ساياحات الابىندا اۆتوكولىك جۋعان، ەت قاقتاعاندار جازالاندى
0
2019-02-11 16:07:00
|
كەلۋقاينارى:
|
جاۋاپتى رەداكتور :

مەملەكەت دارەجەلى جاراتىلىستىق قورىق «اۆتوكولىك جۋاتىن كولشىككە» جانە «ەت قاقتايتىن جايماعا» اينالعانى ما؟ 2-ايدىڭ 7-كۇنى(شاعاننىڭ ٴۇشىنشى كۇنى) تۇستەن كەيىن ساعات 3 مولشەرىندە، توراپتاس ياڭ مىرزانىڭ اكە-شەشەسى يۇننان ولكەسى داليدەگى ىرحاي كولى بويىندا سەرۋەندەپ جۇرگەندە، ادامنىڭ زىعىردانىن قايناتاتىن جاعدايدى بايقاعان.

ٴبىر توپ ادام ىرحاي كولى بويىندا الشاڭ-الشاڭ باسىپ اۆتوكولىك جۋعان

 

اۆتوكولىكتى جۋىپ بولىپ تاعى كىر جۋىپ، وزدەرىنىڭ ارەكەتىنىڭ ىرحاي كولىنىڭ ەكولوگيالىق ورتاسىن بۇلدىرەتىنىن تيتتەيدە ويلاماعان. قاتتى اشۋلانعان ياڭ مىرزا تىلشىگە بىلاي دەدى:«داليدى سۇيەمىز دەيدى ەكەنبىز، ٴسوزسىز ىرحاي كولىن ايالاۋىمىز كەرەك. ەلىمىز زور كۇش جۇمساپ ىرحاي كولىن قورعاپ وتىر. ازعانتاي جەكە پايداعا بولا ونى بۇلدىرۋگە بولمايدى. ول ٴبىزدىڭ جاساپ وتىرعان ورتامىز، باسقالاردىڭ ويىنا كەلگەنىن ىستەسىن دەپ وتىرا بەرەتىن جەر ەمەس. »

 

ىرحاي كولىندە اۆتوكولىك جۋعاندىقتان 2000 يۋان ايىپ سالىندى

 

وسى ايدىڭ 8-كۇنى تاڭەرتەڭ ساعات 8 مولشەرىندە، توراپكەردىڭ اڭىس ەتكەنىن بايقاعان سوڭ، دالي قالالىق ىرحاي كولىن قورعاۋ-باسقارۋ مەكەمەسى مەن دالي قالالىق قوعام حاۋىپسىزدىك مەكەمەسى ىرحاي ساقشى بولىمشەسى دەر كەزىندە تەكسەرۋ جۇرگىزىپ، اۆتوكولىك پەن يەسىنىڭ ينفورماتسياسىن انىقتاپ شىقتى. تەكسەرۋ ارقىلى، كولىك يەسى جاڭ XX 2-ايدىڭ 7-كۇنى تۇسكى ساعات 1 مولشەرىندە، اۆتوكولىكپەن وتباسىنداعىلاردى الىپ دالي قالاسى ىرحاي كولى بويىنا كەلىپ ساياحاتتاعان. كول سۋىنىڭ ٴارى تازا ٴارى تۇنىق ەكەنىن كورگەن ول اۆتوكولىگىن كولگە ايداپ كىرىپ جۋعاندىعى انىقتالعان. توراپكەر سۋرەتكە تۇسىرگەن ٴبىر جاعىنداعى كەپتىرگەن كيىم جونىندە، جاڭ XX الدىندا اراسانعا تۇسكەندە كيىم شىلقىلداپ كەتىپ، كەپتىرىپ قويعامىز دەپ، ىرحاي كولى بويىندا كىر جۋعانىن موينداماعان.

