جەكەنىڭ سەنىمدىلىك ورناتۋ مالىمەتىنىڭ جاڭاشا ۇلگىسى شىقتى
0
2019-04-10 17:37:00
|
كەلۋقاينارى:
|
جاۋاپتى رەداكتور :

 

ماڭىزدى قۇلاقتاندىرۋ!

 

جۇڭگو حالىق بانكەسى سەنىمدىلىك ينفورماتسيالارىن جيناۋ ورتالىعى جاڭا نۇسقاداعى، جەكەنىڭ سەنىمدىلىگىن قابىلداۋ مالىمەتىن سىناق رەتىندە اتقاردى، جۋىقتا رەسمي ىسكە قوسىلادى. سۋ اقىسىن كەشەۋىلدەتۋ، باجى تولەمەۋ، نەسيە كارتىشكاسىمەن باسقا «كارتىشكالارىن اسىراۋ» سياقتى سەنىمسىز ارەكەتتەر بايقالسا، بۇدان كەيىن مۇنداي ارەكەتتەر اۋىر زارداپ تۋدىرۋى مۇمكىن.

 

جۇڭگو بانكەسىنىڭ جاڭا نۇسقاداعى جەكەنىڭ سەنىمدىلىك ورناتۋ مالىمەتىنىڭ، كونە نۇسقاداعى مالىمەتىنەن قانداي پارىقى بار؟ سەنىمدىلىك ورناتۋ مالىمەتى جەكەنىڭ تۇرمىسىنا قانداي ىقپال جاسايدى؟ جەكەنىڭ ينفورماتسياسى قالاي قورعالادى؟ وسى ماسەلەلەر توڭىرەگىندە، ءتىلشى وسى سالاداعى كاسىپتىك ماماندار مەن وقىمىستىلارعا تىلشىلىك جاسادى. ەندەشە، كوپشىلىك تومەندە بۇل ماسەلەگە بىرلىكتە نازار سالايىق.

 

سەنىمدىلىك ينفورماتسيالارىن جيناۋ ولشەمى ءتىپتى دە كوپ نەگىزدەندى

 

سۋنيڭ فينانس زەرتتەۋ مەكەمەسىنىڭ ەرەكشە ۇسىنىس ەتىلگەن زەرتتەرمەنى حى نانيە تىلشىگە: «قازىرگى جاعدايدان قاراعاندا، جاڭا نۇسقاداعى سەنىمدىلىك ينفورماتسياسىن جيناۋ مالىمەتىن سىناق رەتىندە اتقاۋ ويداعىداي بولىپ، كورنەكتى ماسەلە بايقالمادى. تۇتاس تۇلعالىق مازمۇنى مەن ايدارشاسى قازىر سىناق رەتىندە ىسكە قوسىلۋ باسقىشىندا، مۇندا زور وزگەرىس بولمايدى. تەك سىناق رەتىندە ىسكە قوسىلۋ احۋالىنا قاراي، كەيبىر ءىشىنارا ماسەلەلەرگە سايكەستى وزگەرىس ەنگىزىلەدى»،- دەدى.

 

حى نانيە بىلاي دەدى: «جەكەنىڭ سەنىمدىلىك ورناتۋ ساندى مالىمەتىن جاڭالاۋ مەن ونى قۇرۋ ماسەلەسى قيىندىق دەڭگەيى توتەنشە زور جۇمىستىڭ ءبىرى، بۇل كوپ جاقتىلى تىزە قوسا وتىرىپ سەلبەسۋدى قاجەتسىنەدى. سوندىقتان جۇڭگو بانكەسى سەنىمدىلىك ينفورماتسيالارىن جيناۋ ورتالىعىنىڭ، جاڭا نۇسقاداعى سەنىمدىلىك ينفورماتسياسىن جيناۋ مالىمەتىن ىسكە قوسۋىن، كوپ جاقتىلى ويلانىپ-تولعانۋدان كەيىن بايىپتىلىقپەن جاسالعان ۇيعارىم دەۋگە بولادى.

