ورتاق ءتىلدى ۇيرەنگەننىڭ ۇتارى مول
0
2019-03-14 15:34:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل


مەملەكەتتە ءبىر تۇتاس قولدانىلاتىن ءتىل-جازۋدى جالپىلاستىرۋ-شينجياڭداعى ءار ۇلت حالقىنىڭ دامۋ ۇقىعىن قامتاماسىزداندىرۋدىڭ ماڭىزدى العى شارتى

 


ب م ۇ كىسىلىك ۇقىق القالار كەڭەسىنىڭ 40-كەزەكتى ءماجىلىسى جەنەۆادا وتكىزىلگەن مەزگىلدە، جۇڭگو كىسىلىك ۇقىقتى زەرتتەۋ قوعامىنىڭ القاسى، شينجياڭ ۋنيۆەرسيتەتى ساياسي جانە الەۋمەتتىك باسقارۋ ينستيتۋتىنىڭ پروفەسسورى زۇلھايات ىسمايل تاياۋدا «شينجياڭنىڭ كىسىلىك ۇقىق ىستەرىنىڭ دامۋى مەن العا باسۋى» تاقىرىبنداعى ماجىلىستە: مەملەكەت بويىنشا ءبىرتۇتاس قولدانىلاتىن ءتىل-جازۋدى جالپىلاستىرۋ شينجياڭداعى ءار ۇلت حالقىنىڭ دامۋ ۇقىعىن قامتاماسىزداندىرۋدىڭ ماڭىزدى العى شارتى،-دەدى.

زۇلھايات ماجىلىستە ءوزىنىڭ زەرتتەۋ ناتيجەسىن تانىستىرىپ بىلاي دەدى: مەملەكەت بويىنشا ءبىرتۇتاس قولدانىلاتىن ءتىلدى ۇيرەنۋ جانە قولدانۋ-جۇڭگو زاڭىنىڭ ءاربىر ازاماتقا بەرگەن قاسيەتتى ۇقىعى، مەملەكەتتە ءبىر تۇتاس قولدانىلاتىن ءتىل-جازۋدى جالپىلاستىرۋ-شينجياڭداعى ءار ۇلت حالقىنىڭ رەال تۇرمىسىنىڭ قاجەتى، ۇلتتار ىنتىماعى مەن تەڭدىگىن جۇزەگە اسىرۋدىڭ ماڭىزدى كەپىلى، سونداي -اق ءار ۇلت حالقىنىڭ دامۋعا بىرلىكتە تالپىنۋىنىڭ، كوركەم بولاشاق جاراتۋىنىڭ تابيعي تالعامى.


ول بىلاي دەدى: مەملەكەتتە ءبىر تۇتاس قولدانىلاتىن ءتىل ـ جازۋدى جالپىلاستىرۋ-ۇلتتاردىڭ كەدەيلىكتەن قۇتىلىپ، اۋقاتتانۋىن جەبەۋدەگى ماڭىزدى ءتاسىل. شينجياڭداعى از ۇلت بۇقاراسى جونىنەن العاندا، مەيلى قانداي كاسىپپەن شۇعىلدانسىن، ەگەر مەملەكەتتە ءبىر تۇتاس قولدانىلاتىن ءتىلدى يگەرسە، جەكە ادام ءتىپتى دە كوپ دامۋ ورايىنا يە بولادى. سونىمەن بىرگە، مەملەكەت بويىنشا ءبىرتۇتاس قولدانىلاتىن ءتىل -جازۋدى جالپىلاستىرۋ قارجى، دارىندى، تەحنيكا سياقتى ءتۇرلى ءوندىرىس فاكتورلارىن ەنگىزۋگە ءتيىمدى، ءارى ەكونوميكا - ساۋدا ينفورماتسيالارىنىڭ تارالۋىنا قولايلى بولىپ، شينجياڭنىڭ ەكونوميكالىق، قوعامدىق دامۋىن جەبەيدى.

ول بىلاي دەدى: مەملەكەتتە ءبىر تۇتاس قولدانىلاتىن ءتىل ـ جازۋدى جالپىلاستىرۋ- شينجياڭداعى از ۇلتتاردىڭ مەملەكەتتى وسىزامانداندىرۋ اياق الىسىنا ات سالىسۋىنداعى ماڭىزدى ارنا. از ۇلتتار مەملەكەتتە ءبىر تۇتاس قولدانىلاتىن ءتىلدى جاقسى ۇيرەنىپ، وسىزامانعى عىلىم-مادەنيەت بىلىمدەرىن قابىلداۋى از ۇلت بۇقاراسىنىڭ 2-، 3-كاسىپپەن شۇعىلدانۋ سالىستىرماسىن جوعارىلاتۋ سونداي-اق، زاماناۋي قوعامعا ارالاسۋ جونىنەن كەم بولسا بولمايدى.


زۇلھايات پروفەسسور بىلاي دەپ باسا دارىپتەدى: مەملەكەت بويىنشا ءبىرتۇتاس قولدانىلاتىن ءتىلدى جالپىلاستىرۋ از ۇلت ءتىلىن قورعاماعاندىق ەمەس، قايتا مەملەكەت بويىنشا ءبىرتۇتاس قولدانىلاتىن ءتىل مەن از ۇلت ءتىلى جاراسىمدى قاتار ءومىر سۇرەتىن، فۋنكتسياسى ءبىرىن-ءبىرى تولىقتايتىن، بىرگە داميتىن قاتىناس ورناتۋ.

ول بىلاي دەدى: جۇڭگو ۇكىمەتى مەملەكەت بويىنشا ءبىرتۇتاس قولدانىلاتىن ءتىل-جازۋدى بارىنشا جالپىلاستىرۋمەن بىرگە، ۇلتتاردىڭ ءوز ۇلتىنىڭ ءتىل-جازۋىن قولدانۋ جانە دامىتۋ ەركىندىگىن زاڭ بويىنشا قامتاماسىزداندىرادى، ءار ۇلتتىڭ ءتىل-جازۋىن جالعاستىرۋدى جانە دامىتۋدى ارناۋلى قولدايدى، ۇلتتاردىڭ ءبىر-ءبىرىنىڭ ءتىل-جازۋىن ۇيرەنۋىن دارىپتەيدى جانە وعان دەم بەرەدى، ۇلتتاردىڭ ورتاق گۇلدەنۋى مەن دامۋىن ۇزدىكسىز جەبەيدى.

اۋدارعان: شالقار قازەز ۇلى

未标题-1.jpg
QQ浏览器截图20190314144302.jpg
QQ浏览器截图20190314131140.jpg
QQ浏览器截图20190314142727.jpg
timg-(1).jpg