تۋىسشىلاۋ دەمالىس ۋاقىتىن ۇزارتۋ ۇسىنىس ەتىلدى
0
2019-03-14 14:59:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل


ءوز حابارىمىز. باس شۋجي شي جينپيڭ 3-ايدىڭ 8-كۇنى تۇستەن بۇرىن حىنان ۋاكىلدەر ۇيىرمەسىنىڭ تالقىسىنا قاتىناسىپ، اۋىل ـ قىستاقتى گۇلدەندىرۋدى ءتۇيىندى تۇردە تىلگە تيەك ەتتى. اۋىل ـ قىستاقتى گۇلدەندىرۋ جانە اۋىل شارۋاشىلىعى، اۋىل -قىستاق، شارۋالار ماسەلەسى ۋاكىلدەر مەن مۇشەلەردىڭ وسى بىرنەشە كۇندەگى قىزۋ تالقى تاقىرىبىنا اينالدى. مەملەكەتتىك ساياسي كەڭەستىڭ مۇشەسى جىڭ جۇن اۋىل-قىستاقتى گۇلدەندىرۋدە دارىندىلار شەشۋشى ءتۇيىن دەپ قاراپ، « قالا-اۋىل سەرىكتەسۋشىلەرى» سىندى جاڭا ۇلگىنى قاراستىرىپ، دارىندىلارعا ءمان بەرىپ، دارىندىلاردى باۋراۋدى ۇسىنىس ەتتى.


مەملەكەتتىك حالىق قۇرىلتايىنىڭ ۋاكىلى زو ۋىنشۋە تەكسەرىپ-زەرتتەۋ بارىسىندا اۋىل شارۋاشىلىق كاسىپ قۇرىلىمىن رەتكە سالۋدىڭ تياناقتانباۋى، اۋىل شارۋاشىلىق زاتتىق ماتەريالدارىنىڭ باعاسىنىڭ نەداۋىر تەز ءوسۋى جەردى بوس قالدىرۋدىڭ باستى سەبەبى ەكەنىن بايقادى . سوندىقتان ول شابىتتاندىرۋ مەحانيزمىن كۇشەيتىپ، تولىقتاما قاراجات بەرۋ تاسىلىنە بۇرىلىس جاساۋدى ۇسىنىس ەتتى . اۋىل شارۋاشىلىعىنا بەرىلەتىن تولىقتاما قاراجاتتى كىم ەگىن ەكسە سوعان بەرۋ كەرەك ، تەڭگەرمەشىلدىك ىستەۋگە بولمايدى دەپ قارادى . ەگىستىك جەردى قورعاۋ تەبىنىن ارتتىرۋ مەملەكەتتىڭ استىق حاۋىپسىزدىگىنە سايادى .


كەزەكتە ورىن تەۋىپ وتىرعان ءادىليالىق ساراپتاۋ تۇراقتاندىرۋ قۇرىلىمدارىنىڭ قوياتىن تالاپتارى تىم تومەن بولۋ، كاسىپپەن شۇعىلدانۋشىلاردىڭ ساپاسى بىركەلكى بولماۋ ، سونداي - اق ، جالعان انىقتاما بەرۋ جونىندە سايكەستى زاڭدىق جازا بولماۋ سياقتى ماسەلەلەرگە قاراتا، مەملەكەتتىك حالىق قۇرىلتايىنىڭ ۋاكىلى گاۋ ميڭچين « ءادىليالىق ساراپتاۋ زاڭىن» تەزىرەك جاساۋ جونىندە ۇسىنىس بەردى.


مەملەكەتتىك ساياسي كەڭەستىڭ مۇشەسى ليۋ كى بىلاي دەپ قارادى: ەلىمىزدىڭ قازىرگى تۋىسشىلاۋ دەمالىس ءتۇزىمى ءداۋىردىڭ تالابىنا ۇيلەسە الماي وتىر، وعان تەزىرەك وزگەرىس ەنگىزۋ كەرەك . ول تۋىسشىلاۋ دەمالىس ۋاقىتىن ۇزارتىپ، تۋىسشىلاۋ وبيەكتىلەرىن كوبەيتىپ، جۇمىسشى-قىزمەتشىلەردىڭ قايىن اتا-اناسىنا امانداسا بارۋىنا، اتا-اناسىنىڭ باسقا جەردە قىزمەت ىستەپ جاتقان بالالارىن ىزدەپ بارۋىنا جول قويۋىن ۇسىنىس ەتتى.

اۋدارعان: شىنار عالىم قىزى

未标题-1.jpg
QQ浏览器截图20190314144302.jpg
QQ浏览器截图20190314131140.jpg
QQ浏览器截图20190314142727.jpg
timg-(1).jpg