 

ءبىر جاعىنان، وتكەن بىرنەشە جىلدا ەلىمىز ينفورماتسيا جۇيەسىنىڭ نەگىزدىك قۇرىلىعىلار قۇرىلىسىن جەبەۋدە، زور ىلگەرىلەۋشىلىككە قول جەتكىزدى. كوپتەگەن جاقتا بۇكىل ەل كولەمىندە توراپتاسۋ، ءوزارا بايلانىس جاساۋ مەن ءوزارا حابارلاسۋ جۇزەگە اسىپ، ماڭىزدى جەكەلىك ينفورماتسيانى توپتاۋ مۇمكىندىككە اينالدى؛ جانە ءبىر جاعىنان، تاياۋداعى بىرنەشە جىلدان بەرى ينتەرنەتتىك فينانىس پەن فينانىس عىلىم – تەحنيكاسىنىڭ دامۋى، جەكەلەردىڭ ينفورماتسياسىن اناعۇرلىم كەمەلدەندىرىپ، سەنىمدىلىك ينفورماتسيالارىن جيناۋ ولشەمىندە كوپ نەگىزدىلىككە نەگىز قالادى. سونداي-اق، جاڭا داۋىردەگى ەكونوميكانىڭ دامۋى، جەلەكەردىڭ سەنىمدىلىك ينفورماتسياسىن جيناۋ مالىمەتىنە جاڭا تالاپ قويدى. قايتكەندە ەڭ ءونىمدى، كەمەلدى، دالمە – ءدال دەڭگەيدە جەكەلەردىڭ سەنىمدىلىك احۋالىن يەلەۋ؛ قايتكەندە تەز قارقىندا كەمەلدى، جوعارى ءونىمدى سەنىمدى قوعام قۇرۋ، سەنىمدىلىك ينفورماتسياسىن جيناۋ سالاسىنىڭ كەزەكتەگى ماڭىزدى مىندەتىنە اينالدى.

 

ونداي بولسا، جاڭا نۇسقاداعى سەنىمدىلىك ينفورماتسياسىن جيناۋ مالىمەتى مەن كونە ۇلگىسىنىڭ ەڭ زور پارىقى نەدە؟ حى نانيە: «مۇنى ءتىپتى دە ەگجەي – تەگجەيلى، كەمەلدى ءارى دالمە – ءدال بولاتىن ءۇش ۇلكەن وزگەرىسكە جيناقتاۋعا بولادى»،- دەدى.

 

ءبىرىنشى، اناعۇرلىم اشالانا تۇسەدى. جاڭا نۇسقاداعى جەكەنىڭ سەنىمدىلىك ورناتۋ مالىمەتىندە، جەكەنىڭ ينفورماتسياسى اناعۇرلىم اشالانا تۇسەدى. كونە نۇسقاداعى جەكەنىڭ نەگىزگى ينفورماتسياسىنان سىرت، جاڭا نۇسقاداعى جەكەنىڭ ينفورماتسياسى ءتىپتى دە كەمەلدەنەدى، تاعى دا جۇبايىنىڭ ينفورماتسياسىن تەكسەرىپ كورۋگە دە بولادى. سونىمەن بىرگە، كاسىبىنە قاتىستى ينفورماتسياسى ءتىپتى دە كەمەلدەندىرىلىپ، ينفورماتسيا مولشەرى جەكەنىڭ جۇمىس ىزدەۋ قىسقاشا ءومىر بايانىمەن قارايلاس بولادى. اناعۇرلىم اشالانا تۇسكەن ينفورماتسياسىنان، جەكەنىڭ سەنىمدىلىك جاعدايىن ءبىر كورگەن جەردەن بىلۋگە بولاتىنداي دەڭگەيگە جەتكىزدى.

 

ەكىنشى، اناعۇرلىم كەمەلدەندىرىلەدى. جاڭا نۇسقاداعى جەكەنىڭ سەنىمدىلىك ورناتۋ مالىمەتىنىڭ ولشەمى اناعۇرلىم كوپ، اناعۇرلىم كەمەلدى بولادى. ماسەلەن، قارىز قايتارۋ ەستەلىگى 5 جىلعا دەيىن ۇزارتىلىپ، قارىز قايتارۋ ينفورماتسياسى، مەرزىمى وتكەن ينفورماتسياسى ەگجەي- تەگجەيلى ەستەلىككە الىنادى؛ جاڭادان قوسىلعان قارىز اقشا سوماسى، ۋاقىتى ٴوتىپ كەتكەن نەمەسە ارتىق الىنعان اقشا سوماسى دا ەسكەرتىلەدى. الىم – بەرىم سياقتى فينانىستىق ينفورماتسيالاردان سىرت، جاڭا نۇسقاداعى سەنىمدىلىك ورناتۋ مالىمەتىنە، بۇرىنعىدان دا جان – جاقتىلى ينفورماتسيالار ەنگىزىلەدى. ماسەلەن تەلەگراف كاسىبى، قۇبىر سۋى كاسىبىنە قاتىستى اقى تاپسىرۋ احۋالى، باجى تولەمەۋ، ازاماتتىق ىستەرگە كەسىم ايتۋ، اكىمشىلىك جازا، ەڭ تومەنگى تۇرمىسىن قامتاماسىزداندىرۋعا كومەك سۇراۋ، جۇمىس جۇرگىزۋ تولىمدىلىعى مەن اكىمشىلىك جاقتان سيلاۋ قاتارلى ينفورماتسيالار.

