توك، تابيعي گاز، جانارمايدىڭ باعاسى ارزاندايتىن بولدى
0
2019-04-10 15:30:00
|
كەلۋقاينارى:
|
جاۋاپتى رەداكتور :

 

    ارتقان قۇن باجىسىنىڭ باجى مولشەرىن تومەندەتۋ ىقپالىنا بايلانىستى، مەملەكەتتىك دامۋجانە رەفورما كوميتەتى ءتورت ءتۇرلى قۇلاقتاندىرۋ ءتۇسىرىپ، 4-ايدىڭ 1-كۇنىنەن باستاپ وڭدەلگەن جانار مايدىڭ باعاسىن، ادەتتەگى ونەركاسىپ-ساۋدا سالاسىنا ىستەتىلەتىن ەلەكتر باعاسىن، تابيعي گازدىڭ ولشەمدى فۋنكتتارداعى باعاسىن، تابيعي گازدىڭ ولكە اتتاپ قۇبىر جولىمەن تاسىمالدانۋ باعاسىن تومەندەتۋدى بەكىتتى.

 

جانارمايدىڭ باعاسى 4-ايدان باستاپ تومەندەيدى

 

جاقىندا، مەملەكەتتىك دامۋ جانە رەفورما كوميتەتى وڭدەلگەن جانارمايدىڭ ارتقان قۇن باجىسىنىڭ باجى مولشەرىن %16 تەن %13كە تومەندەتۋدى ورتا قويدى. وسىعان ساي، ەلىمىز ىشىندەگى بەنزين، سالەركانىڭ (ديزەل مايى) ەڭ جوعارعى بولشەك ساتۋ باعاسىنىڭ ءار تونناسى ايىرىم-ايىرىم 225 يۋان جانە 200 يۋان تومەندەيدى، بۇل 2019-جىلى 3-ايدىڭ 31-كۇنى ساعات 24 تەن باستاپ اتقارىلادى.

 

4-ايدىڭ 1-كۇنگى باجىنى ازايتۋ ساياساتى اتقارىلعاننان كەيىن، ەڭ الدىمەن جانارماي فۋنكتتارىن نەگىز ەتكەن ورىندار رەتكە سالىنباقشى.

 

 

ادەتتەگى ونەركاسىپ-ساۋدا سالاسىنا ىستەتىلەتىن ەلەكتر باعاسى تومەندەيدى

 

مەملەكەتتىك دامۋ جانە رەفورما كوميتەتىنىڭ 3-ايدىڭ 29-كۇنگى تۇسىرگەن «ەلەكتر تورابى كاسىپورىندارىنداعى ارتقان قۇن باجىسىنىڭ باجى مولشەرىن رەتكە سالۋ، ادەتتەگى ونەركاسىپ-ساۋدا سالاسىنا ىستەتىلەتىن ەلەكتردىڭ باعاسىن ۇيلەسىمدى تومەندەتۋ جونىندەگى قۇلاقتاندىرۋ»دا مىنالار تالاپ ەتىلدى: ەلەكتر تورابى كاسىپورىندارىنداعى ارتقان قۇن باجىسىنىڭ باجى مولشەرىن %16 تەن %13كە رەتتەگەننەن كەيىن، ولكە دارەجەلى ەلەكتر تورابى كاسىپورىندارىنداعى باجىنى قامتيتىن جەتكىزىلگەن ەلەكتر باعا ورەسىنىڭ تومەندەۋىندەگى كەڭىستىكتىڭ بارلىعىن ادەتتەگى ونەركاسىپ-ساۋدا سالاسىنا ىستەتىلەتىن ەلەكتر باعاسىن تومەندەتۋگە ىستەتۋ، بۇل پرينسيپ بويىنشا 2019-جىلى 4-ايدىڭ 1-كۇنىنەن باستاپ اتقارىلادى.

