مينيسترلەر بيىل قانداي جۇمىستار جاساماق
0
2019-03-14 16:28:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل


بيىلعى ەكى ءماجىلىس كەزىندە مينيسترلەر مىنا جۇمىستاردى ىستەيمىز دەپ ۋادە بەردى


2019-جىلعى مەملەكەتتىك ەكى ءماجىلىس سوڭعى مارەسىنە تايادى. ەكى ءماجىلىس كەزىندە، 30 نەشە مينيسترلىك، كوميتەت جانە ەڭ جوعارى حالىق سوتى مەن ەڭ جوعارى حالىق پروكۋراتۋراسىنىڭ جاۋاپتىلارى ۇقساماعان مايدانداردا قولامتالى ماسەلەلەرگە جاۋاپ قايتاردى. «قولفون ءنومىرىن اۋىستىرماي-اق توراپ جەلىسىن ەركىن تاڭداۋ»، «اۋىرىپ-سىرقاعان ديقانداردىڭ %90 ىن اۋدان كولەمىندەگى دوحتىرحانالاردا ەمدەۋ»، «بيىل كەزەكشى ايروپلانداردىڭ قالىپتى اينالىم مولشەرىن %80 تەن اسىرۋداي» بيىل الدا ىستەلەتىن قىزمەتتەر جايلى مينيسترلەر مىناداي ۋادە بەردى:

1. ءدارى-دارمەك، دەنساۋلىق ساقتاۋ، قارتتاردى كۇتىمدەۋ


مەملەكەتتىك دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ما شياۋۋي بىلاي دەدى: بيىل 500 اۋداندا اۋداندىق ەمدەۋ ورتاق تۇلعاسى قۇرىلىپ، اۋىرىپ-سىرقاعان ديقانداردىڭ %90ى اۋدان كولەمىندە-اق ەمدەلەدى.


مەملەكەتتىك ەمدەلۋدى قامتاماسىزداندىرۋ مەكەمەسىنىڭ باستىعى حۋ جيڭلين بىلاي دەدى: اجالعا اراشاشى بولىپ، توسىن جايتكە جولىققانداردى قۇتقاراتىن شيپالى دارىلەردى ەمدەۋ قامسىزداندىرۋىنا كوپتەپ ەنگىزىپ، بيىل ەمدەۋ قامسىزداندىرۋىندا الدامكوستىك ىستەپ، كوز بوياعاندارعا سوققى بەرۋدى ماڭداي الدى ءىس ەتەمىز.


مەملەكەتتىك بازار باقىلاۋ-باسقارۋ باس مەكەمەسىنىڭ باستىعى جاڭ ماۋ بىلاي دەدى: ەڭ قاتاڭ باقىلاۋ-باسقارۋ جانە ەڭ قاتاڭ جازا قولدانىپ، «دەنساۋلىق ساقتاۋ» بازارىنداعى بىلىققان جاعدايدى وڭاۋ قىزمەتىن ۇزاق ۋاقىتتار بويى جۇرگىزەمىز.


اۋىل شارۋاشىلىعى، اۋىل-قىستاق مينيسترى حان چاڭفۋ بىلاي دەدى: بيىل ەلىمىزدەگى 30 مىڭ قىستاقتىڭ، ياعني 10 ميلليونداي ديقاننىڭ دارەتحاناسىن وڭايمىز.


مادەنيەت جانە ساياحات مينيسترى لو شۋگاڭ بىلاي دەدى: تاعى 2 جىلداي ۋاقىت جۇمساپ ساياحات-سەرۋەن ورىندارىندا دارەتحانا از بولۋ جانە لاس بولۋ ماسەلەلەرىن نەگىزىنەن شەشەمىز.


ادام كۇشى بايلىعى جانە قوعامدىق قامتاماسىزداندىرۋ مينيسترى جاڭ جينان بىلاي دەدى: زەينەتاقىنىڭ ۋاعىندا، تولىق تاراتىلۋىنا كەپىلدىك ەتەمىز، زەينەتكە شىققانداردىڭ نەگىزگى زەينەتاقىسىن بيىل جالعاستى لايىقتى جوعارىلاتامىز.