 

وسىنداي، سەنىمدىلىك ينفورماتسيالارىن جيناۋ مالىمەتى جەكەلەردىڭ سەنىمدىلىك احۋالىن باعالاي الادى، جەكەلەردىڭ سەنىمدىلىك ورناتۋ مالىمەتىنىڭ الەۋمەتتىك بەدەلى مەن ءىس جۇزىندە قولدانىلۋ دەڭگەيىن جوعارىلاتادى. مىنە بۇل جاڭا نۇسقاداعى جەكەنىڭ سەنىمدىلىك ورناتۋ مالىمەتى مەن كونە نۇسقاداعى مالىمەتىنىڭ ەڭ زور پارىقى ەسەپتەلەدى.

 

ءۇشىنشى، بۇرىنعىدان دا دالمە – ءدال بولادى. جاڭا نۇسقاداعى جەكەلەردىڭ ينفورماتسياسى بۇرىنعىدان دا اشالانا تۇسەدى ءارى كەمەلدەندىرىلەدى. جەكەنىڭ سەنىمدىلىك احۋالى بارىنشا تولىق اڭىس ەتىلىپ، فينانىس قۇرىلىمدارىنىڭ امانات – قارىزدى باسقارۋ، حاۋىپ – قاتەردى باسقارۋى بۇرىنعىدان دا دالمە – ءدال بولىپ، سەنىمدى قارىزدىڭ حاۋىپ – قاتەرى ءونىمدى تومەندەتىلەدى.

 

كۇندەلىكتى تۇرمىسىمىزبەن تىعىز قاتىستى

 

جاڭا نۇسقاداعى جەكەنىڭ سەنىمدىلىك ورناتۋ مالىمەتىندەگى ينفورماتسيالارعا حالىق تۇرمىسىنىڭ سان – سالالى جاعى تولىق قامتىلعان دەۋگە بولادى. ءارقانداي جەردە سەنىمنەن ايرىلسا، جاڭا نۇسقاداعى جەكەنىڭ سەنىمدىلىك ورناتۋ مالىمەتىندە تۇگەل ەستەلىككە الىنادى. جەكەلەر قارىز اقشا الۋدى ءوتىنىش ەتكەن كەزدە، مەيلى تۇرعىن ءۇي قارىزى، اۆتوكولىك قارىزى ياكي تۇتىنۋ قارىز اقشاسى بولسىن، فينانىس ورگاندارىنىڭ باسىم كوپ ساندىسى الدىمەن جەكەنىڭ سەنىمدىلىك ورناتۋ مالىمەتىن تەكسەرىپ كورەدى. سوندىقتان، سەنىمدىلىك ينفورماتسياسىن جيناۋ مالىمەتىنە الدا – جالدا جاعىمسىز ەستەلىك قالدىرىلسا، امانات – قارىز اقشا الۋىن بۇرىشتاتۋىنا ىقپالىن تيگىزەدى.

 

ايتپاقشى، بازار ساۋداگەرلەرى «ەرلى – زايىپتىلاردىڭ اجىراسا سالىپ ءۇي ساتىپ الاتىن جايتتىڭ ۋاقىتى وتكەندىگىن»، الدە قاشان تولىق اڭعاردى. كونە نۇسقاداعى سەنىمدىلىك ورناتۋ مالىمەتىندە، ەگەردە ەرلى – زايىپتى ەكى جاق قارىزىن ورتاق قايتاراتىن بولسا، ەر جاق نەگىزگى قارىز الۋشى ەسەپتەلەدى، ونداي بولسا، ايەل جاقتىڭ سەنىمدىلىك ورناتۋ مالىمەتىندە قارىزدار بولعاندىعى ەسكەرتىلمەيدى؛ ال جاڭا نۇسقاداعى سەنىمدىلىك ورناتۋ مالىمەتىندە، ەرلى – زايىپتى ەكى جاقتىڭ دا سەنىمدىلىك ورناتۋ مالىمەتىندە، تۇگەل قارىزدارى بولعاندىعى ەسكەرتىلەدى.

