ ساۋىقتىرۋ اسپاپ-جابدىقتارىن وندىرەتىن كاسىپورىن مايرۇي (mindray) 2018-جىلعى كۇز ماۋسىمىندا قابىلداعان 200 دەن ارتىق وقۋ بىتىرەتىن ىستۋدەنتپەن جاسالعان جۇمىسقا قابىلداۋ توقتامىن كۇشىنەن قالدىردى. سونىمەن وقۋ بىتىرەتىن ىستۋدەنتتەر كاسىپتەنۋدە داعدارىسقا ۇشىرادى.

 

 

 كوپ ساندى وقۋ بىتىرەتىن ىستۋدەنتتەردى جۇمىسقا قابىلداۋ توقتامى شىنجىن مايرۇي سەرىكتەستىگى جاعىنان زورلىقتى تۇردە كۇشىنەن قالدىرىلدى

 

حاربين ونەركاسىپ ۋەنيۆەرسيتەتىندەگى ليۋ يۇي (جاناما اتى) مايرۇي سەرىكتەستىگى جاعىنان جۇمىسقا قابىلداۋ توقتامى زورلىقتى تۇردە كۇشىنەن قالدىرىلعان وقۋ بىتىرەتىن ىستۋدەنت. ليۋ يۇيدىڭ ايتۋىنشا، 2018-قىلى 9-ايدىڭ سوڭىندا ول مايرۇي سەرىكتەستىگىمەن ءۇش جاقتى كاسىپتەنۋ كەلىسىمىنە قول قويعان. بۇنىڭ الدىندا، مايرۇي سەرىكتەستىگى ليۋ يۇي وقيتىن ۋەنيۆەرسيتەتتە ىستۋدەنتتەردى جۇمىسقا قابىلداعان. «باسەكە قيانكەسكى بولدى، كوپتەگەن ساباقتاستارىم تىزىمدەلدى.» توراپتا سىناۋ الۋ جانە ەكى كەزەكتى بەتپە-بەت ەمتيحانىن تاپسىرعان سوڭ، ليۋ يۇي سەرىكتەستىكتىڭ جۇمىسقا قابىلداۋ ۇقتىرۋىن الادى.

 

«انىعىندا، مايرۇيدىڭ بەتپە-بەت ەمتيحانىنا قاتىناسۋدان بۇرىن، مەن جاپونيا قارجى قوسقان ءبىر كاسىپورىنعا توقتامداسقان ەدىم. مايرۇيدىڭ ەل ىشىندەگى ايگىلى كاسىپورىن ەكەنىن، ەمدەۋ ساۋىقتىرۋ اسپاپ-جابدىقتارى سالاسىنىڭ بولاشاعى جارقىن بولاتىنىن ەسكەرىپ، سوڭىندا مايرۇي سەرىكتەستىگىن تاڭدادىم. جاپونيا قارجىلاندىرعان سەرىكتەستىكپەن توقتامدى كۇشىنەن قالدىرىپ، ولارعا 5000 يۋان تولەم بەردىم»-دەيدى ليۋ يۇي تىلشىگە.

 

ليۋ يۇيدىڭ ويىنا مۇلدە كىرمەگەنى، 2018-جىلى 12-ايدىڭ 29-كۇنى، ول اياق استىنان مايرۇي سەرىكتەستىگىنىڭ جۇمىسقا قابىلداۋ توقتامىن كۇشىنەن قالدىرعان تەلەفون ۇقتىرۋىن قابىلدايدى. «قارسى جاق قايسى تاراۋدىڭ ادامى ەكەنىن ەسكەرتپەدى، تەك سەرىكتەستىكتىڭ كاسىپتىك رەتتەۋ سەبەبىنەن جۇمىسقا قابىلداۋ توقتامىن كۇشىنەن قالدىرعانىن، جاڭا جىل وتكەن سوڭ توقتامدى كۇشىنەن قالدىرعان ۇقتىرۋدى جىبەرەتىنىن، بىزگە بانكە ەسەبات كارتچكاسىن جولداپ بەرۋىمىزدى ايىتتى.»

 

 

ۋاقيعاعا قاتىستى ىستۋدەنتتەر سانى 200 ادامنان ارتىق

 

ۇعىسۋعا قاراعاندا ليۋ يۇيعا ۇقساس جاعدايعا ۇشىراعاندار كوپ ساندى ۇستاعان. جۇمىسقا قابىلداۋ توقتامى كۇشىنەن قالعان ىستۋدەنتتەر شي-ءان، ۋحان، شىنجىن، چىڭدۋ، بەيجيڭ قاتارلى قالالارداعى 200 دەن ارتىق وقۋ بىتىرەتىن ىستۋدەنتتەردى قامتىعان.