2. تۇرعىن ءۇي، قاتىناس، حابارلاسۋ


تۇرعىن ءۇي جانە قالا-اۋىل قۇرىلىس مينيسترى ۋاڭ مىڭحۇي بىلاي دەدى: تۇرعىن ۇيلەردى مايعا بەرۋ بازارىن زور كۇشپەن جەتىلدىرىپ جانە دامىتىپ، قالا جاڭا تۇرعىندارىنىڭ باسپانا ماسەلەسىن تۇيىندە شەشەمىز؛ بيىلدان باستاپ ەلىمىزدەگى ايماق دارەجەلىدەن جوعارى قالالاردا قوقىر-قوقسىقتى تۇرگە ايىرۋ قىزمەتى جاپپاي ورىستەتىلەدى.


ونەركاسىپ جانە ينفورماتسيالاندىرۋ مينيسترى مياۋ ۋي بىلاي دەدى: بيىل جىل سوڭىنا دەيىن بارلىق قولفون ابونتتارىنىڭ قولفون ءنومىرىن اۋىستىرماي-اق توراپ جەلىسىن ەركىن تاڭداۋىنا مۇمكىندىك جاراتىپ، جىلجىمالى حابارلاسۋ مەن تور اعىمى اقىسىن بيىل تاعى % 20 تىڭ ۇستىندە تومەندەتەمىز.


جۇڭگو حالىقتىق اۆياتسيا مەكەمەسىنىڭ باستىعى فىڭ جىڭلين بىلاي دەدى: بيىل كەزەكشى ايروپلانداردىڭ قالىپتى اينالىم مولشەرىن %80 تەن اسىرىپ، اۋەجاي اسحانالارىنداعى اس ـ سۋ باعاسىنىڭ جانە ساپاسىنىڭ سول قالا رايونىنداعى اسحانالارمەن ۇقساس بولۋىن جەبەيمىز.


قاتىناس-تاسىمال مينيسترى لي شياۋپىڭ بىلاي دەدى: 2019-جىلى بەيجيڭ-تيانجين-حىبەي، چاڭجياڭ اتىراۋى جانە شىعىس سولتۇستىك پەن باتىس وڭتۇستىك رايوندارداعى ءتۇيىندى ولكەلەردىڭ جوعارى قارقىندى تاسجول ولكە ارا اقى الۋ پۋنكتتەرىن كۇشىنەن قالدىرامىز.


تابيعي بايلىق مينيسترى لۋ حاۋ بىلاي دەدى: تۇراقتى مۇلىكتى تىزىمگە الۋ ۋاقىتىن قىسقارتۋ جونىندەگى ۇقتىرۋدىڭ رۋحىن مۇقيات دايەكتى تياناقتاندىرامىز، قاتىستى تاراۋلارمەن بىرگە وسى قىزمەتتى ويداعىداي ىستەۋگە سەنىمىمىز كامىل.

3. مادەنيەت، عىلىم - تەحنيكا، وقۋ - اعارتۋ


وقۋ-اعارتۋ مينيسترى چىن باۋشىڭ بىلاي دەدى: «جەلىدەن سىرت اۋىرتپالىقتى جەڭىلدەتۋ، جەلىدەگى اۋىرتپالىقتى ارتتىرۋ» جونىندەگى قۇجات كوپ وتپەي جاريالانادى، قۇجات جاريالانعاننان كەيىن، جەلىدەگى جانە جەلىدەن سىرت اعارتۋ جالپىلىق جونگە سالىنادى، اۋىرتپالىقتىڭ تىم زور بولۋ ماسەلەسىن ءسوز جوق ويداعىداي شەشۋگە كۇش سالامىز.


