سوتقار بالاعا قاتىگەز انا
0
2019-02-11 16:11:00
|
كەلۋقاينارى:
|
جاۋاپتى رەداكتور :

 

    تەز قارقىندى تەمىر جولدا بالاسىنىڭ قيقار قىلىعىنا توزبەگەن اناسى اشۋلانعانىنان بالاسىن پويەزگە جالعىز تاستاپ ورتا جولدا ءتۇسىپ قالعان. شاعان مەرەكەسىندە كوپشىلىك شات مەرەيمەن تۋىس-تۋعاندارىن ارالاپ قىدىرادى. دەسەدە، حىنان ولكەسى ءانياڭ قالاسى شىعىس بەكەتىندەگى جوعارى قارقىندى پويەزدە توتەنشە عاجاپ ۋاقيعا تۋىلدى.

 

 

2-ايدىڭ 7-كۇنى (شاعاننىڭ 3-كۇنى) تۋىسشىلاپ قىدىراتىنداردىڭ قاۋىرت مەزگىلى. جىڭجوۋ تەمىر جول قوعام حاۋىپسىزدىگى مەكەمەسى ءانياڭ شىعىس بەكەت ساقشى بولىمشەسىندە مىندەت اتقاراتىن حالىق ساقشىسى لي جيانيۇڭ شىجياجۋاڭ ءحاندان شىعىس بەكەت بولىمشە ساقشى مەكەمەسىندەگى مىندەت اتقاراتىن حالىق ساقشىسىنىڭ دەلو مالىمدەۋىن قابىلدايدى: بەيجيڭ قالاسى پيڭگۋ رايونىنداعى ۋ حانىم G4567 كەزەكتى جوعارى قارقىندى پويەزگە وتىرىپ بەيجيڭنەن ءحاندان قالاسىنا تۋىسشىلاپ بارا جاتقان ەكەن. جولدا پويەزدە بالاسىنىڭ سوتقارلىعىنا توزبەي، اشۋلانعانىنان بالاسىن پويەزدە قالدىرىپ، ءبىر بەكەتتە ءوزى ءتۇسىپ قالعان. ءحاندان شىعىس بەكەتىندە جيەنىن توسقان ناعاشى اتاسى مەن ناعاشى اپاسى كىشكەنتاي بالانى كورمەگەن. سونىمەن ولار ساقشىعا مالىمدەگەن.

 

حالىق ساقشىسى لي جيانيۇڭ دەلونى قابىلداعان سوڭ، دەرەۋ G4567 كەزەكتى جوعارى قارقىندى پويەز باسىتىعىمەن حابارلاسىپ 6-ءنومىرلى جولاۋشىلار ۆاگونىندا بالانى تابادى. پويەز ءانياڭ شىعىس بەكەتىنە جەتكەن سوڭ، پويەز باستىعى بالانى لي جيانيۇڭعا تابىستايدى. ودان كەيىن ءانياڭ شىعىس بەكەت ساقشى بولىمشەسىندەگى كەزەكشى ساقشى ۋاڭ شياۋجين، مياۋ شياۋجۇن ەكەۋى G1558 كەزەكتى پويەزگە وتىرىپ بالانى ءحاندان شىعىس بەكەتىنە امان-ەسەن جەتكىزەدى.

 

دەرەككوز: جارىم ايلىق كەڭەس جۋرنالىنىڭ ۋيچات تۇعىرىنان

اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)

CgoODlxe5YWADUGnAAD4f0x1CI0162.jpg
14441371130813.jpg
企业微信截图_20190209113623.jpg
企业微信截图_20190210154223.jpg
企业微信截图_20190209113156.jpg