قالا مەن اۋىل اراسىنا اۆتوبۋز ءبىر يۋانمەن قاتىنايتىن بولدى
0
2019-04-10 17:29:00
|
كەلۋقاينارى:
|
جاۋاپتى رەداكتور :

 

    تاياۋداعى كۇندەردەن بەرى، التاي قالاسىندا عانا ەمەس، باسقا اۋداندا دا ەگىنشى-مالشى قاۋىمىنىڭ اڭگىمە ءتۇيىنى نەگىزىنەن «اۋدان (قالا) مەن اۋىل-قالاشىق اراسىندا ءبىر يۋانمەن اۆتوبۋز قاتىناۋى» تاقىرىبىنا اۋىستى. دۇرە قالاشىعى ۇزاقتى قىستاعىنىڭ تۇرعىنى تۇرسىناي تاتە: «دۇرە قالاشىعى مەن اۋداننىڭ ارالىعى 140 كليومەترگە جۋىق كەلەدى، بۇرىن قالاشىقتان اۋدانعا دەيىن 40 يۋان كىرە اقى تولەيتىنبىز. 4-ايدىڭ 8-كۇنى اۋداندىق حالىق شيپاحاناسىنا بارىپ تۇراقتى ىشەتىن ءدارى-دارمەگىمدى الماقشى ەدىم، ءبىر يۋاندىق اۆتوبۋزدىڭ قاتىناعانى ءبىز سياقتى دۇرە قالاشىعىنان ۇنەمى اۋدان ورتالىعىنا بارىپ تۇراتىن ناۋقاستار ءۇشىن توتەنشە ءتيىمدى بولدى. پارتيا مەن ۇكىمەتتىڭ قامقورلىعىنا مىڭ دا ءبىر راقىمەت»- دەدى اسا قۋانىشتى تۇردە.

 

التاي ايماعىنىڭ «اۋدان (قالا) مەن اۋىل-قالاشىق اراسىندا ءبىر يۋانمەن قاتىناۋ» جوسپارىن تياناقتاندىرۋ؛ شالعاي، كەدەي اۋىل-قالاشىق پەن قىستاق جۇرتشىلىعىنىڭ قاتىناس قولايسىزدىعى، قاتىناس اقىسىنىڭ قىمبات بولۋى قاتارلى ماسەلەنى شەشۋ ماقساتىندا التاي قالاسى قالا مەن اۋىل-قالاشىق اراسىنداعى الەۋمەتتىك اۆتوبۋزدى رەسىمي ىسكە قوستى.

 

4-ايدىڭ 7-كۇنى ساعات 10:00دا، قالا مەن اۋىل-قالاشىق ارالىعىنا اۆتوبۋز ءبىر يۋانمەن قاتىناۋدىڭ شاعىن باستالۋ سالتىنان كەيىن، «5» سيفرى جازىلعان اۆتوبۋز قالا ىشىندەگى باس بەكەتتەن قاندىعاتى موڭعۇل ۇلتتىق اۋىلىنا (ارشاتى قىستاعى) قاراي جولعا شىعىپ، قالا مەن اۋىل-قالاشىق اراسىنداعى الەۋمەتتىك اۆتوبۋزدىڭ ءبىر تۇلعالانعانىن ايگىلەدى.

 

«شاعىن اۆتوكولىكپەن سالىستىرعاندا، الەۋمەتتىك اۆتوبۋز حاۋىپسىز، جايلى بولۋمەن بىرگە، باعاسى دا ارزان. قاندىعاتىدان التاي قالاسىنا اۆتوكولىكپەن كەلۋ ءۇشىن بۇرىن 10 يۋان جۇمسايتىنبىز، بۇدان بىلاي تەك ءبىر يۋانمەن مەجەلى جەرگە جەتىپ الاتىن بولدىق»،- دەدى ەندى عانا قاتىناعان التاي قالاسىنىڭ 5-جول اۆتوبۋزىنا وتىرىپ ۇيىنە قايتپاق بولعان ساۋلە.