عىلىم-تەحنيكا مينيسترى ۋاڭ جىگاڭ بىلاي دەدى: عىلمي زەرتتەۋ قاراجاتىن كوتەرەگە الۋ ءتۇزىمى اكىمشىلىك قاراپ بەكىتۋدى ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالاندىرۋ ىستەرىمەن توعىستىرىلىپ، قاتىستى تاراۋلارمەن بىرگە بۇل قىزمەتتى ويداعىداي ىستەيمىز.


مەملەكەتتىك مادەني مۇرا مەكەمەسىنىڭ باستىعى ليۋ يۇيجۋ بىلاي دەدى: مۇراجايلاردى قورعاۋدى تيتتەي دە بوساڭسىتۋعا بولمايدى، بيىل مۇراجايلارعا رەفورما جاساۋ پىكىرىن شىعارۋعا كۇش سالامىز.


مەملەكەتتىك دەنە تاربيە باس مەكەمەسىنىڭ باستىعى گوۋ جۇڭ ۋىن بىلاي دەدى: «جۇڭگو فۋتبول سالاسىن رەفورمالاۋ-دامىتۋ تۇلعالىق جوباسىن» بۇلجىتپاي تياناقتاندىرىپ، جاس فۋتبولشىلاردى جاتتىقتىرۋدى مىقتى يگەرىپ، فۋتبول بىرلەستىگىنىڭ كەزەك اۋىستىرۋىن ويداعىداي ىستەيمىز.


مەملەكەتتىك ءبىلىم مەنشىك ۇقىعى مەكەمەسىنىڭ باستىعى شىن چاڭيۇي بىلاي دەدى: بيىل ماركالاردى تەكسەرۋ مەرزىمىن 5 ايدان اسپايتىن ەتىپ قىسقارتىپ، پاتەنت زاڭىنا وزگەرىس ەنگىزۋگە بەلسەنە سايكەسىپ، ۇقىققا قول سۇققاندارعا جازالاۋ سيپاتىندىق تولەم تولەتۋ ءتۇزىمىن ورناتامىز.


4. ەكونوميكا، فينانس، قارجى قوسۋ


قازىنا مينيسترى ليۋ كۇن بىلاي دەدى: بيىل كاسىپورىنداردىڭ تاپسىراتىن باجىسى مەن قوعامدىق قامسىزداندىرۋ اقىسى بولىپ جيىنى 2 تريلليون يۋانداي اۋىرتپالىعىن جەڭىلدەتەمىز، بۇل بۇلجىماي تياناقتاندىرىلادى.


مەملەكەتتىك باجى باس مەكەمەسىنىڭ باستىعى ۋاڭ جۇن بىلاي دەدى: الىناتىن باجى مەن اقىنى ازايتۋ شارالارىن تياناقتاندىرۋ بارىسىندا، قاتىناسپاق بولعان ءار جاقتاعىلاردى قارسى الامىز ءارى ولارعا بەلسەنە سايكەسىپ، شىنايى-قاتاڭ باقىلاۋ جۇرگىزىپ، وسى ساياساتتاردىڭ تابىستى بولۋىن جەبەيمىز.


ساۋدا مينيسترى جۇڭ شان بىلاي دەدى: بيىل جاياۋلار كوشەسىنەن ءبىر سىپىراسىن وزگەرتىپ-دارەجەسىن جوعارىلاتىپ، قولايلى دۇكەندەردىڭ ورنالاسۋىن ساپالىلاندىرىپ، قالا-اۋىلداردا جوعارى ءونىمدى جەتكىزۋ ارناۋلى قيمىلىن ورىستەتەمىز.


جۇڭگو حالىق بانكەسى پارتكومىنىڭ شۋجيى، جۇڭگو بانكە سالاسىن قامسىزداندىرۋدى باقىلاۋ-باسقارۋ كوميتەتىنىڭ ءتوراعاسى گو شۋچيڭ بىلاي دەدى: بيىل مەملەكەت مەنشىگىندەگى ءىرى ساۋدا بانكەلەرىنىڭ شاعىن، ۇساق كاسىپورىندارعا بەرەتىن قارىز اقشا مولشەرىن % 30 تەن اسىرامىز، مۇنىڭ ىسكە اساتىندىعىنا سەنىمىمىز كامىل.