 

بىر بازار ساۋداگەرى: «قازىر كوپتەگەن قالالار وتكەرمە ءۇيدى تۇراقتاندىرعان كەزدە، ‹ءۇيدى ەسەپكە الىپ قالماستان، قارىزىندا ەسەپكە الۋ› ساياساتىن اتقاردى. ەگەر ەرلى – زايىپتى ەكى جاقتىڭ دا قارىزدار بولۋ ەستەلىگى سەنىمدىلىك ورناتۋ مالىمەتىنەن بايقالسا، وندا ەرلى – زايىپتى ەكى جاقتىڭ دا ساتىپ العان ءۇيى بار دەلىنەدى. ەگەر ەرلى – زايىپتىلار كەيىن اجىراسىپ كەتىپ، نەگىزگى قارىز الۋشى ەمەس ادام تاعى دا ءۇي ساتىپ السا، بۇرىنعىسنداي ءۇي ساتىپ الۋ قارىزى بار دەپ ەسەپتەلىپ، العاشقى ءۇيدى ساتىپ العاندا الدىمەن تولەيتىن اقشاسى تومەن بولۋ، ءوسىمى تومەن بولۋ سياقتى تيىمدىلىك جاساۋ ساياساتىنىڭ مامىلەسىنەن يگىلىكتەنۋگە امالسىز قالادى»،- دەدى.

 

جۇڭگو حالىق ۋنيۆەرسيتەتى جۇڭياڭ قينانس زەرتتەۋ مەكەمەسىنىڭ ورىنباسار باستىعى دۇڭ شيمياۋ تىلشىلىك قابىلدانعان كەزدە: «ەگەر سۋ اقىسىن تاپسىرۋ قاتارلى احۋالدار ەستەلىككە الىنسا، مەنىڭشە وتە جاقسى بولار ەدى، وسىنداي سەنىمدىلىك ينفورماتسيالارىن جيناۋدى قامتيتىن ساندى مالىمەتتە، جينالعان ولشەم اناعۇرلىم كوپ، اناعۇرلىم جان – جاقتىلى بولىپ، ءتىپتى دە جان – جاقتىلى تۇجىرىم جاساۋعا سەپتىگىن تيگىزىپ، ءبىر ادامنىڭ سەنىمدىلىك دەڭگەيى مەن سەنىمدىلىك احۋالىن باعالاۋعا بولادى. سەنىمدىلىك ينفورماتسياسىن جيناۋ ءىرى ساندى مالىمەتىندە ساندى مالىمەت جەتكىلىكتى بولار ەدى. سوندا عانا ءبىر ادامنىڭ قوعامداعى سەنىمدىلىك دەڭگەيىن اناعۇرلىم ايقىن كورسەتۋگە بولادى.

 

حى نانيە: «مەندە ۇقساس كوزقاراستامىن. ايتالىق، جاڭا نۇسقاداعى سەنىمدىلىك ورناتۋ مالىمەتى، جەكەگە ءبىرشاما ماڭىزدى ىقپال جاسايدى. جەكەلەر كۇندەلىكتى تۇرمىستا ءوزىنىڭ جەكە باسىندىق سەنىمدىلىك احۋالىنا توتەنشە كوڭىل ءبولۋى كەرەك. قوعامدىق باسقارۋ تۇرعىسىنان قاراعاندا، ‹ءبىر ورىندا سەنىمنەن ايرىلسا، بارلىق جەردە شەكتەمەگە ۇشىرايتىن سەنىمدىلىگىن جازالاپ ساقتاندىرۋ› مەحانيزمى قۇرىلادى. سەنىمدىلىگىن جوعالىتقانداردى اتتاپ باسا الماستاي كۇيگە ءتۇسىرۋ ءۇشىن، جاڭا نۇسقاداعى سەنىمدىلىك ورناتۋ مالىمەتىنە، بۇرىنعىدان دا كوپ كۇندەلىكتى تۇرمىسپەن تىعىز قاتىستى مازمۇنداردى ەنگىزۋ قاجەت. تەك سەنىمدىلىك ينفورماتسياسىن جيناۋ مالىمەتىنىڭ ولشەمى اناعۇرلىم جان – جاقتىلى بولىپ، جەكەنىڭ سەنىمدىلىك تانىمىن جوعارىلاتۋ قىزمەتى ويداعىداي جەبەلسە، سول ارقىلى تۇتاس تۇلعالىق سەنىمدىلىكتەگى قوعامدىق قۇرىلىستى ىلگەرىلەتۋگە بولادى»،- دەدى.