 

توراپتاس دوستاردىڭ ساناققا الۋىنشا، 2018-جىلى 12-ايدىڭ 31-كۇنى ساعات 13:50 قا دەيىن مەملەكەت كولەمىندە مايرۇي سەرىكتەستىگى جاعىنان جۇمىسقا قابىلداۋ توقتامى كۇشىنەن قالدىرىلعان ىستۋدەنتتەر 200 ادامنان اسقان.

 

بۇل تۋرالى وقۋ بىتىرەتىن ىستۋدەنتتەر وزدەرىنىڭ وسىدان ىلگەرى باسقا كاسىپتە جۇمىستانۋ ورايىنان باس تارتىپ، مايرۇيدى تاڭداعاندارىن ايتادى. قازىر كۇزگى جۇمىسقا قابىلداۋ قىزمەتى اياقتالىپ، وسى توپتاعى ىستۋدەنتتەردىڭ جۇمىسقا قابىلدانۋ توقتامى كۇشىنەن قالعان. ەندى ولار جاڭادان جۇمىس ورنىن قاراستىرۋلارى كەرەك. الايدا، 2019-جىلعى كوكتەم، كۇز ماۋسىمىندا وسى ىستۋدەنتتەرگە وڭتايلى سەرىكتەستىكتەر مەن ورايلار تابىلا بەرمەيدى.

 

 

مايرۇي سەرىكتەستىگىنىڭ اڭىسى: قوعامنان ۇسىنىسپەن قابىلداۋ قاجەتى سەبەبىنەن وقۋشى ىستۋدەنتتەردى قىسقارتتىق، بۇعان كەشىرىم سۇرايمىز

 

2018-جىلى 12-ايدىڭ 31-كۇنى مايرۇي سەرىكتەستىگى احبارات مەديالار ارقىلى اڭىس ءبىلدىرىپ، وسى رەتكى جۇمىسقا قابىلداۋ توقتامىن توسىن كۇشىنەن قالدىرۋ سەبەبى سەرىكتەستىكتىڭ كاسىپتىك رەتتەۋ بارىسىندا ىستۋدەنتتەردەن گورى قوعامنان ۇسىنىسپەن قابىلداۋعا مۇقتاج ەكەنىن، سوندىقتان اۋەلگى كەلىسىمدەگى 2019-جىلى كۇزدە سەرىكتەستىككە قابىلداناتىن ىستۋدەنتتەردىڭ جۇمىسقا قابىلدانۋ توقتامىن كۇشىنەن قالدىرعانىن باياندادى.

 

2019-جىلى 1-ايدىڭ 2-كۇنى، مايرۇي سەرىكتەستىگىنىڭ باس القا جورالار كەڭسەسىنىڭ قىزمەتكەرى ءتىلشىنىڭ سۇراۋىنا جاۋاپ قايتارىپ، مايرۇي سەرىكتەستىگىنىڭ 2019-جىلى وقۋ بىتىرەتىن ىستۋدەنتتەردەن 485 وقۋشىمەن كەلىسىم شارت جاساسقانىن، بۇنىڭ ىشىندە 254 اداممەن قول قويىلعان كەلىسىم كۇشىنەن قالدىرىلعانىن، 231 اداممەن قول قويىلعان كەلىسىم ساقتالعانىن ايىتتى. وسى قىزمەتكەردىڭ ايتۋىنشا، جاڭا قىزمەتكەرلەر، اسىرەسە، وقۋ بىتىرەتىن ىستۋدەنتتەر قىسقا ۋاقىت ىشىندە كاسىپتىڭ تالابىنا ۇيلەسە المايتىندىقتان، سەرىكتەستىك «امالسىز ءىشىنارا وقۋشىلارمەن قول قويىسقان توقتامدى كۇشىنەن قالدىرۋ ۇيعارىمىن جاساعان، وسى ءۇشىن ولاردان شىنايى عاپۋ وتىنەدى.»
جۇمىسقا قابىلداۋ توقتامىن كۇشىنەن قالدىرعان وقۋشىلارعا تولەم بەرۋ ماسەلەسى جونىندە سەرىكتەستىك قىزمەتكەرىنىڭ ايتۋىنشا، سەرىكتەستىك زاڭ بويىنشا توقتامدى كۇشىنەن قالدىرعان بارلىق وقۋشىعا توقتامعا قايشىلىق جاساۋ قاراجاتى ەسەبىندە (ءار ادامعا) 5000 يۋان تولەيدى. بۇدان سىرت، قاجەت ەتكەن وقۋشىلار جاعدايىنا نەگىز دەلە وتىرىپ مۇمكىندىكتىڭ بارىنشا وزگە سەرىكتەستىكتە كاسىپتەنۋ ورايىن قاراستىرادى. سونىمەن بىرگە وسى قىزمەتكەردىڭ بايانداۋىنشا، مايرۇي سەرىكتەستىگىنىڭ تيجاراتى قازىرگە قالىپتى ەكەن. 2019-جىلى وقۋ بىتىرەتىن ىستۋدەنتتەردەن 231 ادامدى الىپ قالعاننان تىس، قوعامنان اشىق تۇردە قىزمەتكەر قابىلداپ، قىزمەتكەر قوسىنىن مولايتادى.
مامانداردىڭ ءتۇسىندىرۋى: كاسىپورىن اقشا بەرسە ءىس تىندىم بولا ما؟