مەملەكەتتىك دامۋ-رەفورما كوميتەتىنىڭ مەڭگەرۋشىسى حى ليفىڭ بىلاي دەدى: حالىقتىق قارجىلاندىرۋعا رۇقسات ەتۋ شەكتەمەسىن ازايتىپ، حالىقتىق قارجىلاندىرۋداعى وبيەكتيۆ ماسەلەلەردى، جۇيەدەن قارجى قۇراۋ ماسەلەسىن شەشۋگە كومەكتەسەمىز.


مەملەكەتتىك كەڭەس مەملەكەت مەنشىگىندەگى مال-مۇلىكتى باقىلاۋ -باسقارۋ كوميتەتىنىڭ مەڭگەرۋشىسى شياۋ ياچيڭ بىلاي دەدى: بيىل ورتالىقتاعى كاسىپورىندار بەلگىلەگەن بەلسەندى نىسانالاردىڭ جۇزەگە اسۋىنا كەپىلدىك ەتىپ، 2019-جىلعى باقىلاۋ-باسقارۋ تىزىمدىگىن جاساپ، ارالاس مەنشىك ءتۇزىمى رەفورماسى مەن جارنا ۇقىعىنىڭ الۋاندانۋىن كۇش سالا ىلگەرىلەتەمىز.


جۇڭگو حالىق بانكەسىنىڭ باستىعى ي گاڭ بىلاي دەدى: حالىق اقشاسى سىندىرىلىمىنىڭ بازار بەلگىلەگەن مەحانيزم جاعدايىندا باۋراعىشتىعى زور، ەركىن پايدالانۋعا بولاتىن اقشاعا اينالاتىندىعىنا سەنەمىن.


5. ەكولوگيا، ورتانى قورعاۋ، كەدەيلەردى سۇيەمەلدەۋ


مەملەكەتتىك كەڭەس كەدەيلەردى سۇيەمەلدەۋ، كوركەيتۋ قىزمەتىنە باسشىلىق ەتۋ گرۋپپاسى كەڭسەسىنىڭ مەڭگەرۋشىسى ليۋ يۇڭفۋ بىلاي دەدى: بيىل جالعاستى ءبىر جىل كۇش سالىپ، تاعى دا 10 ميلليوننان استام كەدەي جان سانىن كەدەيلىكتەن قۇتىلدىرىپ، 300 دەي كەدەي اۋداننىڭ كەدەيلىك قالپاعىن الىپ تاستاۋعا تىرىسامىز.


ەكولوگيالىق ورتا مينيسترى لي گانجيە بىلاي دەدى: PM2.5قويۋلىعىن كورنەكتى تومەندەتىپ، اۋىر دارەجەدە لاستانعان كۇن سانىن نەداۋىر ازايتىپ، اۋا ساپاسىن كورنەكتى جاقسارتىپ، بۇقاراعا تازا اۋا-كوك اسپان سيلايمىز، بۇل ءۇشىن قاتىستى شارالاردى جالعاستى تياناقتاندىرۋ كەرەك.


سۋ يگىلىگى مينيسترى ى جيڭپيڭ بىلاي دەدى: بيىل اۋىل-قىستاقتارداعى 12 مىڭ سۋ قاينارىن جونگە سالۋ ءۇشىن كەمىندە 3000 قىستاققا جاسىرىن بارىپ احۋال يەلەپ، اۋىل-قىستاقتارداعى 60 ميلليون تۇرعىننىڭ اۋىز سۋ قيىنشىلىعىن شەشىپ، ديقانداردى ءسوزسىز تازا اۋىز سۋدان يگىلىكتەندىرەمىز.


كەدەن باس مەكەمەسىنىڭ باستىعى ني يۋەفىڭ بىلاي دەدى: بيىل «كوك اسپان 2019» اتىنداعى ارناۋلى قيمىلدى قانات جايدىرىپ، شەتەل قوقىر-قوقسىقتارى اتكەزشىلىگىنە باتىل سوققى بەرەمىز.