 

 

دالي قالالىق ىرحاي كولىن قورعاۋ-باسقارۋ مەكەمەسى «دالي بايزۋ اۆتونوميالى اۋدانى ىرحاي كولىن قورعاۋ-باسقارۋ ەرەجەسىندەگى» بەلگىلەمەگە ساي، جاڭ XX كە ەكى مىڭ يۋان ايىپ سالدى. جاڭ XX ناق مايداندا ايىپتى تولەپ، ٴوزىنىڭ ارەكەتىنەن ايرىقشا ۇيالدى ٴارى ٴوزىن توتەنشە جازعىرىپ، داليداعى دوستاردان شىنايى كەشىرىم سۇرادى. سونداي-اق بۇدان كەيىن قاتىستى زاڭ-ەرەجەلەرگە بويسۇناتىنىن ٴبىلدىردى.

 

اۆتوكولىك جۋعانداردىڭ ٴىسى بىتپەي جاتىپ، كول بويىندا ەت قاقتاعاندار تاعى پايدا بولعان

 

«ىرحاي كولىندە اۆتوكولىك جۋۋ» ٴىسى اياقتالماي تۇرىپ، سول كۇنى تۇستەن كەيىن تاعى دا ٴبىر توراپتاس بىرەۋلەردىڭ ىرحاي كولى بويىندا ەت قاقتاعانىن اڭىس ەتكەن. كورىكتى ىرحاي كولى وسىلايشا وت جالاپ، ٴتۇتىن شالعان «قاقتالعان ەت جايماسىنا» اينالعان.

 

ىرحاي كولى بويىندا ەت قاقتاعاندارعا 200 يۋان ايىپ سالىندى

 

دالي الەۋمەتتىك ۋيچات تەكشەسىنىڭ حابارىنا قاراعاندا، اشكەرەلەۋدى تاپسىرىپ العان سوڭ، دالي قالالىق ىرحاي كولىن قورعاۋ-باسقارۋ مەكەمەسىنىڭ زاڭ اتقارۋ قىزمەتكەرلەرى دەرەۋ قيمىلداپ، ەت قاقتاعانداردى ناق مايداندا قولعا ٴتۇسىرىپ ٴارى دەر كەزىندە شەكتەگەن. دالي قالالىق ىرحاي كولىن قورعاۋ-باسقارۋ مەكەمەسى «دالي بايزۋ اۆتونوميالى اۋدانى ىرحاي كولىن قورعاۋ-باسقارۋ ەرەجەسىندەگى» بەلگىلەمەگە ساي، بەلگىلەمەگە قايشىلىق جاساعانداردىڭ قاتىستى ەت قاقتاۋ اسپاپتارىن ٴمۇسادىرالاپ، وعان قوسا 200 يۋان ايىپ سالدى.

 

ىرحاي كولى بويىندا اۆكولىك جۋۋ، ەت قاقتاۋ ارەكەتتەرىن كورىپ، توراپتاستار توتەنشە كەكتەندى

 

اقپارات قۇرالدارى دا بىلاي دەپ قارادى: ىرحاي كولى بويىندا اۆتوكولىك جۋعانداردى اۋىر جازالاۋمەن بىرگە، ۇگىتتەۋ تەبىنىن ارتتىرىپ، ٴار جولعى اۋىر جازالانعانداردى تيپتىك مىسال ەتىپ، بۇقاراعا ۇگىتتەۋ الىپ بارۋ ٴتيىس. سونىمەن قاتار، جازالاۋ تەبىنىن ارتتىرىپ، قايتالاي قايشىلىق جاساعاندارعا ەڭ جوعارى سومالى ايىپ سالۋ ٴارى بۇنداي ساياحاتشىلاردى قارسى الىنبايتىندار تىزىمدىگىنە ەنگىزۋ ٴتيىس.

 

كەلۋ قاينارى: حالىق گازەتى ۋيچات تەكشەسى

اۋدارعان: قادىر ماقان ۇلى

CgoODlxe5YWADUGnAAD4f0x1CI0162.jpg
14441371130813.jpg
企业微信截图_20190209113623.jpg
企业微信截图_20190210154223.jpg
企业微信截图_20190209113156.jpg