 

تابيعي گازدىڭ ولكە اتتاپ قۇبىر جولىمەن تاسىمالدانۋ باعاسى رەتكە سالىنادى

 

مەملەكەتتىك دامۋ جانە رەفورما كوميتەتى 2019-جىلى 4-ايدىڭ 1-كۇنىنەن باستاپ، جۇڭگو مۇناي توبى تابيعي گاز قۇبىرى شەكتى سەرىكتەستىگى قاتارلى 13 ولكە اتتاعان قۇبىر تاسىمالداۋ كاسىپورىندارىنداعى قۇبىر تاسىمالداۋ باعاسىن رەتكە سالۋدى بەكىتتى. مۇندا ءار ولكە (رايون، قالا) ارتقان قۇن باجىسىنىڭ باجى مولشەرىن رەتكە سالۋعا بىرلەستىرە وتىرىپ، ولكە ىشىندەگى (رايون، قالا) قىسقا ارالىقتا تابيعي گاز قۇبىرىن تاسىمالداۋ باعاسىن دەرەۋ رەتكە سالىپ، ارتقان قۇن باجىسى رەفورماسىنىڭ تابىسىن تۇگەلدەي قاريدارلارعا جەتكىزۋ تالاپ ەتىلدى.

 

تابيعي گازدىڭ ولشەمدى فۋنكتتارداعى باعاسى تومەندەيدى

 

مەملەكەتتىك دامۋ جانە رەفورما كوميتەتى ارتقان قۇن باجىسىنىڭ باجى مولشەرىن رەتكە سالۋ احۋالىنا نەگىزدەلىپ، 2019-جىلى 4-ايدىڭ 1-كۇنىنەن باستاپ، ءار ولكەدەگى (رايون، قالاداعى) تابيعي گازدىڭ ولشەمدى فۋنكتتارداعى باعاسىن رەتكە سالۋدى بەكىتتى. مۇندا ءار ورىندارداعى باعا باسقارۋ تاراۋلارى تابيعي گازدىڭ ساتىلۋ باعاسىن ورنالاستىرعاندا، ارتقان قۇن باجىسىنىڭ باجى مولشەرى شارتىن جاپپاي جوسپارلى ويلاستىرىپ، ارتقان قۇن باجىسى رەفورماسىنىڭ تابىسىن تۇگەلدەي قاريدارلارعا جەتكىزۋ تالاپ ەتىلدى.

 

 

ارتقان قۇن باجىسىن ازايتۋ ساياساتى كوپتەگەن تيىمدىلىكتەر الا كەلمەكشى

 

جوعارىداعى باعالاردىڭ رەتتەلۋى سايىپ كەلگەندە ارتقان قۇن باجىسىنىڭ جويقىن ازايۋىنا بايلانىستى بولعان. قازىنا مينيستىرلىگى،باجى باس مەكەمەسى، كەدەن باس مەكەمەسىنىڭ بىرلەسىپ تاراتقان «ارتقان قۇن باجىسى رەفورماسىن تەرەڭدەتۋگە قاتىستى ساياساتتار جونىندەگى حابارلاندىرۋ» دا، 4-ايدىڭ 1-كۇنىنەن باستاپ ءبىر ءبولىم سالالارداعى ارتقان قۇن باجىسىنىڭ باجى مولشەرىن تومەندەتۋ ۇيعارىلدى.

 

مۇنداعى %16تىك باجى مولشەرىندەگى نىسانداردى %13تىك باجى مولشەرىنە وزگەرتىپ جيناۋعا ىستەتۋ نەگىزىنەن جاساۋ كاسىبى قاتارلى سالالارعا سايادى؛ ال %10تىك باجى مولشەرىندەگى نىسانداردى %9تىك باجى مولشەرىنە وزگەرتىپ جيناۋعا ىستەتۋ نەگىزىنەن قاتىناس تاسىمال، پوچتا، قۇرىلىس، قوراـ جاي، تەلەگرافقا قىزمەت وتەۋ جانە اۋىل شارۋاشىلىعى ونىمدەرى قاتارلى سالالارعا سايادى.

 

ارتقان قۇن باجىسىنىڭ ازايۋىنداعى حالىق تۇرمىسىنا الا كەلگەن تيىمدىلىكتەر تەك وسىلار عانا ەمەس، ارتقان قۇن باجىسىنىڭ باجى مولشەرىن ازايتۋعا ىلەسە، تاۋار باعاسىنداعى قامتىلعان باجىدا ۇيلەسىمدى ازايتىلادى، تولىق باسەكە احۋالى استىندا، كوپتەگەن تاۋارلاردىڭ بولشەك ساتۋ باعاسى دا تومەندەۋى مۇمكىن.

 

اۋدارعان: مارالبەك ابدىكارىم ۇلى

 

未标题-1.jpg
21493A215_0.jpg
企业微信截图_20190410101833.jpg
企业微信截图_20190410093953.jpg
QQ浏览器截图20190408111156.jpg