ءىرىقاراعا جارقىراۋىق مويىنشاق تاعىلدى
0
2019-04-06 15:51:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل

 تورابىمىز ۇسىنىس ەتكەن ءتىلشى ساعىنبەك رابات ۇلى كوكتوعايدان حابارلايدى. 2019-جىلى 4-ايدىڭ 4-كۇنى تۇستەن بۇرىن ءتىلشى كوكتوعاي اۋدانى دۇرە قالاشىعىنىڭ ۇزاقتى قىستاعىنا بارعاندا، قىستاق كادرلارى مەن قىستاقتا تۇراتىن قىزمەت اترەتىندەگىلەردىڭ ەگىنشىلىك قىستاقتارىندا قالاتىن تۇيە، جىلقى، سيىر تۇلىكتەرىنىڭ موينىنا تۇندە نۇر قايتاراتىن جارقىراۋىق مويىنشاق تاعىپ جاتقانىن كوردى.

 

دۇرە قالاشىعى ۇزاقتى قىستاعى ساقشى ىستەرى كەڭسەسىنىڭ قىزمەتكەرى اقىلبەك ءنابي ۇلى: حاۋىپسىزدىككە كەپىلدىك ەتۋگە بولادى، ياعني، ءىرىقارانىڭ موينىنا نۇر قايتاراتىن جارقىراۋىق مويىنشاق تاققاندا، تاس قاراڭعى تۇندە جولدان كەس-كەستەپ وتەتىن مال مەن اۆتوكولىكتىڭ سوعىلۋىنان تۋاتىن شىرعالاڭنان ءونىمدى ساقتانۋعا بولادى.

 

ايتالىق، قالاشىعىمىزدىڭ مالشىلارى كوشى-قون بارىسىندا مەملەكەت تاس جولى 216-لەنياسىن، ولكە تاس جولى 324-لەنياسىن جانە قىرۋار اۋىل-قىستاق تاس جولىن نەشە دۇركىن كەسىپ وتەدى. تۇيە، جىلقى، سيىر سەكىلدى ءىرىقارانىڭ موينىنا تاعىلعان نۇر قايتارعىش جارقىراۋىق مويىنشاق تۇندە شىراعىن جاعىپ كەلە جاتقان كولىككە الىستان بەلگى بەرىپ، تىزگىنشىنىڭ ساقتانۋ، قورعانۋ شاراسىن قولدانۋىنا ءتيىمدى،- دەدى سەنىمدى تۇردە.

 

ءتىلشىنىڭ دۇرە قالاشىق ساقشى بولىمشەسىنەن ۇعىسۋىنا قاراعاندا، قازىرگە دەيىن دۇرە قالاشىعى بويىنشا ەگىنشىلىك وڭىردە قالاتىن مالدىڭ 15 مىڭ باسىنا تاعىلاتىن جارقىراۋىق مويىنشاق تاراتىلىپ، 8700 باس ءىرىقاراعا جارقىراۋىق مويىنشاق تاعىلىپ بولعان ەكەن.

932188993.jpg
rNdw-huxwryw7821297.jpg
企业微信截图_20190403101723.jpg
979ff4dddddd494885d5e77b07b02363.gif
企业微信截图_20190403101305.jpg