 

 

ءتىلشىنىڭ ۇعىسۋىنشا، 2019-جىلى 4-ايدىڭ 7-كۇنى، التاي قالاسى التاي قالاسى ـــ قىزىلتاس قالاشىعى؛ التاي قالاسى ـــ قاندىعاتى موڭعۇل ۇلتتىق اۋىلى؛ 2-فەرما ـــ شىرىكشي اۋىلى ـــ 640-تەكشە، قىزىلتاس قالاشىعى ـــ التاي قالاسى؛ التاي قالاسى ــ 1-فەرما؛ التاي قالاسى ــــءابيتان قالاشىعى؛ سارقۋسىن اۋىلى ـــ بالباعاي اۋىلى ـــ ءابيتان قالاشىعى ـــ التاي قالاسى؛ قاراشىلىك اۋىلى ـــ الاقاق قالاشىعى ـــ شەمىرشەك قالاشىعى ـــ التاي قالاسى سەكىلدى جالپى ۇزىندىعى 408 كيلومەتر كەلەتىن 7 الەۋمەتتىك اۆتوبۋز لەنياسىن ىسكە قوسىپ، التاي قالاسىندا قالا، اۋىل-قالاشىق، قىستاق ءۇش دارەجەلى جولاۋشى تاسىمال تورابى جۇيەسىن تولىق جۇزەگە اسىرىپ، التاي ايماعىنىڭ كەدەيلىكتەن ارىلتۋدان قامال الۋىنا بەرىك نەگىز قالادى.

 

التاي قالاسى ليجۇڭ الەۋمەتتىك قاتىناس شەكتى جارنا سەرىكتەستىگىنىڭ ورىنباسار مەڭگەرۋشىسى ساۋ شيا بىلاي دەدى: «بۇل رەت التاي قالاسى قالا مەن اۋىل-قالاشىق الەۋمەتتىك قاتىناسىن ءبىر تۇلعالاندىرۋ جۇمىسىنا كىرىسىپ، بۇكىل قالاداعى بارلىق اۋىل-قالاشىق پەن باسىم كوپ ءبولىم اكىمشىلىك قىستاقتى قامتىعان قالا مەن اۋىل-قالاشىق الەۋمەتتىك قاتىناس تورابىن قالىپتاستىردى. جول ارالىعى مەيلى ۇزىن-قىسقا بولسىن، بەلەت باعاسى ادام باسىنا ءبىر يۋان بولىپ، ۇكىمەتتىڭ حالىق تۇرمىسىنا تيىمدىلىك جەتكىزۋ ينجەنەرياسىن ىشكەرىلەي تياناقتاندىرىپ، دايەكتىلەندىردى ءارى قالا مەن اۋىل-قالاشىقتىڭ بىرلىكتە دامۋ نەگىزىن ونان ارى بەكەمدەي ءتۇستى».

 

 

3-جول اۆتوبۋزى: التاي قالاسى ـــ قىزىلتاس قالاشىعى

جول ارالىعى 30 كيلومەتر، 1 ساعاتتا مەجەلى جەرگە جەتەدى، اۆتوبۋز ءار 40 مينۋتتا ءبىر رەت قاتىنايدى.

باس بەكەت: اققايىڭ باقشاسى؛ سوڭعى بەكەت: قىزىلتاس قالاشىعى (دولاتى قىستاعى).

اققايىڭ باقشاسىنان قىزىلتاس قالاشىعىنا قاتىنايتىن العاشقى اۆتوبۋزدىڭ ۋاقىتى: 8:20؛ قىزىلتاس قالاشىعىنان اققايىڭ باقشاسىنا قاتىنايتىن سوڭعى اۆتوبۋزدىڭ ۋاقىتى: 20:20.

 

5-جول اۆتوبۋزى: التاي قالاسى ـــ قاندىعاتى موڭعۇل ۇلتتىق اۋىلى (ارشاتى قىستاعى).

جول ارالىعى 38 كيلومەتر، 1 ساعات 30 مينۋتتا مەجەلى جەرگە جەتەدى، اۆتوبۋز كۇنىنە ەكى رەت قاتىنايدى. باسقى بەكەت: اققايىڭ باقشاسى؛ سوڭعى بەكەت: قاندىعاتى موڭعۇل ۇلتتىق اۋىلى (ارشاتى قىستاعى).

اققايىڭ باقشاسىنان ارشاتى قىستاعىنا قاتىنايتىن العاشقى اۆتوبۋزدىڭ ۋاقىتى 8:20؛ ارشاتى قىستاعىنان اققايىڭ باقشاسىنا قاتىنايتىن ۋاقىتى: 10:00؛ اققايىڭ باقشاسىنان ارشاتى قىستاعىنا قاتىنايتىن سوڭعى اۆتوبۋزدىڭ ۋاقىتى: 17:30؛ ارشاتى قىستاعىنان اققايىڭ باقشاسىنا قاتىنايتىن سوڭعى اۆتوبۋزدىڭ ۋاقىتى: 19:30.