مەملەكەتتىك ورمان شارۋاشىلىعى جانە جايىلىم مەكەمەسىنىڭ باستىعى جاڭ جيانلۇڭ بىلاي دەدى: مەملەكەتتىك باقشا سىناق ءتۇيىنى ەندى عانا باستالدى، بۇدان بىلاي ءتۇزىلىس-مەحانيزمدەردى ونان ارى كەمەلدەندىرىپ، قورىق رايوندارىنداعى بايىرعى تۇرعىنداردىڭ تۇرمىسىنا ىقپال ەتپەۋ نەگىزىندە ويداعىداي جاقسارتامىز.

6. ءادىليا، ديپلوماتيا قاتارلىلار


مەملەكەتتىك كەڭەستىڭ مۇشەسى، سىرتقى ىستەر مينيسترى ۋاڭ ي بىلاي دەدى: قاتىستى كاسىپورىندار مەن جەكەلەردىڭ زاڭدى قارۋ ەتىپ، ءوز ۇقىق-مۇددەسىن قورعاۋىن قولدايمىز؛ بيىل 12308 قولفون APP ىن ساپالىلاندىرىپ، شەتەلدەگى ەلشىلىك-كونسۋلحانالارىمىزدا جىلجىمالى اقى تولەۋ ءتاسىلىن بىرتىندەپ ىسكە قوسامىز.


ءادىليا مينيسترى فۋ جىڭحۋا بىلاي دەدى: بيىل ازىق-تۇلىك، ءدارى-دارمەك حاۋىپسىزدىگى سالاسىندا زاڭنىڭ اتقارىلۋىن باقىلاۋ-تەكسەرۋدى كۇشەيتىپ، ەڭ قاتاڭ ولشەم، ەڭ قاتاڭ باقىلاۋ-باسقارۋ، ەڭ قاتاڭ جازالاۋ جانە ەڭ قاتاڭ جاۋاپكەرلىك قۋزاۋ تاسىلدەرى ارقىلى ەلىمىزدىڭ ازىق-تۇلىك، ءدارى-دارمەك حاۋىپسىزدىگى سالاسىنىڭ ۇزدىكسىز كەمەلدەنۋىن جەبەيمىز.


قوسىننان شەگىنگەن اسكەريلەر ءىسى مينيسترى سۇن شاۋچىڭ بىلاي دەدى: «قوسىننان شەگىنگەن اسكەريلەردى قامتاماسىزداندىرۋ زاڭى» بيىل سوڭعى جارىم جىلدا مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنىلادى.


ەڭ جوعارى حالىق پروكۋرورىنىڭ ورىنباسارى تۇڭ جيانميڭ بىلاي دەدى: جاڭادان قۇرىلعان 9-پروكۋراتۋرا مەڭگەرمەسىنەن پايدالانىپ، ازامات جاسىنا تولماعانداردىڭ قىلمىس-قاتەلىك وتكىزگەندەرىن دارەجەگە ءبولىپ جازا بەلگىلەۋ، قىلمىستى ارەكەتتەردىڭ الدىن الۋ سياقتى تۇزىمدەردىڭ ورناتىلۋىن جەبەيمىز.


ەڭ جوعارى حالىق سوت مەكەمەسىنىڭ ورىنباسار باستىعى جياڭ بيشين بىلاي دەدى: تەبىندى جالعاستى ارتتىرىپ، ناقاق-قاتە دەلولاردى قايتا ءبىرجايلى ەتىپ؛ زاڭدى حالىق باسقارۋىنداعى كاسىپورىندار مەن كاسىپورىنشىلاردىڭ بويتۇمارى ەتەمىز.

 

اۋدارعان: امانتاي مۇسايىپ ۇلى

 

未标题-1.jpg
QQ浏览器截图20190314144302.jpg
QQ浏览器截图20190314131140.jpg
QQ浏览器截图20190314142727.jpg
timg-(1).jpg