 

جەكەنىڭ ينفورماتسياسىن قورعاۋدى زاڭعا ەنگىزۋ جەدەلدەتىلدەتىلەدى

 

جاڭا نۇسقاداعى سەنىمدىلىك ورناتۋ مالىمەتىنە جەكەردىڭ كوپتەگەن ينفورماتسياسى ەنگىزىلەدى، سوندىقتان كوپشىلىكتى جەكەنىڭ ينفورماتسيا حاۋىپسىزدىگى جونىندەگى ماسەلە اڭداتارى داۋسىز. جەكەنىڭ ينفورماتسياسىن قايتكەندە قورعاۋعا بولادى، ءارقايسى سالالار قانداي جۇمىستاردى ىستەۋى كەرەك؟

 

دۋڭ شيمياۋ بىلاي دەدى: «جۇڭگو بانكەسىنىڭ جەكەنىڭ سەنىمدىلىك ورناتۋ مالىمەتى، كەيبىر قوعامدىق سەنىمدىلىك ينفورماتسيالارىن جيناۋ قۇرىلىمدارىنىڭ، جەكەنىڭ ينفورماتسياسىن جيناۋ ارەكەتىنەن پارىقتى بولادى. جەكەلەردىڭ ينفورماتسيا حاۋىپسىزدىگى مەن جەكە قۇپيالىعىن قورعاۋ جاعىن، ءبىرشاما جان – جاقتىلى ويلاستىرادى. جەكەلەردىڭ ينفورماتسيا حاۋىپسىزدىگى مەن جەكەلەر قۇپيالىعىن قورعاۋ توتەنشە ماڭىزدى ماسەلە. ماسەلەن، ەۆروپا وداعىندا جەكەنىڭ ينفورماتسيا قۇپيالىعىن قورعاۋ جونىندە جالپى بەتتىلىك ءارى ءبىرشاما قاتاڭ تالاپتار مەن بەلگىلەمەلەر بار. ءمۇبادا، بۇعان قايشىلىق جاسالسا قاتاڭ جازالانادى. سوندىقتان، جەكەنىڭ ينفورماتسيا حاۋىپسىزدىگى مەن قوپيالىعىن قورعاۋ جاعىندا، ەلىمىز مۇنى زاڭعا ەنگىزۋدى جەدەلدەتىپ، ەڭ تاماشا قورعاۋ شاراسىن اتقارادى».

 

دۋڭ شيمياۋ مىناداي ۇسىنىس بەردى، ينفورماتسيانى قورعاۋ زاڭىن شىعارۋدى كەمەلدەندىرىپ، سەنىمدىلىكتەن ورتاق يگىلىكتەنۋ ورتاسى قۇرىلادى. ءتۇبىرلى زاڭ تۇرعىسىنان العاندا، جەكەنىڭ ينفورماتسياسىن قورعاۋ زاڭىن تەز ارادا بەلگىلەپ، جەكەنىڭ ينفورماتسيا ۇقىعىنىڭ زاڭدىق ورنى ايقىندالادى. ۇقىق سيپاتى مەن جەكەنىڭ ينفورماتسياسىن جيناپ پايدالانۋ پرينسيبي بويىنشا، جەكەنىڭ ينفورماتسياسىن قورعاۋعا نەگىز قالانادى؛ ەرەجە – تۇزىمدەر كولەمىندە، ءتۇبىرلى زاڭ اياسىندا فينانىس، حابارلاسۋ، ەلەكتروندىق ساۋدا، وقۋ - اعارتۋ، ەمدەۋ - دەنساۋلىق ساقتاۋ قاتارلى ءتۇيىندى سالالاردا، جەكەلەردىڭ ينفورماتسياسىن قورعايتىن اكىمشىلىك زاڭدار مەن تاراۋلىق ەرەجەلەر بەلگىلەنەدى؛ كاسىپ سالاسىنىڭ تارتىپشەڭدىگى كولەمىندە، جەتەكشىلىك ەتەتىن ءتۇيىندى كاسىپتەر، كوشباسشى كاسىپورىندار مەملەكەتتىڭ زاڭ اياسىندا، جەكەنىڭ ينفورماتسياسىن اشىپ پايدالانۋ كاسىبىمەن شۇعىلدانۋ ەرەجەسىندە، كاسىپ سالالارىنىڭ تارتىپشەڭدىگىن باسقارۋ مەحانيزمى تولىق ساۋلەلەندىرىلەدى.

