ساقتاپ الىڭىز، سىزگە ەس قاتار تىرلىك زاڭدىلىقتارى
0
2019-02-09 14:44:00
|
كەلۋقاينارى:
|
جاۋاپتى رەداكتور :

 

    قاعيداعا قارامايتىن دۇنيە، زاڭدىلىققا باعىنبايتىن تابيعات جوق. «وتباسىندا قاعيدا، مەملەكەتتە زاڭ بولادى» دەگەندەي، ادام تىرلىگىنىڭ دە وزىنە ٴتان زاڭدىلىعى بار. ٴوزىمىز كوبىندە ەلەمەيتىن قاراپايىم بۇل زاڭدىلىقتاردى زەردەلەپ كورسەك، قولدانۋ قۇنىنىڭ جوعارى ەكەنىن بايقاۋ قيىنعا تۇسپەيدى. بۇلاردى ەسكە ساقتاپ الساڭىز، تىرلىك جولىندا ەس قاتارى داۋسىز.

 

01. قاتەلىك زاڭدىلىعى

ەگەر ەلدىڭ بارىنىكى دۇرىس ەمەس دەپ قاراساڭىز، وندا قاتەلىك وزىڭىزدە بولعانى.

 

02. ناتيجە زاڭدىلىعى

جارانىڭ ۇستىنە كوز جاسىن تامىزۋ مەن جاراعا تۇز سەبۋدىڭ ناتيجەسى بىردەي.

 

03. قىزعانىش زاڭدىلىعى

پەندەلەر باسقالاردىڭ ناتيجەگە قول جەتكىزگەنىن ەمەس، قايتا قاسىندا جۇرگەن جاقىندارىنىڭ تابىس تورىنەن كورىنگەنىن قىزعانادى.

 

04. ٴپىشىن زاڭدىلىعى

ادام ٴتورتبۇرىش پىشىندە بولماۋى كەرەك، بۇلاي بولعاندا ەلدى جارالايسىڭ، دوپتاي دومالاق بولساڭ، قاسىڭداعىلاردان الىستاپ كەتۋىڭ مۇمكىن. سول ٷشىن ادام سوپاق ٴپىشىنىن ساقتاعانى وڭ.

 

05. سىلەكەي زاڭدىلىعى

تابىسقا جەتىپ باسقالار ساعان تاڭدانا قاراپ، تاڭدايىن تاقىلداتىپ، سىلەكەيىن شۇبىرتقان كەزدە، ٴوز سىلەكەيىڭنىڭ دە بۇرىنعىدان كوبەيە تۇسكەنىن سەزەسىڭ.

 

06. بوران-شاشىن زاڭدىلىعى

ماحاببات سۇيىسپەنشىلىگى بوران-شاشىنعا توتەپ بەرسە دە، بەي-جايلىققا وڭاي توزە المايدى؛ دوستىق جايشىلىقتاعى ارالاستىققا مايتالمان بولعانىمەن، بوران-شاشىنعا جولىقسا شىن بەينەسىن كورسەتەدى.

 

07. تابىس زاڭدىلىعى

تاۋداي تابىسىڭ بولماسا، جۇپىنى تىرلىكتەگى دوستارىڭ از بولار؛ ەگەر تابىس تورىنە قاراي ورلەسەڭ، بۇرىنعى جاي دوستارىڭنان الىستارسىڭ.

 

 

08. شەلپەك زاڭدىلىعى

قولىڭا اسپاننان اياق استىنان ماي شەلپەك تۇسە قالسا، توپ ەتە تۇسەر وردىڭ دا دايىن ەكەنىن ەسكەر.

 

09. اعاتتىق زاڭدىلىعى

ٴبىزدىڭ جايشىلىقتا وتكىزىپ الاتىن اعاتتىعىمىز بەيتانىس ادامدارعا وتە ەلپەكتەپ، جاقىندارىمىزعا جىلى قاباق بايقاتپاۋىمىزدان بولادى.

 

10. باعامداۋ زاڭدىلىعى

باسقالاردىڭ سەنى قالاي باعامداۋىنا ەمەس، ٴوزىڭنىڭ ەلدى قالاي باعالايتىندىعىڭا باسا نازار اۋدار.

 

11. بۇركەمە زاڭدىلىعى

بۇل كۇندە قالتالىلار كەدەي سياقتانىپ، ال قۇرعاق نامىستى مالدانعان كەدەيلەر قالتالى سياقتانىپ كورىنۋگە اۋەس. بۇركەنىش اشىلعان كۇنى كىمنىڭ كىم ەكەنىن بىلەمىز.

 

12. وسەك-اياڭ زاڭدىلىعى

وسەك-اياڭ قۇددى سوققان جەل سياقتى، ٴىز قالتىرمايدى، تەز تارايدى. ەلەمەسەڭ جانىڭنان جىلجىپ وتەدى دە كەتەدى، جەلدى قۋساڭ نە وماقاساسىڭ، نە جولدان اداساسىڭ، ياكي نىساناڭنان الىستاي بەرەسىڭ.

 

13. جۇرەكسىنۋ زاڭدىلىعى

بىلمەيتىندەر بىلەتىندەردەن، بىلەتىندەر مايتالمانداردان تارتىنادى، ال مايتالماندار جەڭىلىپ قالۋدان قورقادى.

 

14. ەسەرسوقتىق زاڭعىلىعى

ەلدىڭ ٴبارىن ەسەرسوق دەپ ەسەپتەيتىن ادام بارىپ تۇرعان اقىماق.

 

15. قايعىرۋ زاڭدىلىعى

سەنىڭ مۇڭايعانىڭا قۋانعان ادام دۇشپانىڭ؛ قۋانىشىڭا شاتتانعان ادام دوسىڭ؛ قايعىرعانىڭا بولا مۇڭعا باتقان ادام ەسىمىزگە بەرىك ساقتاپ، قاستەرلەۋگە ٴتيىستى ادامدارىمىز.

 

 

دايىنداعان: قاۋسىلقان قاسىمقان ۇلى

14441371130813.jpg
企业微信截图_20190209113623.jpg
企业微信截图_20190209113156.jpg
2222.jpg
QQ浏览器截图20190203105326.jpg