 

كاسىپورىن اقشا تولەسە ءىس تىندىم بولعان ەسەپتەلەمە؟ جۇمىسقا قابىلداۋ توقتامى كۇشىنەن قالدىرىلعان ىستۋدەنتتەر زاڭدى ۇقىق مۇدەسىن قالاي قورعايدى؟

 

ءۇش جاق جاساسقان كەلىسىم «توقتام زاڭى» قاتارلى قاتىستى زاڭ ەرەجەلەردىڭ تەجەۋىنە ۇشىرايدى

 

زاڭ ماماندارىنىڭ ايتۋىنشا، ءۇش جاقتى كەلىسىم دەگەنىمىز «ادەتتەگى جوعارى مەكتەپ قاتارلى مەكتەپتەردى تاۋىساتىن ىستۋدەنتتەردىڭ، اسپيرانتتاردىڭ كاسىپتەنۋ كەلىسىمىنىڭ» قىسقاشا اتالۋى. ول وقۋ بىتىرەتىن وقۋشى، ادام ىستەتۋشى ورىن، مەكتەپ وسى ءۇش جاقتىڭ وقۋ بىتىرەتىن ىستۋدەنتتەردىڭ كاسىپتەنۋىن باسقارۋ، ىشتات جانە كاسپتەنۋ ارحيۆى قاتارلىلاردى تۇراقتاندىرۋداعى ماڭىزدى دايەك رەتىندە پايدالانادى. سيپاتى جاعىنان ادام ىستەتۋشى ورىن مەن وقۋ بىتىرەتىن ىستۋدەنت اراسىنداشى ەڭبەك قاتىناسىن تۇراقتاندىراتىن ەڭبەك توقتامى عانا ەمەس، ول ادەتتەگى ازاماتتىق توقتام سيپاتىنا يە بولعاندىقتان، «توقتام زاڭى» قاتارلى قاتىستى زاڭ-ەرەجەلەردىڭ تەجەۋىنە ۇشىرايدى.

 

وقۋ بىتىرەتىن ىستۋدەنتتەر توقتامدى جالعاستى اتقارۋ تالابىن ورتاعا قويۋعا بولادى، الايدا، بۇنداي تالاپتى قولداماۋ حاۋپىنا ءدوپ كەلۋى مۇمكىن.

 

وقۋ بىتىرەتىن ىستۋدەنتتەر قاتىستى زاڭ-ەرەجەلەر ارقىلى كەلىسىمدەگى ۇقىقتارىن قورعاۋىنا بولادى. وقۋ بىتىرەتىن ىستۋدەنتتەر «توقتام زاڭى» قاتارلى قاتىستى زاڭ-ەرەجەلەردەگى بەلگىلەمەلەر جانە «ءۇش جاقتى كەلىسىمدەگى» بەلگىلەمەلەرگە نەگىزدەلىپ، ادام ىستەتۋشى ورىنعا كەلىسىمگە قيعاشتىق جاساۋ تولەمىن بەرۋ، زياندى تولەپ بەرۋ قاتارلى زاڭدىق جاۋاپكەرلىكتى اتقارۋىن تالاپ ەتۋىنە، سول ارقىلى زاڭدى ۇقىق مۇدەسىن قورعاۋىنا بولادى.

 

قالاي دەسەك تە، كاسىپورىننىڭ سىڭار جاقتى تۇردە كەلىسىمدى كۇشىنەن قالدىرۋى سەنىمدىلىك پرينسىبىنە قايشى ەكەنى انىق.

 

 

دەرەككوز: شينحۋا اگەنتتىگىنىڭ ۋيچات تەكشەسى
اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)

 

企业微信截图_20190107150532.jpg
timg (3).jpg
企业微信截图_20190107151716.jpg
企业微信截图_20190107160302.jpg
u=2791079438,443214040&fm=173&app=49&f=JPEG.jpg