 

حى نانيە مىناداي ءۇش جاقتان ءوز ۇسىنىس العا قويدى: مەملەكەت تۇرعىسىنان العاندا، زاڭ شىعارۋ بارىسىن جەدەلدەتۋ مەن جازالاۋ تەبىنىن كۇشەيتۋ — جەكەنىڭ ينفورماتسيا حاۋىپسىزدىگىنىڭ ەڭ باستى شاراسى. ۇكىمەت مۇمكىندىگىنشە مەملەكەتتىك دەڭگەيدەگى جەكەلەردىڭ ينفورماتسياسىن قورعاۋ زاڭىن شىعارۋدى جەدەلدەتىپ، ينفورماتسيا قۇپيالىعىن شاشۋ مەن الىپ- ساتارلىق ىستەۋ ارەكەتىنىڭ شەك - شەكاراسىن ايقىن بەلگىلەپ، قىلمىسىن ايقىنداپ، ونى جازا ولشەمىنىڭ باستاماسى ەتىپ، سايكەستى ەرەجە بويىنشا جازالايدى.

 

كاسىپورىن تۇرعىسىنان العاندا، جەكەنىڭ سەنىمدىلىگىن پايدالانۋعا ۇقىق بەرىلگەن ورگاندار زاڭدىق تانىم، ەرەجەگە ۇيلەسىمدى بولۋ تانىمى مەن جەكەلىك قۇيپالىقتى قوعاۋ تانىمىن كۇشەيتىپ، جەكەنىڭ سەنىمدىلىگىن پايدالانۋ بارىسىندا، جەكەنىڭ ينفورماتسيا قۇپيالىعىن قورعاۋعا كوڭىل بولەدى.

 

سونداي – اق، كۇندەلىكتى ساۋدا-ساتتىق ارەكەتىندە، جەكەنىڭ ينفورماتسياسىن جيناۋدى مۇمكىندىگىنشە ازايتىپ، ينفورماتسيانى شەكتەن تىس جيۋ ماسەلەسىنىڭ جارىققا شىعۋىن تۋ باستان تيادى.

 

ءاربىر ادام تۇرعىسىنان العاندا، حاۋىپ – قاتەردەن ساقتانۋ تانىمىن كۇشەيتىپ، جەڭىلتەكتىكپەن جەكە باستىق ينفورماتسياسىن اشكەرەلەۋدەن ساقتانۋى قاجەت. ماسەلەن، توراپقا تىركەلگەندە جانە ناقتى اتى – ءجونىن كۋالاندىرعان كەزدە، جەكە باستىق ينفورماتسياسىن بايىپتىلىقپەن تولتىرىپ، ازاماتتىق كۋالىك ءنومىرى، ەسەپ داپتەر ءنومىرى، قول تەلەفون ءنومىرى قاتارلى جەكەلىك قۇپيا ينفورماتسيالارىن قالاعانىنشا اشكەرەلەۋدەن ابايلاۋ؛ جەكەلەر سەنىمدىلىگىن جوعارىلاتۋ تانىمىن كۇشەيتىپ، فينانىس قۇرالى رەتىندە پايدالانۋدا، كۇندەلىكتى تۇرمىستا سەنىمدىلىگىن قورعاۋعا باسا ءمان بەرىپ، سەنىمدىلىگىنەن ءمىن شىعارۋدان ساقتانعانى ءجون؛ جەكە باستىق سەنىمدىلىك مالىمەتىن تەكسەرىپ تۇرۋعا ادەتتەنۋ، الدا – جالدا قالىپسىز سەبەپتەردەن تۋىلعان ناشار سەنىمدىلىك ماسەلەسى بايقالسا، دەر كەزىندە جوعارىعا مالىمەت بەرىپ ءبىرجاقتىلى ەتىپ، ناشار سەنىمدىلىك ماسەلەسىنىڭ كەيىنگى تۇرمىسىنا ىقپال جاساۋىنان ساقتانۋى كەرەك.

 

اۋدارعان: امانتاي انيكون ۇلى (تورابىمىزدىڭ ۇسىنىس ەتىلگەن ءتىلشىسى)

未标题-1.jpg
21493A215_0.jpg
企业微信截图_20190410101833.jpg
企业微信截图_20190410093953.jpg
QQ浏览器截图20190408111156.jpg