 

6-جول اۆتوبۋزى: 2-فەرما ـــ شىرىكشي اۋىلى ـــ 640-تەكشە ـــ قىزىلتاس قالاشىعى ـــ التاي قالاسى

جول ارالىعى 120 كيلومەتر، 3 ساعات 30 مينۋتتا مەجەلى جەرگە جەتەدى، اۆتوبۋز كۇنىنە ءبىر رەت قاتىنايدى. باسقى بەكەت: 2-فەرما قامىستىقۇدىق بولىمشە فەرماسى؛ سوڭعى بەكەت: اققايىڭ باقشاسى.

2-فەرمادان التاي قالاسىنا قاتىنايتىن اۆتوبۋز ساعات 8:00دە 2-فەرمادان جولعا شىعىپ، ساعات 17:00دە اققايىڭ باقشاسىنان 2-فەرماعا قايتادى.

 

7-جول اۆتوبۋزى: التاي قالاسى ـــ 1-فەرما (اقتاس)

جول ارالىعى 28 كيلومەتر، 1 ساعاتتا مەجەلى جەرگە جەتەدى، اۆتوبۋز ءار ەكى ساعاتتا ءبىر رەت قاتىنايدى. باسقى بەكەت: اققايىڭ باقشاسى؛ سوڭعى بەكەت: 1-فەرما (اقتاس).

اققايىڭ باقشاسىنان قاراعاش قىستاعىنا قاتىنايتىن العاشقى اۆتوبۋزدىڭ ۋاقىتى: 8:20؛ قاراعاش قىستاعىنان اققايىڭ باقشاسىنا قاتىنايتىن سوڭعى اۆتوبۋزدىڭ ۋاقىتى: 20:20.

 

 

8-جول اۆتوبۋزى: التاي قالاسى ــــءابيتان قالاشىعى

جول ارالىعى 30 كيلومەتر، 1 ساعاتتا مەجەلى جەرگە جەتەدى، ءار 40 مينۋتتا ءبىر رەت قاتىنايدى. باسقى بەكەت: اققايىڭ باقشاسى؛ سوڭعى بەكەت: ءابيتان قالاشىعى ەمحاناسى.

اققايىڭ باقشاسىنان ءابيتان قالاشىعىنا قاتىنايتىن العاشقى اۆتوبۋزدىڭ ۋاقىتى: 8:20؛ ءابيتان قالاشىعىنان اققايىڭ باقشاسىنا قاتىنايتىن سوڭعى اۆتوبۋزدىڭ ۋاقىتى: 20:20.

 

9-جول اۆتوبۋزى: سارقۋسىن اۋىلى ـــ بالباعاي اۋىلى ـــ ءابيتان قالاشىعى ـــ التاي قالاسى

جول ارالىعى 90 كيلومەتر، 2 ساعات 30 مينۋتتا مەجەلى جەرگە جەتەدى، كۇنىنە ءبىر رەت قاتىنايدى. باسقى بەكەت: سارقۋسىن اۋىلى جولاۋشىلار بەكەتى؛ سوڭعى بەكەت: اققايىڭ باقشاسى.

سارقۋسىن اۋىلىنان اققايىڭ باقشاسىنا قاتىنايتىن اۆتوبۋز ساعات 9:00دا سارقۋسىننان جولعا شىعىپ، ساعات 17:00دە اققايىڭ باقشاسىنان سارقۋسىنعا قايتادى.

 

10-جول اۆتوبۋزى: قاراشىلىك اۋىلى ـــ الاقاق قالاشىعى ـــ شەمىرشەك قالاشىعى ـــ التاي قالاسى

جول ارالىعى 72 كيلومەتر، 2 ساعاتتا مەجەلى جەرگە جەتەدى، كۇنىنە ءبىر رەت قاتىنايدى. باسقى بەكەت: قاراشىلىك اۋىلدىق ۇكىمەت؛ سوڭعى بەكەتى: اققايىڭ باقشاسى.

قاراشىلىك اۋىلدىق ۇكىمەتتەن اققايىڭ باقشاسىنا قاتىنايتىن اۆتوبۋز ساعات 9:00دا قاراشىلىكتەن جولعا شىعىپ، ساعات 17:00دە اققايىڭ باقشاسىنان قاراشىلىك اۋىلىنا قايتادى.

 

 


حاباردى دايىنداعان: ساعىنبەك رابات ۇلى، قىمبات قۇنتاي قىزى


未标题-1.jpg
21493A215_0.jpg
企业微信截图_20190410101833.jpg
企业微信截图_20190410093953.jpg
QQ浏览器截图20190408111156.jpg